金牛快餐廳 (已結業)

每次看到它﹐總想找機會試試。昨天﹐與女友終於去了。叫了一碗漢堡扒通粉、紅荳冰、漢堡包、魚柳薯條及熱奶茶。漢堡通粉= 普通得很﹐沒味的湯。超"林的漢堡"。紅荳冰= 淡淡淡淡淡如開水。漢堡包= 也不是很多人說的那樣好吃。魚柳薯條= 無疑是最好吃的。只是買材料炸炸而已。熱奶茶= 無茶味。真的很普通。總括而言﹐有點失望。

去左買炸薯條, 最鐘意食曲曲薯條,細個以為只係据扒先至有得食,金牛o既炸薯條, $7.5一大包,即叫即炸, 超級好食, 諗唔到食老麥O既理由,又熱又脆, 薯味十足!!!! 而且又平又抵!!!!!開分店都可以同老麥拼過!

食物不多講了, 雞翼依然咁香脆, 波浪薯條脆到入心. 老闆娘依然咁好笑容~老公食炸魚薯條, 炸魚香脆度爭少少, 但$11一份你想點?

返工前買個下午茶餐. 椒鹽雞翼+ 紅豆冰$10.椒鹽雞翼用鹵水雞翼炸成, 咁梗係夠味! 而且非常熱, 炸完灑d鹽, 再用一張大蠟紙包住~我即時諗返細個果d成日幫襯果間"香港八X"果類快餐店.紅豆冰又係好野, 有豆味, 有奶味, 紅豆起沙有咬口, 飲完咩唔開心都散哂~同老闆娘傾左兩句"呢度開左幾耐?""二十年喇, 大過你~""大唔過, 大唔過~"真係得人鬼咁開心o既o者~

這間快餐店亦係我成長其中一部份，不是因為常常幫襯，而是以前等巴士返屋企時必到的地方，十五年來都係咁既格局。上星期去番原本地鐵站落車，時間尚早，便行過去，原來這裡像大家樂或美心咁要排隊買飛，之後便見到個師傅用熟練的技巧去整食物，見住豬扒麵都有成塊豬扒，牛扒都有架，點知師傅煎完後就斬開一半，oh my god，加上用外賣碗載著，顯得特別細份，一臉無奈。

多次路過金牛, 總被它像"香港八四"的舊式快餐店裝修吸引, 彷彿可以隨時在內撞上順叔和順嫂, 以及我最喜愛, 炸到又又乾身的炸雞脾.上次路過買了一個飯盒, 特餐$20包汽水/例湯, 選了芙蓉蛋飯, 好味到呢...好似係媽媽煮的味道一樣. 今日與朋友在此下午茶, 佢食雞翼, 我食豬柳蛋包.雞翼上檯時真係地, 熱油仍在雞皮上跳動, 令人感動!豬柳蛋包絕對是我期待中的100%港式做法- 嘉頓漢堡包煎香, 自製豬柳餅炸脆, 煎蛋一只邊兼糖心, 加上沙律醬夾在一起...是小時最渴望食到的"屋村快餐店"味道! 最喜愛此店的"梗局"檯燈, 全穩鑲在地上. 在灣仔有此一店, 進入時彷彿時光倒流.