金記冰室 (八號花園) (已結業)

老牌冰室金記遍佈港九新界各區，應該無人未聽過佢嘅大名掛，今日來到太和工作，就試下新開嘅大埔分店吧門面古色古香，金漆招牌絶對係其標誌，雖裝潢上加入左新元素，但仍堅持保留住懷舊色彩1967年開業至今，當中遇到困難結業後再重開，其不屈不撓精神實在值得敬佩店內十分整㓗，裝潢設計特別，散發著懷舊氣息，果然貫切始終十大金牌精選非常吸引，牛河，焗豬扒飯，牛肉米等，見到都流口水🤤茶餐好抵食，40元內有交易，抵另外仲有好多選擇，保証茶記叫得出的都一定會有，信我而我就決定叫個鐵板套餐嘆下先，因為我連lunch都未食架大佬，好肚餓各式特飲亦包羅萬有，仲有黑牛飲，即朱古力雪糕加可樂，正咼！我老公至愛P.S.: 華田原來係敗家仔嘅意思，又幾得意咼好彩我唔好飲華田啫鐵板西冷牛扒配黑椒汁賣相吸引，大大份，分量十足配菜十分豐富，配色吸引，薯條金黃香脆鐵板熱辣辣，淋上惹味嘅黑椒汁即時霧氣沖天，乍乍聲 牛扒生熟度剛好，火喉控制得好好，牛味濃而且有口感，咬落好林不會有渣有筋最後來一杯凍檸茶，超爽快勁滿足這𥚃嘅鐵板餐超水準，而且價錢合理，大家有機會一定要來品嚐下啊

大埔中心一向多美食，每一晚都會頭痛諗食乜嘢，不過好彩有啲新開張嘅鋪頭可以試吓。買完野經過見到一間港九新界都好多分店嘅連鎖冰室，一直都想試吓，今晚有機會了。店員都非常體貼，我哋一坐低隨即俾咗我哋一人一杯水。餐廳嘅環境裝修以綠色為主，而且古色古香，連裝糖嘅杯我記得係90年代嘅時候，我嫲嫲成日用架🤣🙈。餐牌嘅種類繁多，仲設有兒童餐。由於我哋實在太肚餓，一口氣就叫咗以下幾款食物 :金牌乾炒牛河炒得好有鑊氣，而且好入味，牛肉嘅份量都頗多，食落去一啲都唔油，反而炒得好乾身，牛肉味道濃郁，難怪成為金牌食物之一。見到鐵板餐嘅食物圖片咁吸引，我哋唔少得叫一份。鐵板美式雜扒意粉配以黑椒汁，當中包括有雞扒、豬扒同埋牛扒，仲有腸仔同煙肉添。最欣賞就係雞扒，因為雞扒嘅皮煎得好香脆，而且雞肉質感比較軟，好嫩口，唔錯唔錯。男人飯嘅炒蛋叉燒飯又係好吸引，食落去炒蛋質感好滑，配以軟林林嘅叉燒一齊食，送飯一流。還有金磚風沙炸豆腐，每一件都非常大件，而且外皮脆卜卜，豆腐唔會散，仲要好滑！另外其他小菜食物都好好食。最後仲有甜品-金粒西多配雪糕為呢一餐豐富嘅晚餐畫上句號。

知道大埔最近開咗好多間冰室餐廳，見到新開張嘅金記冰室門口已經好震撼，好多人排隊等位中，我地都唔執輸去排隊食晚餐。一行四人就被安排坐圓枱位置，雖然餐廳已經爆滿好多人，但係位置空間都好闊落。一本餐牌厚厚的，入面嘅食物圖片圖文並茂，每一款都非常吸引。冰室當然要叫啲簡單輕便嘅食物，首先叫一些小食同埋飲品醫下肚。深海吉列魚柳配沙律🥗賣相都幾吸引，魚柳炸得好香脆可口，而且都幾大塊，旁邊仲有兩個半圓形嘅沙律球。炸魚柳食落去外脆內軟，而且魚肉好滑溜，點小小沙律醬食，更更滋味。飲品除咗普通餐飲之外，仲有啲特色飲品，我哋幾個人分別叫咗凍香滑奶茶、熱阿華田、凍好立克、幾支可樂、熱檸檬水等等，最特色係我朋友叫咗嘅西班牙咖啡。西班牙咖啡賣相好別緻，杯型流線狀底下呈現深啡色嘅咖啡，面頭有一層螺旋形嘅cream，攪勻一齊飲特別滑，仲好Creamy，甜甜地帶點咖啡嘅甘苦味道。其後就order左幾個小菜套餐一齊食，當中仲有我最鍾意嘅海南雞飯。估唔到海南雞飯除咗賣相吸引之外，雞肉仲好鮮嫩，仲有不同嘅醬汁可以點綴。我哋四個人越食越多野，不過食到咁飽，最後都只係$600有找埋單，我哋大家都一致認同好抵食，下次會再幫襯。

大埔最近冰室進駐,有唔同品牌開張金記為其中一間比較有名氣的冰室有常餐有晚餐醬爆豬頸肉 金記煎肉餅 黑醋雞翼 鮮番茄芝士焗飯配炸雞脾 Kam Kee Cafe點了金記煎肉餅 黑醋雞翼 焗飯配雞脾 爆豬頸肉4個例湯連飲品$275金記本身調味偏濃,食過1,2次所以都有心理準備醬爆豬頸肉 ,應該係用蝦醬,淡淡蝦醬香配西芹頸肉,配飯食好飽肚金記煎肉餅, 即點即煎,小巧一片片,煎得脆身,配辣醬黑醋雞翼,以炸香既雞翼再掛黑醋醬汁,開胃,炸得好脆口鮮番茄芝士焗飯配雞脾炒飯底加芝士番茄片焗香,新鮮熱辣另外配上一隻炸脾,即得好脆口,啖啖肉呢!2杯奶茶2杯檸茶,茶味略淡,濃D好飲D例湯都係偏濃味,但足料不錯大埔安慈路2號八號花園地下8號舖Shop 8, G/F, Eightland Gardens, 2 On Chee Road, Tai Po

之前食過APM既金記 一直都覺得係間好唔錯既特色茶餐廳🍳估唔到而家係大埔都開左啦 今晚就帶埋屋企人一齊去食啦🤩但一去到😱😱竟然要排長龍😱😱😱雖然人流都算快 但唔鐘意排隊既話建議避開peak hour黎食😂整間餐廳都係以懷舊老香港做主題 連Menu, 桌上既用具都有呼應 幾有心思呢食物選擇仍然係超！多！款！不過甜品同飲品款就好似無APM咁多款...🤔我地都心思思揀左好耐😂上菜速度堅快!! 最先黎既係 秘製咖喱牛腩$68+$15就可以轉餐 跟白飯例湯同咖啡/奶茶但我地仲叫左炒飯所以無轉到咖喱係屬於椰漿味較重的一款 所以唔會辣呀薯仔勁淋勁索味🥔牛腩份量幾多喎 但係唔夠淋身咸魚雞粒炒飯$53呢個好正呀😍飯粒堅係乾身粒粒分明有少少焦香既感覺 而且唔油膩 唔濃味配料份量適中 成件事就係覺得好proper!金磚風沙炸豆腐$58我地覺得係必叫之款😋熱辣辣的上枱風沙不嬲係較重口味既調味但係呢度拿捏得幾好惹味得黎唔過咸 豆腐亦都係滑滑的 好正送飯更佳🤤欖菜肉崧四季豆$58個人覺得有D過油 但味道同口感是不錯的肉碎亦都真係好多下!發現呢度既食物真係唔會過濃味喎 很適中 值得讚食完健康蔬菜... 就係時候迎接

係大埔睇完醫生，就等老公收工黎接啦，經過見到開了新餐廳，門口已好多人等緊位，所以我地都入去食晚餐上網找了一些資料，原來有45年歷史的金記冰室本位於筲箕灣，2012年底因租金大幅增加而結束營業，在因緣際會下，92歲的老闆陳桂秋放心將金漆招牌託付這位資深客人徐文偉傳承下去。老店因此重生，於2013年重新再開業，之後陸陸續續開分店，竟然大埔都有，唔駛出到去咁遠食啦。餐廳有好多款式，有鐵板、中式小菜、炒飯、炒麵、通粉、三文治等等。XO醬海鮮炒烏冬($55)海鮮有蝦，蟹柳同魷魚，XO醬味道非常濃郁，食落又唔會太油鐵板美式雜扒（$80）（蒜蓉汁）有豬扒、雞扒、牛扒、腸仔、煙肉、薯角，竟然出奇地好味，起碼牛扒唔會韌到咬唔到，牛扒同豬扒都非常軟腍兒童餐（$48）兒童餐都好豐富，有忌廉芝士磨菇釀雞翼、煙肉腸仔卷、香脆薯格、牛油粟米粒、肉醬意粉、橙汁、棉花糖，但肉醬意粉竟然係辣，小朋友食唔到，建議最好唔好加辣香脆炸薯條（$23）份量都好多，抵食黑牛

搬屋果時真係搵左好多老友幫忙先搞得掂，個個都真係唔話得，人情債真係要還架！而我今日就入左平時好少入泥既大埔還其中一個既人情債😂朋友好識做，知我地洗左好多錢，揀左間平民扺食新開既冰室泥開餐！真体貼也！泥到門口排哂長龍，入面勁多人外面又企滿哂人，勁醒既朋友係等緊我地既時候已經等緊位，所以不用太耐就入坐！望下餐牌真係好多款式揀，但竟然三人都揀食鐵板扒餐😂真係擇日都無咁岩。唯一有少少不同既係我地分別揀左美式雜扒，海陸雙拼同西冷牛扒！熱辣辣上枱，啲汁倒落板到滋滋聲，香氣撲鼻！即刻想大口食落肚，肉都醃製得剛好又多淋！配上黑椒汁，一向絕配！餐湯係羅宋湯，加入牛骨煲既真係好喝很多！有我最多既雪山菠蘿冰，真係不是處處有！最後整返個金粒西多配雪糕作結尾，大滿足！西多一件一口岩哂女士咀形，香口外脆內軟！正！仲有小朋友餐，好吸引！山長水遠泥到，食到呢間真係不枉此行，好彩有朋友介紹食呢間，下次入大埔要試埋佢其他既野食先得！

好難得 weekday 可以補假, 一於約返 shift 嘅friend子 食個lunch，大家放假都唔化妝，就約喺附近冰室食下野傾吓偈啦！話說最近開咗好多間冰室的物體，我哋揀 金記係因為買咗 coupons, 又抵食啲！中午時間真係好多人，尤其是好多放咗學嘅可愛小朋友, 因為有可愛嘅兒童餐食! 可惜我係大人如果唔係我都想食.午市套餐價錢確實幾優惠，而且仲已經包埋餐湯同埋一杯野飲！唔肥唔食，一於食返個炒粉麵先！干炒三絲意粉 $60，夠晒鑊氣而且足料份量又大。仲已經包埋餐湯，我飲嘅羅宋湯更加係經典懷舊味道，真材實料，正！加錢配特飲西班牙咖啡，香濃嘅咖啡配上雲呢拿雪糕，冇得彈！朋友要咗個鐵板雜扒 $80，熱辣辣嘅鐵板，香氣四溢！有齊多款扒，感覺豐富！我哋一邊食一邊傾，就算連茶餐廳我哋都可以叫個甜品做ending，金粒西多配雪糕 $36，如果有埋花生醬內涵就更加 perfect 啦!食完之後終於明白點解餐廳外面嘅人龍越排越有，因為真係抵食而且又好味道！

上星期我和仔仔到屋企附近開餐，見到大埔八號花園Marketplace旁邊開咗一間新嘅《金記冰室》，門口六點多已經有不少人排隊，見到新野梗係唔放過啦！😉金記冰室屬經典港式茶餐廳，港式數一數二之懷舊冰室，提供一系列懷舊食品及飲品。餐廳裝修幾別緻，而且有老香港特色，以懷舊冰室作主題，新店坐位舒適，光線充足。這些掛牆鐘跟牆壁真的好配合，絕對係打咭熱點！🤳🏻餐牌有好多唔同嘅選擇，常餐類、小菜、碟頭飯、炒粉麵、咖喱、小食、鐵板餐⋯⋯應有盡有，真係令人花多眼亂🤪望完整份餐牌之後，最令我仔仔印象深刻嘅，一定係火車頭兒童餐！佢一見到就話要試試😅 火車頭兒童餐包括有忌廉芝士磨菇釀雞翼，煙肉腸仔卷，香脆薯格，牛油粟米粒，肉醬意粉，仲有橙汁同埋甜品。而我就叫咗一份鐵板西冷牛扒套餐，去冰室食返個鐵板餐是常識吧！😆火車頭兒童餐（$48）兒童餐以火車造型，顏色豐富，外表吸引🤩橙汁和甜品的紅色杯子同時可以放到兒童餐碟上作火車煙通🚂可愛極了！小朋友一定喜歡💕忌廉芝士磨菇釀雞翼，以忌廉芝士蘑菇濃湯釀進雞翼內，雞翼外表脹卜卜，裏面有蘑菇同忌廉芝士醬，外脆內軟。煙肉腸仔卷，煙肉煎得好香口，雖然同腸仔好似分開咗，不過兩者都就算

今日和媽媽新界一天遊，晚上來到大埔中心，在附近見到有間金記冰室大排長龍，約有二十人在排隊，附近其它的餐廳都沒有人排隊，應該都不會太差。我們排了約十五分鐘侍應就安排我們入座，店內原來座位都很多，不怪得這麼快就可入座，店內環境很新，充滿著壞舊香港的格局。餐廳有多款小菜、晚餐、特餐等選擇，我們最後點了金銀蛋肉碎浸時蔬、薑蔥霸王雞、XO醬茄子牛仔骨、紅豆冰、凍檸茶，晚餐餐包中湯或西湯，餐飲。金銀蛋肉碎浸時蔬 - 蛋和肉碎份量足，味道不會太咸，不錯不錯👍🏽！薑蔥霸王雞 - 不太肥、也很滑、但薑蔥略少XO醬茄子牛仔骨 - 牛仔骨醬汁味道一流、茄子不會太油紅豆冰 - 紅豆和椰汁黃金比例，又不會太多冰而溝淡凍檸茶 - 正宗冰室檸檬茶總評：價錢實惠，食物一流，而且我坐的座位還有USB充電。

金記終於黎咗大中啦 😍👍好方便,以後收工食飯都可以嚟呢度食!餐牌好似月曆幾別緻,有齊早,午,下午茶,晚餐仲有兒童餐👍樣樣都好吸引,咩時侯黎食都得正👍叫咗個小菜套餐 ,可選中/西湯簡咗中湯,好足料大大碗唔係味精湯,正👍蜜桃咕嚕肉咕嚕肉外層炸得脆內裡大啖肉juicy!蜜桃大大塊好甜好好味,配碗飯食仲有剩~認真大件好食又抵食👍👍👍飲品方便叫左杯雪糕紅荳冰❤大大杯,雪糕好新鮮,飲完成餐勁滿足啊!

香港知名的金記冰室開了那麼多分店，我還是一次都沒有試過，就是因為它跟我的距離太遠了！最近就正正在大埔區八號花園開了新店，本來想馬上去試，怎料竟然遇上超長人龍！眼見那麼長的隊列，帶著家人的我還是得硬著頭皮排一排，因為真的想吃很久了！等待２０分鐘終於進場。這裡只是一半的餐牌，因為實在太多選擇，小炒，通粉炒蛋多士，焗飯，泡飯，咖哩，扒類等等全部一應俱全。雖然是茶記，但裝潢，衛生也沒有馬虎，不會有地下黏黏的一般茶記問題由基礎開始，點了Ｄ５號餐　糖醋紫薯排骨，餐湯是羅宋湯，味道正常，酸甜調較得適中，亦沒有過多渣的問題。至於主菜，紫薯跟酸甜醬配合度極高，實心不生水的紫薯實在非常好吃。而糖醋排骨其實即是生炒骨，醬汁比一般餐廳較得沒那麼甜，滿開胃的。西冷牛扒餐配薯菜是茶記另一種特色，一般侍應都只會放桌上幫你下醬，而客人則用紙巾擋住濺出的醬汁而這位仁慈的肥哥哥卻主動幫客人放醬，用竉大的身軀為客人遮風擋雨，多麼貼心的服務！連紙巾也省回一張，也為環保出了一分力！說回正題，主角西冷牛扒沒有用鬆肉粉把肉醃得軟稔但失去肉味，肉本身肉香很濃，我最愛的肥膏位也沒有切走，大讚！不過有點過熟，但用鐵板上，過熟也是沒辦法的

同朋友係大埔踩完單車，成個人散晒，見到哩間冰室排晒隊，我都入去醫下肚先。金磚風沙炸豆腐($58)，外脆內熱，豆腐又滑，加埋椒鹽一齊好香口，必須趁熱食。芝士鮮茄焗炸雞脾意粉($53)，雞脾好大隻，一樣炸得好脆。海南雞飯($62)，最好食係個飯，好重雞油味，真係食2碗都可以，海南雞無骨啖啖肉又夠滑，唔錯。滑蛋韭王炒蝦仁($58)，份量都幾大碟，蛋炒得唔會太老，而且仲有蛋汁。金粒西多配雪糕($36)，西多上碟已切成9粒，方便食客直接可以食，好鬆軟，仲跟左球雪糕，一冷一熱口感幾好，價錢都好抵食。雪山菠蘿冰($13)，雪碧+菠蘿粒+雲尼拿雪糕。蛋白杏仁茶($13)。

朋友叫左我同老婆去左佢大埔屋企，晚上就黎左呢間金記冰室食晚飯。呢到好誇張，門口排哂隊，我地都十分期待我地一行4人，一共叫左4個扒餐同一份西多。金粒西多配雪糕：香脆既西多配煉奶，好味另外再配上雲呢拿雪糕，未食正餐先食甜品中湯：羅宋湯：雪山菠蘿冰：雪碧+菠蘿+雲呢拿雪糕。雪山什果冰：雪碧+什果+雲呢拿雪糕。鐵板海陸雙拼配薯菜：豬+魚，老婆食得津津有味鐵板西冷牛扒配薯菜：朋友忘記左叫佢喜愛食既5成熟，結果黎到時切開接近全熟🤣，不過佢話都好好味。鐵板美式什扒配薯菜：份量非常多，我食都好飽總結一下，呢到既扒餐，價錢平，份量足、味道好，我地一行4人都話下次要黎試下d小菜