金沙角冰室

营业中

休息中

去左金沙角冰室，食佢哋嘅黑椒牛扒火腿飯，真係令我懷念返童年嘅味道。唔過整體黎講，食完之後覺得係「不過不失」。啲黑椒牛扒同火腿飯都算幾好食，但係冇特別之處。可能係因為係飯記念嘅味道，所以覺得特別啲啦。如果你想懷舊返童年味道，金沙角冰室係一個唔錯嘅選擇。就係食完之後，可能會覺得係平凡嘅飯餸，唔會留下太深刻嘅印象。總括黎講，係一個舒適嘅地方，適合懷舊，不過如果尋求刺激或者特別嘅味道，可能就要再考慮下啦。

最近去咗沙田沙角邨嘅熟食檔食晚餐，俾我搵到呢間金沙角冰室，幾抵食又好坐，推介比大家！我點了一份煙肉牛扒意粉，賣相相當誘人，色澤同埋香氣都100分！牛扒方面，煎得恰到好處，夠哂腍，絕對唔會嚡。表面帶微焦，相當香口，內裡依然嫩滑多汁，每一啖都能感受到牛肉嘅原汁原味，廚師果然對火候掌握得幾好。搭配嘅煙肉鹹香十足，油脂平均，油香滲滿意粉，味道超香！意粉嘅醬汁都好入味，每條意粉都掛上醬汁。意粉本身煮得彈性十足，相當唔錯！另外仲有塊蒜蓉牛油多士，個多士好香脆，鋪滿蒜蓉牛油，香噴噴，好好食！下次夜晚肚餓，都可以嚟呢間金沙角冰室食飯，唔錯，唔錯！

年少時的小編對冬菇亭的認識並不多，總覺得衛生環境一般，而不敢前往用餐。近幾年部分冬菇亭經過全面翻新，引入不少地道的冰室和食店，吸引不少年輕一族前來打卡潮勝。冰室中西合璧的餐飲，正好能體驗一下地道的港式風情。要說港式早餐，夾雜中西風味的選擇就是最地道的港式風味。🍅 老火羅宋湯系列 ☀️ 羅宋湯鮮牛肉通粉 ·牛乳炒蛋·腸仔$39冰室/菜餐廳經典名物紅湯必佔一席，通粉以羅宋湯作為湯底，加上鮮牛肉感覺營養蠻豐富，配搭牛乳炒滑蛋和腸仔，元氣滿滿，為新的一天注滿活力。🍽 餐廳：金沙角冰室 (沙田)🌐地址: 沙田沙角街5號沙角商場熟食檔地下1-4號舖🐮#cowing吃在沙田 @linkcfs #hkblogger #hkbloggers #hkigers #hkkol #852kol #hkinfluencer #foodie #hkfoodie #hongkongfoodie #852food #852foodie #foodstagram #hkfood #hkfoodblogger #相機食先 #吃貨 #食好西 #沙田美食 #香港美食 #competition #食店

收工好想食常餐！！上網搵下附近有咩好選擇～比我搵到沙田沙角邨熟食檔既金沙角冰室，超多選擇，常餐仲有我最愛既蕃茄湯添啊！！即刻拉埋同事一齊去試試先～金沙常餐，B. 茄蓉鮮牛肉通粉可以轉米粉，另有火腿炒滑蛋、牛油厚多士，飲品揀咗熱好立克，超豐富！茄蓉湯底香濃，味道酸酸甜甜夠哂開胃！鮮牛肉軟稔好嫩滑，肉質鮮嫩～炒滑蛋相當滑溜，蛋香十足，仲有牛油厚多士，烘得香脆可口～最後再慢慢嘆返杯熱好立克，PERFECT！見好多街坊捧場，下次黎試吓佢既晚餐先！

金沙角早餐必食一定係沙嗲牛麵+腿治/蛋治。佢既牛肉質地同出面既好唔一樣，牛肉厚薄算薄，咬落去冇乜筋位，係真係一塊塊既肉，肉質仲好鬆軟。佢既公仔麵唔會好容易就發脹，食完之後都唔會係個胃發脹，唔會有食滯既感覺。蛋治方面，炒蛋冇油膩感，外面既方包咬落都好鬆軟，完全冇吸蛋治既油，好好味。早餐有麵再加蛋治真係好飽好滿足。裡面既餐廳姐姐同叔叔都超級好人同有禮貌。難怪每朝早都爆場，星期日仲會多人到係出面排隊等。

呢個餸要50分鐘去整。我係18:16落單。我18:48催單。佢話蒸緊。我都做過呢行。－聽就知道留單。我冇叫佢取消單已經好好。佢話整緊，你等等．．我到19:08又催單，佢先上餸

諗住簡單食過乾炒肉片河，但係嗰碟嘢唔好講鑊氣，連味道都冇，啲肉片炒到好似食柴皮咁樣，如果冇百潔布攞佢啲肉片嚟散煲應該好有效果，仲要拎到埋嚟係凍嘅，其實咁難食點解可以用嚟做生意？仲有嗰啲夥記嬸嬸，惡到好似碼頭咕哩咁樣，睇住佢個個客都畀佢鬧，講嘢又惡又大聲，將啲客人呼來喝去，入嚟食嘢要畀錢，仲要受佢氣，如果覺得好忙做得辛苦嘅其實真係可以唔使做㗎，更何況當時根本就唔係好多客，咁惡自己個腦細胞都死唔少啦！

係一間好懷舊嘅餐室，裏裏外外都可以打卡，啲嘢食都唔太貴，又好味道，個人好鍾意，就算兩個人叫一個羊腩煲都非常之夠食，好重料，員工服務都好好，會好耐心咁介紹啲嘢食。

要去xx醫務所，經開呢個位，見到都幾多人，走入去試下！香濃沙爹牛麵，賣相唔係好吸引，但味道都算濃，我鐘意食爽麵，上枱都ok。未去到好好食，正正常常咁。炒蛋夠滑，漢堡扒，多士都仲暖。杯凍咖啡都可以。環境都ok，不過就快食快閃；專登整到懷舊feel，其實食物都係普通茶餐廳野。早餐都幾多人。卡位都算闊落，中間會間開塊板，做1，2人既機會比較多。掛係牆上面既康樂棋枱，同吊係天花既單車，裝飾物等等都好正！門面既巨型餐牌幾吸睛

回憶的味道，令人懷緬，那些年常到的小區，主要係燃愛活動後的飯堂。去冰室或去d大排檔，打邊爐……服務員超靚笑，一坐底就服務周到，係咁叫唔駛出嚟取水，取碗，等服務員送上。熱心到……今次開食點了豆腐班腩煲及炒通菜煲，兩煲都熱辣辣超開心。豆腐班腩煲：有豆腐有支竹，兩樣都好好味，好多塊班腩，可以兩人一煲或三人兩煲。炒通菜煲：超惹味，最好送飯或送酒，通菜炒得入味，的忍唔住狂食。仲包一客湯及一大碗飯。飽肚，惹味。下次再去附近打邊爐。

疫情之前我喺呢度食個早餐，感覺好一般，後來買外賣午餐返屋企食，啲炒粉麵飯唔平，杯凍檸茶少甜都好飲，最鍾意係有檸檬嘅羅宋湯，應該係跟YouTuber職人吹水星星師傅的食譜做的，另外最鍾意佢嘅雜果沙律，其他覺得冇乜特別，但係喺今年八、九月期間買個外賣每隻$8嘅鮑魚汁汁鵝掌太好食太抵之後就開始注意呢間嘢，我買返去用嚟整蔥油撈麵唔知幾正！終於最近有两日落去諗住買鮑魚汁鵝掌嘅時候原來已經不再推出了！我真係好失望！希望老闆遲啲會再賣，我寧願你賣貴啲都唔好停！大家唔信睇吓我之前影低嗰張相（如附圖）。呢两日買咗各兩份兩餸飯和爸爸一起分享，真係又好食又抵食，忍唔住要推介👇1. 唔知乜嘢汁煮椰菜花，間中會有一片牛肉，煮得好好食，質感剛好。2. 椒鹽豬扒，香口好味唔太鹹，最緊要夠稔得來唔會霉。3. 欖角蜜汁雞鎚仔，我仲以為係豆豉，好有特色，好好味！4. 南乳炆豬手，呢個就好一般！5. 金針雲耳炆雞，好好味！啲雞夠稔，好食過蒸。6. 梅菜扣肉，要加多$8。7. 鹹蛋黃蒸肉餅，好好食。8. 炒蝦仔，啲蝦雖然有殼同埋細隻但係好有海蝦嘅鲜香味，近年很多急凍蝦仁都攞啲唔知乜嘢那一個所以只係一味爽冇蝦味。每盒兩餸飯$3

行山前食個早餐係沙田圍站對面附近搵茶餐廳假日早餐到11:30叫咗倆個早餐一個基本早餐"沙爹牛肉麵"跟煎蛋同腸仔牛油方包另一個西式早餐"魚柳餐"😋👍🏻大大塊魚柳+脆豬+茄汁豆+脆皮腸+煎雙蛋魚柳張相冇咗😅

#不是打手，不喜勿插因短期合約工作關係，一個月時間係乙明邨工作，都知行過沙角邨多野食，求其入間茶記嘆個早餐，點知喜出望外，份量夠，合理價錢， 於是中午番去又試午餐，菜式天天唔同，價錢介乎$45-52有野飲送中湯/西湯，好食抵食，真心食得出係有心機有誠意。之後就真係冇去過第二度食喇，總括黎講比隔離餐廳好10倍。

已吃過好幾次，都是去吃早餐這裡環境舒適，不會太迫，而且全部都是卡位同早期的早餐有些不同以前的黑松露炒蛋是很多松露的，食落很香黑松露味現在的黑松露炒蛋，得返很少松露，好彩炒得都好嫩滑，加返3條芝士腸，可惜d芝士腸味道唔知點解好淡，不同平時食開個d麵包方面有奶油豬或牛角包選擇，味道都ok至於主菜吉列魚柳，炸得很好，表面脆，內裡嫩滑，而且不會乾，食落有些水份，份量也足雜菜羅宋湯螺絲粉，很小見的早餐，其實就是羅宋湯＋雜菜，很重羅宋湯味，味道唔錯

懷舊香港情冰室位於彌敦道大街 搭地鐵或者巴士站行兩步就到 非常方便個餐廳好大都好闊落 好多卡位 坐得舒服 亦都有以前古時木枱櫈新穎設計 懷舊裝飾 亦充滿懷舊香港情調 餐廳嘅燈光都用上以前嘅黃色大燈泡牆壁上面有唔同嘅霓虹燈光管裝飾分隔區域用上以前傳統鐵閘油漆嘅綠色 用嘅餐具係懷舊嘅牡丹花公雞圖案 我坐嘅位置一見到一大張在牆上的”香港好去處地圖”上面有呢間冰室出發 帶你去到香港唔同各處嘅旅遊勝地 實在非常用心 Menu亦有多款選擇下午茶 - 法蘭西多士$38 同 菠蘿冰 +$8 🍹三層包🍞 花生🥜醬夾心 配上厚厚的牛油 🧈 份量足 第一次3塊麵包嘅西多士 正到流油 ～ 菠蘿冰大大杯 清甜解渴 仲有好多菠蘿食晚餐 - 特級花膠拼紐西蘭西冷扒🥩 $108 連餐包餐湯熱飲 凍飲加$3 有忌廉湯羅宋湯選擇 揀咗羅宋湯 轉頭就即刻上 好足料 夠火喉 亦有應有嘅味道等了一會上菜時 熱辣辣香噴噴好有睇頭最吸引人眼光的事一大塊花膠 呢個配搭好架勢 食落去充滿膠質 塊扒可以選擇一般嘅蒜蓉黑椒汁等等之外 呢間舖頭特別嘅花膠汁 好味 肉質亦好嫩滑薯菜用上了 原焗小薯仔🥔有忌廉煙肉同蔥花 仲有西蘭花同蕃茄 難