金星餐廳

营业中

休息中

已有一段時間冇嚟呢間西環「金星」茶餐廳，今午咁啱係正對面買野，便順便行入嚟醫下個肚。環境冇咩變，都係咁親民，見到餐牌有多款午餐選擇，便揀了以下兩款經典套餐：👆🏻“豉椒排骨飯”～排骨鬆軟有肉味，青椒洋蔥夠爽脆，配合豉汁一起撈飯食都唔錯！😚👆🏻“沙薑雞飯”～雞肉頗滑有咬口，白菜仔夠新鮮清甜，配合沙薑汁好野味 👍🏻😋👆🏻餐飲“🍋水、杏霜”～🍋水一般，但杏霜調配得剛剛好，唔太濃太淡，仲有香濃杏霜味！😉

炒飯到屋企仲熱，粒粒分明。白飯魚大小適中、薄粉乾身。唔咸。冇油益味！共銀$135長假期（限聚令期間）晚11點後想食宵夜。雖然機會渺茫但賭仔心態搏一搏。中環恒生總行開始往西行沿路只有麥麥包同便利店。九行到西營盤竟然有一間開仲要有質素。感謝你！

一到月中月尾開始要控制荷包，但又想對自己好，食得好味，飽肚又健康，便會煩惱去边吃午餐，行過了老麥，西式三文治，煎鍋貼，洒樓，擠迫的港式茶餐廳，眼前是一間裝潢不新的小餐廳，賣的是A至E餐，本不是太吸引，但看到時間已不早，唯有隻眼開，隻眼閉入去。啊嬸好親切，吾嫌我反應慢(因已經好餓), 吾會粗粗老老，先來一碗無味精家庭式靚湯，潤番晒，叫了蠔仔湯飯，估吾到小舖選料上乘，味道鮮甜，份量適中，最好是熱腾腾煮出來又新鮮。吃完以為埋單，怎知仲有個餐飲送，個餐只是约$50,唯一美中不足是座位夾窄一些，但也可接受(否則不會留下來)。

途徑皇后大道西，係下午一時要醫醫個肚先，見到路邊有個餐牌企左出籬，睇中個粗炒就走入去，原來個餐包一個例湯同一杯野飲嚟，例湯足味飲完又唔会囗亁，就知無落咩味精，好快個上海粗炒同嚟埋，熱辣辣到放唔到落口！鑊气好猛！麵夠乾身，蔬菜爽口而肉條係熟曬嘅，就知師傅有分先後次序炒，唔似一般餐廳特式值得一讚！開開心心咁食完一餐，飽到做完野到而家！！(P.S.星期一至日亦有是日午餐，有A-E五個choices！)

咁啱出開西環，去到食lunch時間想搵野食，又咁啱喺皇后大道西，就睇下附近有冇茶餐廰平平地食碟飯。行過金星餐廳見價錢三十幾蚊都OK啦就入去。地方唔大得幾張枱，但係可能係新開冇耐比較少人。環境好企理。叫左碟豉椒排骨飯。先黎ge係例湯，清清地冇乜味精味，野足料有青紅蘿蔔同豬骨食吓。碟飯都好快黎，飯個份量幾夠同豉椒個味較得幾好，個汁撈飯一流，但係排骨就韌左少少同唔係太夠喇 (無計啦度度都係咁) 。最後叫左奶茶，杯茶做到茶餐廳水準，夠滑同香。下次可以再黎!