金禾閣餐廳

营业中

休息中

今天去到第一城，雖然有很多食肆，但間間都多人。見到金禾閣餐廳不算太多人，於是決定在這裡吃午餐。金禾閣給我的感覺是一間裝修不俗的茶餐廳，內裏光線充足，坐位舒適(尤其梳化位）。食物方面，薯仔蕃茄螺絲粉很大碗，味道適中又有很多薯仔，正！不過，份量實在算多，所以食剩了小半碗。火腿奄列跟多士都ok的，多士更加是一件厚多士。另外，餐廳的女服務員態度也很好，她給我介紹了一些下午茶，然後叫我慢慢睇。在茶餐廳的服務水準來說算是中上級了。。而上菜速度可以說是極速，5分鐘之內。不過，這間茶餐廳的價錢是略貴，但以它的內部裝潢格局，我覺得算合理。我在這個開揚又光猛的環境悠閒地用一個多小時吃了我的午餐。

唔想煮飯，見有湯飯，諗住濕濕地開胃啦，58蚊2款材料再加個菜，唔算平，不過疫情關係好多餐廳無開，算啦照買18:55分落單叫左兩個湯飯，等到19:40先黎同我講好多食材都無之前黎食過早餐，D碗碟又崩又花都無乜所謂大佬你無食材唔係要人企係間鋪門口等左你45分鐘先黎通知呀？中間催左兩次果陣你唔講？咁好啦你無食材我咪唯有去退錢啦，拎住張單去收銀處話退錢，個收銀阿姐掛住講電話仲諗住收多我次錢，真係想爆粗垃圾，以後都唔會幫襯

今日陽光普照心情很放鬆，同家人吃個早餐就迎接今日的活動啦！這間餐廳的早餐很多款式。C. 沙嗲牛肉公仔麵拼餐肉炒滑蛋 $38配牛油多士或餐包沙嗲牛肉醬汁非常濃郁，牛肉鮮嫩滿滿醬汁配公仔麵一流。A. 仿鮑魚火腿絲螺絲粉 + 腸仔煎蛋配牛油餐包或多士這個港式經典嘅早餐很好，款式可以隨意配搭，選擇一碗粉麵可以拼火腿煎蛋/餐肉煎蛋/煙肉煎蛋/腸仔煎蛋等，啱晒心多多的人呀！仿鮑魚味道鮮很像真鮑魚口感，螺絲粉俾平常吃的通心粉更豐富和飽滿感。

小炒皇 有腥味 啫啫飯煲無味 太大舊飯又系爛飯一舊舊。系杯野飲以番的樣其他太差了外賣員系最好一個送到黎熱之餘仲好有禮貌！佢仲行樓梯上黎真系辛苦晒吾知系咪外賣質素差的不過無下次

今日去食lunch，見到個F餐，係福建炒飯（炒底），但係個阿姐拎飯嘅時候，第一次係拎咗白飯底，我同阿姐講又話炒底，阿姐拎咗去換，出返嚟嘅時候加咗啲油抄2吓，我問阿姐係咪炒咗，阿姐話已經炒咗底㗎啦，未試過咁難食。例湯完全冇味，滾水一樣。

住在沙田區多年，今晚係第一次幫襯金禾閣。真係無諗過茶餐廳都有咁多選擇，中西式食類小菜，鐵板餐，連羊腩煲都有金禾內地方好大，所以平日晚餐時間無需要等位就可以直入。叫左兩個餐，包湯同飲品。杯熱阿華田上枱時倒瀉了不少在碟上中湯無乜特別，反而個白湯有驚喜，湯夠濃，仲有香味黑淑牛柳鐵板餐($81) ，附送半塊牛油多士，麵包唔脆，牛油亦少。鐵板餐跟的係白灼意粉，無味。反而個鐵板超級熱，薯條既即炸，而牛柳亦好淋，有牛味2. 啫啫豬潤滑雞煲($68)，豬膶完全無味，雞當然用雪雞，所以同樣無味，失色

我老公而家叫我做西多士達人，因為我平均一個星期食四次西多士。基本上每次飲下午茶我都會揀西多😂今日去開第一城，又試吓地道茶餐廳嘅西多士，下午茶餐$28包埋凍飲，凍飲唔洗加錢抵讚！雖然冇影到相，但杯凍檸茶都好大杯㗎。西多士屬中上水準，揸得好靚好金黃，兩層麵包分明，中間嘅花生醬都足料。

本來想去starbucks 等朋友有插座可以叉電又可以順便食少少東西休息一下但實在太多人最後去了茶餐廳食豬扒飽味道不錯 個包仲脆架～而且豬扒無骨比較方便食可惜對我來說太多千島醬在裡面🙈.金禾閣茶餐廳📍 置富第一城樂薈, 地下 G51-G55 號舖

我去過唔同餐廳食肉醬意粉 但無諗過呢一間係難食到我要寫食評今日嘅A餐芝士肉醬意粉 上枱見到佢午餐都焗出嚟都有誠意一食落口 芝士完全無味 意粉一夾就散 成碟食物質素極差相信食過肉醬意粉嘅朋友都知道 肉醬意粉本身都好難唔好食 但呢碟真係極品

伙記態度散漫，當睇你唔到就唔诜做，全部黑口黑面，黎食野要睇面色，好受氣送歺俾你的，好唔情願甘放響枱邊，要你自己攞，完全唔想做甘全部掛住同d員工傾計，人地十個人來光顧，員工居然叫人分開坐，唔好阻住其他人行喎⋯⋯呢種食肆，不要再去🤬

今日去咗老友屋企打牌，中午開始就開始了。打到咁上下，悶局，大家都沒有大上落。屋主提議落樓下商場食個下午茶，醫下個肚，鬆一鬆先。一呼三和應。屋主建議去茶記，於是去了金禾閣，佢話呢凍飲唔使加錢，比較抵。屋主叫咗魚片角魚蛋米粉配加凍檸水少甜。魚片角魚蛋都幾爽口彈牙。另一朋友叫了乳香雞翼一丁配凍檸茶少甜。佢話用南乳整的雞翼幾特別，好入味，好好食。最後兩位，包括在下，都係叫咗沙嗲牛肉一丁。我要了凍啡，而佢就要了凍檸茶正常。啲牛肉認真嘛嘛，沙嗲味又唔夠。下次有機會再來都唔會打叫。大家食飽，抖夠之後，又返上去再戰。

是什麼年代呀， 港式茶餐廳 越嚟越退步， Ben爺今天下班後 叫了一個薑蔥魚腩煲， 要價71元。 這個價錢已經不便宜， 但是姐姐魚腩煲， 要的就是熱煲內裏的餸菜 熱燙 到 發出姐姐 聲響， 香味隨著煙霧帶給食客視覺和味覺的享受。而這裏的姐姐薑蔥魚腩煲， 上菜時 沒有熱燙的姐姐聲響， 所選用的魚腩 更是雪藏魚， 毫不新鮮肉質酶散! 醬汁超鹹! 吃完後 更有不適的感覺!服務員對菜式 的認識不全， 不能建議食客 菜式， 態度敷衍 冇禮貌。看來香港 各方面 只有退步， 看不見 旁邊地區 進步， 只配做一隻井底之蛙。

去沙田第一城探朋友，他帶我去附近茶餐廳醫肚先。商場雖然得兩層高，但餐廳食肆都好多間，有不同類型日本菜、台灣菜、酒樓、快餐店咩都有，真的落雨都唔怕無野食。午飯時間，有快餐、午餐等好多選擇。我哋簡單揀了午餐有餐湯同餐飲。羅宋湯，湯底幾濃配料多。薑蔥炆魚塊 $48薑蔥味濃郁，魚塊大件炸得香脆。洋蔥汁豬扒拼金帶子 $51豬扒厚厚唔韌，洋蔥汁香甜兩粒炸帶子鮮嫩。日式金菇肥牛飯 $51惹味日式醬汁配金菇肥牛好夾。熱利賓納熱檸茶熱奶茶

晚上10時後這屋邨內多數餐廳都關門了，只剩下24小時的美式快餐店及金禾閣，金禾閣是我不二之選，因食物種類廣泛，由輕吃如一份多士、一個麵，至重量級的扒餐都有。而晚上更有宵夜餐，較為輕量，剛好滿足到我未吃晚飯但又不想臨睡前吃太飽的心情~沙嗲牛肉烏冬 $41我愛吃日式手打煙韌烏冬，也愛吃這種廉價的港式烏冬，這烏冬沒有手打的滑，較為挺身。圓滾滾的，帶點咬口，與沙嗲牛肉挺相襯。沙嗲汁如多點更好，圖中份量未能足以讓整個湯底充滿沙嗲味。簡單一個宵夜，是加班後最好的安慰~

住喺呢頭，耐不耐都會幫襯金禾閣，今日食個早餐。環境其實唔錯，大大玻璃窗可以望到出面環境，有自然光，都坐得舒服。早餐都有好多選擇，呢度嘅蕃茄肉碎湯通粉喺阿女至愛。諗來諗去，揀咗沙爹牛肉麵，牛油餐包，腸仔煎蛋同熱奶茶，早餐呢個價錢($33) 要算係呢頭附近最抵食。欣賞佢有獨立包裝牛油，喜歡搽幾多都可以。可惜條腸仔凍咗，煎蛋熟晒ok啱我， 鍾意個餐包，軟綿綿，搽咗牛油好香。沙嗲牛肉麵大大碗，麵質夠爽，沙爹牛肉汁香濃，牛肉都淋。熱奶茶，茶夠濃加奶夠滑等於"香"，不錯呢！其實佢嘅選擇都算幾多，有湯拉麵、焗飯、台式肉燥及鐵板，仲有鮮魚湯飯。