金寶 (已搬遷) 新店位置

我在附近返工, 有時lunch都會黎呢度食我最鐘意食佢地的海南雞飯套餐海南雞味道不俗.真係皮厚肉嫩.不過食海南雞都係食d醬.d醬就嘛嘛地, 唔算特別好食整體味道唔錯,不過正唔正宗我真係唔識仲有d凍檸茶係苦架. 但有時口渴又冇計.唉

平時都幾鐘意吃金寶的下午茶餐一碗湯粉$25，再加特飲就$32生牛河的湯底算幾香濃，值得一試感到有點奇怪的是，我每次所見，金寶店內的食客不算多但在這裏表揚的食評就好多，更入過每月份的最佳十強呢

生牛河食得過，湯底偏清有淡淡牛味，肉同粉都對味豬扒河ok la春卷細細件實實淨，好味見食物對板追加庶蝦，正確地方企企理理，toilet乾淨，可以再來，試多Ｄ小食

搜尋完旺角的食店資料, 發現呢間都幾多人比好評, 睇完戲之後, 兩口子就決定去試地點都幾難找, 因為唔係喺旺角的核心區域, 而係喺旺角同太子之間的舖, 如果唔係有介紹, 都唔會去嗰頭食野! 時至九點幾, 店內人客已經不多, 而我兩都只係想食小小野跟住返歸, 所以食物都只係一碟飯同一個小食因為食家們的意見對個海南雞飯唔係太認同, 我同男友仔就揀左三寶飯嚟食, 三寶係指雞翼, 豬扒同扎肉, 雞翼同豬扒都係用香茅做調味, 食得出有香茅味, 加上有香茅碎從佢地身上搵到, 都confirm係 兩者都入味非常, 味道唔錯, 扎肉就係一般的來貨, 沒有什麼加工可言, 飯配酸汁一碗, 用嚟撈飯都好野味另外有優惠用十二蚊叫碟春卷食, 春卷比較細條, 平係平, 但餡料唔多, 不過點個酸汁食都幾好味口痕完, 食飽飽滿足地返屋企再同男友仔煲粥 (電話粥啦梗係, 仲食)

今日 3 個人黎食飯...... 諗左好耐食咩，醒起呢度好似好耐無黎所以就決定黎呢度食啦大家都肚餓，諗左陣就叫野食啦***我地叫左:精選拼盤"都有幾多野食架!! 個鳳爪辣到癲!! 但又好惹味! 但真係一小片菜仔都好辣!個粉包好好味，好多料...不過覺得油左d~~個春卷都正，味道好好!其他就無咩特別~~越式特別牛金邊粉"呢個又係好食! 佢D牛腩一D都唔UN，勁入味!湯底又濃又足料!海南雞飯"反而呢個麻麻，佢D飯好濕同埋唔係好夠味隻雞又唔係特別好食，而且無咩肉...都唔覺得食緊海南雞飯咁但唔可以用難食黎形容佢食完之後好鬼飽....咁既價錢下次都可以繼續黎呀~~

上星期同一位朋友到此吃午飯每一次我皆點最喜愛的海南雞飯,真是百吃不厭雞:不單只滑肉,好有雞味,吃得出不是雪雞,但份量略少飯:好香,很有味口感不錯而不太油膩,份量剛好最後,值得一讚的是這裡的每一位員工都十分友善服務很好,好有街坊親切的感覺,一定會成日幫襯

當晚,我order左一個海南雞反,一碟油菜及2粒蝦丸。首先講講個海南雞反,碗反好難食,個反勁削勁爛,碟雞差唔多全部都是骨頭勁爛食至於個蝦丸幾好食,不過油左D。不過下次不会再來,地方細細,D服務麻麻

波兒去到旺角搵食呀, 今次係食海南雞飯喔o黎o既原因, 係因為呢間餐廳o係旺角排名都幾高, 睇過前輩評價, 發現都唔會好貴! 波兒同男朋友叫o左個海南雞飯啦, 一碟蒸粉包(兩件的), 同埋一碗雞絲湯河食波兒之前都食過泰式的海南雞飯, 知道醬汁係酸, 辣, 今次食感覺同之前最大分別係呢度個汁無o甘咸, 所以更開胃, 好鍾意食個飯, 好香口, 唔會好油, o甘就唔怕肥lu蒸粉包好好食呀, o的皮好薄好滑, 薄到見到入面o的餡就知啦 餡炒得好香, 個魚露汁又好食, 同男朋友都食得好開心因為唔鍾意食扎肉, 所以轉o左碗雞絲扎肉湯河做雞絲湯河, 河粉都係好滑, 原來呢度o既粉皮係好薄同好滑, 大家可以嘗試叫多o的粉o既o野啦! 湯底好香雞骨味, 仲有種甜味同洋蔥味, 可能落o左好多生洋蔥啦!服務十分之好, 餐廳經理係一位笑容可鞠的女士, 又做廚房又做廳面, 另外侍應們都有基本的禮貌, 令我同男朋友都覺得很有親切感價錢兩個人食o左一百二十蚊, 因為仲叫o左一份三塊o既炸蝦餅添!

做完gym, 一個人的我找地方吃飯門口是一片藍色的裝修, 加上一個個紅色的食物燈箱, 吸引了我入去幫襯跟侍應要了一碗香茅雞翼河, 雞翼醃得入味, 咬落有肉汁流出, 十分美味! 湯底比較甜, 薑味比較重, 有雞肉的清香, 面頭有大量芽菜, 蔥等配料, 絕不單調另外提供了青檸, 香葉佐以調味... 想起了, 原來是上星期在朗豪坊幫襯過的食店, 這裡是另一分店, 味道同樣出色呢

所謂招牌菜海南雞飯同簡單而出名的生牛肉河，只係ＯＫ，但唔值呢個價錢。比佢好食又平既多的是。服務都ＯＫ既，有招呼，但班Ｃ奶﹣其實係侍應係咁大聲聲吹水，好搔擾！地方都ＯＫ，平日夜晚九點九去可以得幾個客人，嘈極有限，又係果句，班Ｃ奶仲嘈。但十點幾開始落閘放狗，好似早左Ｄ收到。總括：我應該唔會再去。

見有很多人讚, 所以到這裏一試我是海南雞飯怪, 一有人說那兒的海南雞飯正就會去試這裏的飯很溫和, 味道偏淡。沒有太重薑味,也沒雞湯味。色水明顯倒是真的。雞方面, 本人覺得和白切雞沒兩樣。特別的是醬汁, 酸酸的加上一點微辣, 很好送飯....跟餐的湯方面, 湯有味精, "紅羅白" 煲得不夠耐, 勉強ok....價錢是42，而深水埗的泰潮賣40, 而且跟兩個前菜, 雞又去骨。我寧願投入泰潮的懷抱....42 元的午餐在旺角選擇多的是, 沒必要我也不會再來。

周末已過一點，周圍多間食肆仍是小貓幾隻，冷冷清清，這兒也不例外。招牌菜海南雞飯當然是必叫的。雞飯有色水又有香味，賣相幾對辦。食落亦夠味道，水準不錯。個人口味則略嫌乾了一些，加多些雞油更佳。雞胸肉有點鞋，不過有雞味。微辣的雞醬亦好味，同樣令人滿意。那碗湯也似乎並非求其之作，只可惜偏鹹。也試了順化豬手牛展粉。侍應事先提示湯底是辣的，不過其實只是小兒科程度。味道則濃又好味，亦難得食完不覺口渴。大大碗粉內有不少豬手、牛展。豬手相當腍滑，而且沒有肥或漏的感覺。牛展並非薄薄的，食落有點咬勁。兩者比較，豬手牛展粉更有驚喜。

好耐無去金寶食, 我比較鍾意食旺角呢間, 因為感覺young d出左一d新菜式, 好似火車頭, 牙車快, 但係兩個女仔, 都係食得簡單d好, 試左個香茅雞翼, 醃得入味, 炸得香脆, 幾好食! 蒸粉包係我既至愛, 點酸甜魚露食無得頂, 兩款小食都做得好好, 味覺上面既一種享受! 咖哩牛腩檬好重椰汁味, 汁唔夠多, 頭幾啖好淡, 牛腩既牛味唔強烈, 呢味只係一般我自己飲左一杯青檸梳打, 最抵錫係成枝梳打俾哂你飲, 好噤飲兩個女仔食只係一百蚊, 幾抵啦!

想去旺角區搵泰國野食，見哩間又平又高評分就決定黎食～尋晚同朋友放工過黎，weekday無咩人食唔駛等位！order完上野唔算快，正合我意，唔趕時間！不過後來發現原來係miss order，叫左四樣野可以miss 2樣，會唔會過份左D?海南雞飯，普通到不得了，D油飯唔油，唔油可能係好事，但唔match海南雞囉，雞無味，唯一好既係肉質都幾嫩，但點既醬好怪，甜甜地咁，正宗唔係有幾隻醬點架咩？就算唔係我諗都唔係哩隻醬囉，好失望！青咖喱雞翼法包，咖喱唔辣，又係無味，連少少椰汁味都好似無，D汁又勁稀，點包完全唔適合，又一失望！蝦餅係唯一可接受既，唔難食，但都係不怎麼樣！總括黎講哩餐真係好失望，令我對openrice既食評失去哂信心囉！唯一可以話每個人既口味唔同啦！

今日一條友來到這間餐廳吃了一味簡單而出名的 --- 生牛肉河.湯底 -- 清, 有牛味, 不油膩. 加了青檸汁後味道很正. 這種食法十分地道.牛肉 -- 鮮, 肥厚式中. 不過來到時已很熟了.河粉 - 一般.....這是一個不錯的CHOICE.....!!!!!+ 凍咖啡......$60....