影片
以上资料只供参考，请与餐厅确认详情
招牌菜
午市去，遇左要等一陣，冇問題，但足足等左半個鐘，冇來個任何一樣野，三催四請，只來了一碗白粥，問佢地，佢地話黎緊，最後頂唔順走左，抱歉都冇一句，完全冇禮貌，冇服務態度，不知所謂。我見隔離的人都等唔到走左，佢都由你甘，覺得係你閣下有問題，佢有佢繼續行來行去。招呼佢認為的熟客，有講有笑。如你不是熟人或介紹，絕對不建議大家去幫襯，不知所謂，毫不在乎食客的催促，你睇多幾個其他人留言就更清楚。非常失望、憤怒的一間餐廳。半小時後，我們忍唔住起身離開，只付了一碗粥的價錢，因為碟飲完全冇左蹤影！
继续阅读
金時點解會去食：2018-12-22 今晚同我的家人，去食飯做冬！食物新鮮程度：⭐⭐⭐⭐️汁燒豬仔脾：汁多肉厚，隻隻都手掌咁大架，醬汁調味適中，肉味香濃。藕餅：豬肉同蓮藕的比例，混合得唔係太好，可能蓮藕太少，唔夠爽口，亦炸得唔夠脆！食物合適溫度：⭐⭐⭐️⭐️金銀蛋莧菜：都算新鮮嫩滑嘅！正正常常！食物驚喜程度：⭐⭐⭐️⭐️🌟香脆蝦多士：海中蝦配多士，真係好好味，多士脆而不油膩，隻蝦又會乾，仲好彈牙添！—————————————————服務員態度：⭐️⭐️⭐️⭐️可能因為朋友介紹，服務超級貼心，仲用gas 爐，整紅豆沙湯圓比我地食，好少有的家庭式的感覺！—————————————————最重要系。。。我會唔會再去？重遊指數：⭐⭐⭐⭐️
继续阅读
星期日夜晚八點幾先搵嘢食，經過見到裏面都好似唔少人，諗住應該ok掛， 就入去食下。一入到去坐低，張枱、櫈、所有碗筷杯全部都勁污糟，黐住好多飯，新鮮又有，乾晒又有，因為帶小朋友去，所以忍唔住用消毒紙巾清潔一輪先。（順帶一提呢度係冇BB櫈嘅，問一句有冇BB櫈個阿姐仲要勁惡死咁話冇）呢度係冇服務可言，個個樓面都好似唔想do咁，叫落單又唔應你，再叫又西面。我地叫左個金銀蛋菠菜，我老公諗住湯浸就叫走油鹽，點知個比較瘦嘅阿叔侍應即刻好愕然，我就即刻補句話盡量少油鹽啦，因為小朋友食，點知佢仲要不斷喺度寸，話「即係用水淥俾你」，重複講左幾次，我再講話盡量少油少鹽得啦，佢一定聽得到聽得明，但就係要寸q你嗰啲咁嘅語氣同嘴臉，直到我老公大聲話「少油鹽，聽得清楚未」佢先收嗲，不過面仍繼續西。仲有執碗碟嘭嘭聲就唔使講啦，間野又唔係大，成餐飯不斷砰砰嘭嘭。食物就其實OK嘅，係碗飯乾身咗啲，我有少少明白點解間野衛生同服務差到咁都仲有人食，不過我哋就絕對冇下次。p.s. 金銀蛋菠菜冇菠菜，轉白菜又冇，重點係冇少油少鹽到囉
继续阅读
今日路過禾輋中午唔知食咩好又多人就入左呢間呢個係一間中餐小店先講食物質素極差其中星期四A餐 豬排拼司華力腸 個炸豬排係苦的 我唔明點解炸豬排都可以炸到咁苦多數係鬆肉粉落太多然而呢個先唔係我點解上黎留言的原因呢間店個女收銀居然望我係中學生昆我錢被我戳穿左先至比反錢我真係好鬼嬲
继续阅读
1）明明有空既大枱，有7個客都唔比入，仲要人地同其他5-6個客逼一張大枱。2）服務態度差，叫汽水order，唔入單，直接拎幾罐汽水黎問有冇岩，唔岩就冇？！3）侍應語氣極不耐煩4）order鹽焗雞飯見到碟雞唔熟，請侍應跟進，轉個頭出黎話廚房無哂雞，咁原本唔熟個碟雞呢？
继续阅读