金明苑酒家

营业中

休息中

朋友介紹此酒家，原因是滿指定消費，會有3小時泊車優惠。開好茶，點了好幾個點心，點心上枱時還是熱騰騰，有蒸氣冒出，買相吸引，碟頭也足夠。且看味道如何。經過一輪點心交流，用家的感覺是： 青菜有青味、排骨有排骨味、蝦餃有蝦味⋯🤣🤣最喜歡是他的家鄉煎薄撐，薄薄地又煙靭，好有咬口，在家少吃這一款點心或菜式。 其他點心用料足，貨真價實，算是良心企業。整體味道不錯，服務水平要求不高的話，算不錯的街坊茶樓體驗，可以再訪。

金明苑位於聯和墟和豐街28號囍逸1樓101-102號舖，飲茶/晩飯我都曾惠顧，點心水準合格，蝦餃大大粒，唯枱與枱空間太少，疫情下就少到此了。外賣已是飲食新常態，酒樓都奇招百出，小菜燒味外賣方便顧客開飯，我就愛到附近的金明苑買燒雞加餸。    可預早致電下單，到酒樓時就不用再等太久。我買了這店的燒雞數次，需然水準偶有參差，但平均味道都合格以上，雞大大隻，唔會奀奀瘦瘦，唔會乾柴，雞肉嫩滑有肉汁，這次燒味師傅有點偷懶，雞斬到大大件，不過無損味道，另附上豉油，味道頗咸，有時雞醃得夠味，就不用再點豉油。說到皮，外賣買回家，時間久了，也不會脆卜卜了。又試過免斬，但要下單時說明可用八達通付款，$68唔係春雞大小，味道不錯，外賣加餸一試無妨

今次主要講下餐廳既服務質素。雖然係街坊酒樓，但係希望唔好當人羊古。星期日我阿媽生日，為咗方便啲親戚，就求其去咗一間酒家慶祝生日。親戚表示啲嘢幾抵食，好大份，所以叫咗個9xx加100(公眾假期及星期六日)既燒鵝套餐半席6人餐，8個人食。一去到大概5分鐘即刻有位。1. 叫完個餐，侍應都即刻問我哋飲啲乜嘢，但我哋當時未決定就同佢講等等。未夠2分鐘，隨即再問，我哋還未人齊，轉頭再落，待應勁之不耐煩。2. 然後部長就過咗嚟同我哋講話今日咁啱冇晒燒鵝，轉個燒味拼盤好唔好。媽媽同佢講，都可以但始終燒鵝係貴啲，可唔可以整到個拼盤靚啲同埋想要叉燒。部長當然話冇問題啦。最後嚟咗個切雞鵝翼燻蹄海蜇拼盤，不單止冇叉燒，仲要我地個餐本來就有燒雞，仲比個切雞!!???? 3.媽媽勁嬲，同佢講話都係退咗佢。佢冇直接回應問題，佢淨係話不如免收茶介，就走左。我哋就睇返套餐個Menu,原來套餐本來就係免茶介。4.媽媽仲更嬲，拎住個單張搵部長，點知部長見到佢就掉頭走啦。換咗個經理，了解情況後，送8個壽包，同換咗個芝士大蝦伊麵俾我哋( 本來套餐嘅係上湯大蝦伊麵),先平息左壽星婆嘅脾氣。其實以街坊酒樓嚟講，食物質素唔算差，個紅

疫情關係諗住近近地叫附返酒樓新明苑外賣10分鐘左右去到新明苑 才收到外賣平台通知餐廳取消左訂單我問新明苑職員 職員就話無收過平台通知有單叫我即場落單 我想叫返本身想食既野 但職員就話無跟住我再睇個app 又出現返另一樣原本想要嘅嘢但係我已經係第二間度買咗最後我都喺新明苑叫左另一樣野食諗住提佢地要留意平台放左咩餐單啦點知有個著西裝職員走黎叫我自己問平台咩事仲話唔想接咁多平台單 想做現客生意其實已經唔係第一次出現呢個情況上次係夜晚接近9點被佢地取消單我嗰次諗可能佢地就收工cut唔徹單不過加埋今次既經驗哦 學著西裝嗰位職員話齋 係佢地做生意丫嘛想接現客單丫嘛 唔想接平台單丫嘛收到 我諗我明勒

朋友釣左條五斤重既魚, 邀請我地一家黎幫口食左佢!太大條係屋企處理吾到就落去酒樓搵專家幫我地搞啦!7X蚊一斤加工費算係幾抵, 洗埋湯埋起肉炒加燘, 乾手淨腳! 魚頭用來燘蒸魚身起肉炒蔬西芹/彩椒 , 本身平日入座晚市每一位贈送半隻乳鴿 , 新鮮炸出皮脆卜卜好正! 送既野都啖啖肉! 冇欺場另外叫多兩個小菜 , 煎蛋餅+燒鵝, 兩個送都整得好好食, 個蛋餅整得好香口勁好送飯!成餐飯都好滿意, 條魚整得好好食, 最後仲有甜品送添!埋單7XX  - 5人, 抵!翻兜指數: **** (5粒*滿)  

今日放假去咗粉嶺聯和墟飲茶，開咗壺鐵觀音，啲茶唔錯，仲係用茶葉沖，有好多已經轉咗用包。▪️七彩粉米粉炒米粉有椰菜、火腿絲、蘿蔔絲，又唔會炒得太乾太濕，都唔錯。▪️香煎蘿蔔糕粉多咗，同埋料都係唔太夠，一般。▪️北菰棉花雞雞都幾入味同嫩滑，魚肚同菰夠腍幾入味。▪️招牌鮮蝦腸腸粉除咗隻蝦之外，仲有翠肉瓜。蝦唔夠大隻，皮唔夠薄。▪️合時腊味飯飯都幾好，唔會太軟，仲食到粒粒腊味油飯嘅香味👍食物方面整體都唔錯。

去左聯和墟同老豆飲茶。果邊飲茶冇咩選擇，似乎得呢一間。所有野正正常常，同平時飲茶食既野一樣。早餐有套餐點，30蚊有2個點心。只係個鮮竹卷可能浸得耐，lum晒唔好食之外，其他都OK。

粉嶺只有呢間可book位我book了星期日，11點半，8位11點20分去到前台竟告訴我未有位 ，兩張枱要分開好遠我話我book了枱，講了8佔位，點解無枱，同坐咁遠前台帶了我們兩次睇位，我們都唔滿意最後是有兩張枱在隔離無得坐附近，咁我為何book位

嬲到震！去粉嶺圖書館，跟過聯和墟附近，看看要食什麼？想起近住中國銀行附近有個商場，而商場裡有間酒樓，不過我知道這間酒樓轉過幾次，第一次食，她的西洋菜雲吞好好味，但後來轉咗另一間酒樓就沒有了。好！言歸正傳！為何會嬲到震，一上去，就見到酒樓裡有食客在等的時候，沒戴好口罩（直情露出個鼻哥窿），但十分鐘，門口的侍應在行來行去，但沒有叫那食客戴返好口罩。我唯有出聲，給她提示都唔知我講什麼！我話你左邊有人沒戴好口罩！她這時才愕然，先叫那食客戴返好個口罩！另外，唔主動提示食客用安心出行。我入到去才唔記得掃，所以要立即去掃！但問侍應，佢地唔清楚，要問門口果個先知。掃完後，入去準備叫嘢食，誰知見到一家四口，食物未來之前，全部人都沒戴口罩！而枱與枱之間亦沒有板隔著！決定唔食

今天 8月12日，下午茶吃點心，叫了一個份牛肉腸粉，和另加兩個點心，包括棉花雞和流沙奶皇包，首先上枱的是牛肉腸粉，即時吃，一放入口 感到只有微微暖 ，口感實 ，應該蒸後放了一段時間，剛剛好有客點了，便給他吧，正好是我，真好彩……再不會幫襯！今時今日 ，酒樓的質素已經今非昔比 ，無論環境衛生食物質素服務 也差了很多！

今日終於有時間可以同屋企人享受下天倫之樂，而屋企人一向鍾意飲茶，於是我哋就去咗金明苑飲茶。新明苑環境唔錯都幾多人下，我哋去到嘅時候係一點左右，入座率已經有九成半。我哋嗌左五樣嘢食，分別係皮蛋瘦肉粥，桂花糕，小籠包，春卷同埋雲吞。皮蛋瘦肉粥就有啲失色啦，味道有啲淡同埋冇乜皮蛋同瘦肉， 幾適合淡口味嘅人，而我就比較鍾意重口味嘅所以就覺得麻麻地。小籠包就幾好食，好多汁，個肉餡都幾多下，十分推薦大家可以一試。春卷都唔錯，啲蝦食落去都幾新鮮，同埋條春卷都幾長下，性價比唔錯。雲吞就只有三粒感覺有啲少，同埋有少少豬皮咁，都算唔錯。咁食咗點心就梗係要食下甜品㗎啦，所以我哋就叫咗桂花糕，桂花糕一共有四舊，啲杞子同桂花都幾多下，食落去都好清甜，好值得一試，下次嚟到都會再嗌。總括來講金明苑啲嘢食都幾好食，價錢又唔算太貴，兩個人食咗$110左右，我應該會再幫襯🤤

琴日係父親節，諗住book位食飯慶祝下，第一次book呢間酒樓食飯，本身book左6點30分，雖然遲左少少38分先去到，都知衰，咪等一陣囉，問左前台，話要等2張枱，個陣都見到好多人攞位等叫飛，過左一陣叫飛，見到有一家人入左去拎住張飛仔，就走左去問前台，係咪會俾拎飛嘅人入咗去先，前台就話，唔係呀係比book咗枱嘅客人先，佢話之前入去嗰個人係多人所以就俾佢先，明明隻眼見到佢哋得四個人，我哋又係得四個人，點解會比佢哋先，不過前枱俾咗答覆我哋就諗住等吓，點知冇幾耐接二連三入咗四五台，都未到我哋，前提係人哋問有冇位啊，完全冇book枱同埋攞飛仔，個前枱就帶咗人哋入去，擺明係熟客仔，擺明係俾咗熟客仔先啦！Book咗位都足足等咗個幾鐘都未入到去，勁嬲就走咗去問過前台問佢係唔係book咗位都係要等，一開始佢就支唔以對唔比答覆我，就話都唔係嘅，我梗係好嬲啦，質問佢咁點解我哋明明預約左位置都仲要等！乜唔係book枱就係預留位置？咁乜嘢叫預約位置啊！點知個前台話，係先到先得！原來book枱都唔係幫你留位嘅，真係未試過咁差嘅體驗！咁你一開始聽電話個陣就講啦，先到先得洗咩book位！離晒大譜，我平時都唔鍾意打食

WARS關係好耐無黎呢到飲茶，因為怕人多個今日見無乜人就入去無左好多優惠我心諗呢個時候仲無優惠仲加價。。。。。好野叫左5樣野，太餓食完先記得影相1. 叉燒腸-中規中距，再切埋比我地，分到咁細，其實變相縮左水2.鮮蝦腐皮卷-脆既，個見到無晾乾油，面面好油，同份量又縮左3.潮洲粉果-正常4粒4.馬拉糕- 縮得最勁，以前係圓形一舊，依家係方形一小舊，最多只可分四舊，雖然蛋香濃同唔甜，但近25蚊再加1一舊，不了5.雞紮 大家見到個賣相，有火腿有雞脾肉冬菇芋頭，正常睇黎都係要絶跡茶樓多排呢間一開始幾好食加幾大份但依家已經變了份量少左又加左價睇黎無咩都唔會揀佢