金水稻餐廳

营业中

休息中

平畤係附近試下啲茶餐廳，發覺呢間金水稻𥚃面啲味道比較適合大眾化，每日都會有唔同既特價餐，好適合平時想慳錢既同志們！我今日就食左個粟米肉粒飯，簡單得黎個味道唔錯，熱飲加湯都係44$咋！仲要好好味！個餐大大份份，絕對值回票價架！堂食會價錢高大約5$左右，因為呢間成日都滿座，特別係早餐同中午時段！我選擇外賣因為平5$！外賣同堂食份量一樣，所以唔洗擔心，細食既你一定食唔曬，大食既你一定夠飽！我試過佢其他餐都各有特色架！大家有時間過去屯門不妨試下呢間！

店內冷氣足夠。但係空間狹窄，而且米線同米粉都好碎，好難夾得起。大熱天時三十四度，仲用保溫杯盛載熱飲唔理想。價錢都係一般茶餐廳價錢，食個早餐大約要36蚊。十點鐘打後冇咁多人。

今日lunch 一個人又唔知食咩好見到餐牌有味菜牛柳紋米 熱熱地 野味 岩晒入到去唔洗等位 先上例湯 大大碗 隔左五分鐘再上正餐 超大碟 講番味菜牛柳紋米先 雖然無咩鑊氣 但味道唔錯

年初三無乜餐廳开, 見尼间开左 , 入去食個午飯 , 坐低点了菜即後悔 , 间餐廳有好大陣酸叔味, D侍應自己傾計超大声, 不断製造燥音, 騷扰食客 , 好差好咸的湯, 食物質素麻麻, 以後都不会幫襯!!!

屯門食肆系列之二普通茶記人氣頗旺晚餐a 咸蛋肉餅飯例湯 熱飲$32例湯好大碗 但完全冇湯渣飲兩啖覺得重味精放棄唔飲熱奶茶 用幼飲筒 隔溫杯 好有誠意奶茶比例岩 算滑 不俗咸蛋肉餅肉地幾滑 豉油甜甜地 好味但如果唔係見到個咸蛋王 我都唔記得係有咸蛋成份完全冇咸蛋味飯軟硬適中如果肉餅同飯熱d會更好

一個人食晚餐，就去左金水稻食，因為可以順便睇電視（太傷心的新聞直播，唉！ ）晚餐A：西芹斑腩飯（$29）炒底（+$5）這裡的炒飯底都夠乾身，飯粒分明，亦都幾香口，加$5都算值。而西芹斑腩都係新鮮炒的，而叫炒底亦識將飯餸分開上，所以我今餐都幾滿意。送的例湯，咸咸地，有好過無。凍奶茶加$2。加埋 Total $36，有電視睇，算抵啦！

AUG 4, 2009 (TUE) LUNCH時菜牛腩飯 $30 配凍檸茶『凍飲 +$2』媽媽想食牛，於是叫咗一個時菜牛腩飯食，由於兩個都唔係好肚餓，所以兩份食算了！不過真係算好彩，因為唔係幾好食！D牛腩得五小舊同一大堆汁，牛腩唔係幾夠腍，但味還是可以的，不過賣相亦相當差，時菜係菜心，好老好多渣，根本食唔到！成碟都無咩點食過，因為好似無嘢食咁！收銀個女人態度仲勁差，真係受氣都夠飽呀！激鬼死！

呢度早餐幾大份幾抵食,尤其沙嗲牛肉麵,麵質彈口爽滑,沙嗲味正宗唔太辣又夠香,但牛肉近排可能升幅太大,所以份量不斷減少。奶茶一向都ok , 但又可能係升幅關係,已經由最馳名【黑白奶】改雜嘜奶,飲落口感唔掂及冇奶味,完全頂唔到我奶茶癮。大致上價格ok 及食物唔錯,不過堂食就好似舊式快餐店鐵,坐一陣就可以耐少少就好。一定要提,平時有兩個中年女侍應,我睇落應該係兩姊妹,其中大大份果個,把口不停講是非多多,佢把聲煩到我早餐都食唔安樂。有時一早仲有班麻將師奶,加埋佢地把聲,簡直震耳欲聾...煩~