金水壽司 (已結業)

黎過呢間好多次，大多都是等到晚上10點先入黎食 (貪佢50%off) 最初以為價錢半價，食物既質素會麻麻，但係事實並非如此，d壽司都係咁正，唔會話太細件，最便宜三文魚壽司都係5蚊2件吧了 (原價10蚊)每次黎呢度食，通常都係2~4人一起來，平均每人消費都係60~85吧了 (視乎壽司款式)比其它buffet 形式既壽司便宜呢 (以晚上10點後時段計算)(包括星期六日)

今日去食佢下午茶, 好抵食!其實味道幾好, 手握壽司幾好食!不過服務好似麻麻, 有比錯野, 又落錯單!但佢新開就比個機會佢!應該會有下次!

媽咪話元朗最近多了間壽司店,今日下午就陪她去試試兩時入座,坐下才知3時至5時半有半價下午茶優惠,oh...沒辦法la我叫了一客雞扒便當,都幾豐富有主角雞扒三件三文魚刺身兩件甜蛋蟹子沙律炸蟹拑,炸帶子各一生果飯麵豉湯雞扒好硬,個汁okay;三文魚好瘦,炸蟹拑,炸帶子都是普通雪藏貨的味道...基本上不過不失,$49沒有太高要求...個餐有杯果汁送,用橙粉開的橙汁, 特別在,連橙汁都可以如此難飲的,實熟奇聞媽咪只吃三文魚壽司,款式不算多,沒什麼合她胃口呢...下次會待下午茶時段才來,好似好抵食,門口未夠3點已一條長長人龍...(註:今日天氣34度咁排法,人都癲)今日未有帶備相機,手機頂住先...

sat 同 family 去搵sushi 食，行到去金水sushi 二話不說入去坐，因為dinner 時間之前(6:30pm左右)所以 好多位。入到去係卡位坐 5個大人2 個小朋友，坐得頗舒服 。睇下個 menu 覺得好多野食，而且唔係只得sushi, 望下個 sushi bar 差不多冇咩空置位，可能準備 dinner 時段供應。跟 menu 點左其他食物, e.g. 蟹子沙律，雞腎、冬菇、茄子串燒，牛肉炒什菜，spicy八爪魚青瓜，忘掉咩炒烏冬，蝦天婦羅，螺肉etc。 另sushi 三文魚，腩三文魚.. ....味道算好食，,而且算新鮮價錢由$9起至&36(sushi)，亦算合理。

雖然間餐廳開左冇幾耐,但對比同區其他日本餐廳啲質素都算幾好,價錢合理,而且分量跟價錢成比例仲有埋50off的時段,未幫親過之前我以為呢啲只係宣傳,可能啲分量同原價有好大分別,點知原來唔係,就算唔係所有50off,都叫抵食,同區真係冇邊幾間可以做到呢個優惠之餘,啲質素又可以keep到,難怪日日都咁多人排隊等呢啲時段不過,我就寧願俾多少少錢食放棄果啲優惠話就話兩點9派,但次次都見有成堆人等位,天氣又熱順便我想提下企門口果位,因為真係好鬼慘,好多時都見到那位俾等位客鬧有次個情況係有個人未齊人死都要入去,側邊等緊果啲又起哄覺得唔公平,因為規矩係要人齊先可以入,果位又話自己改做幾多個先,佢過緊喇,好快,出面好熱,那位就話之後冇得加位,一係轉頭齊人俾返佢,果位又唔肯,就衝入去,那位只有俾出面啲人鬧順帶一講下面那位人兄既投訴,人地都好難做,俾左你入,其他同樣等緊同已齊人啲客又點諗?啲規矩又定做咩?個個人都有自己既難處,你有,人地都有另外,啲食物種類夠多,味道不錯,但部分卷物啲賣相有啲參差,三文魚壽司真係幾抵食,$9兩件,玉子壽司都唔錯,三文魚頭燒得唔錯,夠香,牛柳粒都不錯,幾香但蟹子沙律就難入口,啲

新開不久想試下,四人去等左唔係好耐,有張卡位入得,一個泊緊車三個入先,但門口位姐姐話要人齊先入得,我講三個四個都係那張枱,佢話唔得, 好啦,我話三個人,佢竟然話之後唔可以加人, 是否太好生意唔優做呢..我即刻走人啦我覺得好食重要,其實態度都好重要,如果要我受住氣食, 龍肉都無味啦

星期日同朋友去左試下呢間新開無耐既日本野試下平時好少行過個頭既點知今日 4 點到去到原來都有 10 幾人 等緊 ..> < 我地等緊個陣竟然有 waiter 捧左 d 野飲出 lai 比我地未入去食 , 我已經覺得佢地既 service 幾好咁 等左唔係好耐已經有位啦 入到去覺得間餐廳幾企理大部分都係迴轉 bar 台同埋 4 人座 and 6 人座而waiter 叫左我地叫左我地坐 6 人座同其他人打對面咁" 答 " 檯因為張檯得一面出入要對住陌生人食野, 感覺怪怪的野食方面 ~ 下午茶壽司同手卷都半價 ga ^^ 選擇都幾好下 ga 我覺得比較好食既有..三文魚壽司 ( $ 4.5 ) 勁抵 ^^ 火炙鰻魚壽司 ( $ 8.5 ) 火炙三文魚壽司 ( $8.5 )吞拿魚壽司 ( $10.5 )叫左蟹籽沙律我同 fd 都覺得麻麻地....沙律醬好似好咪過平時食開果 d 咁but... d 青爪絲好似過長咁同埋有皮既.....口感怪怪地咁...如果下次去應該都唔會再食啦..

今日女朋友生日，lunch 佢想去食sushi. 小弟家住元朗，田中、金田等等都去過好多次。 金田近排質素差了很多，田中又有時限，而且當時已經係兩點幾，所以就想去新開的金水試下。 講真，佢新開而且又係下午茶半價，諗住就算唔好食，咁就試一兩碟就算再找其他野食，估唔到又幾好食 。 佢 d 壽司係手握，而且握得很好，好耐未試過在香港食壽司可以放心倒轉件壽司點鼓油。佢d鼓油唔係太鹹，味道剛剛好﹔wasabi 食落有wasabi的香味，唔會有苦味。講返壽司，佢d海膽味道不錯，唔會有雪味﹔剣魚都幾肥美。天使蝦很好味，好鐘意它的質感。 三文魚我在其他壽司店多數會叫三文魚腩，因為我喜歡肥一點，但係那裏只得三文魚。點知佢d三文魚在其他店可以叫三文魚腩，好肥，好好味。仲有帶子，好肥，好鮮味。 點了兩碟串燒，不錯。厚玉子壽司好甜，不錯。 不過叫了碟什麼炙海膽壽司..... 燒到黑黑的..... 完全唔掂。食到最後又叫多了兩碟帶子同三文魚..... 真係好食。因為半價，埋單只係百六蚊，但係食到好飽，又要減肥...不過因為店內有兩三集蒼蠅..... 感覺差了一點。見到好多學生去食，大佬....四碟肥美三文魚壽