影片
开饭介绍
來自東京的米芝蓮拉麵店品牌，主打以大蜆、豚骨、魚介三種純天然食材熬製而成的「貝汁湯頭」，入口鮮味突出。
继续阅读
附加资料
收費以四捨五入計算
营业时间
今日营业
11:30 - 22:00
星期一至四
11:30 - 22:00
星期五至日
11:00 - 22:30
*星期一至四截單時間: 21:30; 星期五至日截單時間: 22:00
以上资料只供参考，请与餐厅确认详情
有关奖赏计划
喺香港，我試過好多拉麵舖，無論係有名嘅連鎖店，定係匠心獨運嘅獨立店，真係好味嘅地方唔少。但金色不如歸呢間店，雖然名號詩意，拉麵嘅味道卻令人失望。食咗之後，心中充滿疑惑，究竟食咗啲咩？見到其他食家因其米芝蓮評分懷疑自己味覺，我覺得不用自我懷疑，自信啲，盛名之下 其實難副呢間餐廳由品牌包裝到店面都做得唔錯，設計感十足，但味道卻完全唔配得上呢種形象。其實，正正係呢啲重視包裝而忽略味道嘅餐廳，會對香港美食之都嘅聲譽造成傷害。希望餐廳經營者明白，品牌經營固然重要，但食物嘅味道先係根本，否則再美嘅包裝都無法掩飾味道嘅不足。希望佢哋可以重視味道，令顧客真正享受到美食的樂趣。
继续阅读
終於見識到米芝蓮一星拉麵貝汁醬油湯底有獨到地方.有層次.有鮮味.配搭牛肝菌醬更見特色.可能是午餐預先製作關係，炸豆腐脆粉不脆了餃子略帶苦澀.唔知點解.總括嚟講試一次夠了
继续阅读
喺東京連續五年米芝蓮一星嘅拉麵店，香港都有好幾間分店，呢日終於第一次試🫡▪️貝汁醬油拉麵 （6/10）💲127面頭有堆黑松露醬、牛肝菌粉同牛肝菌油，香氣四溢，加上蜆湯、豬骨清湯、魚清湯三重湯底，不過黑松露同埋牛肝菌比較搶味，蓋過湯底應有既鮮甜，中段開始覺得鹹，食完都頗口渴😲三層肉軟薄，低溫叉燒尚算嫩滑，小麥麵條幼硬彈牙，可惜份量實在太少，我係女仔嗰日本身唔肚餓都覺得唔夠喉，男仔真係食空氣🤪▪️白豚骨拉麵 （6/10）💲115試左一啖仔，豚骨味唔算好重，但就相對無咁鹹😮💨▪️溏心蛋（1個） （7/10）💲15另外點既溏心蛋，原隻奉上，蛋白部份滑溜，咬開蛋黃半熟狀態，而且醬油味夠入味🥚🔎 整體評分（6/10）
继续阅读
鍾意食拉麵都應該有聽過, 日本過江龍拉麵, 香港米芝蓮推薦餐廳, 主打貝湯湯底拉麵香港開左幾間分店, 餐廳氛圍黎講我個人最鍾意尖沙嘴果間, 但系呢間坐落都舒服, 位置闊落食過幾次, 試左幾款都系推薦兩款貝汁湯拉麵, 其他豬骨湯果d比較普通, 吾洗比呢個錢起度食, 同行兩人分別叫左一個 鹽味 同 醬油, 但系我地兩個人都系偏好鹽味, 清d 同鮮味都突出d🍜 貝汁醬油拉麵 $128🍜 貝汁鹽味拉麵 $128🍜個湯既配料已經有餐牌詳細介紹, 可以直接看圖, 呢度就吾重複講, 但一定要講既系如果你系第一次食, 一定一定, 要跟住個 指引 黎食! 成個感受同你就咁食會多左好明顯既層次感, 吾是講笑, 個體驗好似欣賞緊一碗藝術品🍾食果時咁岩餐廳同一個本地工作室做合作推廣, 有幾款特別樽裝有氣茶, 我地試左個柚子玄米茶, 又幾好飲, 不過茶味吾夠出, $29 黎講偏貴 (不過之後去MUJI 見到賣緊 $31 🤡)
继续阅读
今天大鄉里出城做嘢，路經又一城，在又一城裏搵好嘢食，中午飯又想食啲濕濕地嘅嘢，最後決定食拉麵🍜呢間拉麵我已經第二次幫襯，水準keep到👍🏻 貝味鹽味拉麵-一試過湯底已經覺得同其他拉麵舖有所不同，清甜可口，原來湯底係用蜆湯、豬骨清湯、魚湯三種湯底調配而成。還有再加了京蔥、白松露油同牛肝菌醬，非常特別👍🏻火焰豚肉叉燒飯-呢個飯同拉麵比較呢個飯有驚喜😍豚肉係有用火燒過，我將豚肉同飯放入口個豚肉入口即溶，一試難忘，值得再去食🫶🏻走嘅時候才發現這拉麵原來取得米芝蓮推介，大家經過去試吓😜
继续阅读