影片
港铁土瓜湾站D1出口, 步行约8分钟
继续阅读
电话号码
23338132
营业时间
今日营业
18:00 - 21:30
星期一至五
11:30 - 21:00
星期六
全日休息
星期日
18:00 - 21:30
以上资料只供参考，请与餐厅确认详情
蒸帶子蒜味唔太濃，唔會遮蓋帶子原有鮮味，火喉恰到好處，熟得黎仲保持到帶子原有鮮嫰，粉絲淋得後仲係彈口，吸晒帶子汁（只有鮮味唔太鹹)燉湯足料花膠滑而彈牙，鳳爪淋滑，只有簡單火腿調味，帶出材料示原有鮮味，真係想添飲。炸生蠔唔使講咀多，一個字，「鮮」夠晒！糯米飯曾經有一碟軟硬乾爽，壯健蝦乾嘅糯米飯我錯過左，今日終嘗到相逢恨晚，暫時呢生人食過最好食嘅糯米飯（要煮得軟韌適中，真係唔簡單）蒸斑一上菜見到魚肉半透明已經知有幾嫰滑，重點是好材料不用落重味，每口都食到魚的鮮甜。炸子雞雞皮薄如豬肉紙，夠脆瑤柱荳苗瑤柱多到成座山咁......腰果露店主自家磨，夠滑夠香（唔會太甜)
继续阅读
📌 金沙小廚 - 紅磡崇潔街12號地舖🗓(11/6) 星期日 ⏰ 晚上7點左右 💈特式：因為呢間小廚我好就腳，所以我去日都會幫襯，最近如果有朋友生日，人數又唔多，我城就會選擇嚟呢度食海鮮，不過有好多海鮮要起碼提早一日訂。🥩🍔🌭🌮🥗🥯🥘🍲🍝🍣🥟🍤🍱食物：今次一行4人，所以叫左個龍蝦4人餐，不過菜單上我就作出左以下更改：-上湯龍蝦個炸麵底改左伊麵底；-清蒸沙巴龍躉改左做豉汁蒸蟶子皇；-另外再額外加左個酥炸椒鹽瀨尿蝦；等我同大家講下🦞🦐🦀味道先。上湯焗澳洲龍蝦(伊麵底) - 呢個龍蝦做得比酒樓好好多，平時酒樓做嘅龍蝦出嚟通常都好韌，呢度做嘅龍蝦就真係可以用爽口彈牙嚟形容，因為係用上湯焗，味道就比較清啖，但就可以易d食得出新鮮龍蝦嘅鮮甜。原盅燉魚翅螺頭湯 - 一人一盅嘅燉湯，好足料，湯頭又消，味道又濃郁。滷水冰鎮鮑魚 - 首先隻鮑魚size都幾大隻，同埋鮑魚呢d比較難入味嘅海鮮，佢都食到有滷水味，佢仲有配埋wasabi嚟食，但佢地個wasabi真係超嗆鼻。豉汁蒸蟶子皇 - 蟶子皇成隻筷子咁長，用左豉汁蒸，而且佢地d豆豉蒜蓉醬入面再加左陳皮，味道更為特別。酥炸椒鹽瀨尿蝦 - d 瀨尿蝦直頭長過筷子，炸到個殼脆卜卜，真係可以連殼都食埋，蝦肉亦好鮮甜，不過瀨尿蝦真係唔多肉食。鮮蟹肉扒西蘭花 - 西蘭花上淋左好多蟹肉蛋白，清淡得嚟又矜貴。瑤柱鮮蝦荷葉飯 - 呢個荷葉飯係我食過最好食嘅荷葉飯，首先好香荷葉味，材料又多，仲要蒸完都好乾身，粒粒分明，d飯又入到其他食材嘅味道。晚市就一向都有糖水送，我就最鐘意食佢地個腰果露，所以我訂枱時特登要求當晚糖水煮腰果露，佢地真係做得比坊間嘅糖水舖仲更加好，好香濃腰果味又唔甜。🍽環境：餐廳位置唔算多，只有5~6張枱，環境同裝修都比較舊，但都算乾淨企理。另外因為佢地星期六唔開，所以星期五/日正常都full。🤵🏻🤵🏻♀️🤵🏻♂️服務：老闆娘態度真係一流，樓面得佢一個做到踢晒腳，但佢都keep住好好態度，尤其是對住我呢d街坊熟客，直頭有傾有講。💰💸價錢：今日4個人食左咁多海鮮，埋單就$1785，為返大約$450/人，雖然唔係話好平，但呢個價錢出面未必搵到咁好食。🐲💬總結：我因為住附近，所以長期都會幫襯，如果大家嚟幫襯時見到我就打個招呼啦。推薦指數：❤️❤️❤️❤️❤️(超推介⭐️)
继续阅读
同一班朋友去紅磡金沙小廚食晚餐估唔到鋪仔細細原來收埋咁勁既廚師最尾食到捧住個肚走 大滿足雖然餐廳唔算寛敞不過老闆娘服務超好而且友善又好客 龍鬚炸蝦丸**** 酒樓飲宴大廚房質素爽口彈牙酥炸生蠔(美國桶蠔)***** 唔洗入西貢鯉魚門都食到咁正既酥炸生蠔啖啖肉勁滿足杏汁菜膽燉白肺湯**** 清甜滋潤唔怕杏仁味既一定鍾意豉油王花竹蝦**** 隻隻都又大又新鮮仲有膏 送飯一流紅酒燴牛尾***** 牛尾炆到好淋好入味 鋪底既紅蘿蔔好食到不得了炸子雞**** 炸到啱啱好超香口瑤柱扒西蘭花 瑤柱蛋白炒飯 菠蘿咕嚕肉 椒鹽鮮魷 最後食到差啲行唔郁小炒夠鑊氣 炸野有功架 燉湯又好飲住附近既街坊好幸福 T^T誠意推介經過個頭既朋友去試下
继续阅读
早排朋友食完後話好食既一間小店~環境雖然有d細，但係食物性價比好高！而且自己帶酒去飲唔收開瓶費，開心仔 🍷🍷🍷🍷小弟就偏愛食炸野既，朋友就介紹脆皮炸子雞🤤隻雞一黎到，就急不及待起筷啦！隻雞外脆內軟，皮炸到好可口好乾身，雞肉仲有汁同好嫩口！平時唔食雞皮既我都因為佢d皮夠脆食多左幾塊🤤🤤另外點左4舊炸蟹鉗，又係好食既小食！配啤酒真係冇得輸！可惜我唔係住個頭附近，如果唔係會周不時去食下d家常小菜 😭
继续阅读
同朋友慶祝生日，路過想食中餐見佢唔駛開瓶費就試下佢。 本身見佢細細間餐廳諗住普普通通，點知好surprise ，價錢唔算好貴，仲要好好食！ 食得出D食材好新鮮，特別推薦個金磚豆腐外脆內軟，好好食黑椒牛仔骨唔Un,又夠味，食完唔會覺得好口渴。燉湯好好味，平時唔係好飲湯既老公都話飲完好暖胃，搶黎飲好好服務，自帶酒同蛋糕唔收開瓶費同切餅費，無諗過佢仲會比埋個冰桶我地凍住枝清酒！ 但餐廳唔算好大間，多人食可能要打電話book定檯。
继续阅读
您可能会有兴趣的...