影片
港铁九龙湾站 A 出口, 步行约15分钟
继续阅读
奖项殊荣
最优秀开饭京川沪菜馆 (2013-14)
特色
适合大伙人
营业时间
星期一至四
11:45 - 14:30
17:30 - 22:00
星期五
11:45 - 14:30
17:30 - 23:00
星期六至日
11:45 - 16:00
17:30 - 23:00
公众假期
11:45 - 16:00
17:30 - 23:00
以上资料只供参考，请与餐厅确认详情
相关文章
我哋有一个「细胞小组」老友，相识超过廿年，好一段日子无出嚟搞过饭局，所以就趁啲过时过节日子一行16人食番餐。因为依家啲餐厅都比较少一啲大圆枱，难得揾到九龙湾呢间「金满庭」，有张16人大枱，啱啱好，一枱坐晒咁多人，方便大家倾偈，比起要房又平好多。都曾经帮衬过「金满庭」其他分店，但都已经喺好耐之前嘅事，而呢间九龙湾分店就第一次到访，感觉上跟钻石山分店差唔多，但就比佢奥海城分店细。但我哋好好彩，被安排餐厅尾嘅一张大枱，有少少自成一角，同埋少咗一个人，最后得15个人，所以坐落更加松动。由于今次无乜准备，又唔想阻大家夹𩠌，都喺求其揾手机快摄，相片质素一般般。子姜水晶淆肉 $108呢一道喺经典嘅上海冷盘，睇见都感觉到冰凉清爽，头尾嘅冻膏清爽有点柔滑感，中间嘅猪蹄肉占比多，入口有种松化感，沾上镇江醋添一份酸香味，整体做得几有水准。花雕醉鸡 $106另一款颇钟意嘅上海冷盘就喺花雕醉鸡，因为含花雕酒香，确喺甚有特色嘅冷盘，加上啲鸡件做得皮爽肉滑，微微酒香渗出嚟 ，唔呛喉，的确好食。鲜肉小笼包 $96你话好想食小笼包咩，又唔算，但喺嚟到无食咩，又好似争咗啲，所以，叫咗两客鲜肉小笼包，一客8只，够晒我哋咁多人分。小笼包即叫即蒸，所以，嚟到时热气腾腾，折纹就唔算好靓，但外皮搓得够薄，咬开就见，肉饀松化唔在讲，里面仲有好多汤汁，最好喺肥猪肉唔多嘛。榨菜肉末 $148呢个菜式喺小弟嘅推介，因为，可以当喺小食咁。本身每份榨菜肉末跟一客叉子烧饼，我哋人多就额外点多两份烧饼。简单嚟讲就喺榨菜炒免治猪肉，放入烧饼一齐食，烧饼香脆，肉末浓香，夹埋一齐食滋味过瘾。铁板京葱爆羊肉 $188因为以铁板上，上枱时非常吸引，因为京葱嘅香气四溢，啲羊肉好嫩滑，而本身羊骚味已经唔重，加埋大量京葱，连唔食羊嘅朋友都话OK，仲觉得几唔错添。奶油津白 $118津白（绍菜）一向俾人感觉喺啲平价菜，不过，一讲到奶油津白，津白又变得好不一样，经过厨师巧手，清甜嘅津白，淋上细腻柔滑嘅奶油茨汁，一样成为滋味菜式。紫心蕃薯浸豆苗 $128一餐饭点都要有多少少蔬菜类菜式，随心点咗呢一碟豆苗，加上啲紫心蕃薯条，清清哋，又几唔错，最紧要喺啲豆苗够嫩。金桂花柚子虾球 $268海鲜类菜式都拣咗两款，都专登拣啲较有特色嘅，先分享呢一道虾球，卖相确喺几靓，一来外观金黄生辉，二来啲虾球够晒大只，好有睇头，再者肉质爽口弹牙，既有桂花香，又有柚子嘅甜味，赞呀！招牌松子鱼 $238海鲜类菜式真喺不得不提松子鱼呢道经典上海菜，经典在于既花功夫，煮起嚟又要有手艺，否则，松子外型走晒样，唔脆又唔好食。然而，依一尾就做得相当出色，一来卖相靓晒，二来个鱼做到外脆内嫩，橙红嘅甜酸茨汁做得啱啱好，唔会太厚身杰挞挞，甜酸味又恰到好处唔呛喉。雪菜肉丝炒年糕 $138咁大棚人点都要点番几碟炒粉饭面嚟垫肚先得，先喺一道较传统嘅雪菜肉丝炒年糕，年糕柔韧有咬口，带咸咸哋嘅雪菜同肉丝，味道唔错。上海粗炒 $138最能体现上海菜浓油赤酱嘅神髓就喺上海炒粗，简单只以白菜仔同肉丝炒，主角喺啲面条，炒得保持𠮶份咬口感，而且，味道确喺好香浓，食落又唔算好油。傻佬炒饭 $148傻佬炒饭一啲都唔傻佬，小弟觉得可以讲喺豉油皇炒饭，揾豉油炒过宁舍香，饭粒分明又爽身，饭内混有鲜虾、肉粒、葱粒、粟米粒，仲洒咗啲肉松，令个炒饭丰富好食。桂花芦荟杞子糕 $58因为一大棚人，甜品都喺揾啲易分享嘅选择，桂花糕就喺其一，一客6件，仲可以轧细一半，多啲人试到。桂花糕冰凉清爽，充满桂花香，又加入芦荟同杞子，添上几分口感。豆沙锅饼 $65同枱有人好想食豆沙锅饼，当然有求必应啦，1客有8件，饼皮炸得金黄，入口香脆唔油，内里填满豆沙，清甜好味。高力豆沙 $24 /个最多人举手想试嘅喺高力豆沙，尽量满足大家。每个都做得涨卜卜，外层洒满糖霜，一口咬落去，外皮松软富弹力，内面放有唔少豆沙馅，同样清甜不腻。今晚大家都食得好开心，除咗一次过试咗好多嘢之外，最紧要都喺啲味道做得好，又唔啱食，而且，招呼非常之熨贴，啲侍应又有礼貌㖞，咁先喺做生意长远之道。
继续阅读
喺德福广场同朋友试咗金满庭嘅京川沪菜，食物质素真心唔错！我地嗌咗招牌熏鱼，鱼肉外脆内嫩，烟熏味浓郁，入口惹味，系全场最爱！回锅肉粗炒味道够浓，辣度适中，肉片同青椒好夹，捞饭一流。鲜肉小笼包皮薄汁多，肉馅鲜甜，一笼 8 只食得满足。虫草花翡翠苗清爽可口，蔬菜鲜嫩，健康又开胃。京葱爆牛柳片牛肉嫩滑，京葱香气突出，味道平衡。香葱饼外脆内软，葱味浓郁，当小食好正。服务员好勤快，添茶同收碟都快，虽然餐厅客满，但服务质素无减。环境略为挤迫，邻枱距离近咗啲，但整体干净企理。茶香好正，点咗人参乌龙茶好清香。整体嚟讲，食物份量足，味道正宗，系一个想食上海菜嘅好选择！
继续阅读
今晚试咗金满庭京川沪菜馆嘅外卖，整体嚟讲都算唔错，不过有啲小遗憾～ 首先讲吓个**招牌松子鱼**🐟，外卖送到嘅时候已经冇咁脆口，鱼肉有少少韧，可能因为焗住咗一阵，佢哋已经好细心分开装，个酸甜汁依然好开胃，松子都几香，如果堂食应该正好多！ 再嚟系**奶油津白**🥬，呢个真系惊喜！奶油味超浓郁，每一啖都食到香滑嘅奶油香，津白煮得啱啱好，唔会太淋，钟意奶香嘅人一定会爱上～ 容量最后系个**傻佬炒饭**🍚，真系「傻佬」都食到笑！料多到爆，虾米、四季豆时候，炒得好够镬气，味道够浓又唔会太咸，食完成个饭都唔会觉得腻，抵赞！ 总括嚟讲，外卖难免有啲折扣，但味道依然在线，下次一定要堂食试吓个松子鱼脆卜卜嘅版本！ #金满庭 #京川沪菜 #松子鱼 #奶油津白 #傻佬炒饭 #外卖食评 #香港美食
继续阅读
我地一家人役情后每年聚餐都会订德福广场金满庭，风雨不改，为既系佢地既片皮鸭，今年一如以往早一个月前订座，今晚更提早入座，有位职员负责我地呢台，7pm就揾呢位职员即刻落单要左片皮鸭先，顺带提佢可以即上，其他野晏d先落，到左7:35pm, 其他后落既𩠌都食到一半既时候，同一位职员黎到同我地讲：「唔好意思，今日片皮鸭卖晒」 我话我7pm落单, 点会7:35pm先发现冇晒，佢话唔好意思，落单同事唔知道已经冇晒（但佢正正就系同我地落单个位同事），佢再话今日有几台客order左$3088个餐都有片皮鸭。 咁就明晒，出比套餐客，牺牲散餐客。 但都冇办法被迫取消单，但最嬲系由7:45pm开始，我地见职员一路出片皮鸭，出到8:45pm都仲有，我忍唔住再问呢位职员，8:45pm 仲出紧片皮鸭，点解我7pm落单都冇份，我到餐厅个阵10台客都唔够。 佢之后走左去，完全无视我，亦冇再返黎解释原因。当晚带一家人只为一道菜，但被取消单之余，整餐饭一直见度片皮鸭不断响我地眼前出现，极之难受。本人已正式要求贵集团翻查当日订单，调查是否有职员操守失当。本人9pm离座，我后面仲有一个职员切紧片皮鸭原本开开心心既一餐饭就比一位职员破坏晒
继续阅读
朋友话好耐冇食金满庭既高力豆沙，所以中午饭就拣左食佢啦。walk-in都系等一张枱就有位👍今次有卡位坐，私隐度🆙水晶肴肉：啫喱冻入口即溶，一夹即烂🤣唔会好咸，配埋姜片同醋一齐食减低左个油腻感。花香玫瑰骨：排骨炸得好脆，加埋酸酸甜甜既汁，食落好开胃，但就唔系好食到有玫瑰味，就同出面既咕噜肉系差唔多味。砂锅云吞鸡：汤底好鲜，d津白同小棠菜煮到淋哂，好鲜甜，云吞粒粒都好饱满。鲜肉小笼包：一笼5只，唔算好大只，个皮够软薄，食落一口爆汁得黎唔会好油腻，亦都食到肉嘅鲜味。香葱饼：炸得比较油，同埋个饼粉感好重，本身以为会系酥脆既质感，但后食落系比较厚实硬身。高力豆沙：每次黎金满庭必点既甜品，上枱个阵仲好热辣辣。蛋白炸完食落系软绵绵，入面既豆沙甜度适中，仲加埋香蕉，连埋外层既糖霜，中和左本身冇味既蛋白。
继续阅读