金翠寶海鮮小廚餐廳

营业中

休息中

太耐未嚟過，今次特登過嚟回味返。佢嘅焗飯真係做得好出色，咖喱焗豬扒飯超正，料又足，非常推介。龍脷柳焗飯略嫌多咗啲汁，但係佢啲焗飯係炒飯底，真係一啲都唔馬虎，非常推介。

其實幾好味嘅餐廳，炒飯同埋焗意粉焗飯都唔錯，最鍾意嘅就係佢食佢嘅下午茶餐，乾炒牛河炒得好乾身又好味，份量仲好足夠！焗豬扒飯份量都夠，大大件豬扒😆😆😆😆但環境有啲污糟🥹希望餐廳喺衛生方面有待改善

今日天氣好到一個點，所以決定去同陽光玩遊戲😁不過玩遊戲前梗係要先叉足電先喇！其實呢度已經變左我同男朋友仔既飯堂，尤其我轉工後，成日都早出晚歸，自然就唔想煮，所以好多時都去「飯堂」攪掂😜都試過一日早、午、晚三餐都響度食呢！出發前食個靚早是常識吧！😄今日叫左個豬扒雪菜肉絲米線+凍奶茶😋呢度啲豬扒都幾厚切，比外面茶餐廳嗰啲又薄又煎乾晒既豬扒好食得多呢！而且唔會充滿雪藏味，值得一讚😁👍🏼食完個米線，唔知點解突然好掛住個奶醬多🤣算，星期日就比自己任性一下喇！唔該，嚟多個奶醬多😜奶醬多😋如果用厚身少少既包就更完美呢！好滿足呀～～出發同陽光玩遊戲喇！😎☀️

因為爸媽去左旅行，所以今晚無人煮飯，我又唔想煮野食，所以就落街諗住買飯盒，去到餐廳，都冇特別去諗食什麼，就求其叫了一個焗豬扒飯，再加一杯凍檸茶。呢度既焗豬扒飯不嬲水準都係差不多，唔會太差，但又唔可以話好出色，只係水準比較穩定，買完後等了一會就可以拎到，都算快！豬扒飯入面有好幾舊蕃茄，豬扒他們會將豬扒切件，大約都有五件左右，份量都算多，蕃茄醬淋上面，再用芝士放在面頭在焗一陣，等芝士完全溶化，炒飯只係用上蛋略略的炒下，加上配料一齊焗，飯就冇特別的驚喜，豬扒醃得好入味，唔靱，唔鞋。蕃茄醬都唔會煮到好腍，還可以食到有點質感，醬汁入面加入洋蔥，令醬汁味道提升，送埋一流！凍檸茶冇午麼特別，茶冇乜香味，檸檬有三片，嫌茶甜左少少。

因為今日細佬要車我爸媽去尖咀，我又咁啱在尖咀，佢就順便車返我返屋企，到屋苑樓下，細佬話要飲下午茶，所以就黎到呢度，呢度既下午茶都幾多款，他揀了一碟鮮茄豬扒意粉，我就叫左個奶醬多，一個下午茶係可以包一杯紅荳冰，另一個餐則點了一杯凍檸茶。呢度的鮮茄豬扒意味道都算唔錯，但我唔喜歡意粉冇炒過，只係烚完再放豬扒同蕃茄醬汁，其實唔單止呢度，好多地方都唔會再將意粉炒過，可能嫌麻煩啦，但真係失色好多，好彩個味道還可以，塊豬扒都醃得唔錯同都算幾大塊，以下午茶黎講份量都算ＯＫ，所以還算合格！我就叫了件奶醬多，奶醬多都算幾多醬和多練奶，麵包都烘的剛剛好，外面有點脆，唔錯！紅荳凍的紅荳煮得幾腍，他仲會加上一些冇咁腍的紅荳，這樣就有紅荳味之餘仲可以食到一粒粒的紅荳，加上花奶，都還唔錯的，只係嫌佢甜左少少。凍檸茶的茶唔太濃，檸檬片唔多，得兩塊，糖水就落得比較多，所以唔太喜歡。屋苑餐廳其實都無謂太過奄尖，最緊要係醫肚。嘻嘻！！

有一天，走到火炭穗禾苑探一位親戚，臨走的時候，在樓下的茶餐廳吃了一個下午餐，味道和價錢都不錯，這次吃的是吉列豬扒烏冬，吉列豬扒另上配沙律醬，豬扒炸得十分香脆、熱辣辣，而烏冬不帶酸，整體的水平都很好。

Dropped in for a quick tea after school. The staff were amazingly friendly and there were a lot of vacant seats. Generally not too busy on weekdays. There are a wide variety of food offered in this big restaurant. The pricing is reasonable for the portion size served.