金記冰室 (八號花園) (已結業)

大埔友食飯，經過八號花園嘅金記冰室，個門面喺大埔區嚟講算係大，放滿餐牌喺門口，睇啱野入，GO~【老火湯】都算有啲湯料，又唔會太咸，OK啦。【無冰奶茶】我自己就最鍾意，茶味夠，又用冰鎮方法，保持奶茶濃度。朋友就大讚【綿滑蛋白杏仁茶】，清香杏仁茶再加上滑滑蛋白，唔係度度有得飲！【滑蛋非王炒蝦仁】 竟然可以滿足到我奄尖朋友嘅要求：走韭王！ 蛋炒得非常嫩滑，最值得讚係個蝦仁好大隻，有蝦味又彈牙又無蝦屎，照計應該係急凍蝦仁，但估唔到有鮮蝦味道，有驚喜喎。【白胡椒豬肚雞煲】呢個有啲失色，雖然材料唔少，但豬肚同雞件都偏硬，唔太入味。 個湯嘅胡椒亦唔太突出。最後叫左【金粒西多配雪糕】做甜品，即炸西多粒配埋雪糕球，YUMMY~~員工服務同態度都唔錯，執枱收碟勤快。 枱面亦貼紙寫住啲防疫措施，食得放心！

🐣香煎香草雞扒薯條🍟薯條雞扒都好出色😭👍🏼但份量其實可以多少少薯條炸得又熱又脆雞扒煎得香口 又甜甜地·🐷XO醬豬扒炒烏冬🐷真係麻麻 冇咩獲氣 烏冬咸同un(?)😰但豬扒係幾好 肉吾un·🐮咖喱牛腩飯🍛整體幾好喎😵 牛腩吾un 又吾會「zip牙娜」但咖喱吾辣 岩晒我😂·熱飲個杯☕️同匙🥄都幾得意🥴下午茶黎講價錢都算高 食物份量都不多但冰室都係甘上下去到吾洗等位 但果日去員工人手好似吾夠甘要叫好耐先有人理下😅

每次午餐時段經過金記冰室都好多人排隊下午茶時段會少啲人所以今次去試咗佢哋嘅下午茶餐😚.分別嗌咗豬扒包、炸魚柳包同一口鮮牛油多士🤩首先講吓個鮮牛油多士$14包餐飲真係抵到爛個人而言呢個份量做前菜啱啱好唔會太多唔會太少食完唔會太有罪惡感🤣牛油處於半熟狀態一咬落去嗰種鹹香嘅味道真係好正😍.另外炸魚柳包即係推介之一！魚柳包即叫即炸 一上枱新鮮滾熱辣炸皮唔會太厚 好味過快餐店嗰啲🤣同埋份量好大！.豬扒包亦不相伯仲 可惜豬扒份量相比魚柳較少係呢方面比較遜色但整體而言味道唔錯😚📍 金記冰室 (大埔)大埔安慈路2號八號花園地下8號舖

叫外賣嘅時候 薯條入邊有蟲 食唔食你哋自己諗 我真係想像唔到一間茶餐廳啲嘢食可以咁污糟 廚房入邊有幾核突你哋自己諗 淨係想提醒其他食客睇清楚狀況 鍾意食蛋白質嘅可以去挑戰下自己

個人較喜歡到金記食早餐，晚飯中餐餸菜比較鹹，所以不打算推介。 相反比較欣賞他們的早餐， 若然鍾意濃味的，可以選擇沙爹牛肉餐款，如果當天想食清淡一些，還是推介薑絲牛肉米粉或者仿鮑魚絲火腿通粉。 前者湯底比較淡，但係有好香濃嘅薑味；如果對通粉情有獨鍾，可以揀後者，佢嘅湯相對濃一些，但亦唔覺得太鹹，食完不太口喝。 我全家最欣賞的是咖啡同奶茶，鍾意飲凍嘅朋友可以試下冰鎮奶茶，相信未必輸過太興。

今日特登過嚟金記冰室食早餐，平時見好多人排長龍，真係好好奇點解咁多人願意排咁耐隊去食呀。朝早九點前入座，所以唔需要排隊，非常快！之後已經要排隊了鮮牛肉米粉套餐，煎蛋轉炒蛋加埋多士，加杯嘢飲都係$42。好有驚喜，鮮牛肉湯米，有薑絲、蔥，真係昇華左味道，讚👍🏻炒蛋都好滑！邪惡多士，加左牛油，烘到好脆！隻杯都係懷舊款式，好靚！其實餐牌好靚、好有誠意，不過我唔記得影相！朋友話晚餐都值得讚，下次要黎再食晚飯！

暑假瞓晏咗，晏咗食早餐，兩點幾先走去食個lunch, 識揀嘅梗係食下午茶啦😚呢間冰室，lunch time長期排長龍，平日下午茶時段唔使排隊喎，門口仲有老夫子同大番薯介紹菜式🤗。鍾意睇老夫子，識咗就好多四字詞語，呢度有耐人尋味嘅豬扒飯同名副其實嘅乾炒牛河😉冰室走而家大熱嘅懷舊裝修路線，坐得舒服。先整碟乾炒牛河，唔會話好油，味道恰到好處。牛肉夠淋，加上芽菜，上面灑上白芝麻， 睇得又食得咸魚雞粒炒飯，重點係啲鹹魚先炸過，好香脆，炒飯最緊要炒得啲飯粒粒分明，加上生菜絲，雞粒，蛋絲，夠曬香口見有原味奶茶， 其實即係冰鎮奶茶， 雖然要加$5，即管一試，奶茶好香滑，我覺得稍甜，問侍應要咗杯冰，加咗落去，啱我口味。 另外一杯熱檸茶，正正常常， 鍾意隻懷舊杯呢度真係會食過返尋味

係大埔lunch時間揾食， 好難揾到間唔駛等得耐，又有質素既餐廳。金記其實係大埔同太和中間， lunch 套餐選擇都唔少， 我好快就揀左被推介既咖哩豬扒飯原來可以原件上或者切件上 （可能我平時太少去茶餐廳）待應服務好好個飯終於黎到，咖哩係分開上既，味道濃郁有層次感，重有薯仔添，簡直就係咖哩迷既福星 直頭可以食多碟飯。餐廳重有可以點佢個海南雞飯，同鐵板餐。見眼友人個鐵板餐一d都唔馬虎嫁！最後賣單時，可以用手機apps支付，重可以用埋coupon又慳左d錢添！

近來真係愈來愈多連鎖式冰室，今日同好姊妹去食飯，佢就話有間叫金記冰室，啲炒飯炒得幾好食，咁啱有間喺附近，當然要去試一試佢啦。夜晚其實都幾full，好彩排咗幾分鐘就有位，一向鍾意食鹹魚嘅我，梗係揀鹹魚雞粒炒飯試試，$56 正常價錢，凍飲仲有半價優惠，都幾抵喎。咸魚雞粒炒飯 $56個飯吵得幾乾身，粒粒都包住蛋漿， 金黃色，非常唔錯。配料份量都好足，鹹魚大大粒夠晒味，比較值得欣賞嘅係佢嘅雞係去皮嘅，仲炒香過，唔會有雪味，鹹度適中，係我食過嘅鹹魚雞粒炒飯中，可以列入三甲之位。睇來以後我有多咗個好地方食飯啊。

放假瞓晏左，2點幾搵飯食，天氣咁熱，忽然想食酸酸地既焗豬扒飯，見依間餐廳成日有人排隊，就一於試下雖然要排隊，但都唔算等得太耐下午茶餐，樣樣都好想食最後我揀左鮮茄濃汁焗豬扒飯 （$47）- 佢係炒飯底，加一塊焗扒碎上，再加濃濃茄醬，仲有小小芝士，好開胃朋友揀左金牌乾炒牛河 （$47）- 一睇佢個色水就知好夠味啦，牛肉都有唔少，邪惡下午茶仲叫左2杯熱咖啡☕️- 機沖咖啡，好香好滑，我地一致欣賞，飲士成個人醒晒我絕對會因為佢杯咖啡再Encore 依間餐廳

呢間冰室入面近收銀處好得意，上面會有架火車不斷來回，舖面深綠色，裡面係啡色主色配深綠色，唔通係車站主題? Anyway, 食個佢出名既焗豬扒飯先。焗豬扒飯 - 即焗等左10分鐘，上到檯吸引到呢…..紅紅既蕃茄醬、熔熔地既cheese、面頭見到大大塊既蕃茄。對唔住，我忍唔住開動唔記得影舊豬扒。惟有用文字形容一下。裡面係塊有骨豬扒，唔肥無雪味。蕃茄汁好濃茄膏味，飯底係炒飯底。好好味~A餐 (沙爹牛肉麵，油多煎蛋) - 煎蛋上碟略嫌油多左少少，油多新鮮OK。同事話沙爹牛肉麵都OK，個人喜好加左佢地既辣椒油仲好食。海南雞飯餐 – 海南雞好大碟，雞肉幾嫰，油飯OK。

是咁的今日收左工喺度頭痕緊食乜好之際，見到一間冰室門口，寫住傳承50載！我就膽粗粗去試吓！咁自己一支公，我就叫咗個炒公仔麵食！XO醬豬扒炒公仔麵(本人對芽菜是麻麻地的，所以叫走配菜)初頭仲諗住，應該咪又係個d，每一次走配菜成個味都會鹹咗，不過，今次呢個好唔同，食落口食到一淡淡既鑊氣，上面炒香過既芝麻，配埋個炒公仔麵都真係既夾，豬排都好林！不過，頭先都講過一支公，等我下次叫埋三五知己試吓佢哋最出名嘅羅宋湯

自己住左大埔廿幾年，區內大部分茶餐廳同冰室都食過晒，基本上唔太難食都會keep住幫襯。最近就新開左間金記冰室，見裝修幾靚就同家人試下。一入去非常唔好彩編左門口位，而且因爲繁忙時段都無得揀，而對面搭枱既就嫌熱得滯所以走左，但我地趕時間唯有忍下。服務態度我都幾滿意，不過野食真心好難食，唔知係因為新開定繁忙時間？所有野份量好細同好稀，感覺唔值$60，感覺好差。不過下次應該會比多次機會試下午茶，午市就真係不了。

心思思想食焗豬扒飯，記叫左個鮮茄焗豬 點知一黎到雖然係好熱 但豬扒落左好多鬆肉粉 咬落無質感 都唔似食豬扒又多肥膏 配料亦偏少 得一兩舊罐頭菠蘿 蕃茄都唔多覺 汁就多 真係快餐店咁既質素 😞但收成$58 大家睇下值唔值喇

今日嚟到大埔出show，一做就做到夜晚，好肚餓，所以喺附近搵間餐廳食下。金記冰室其實好多地方都有，不過一直都冇機會試。今日終於去試到啦。我叫咗個京都肉排，只係$58 ，加$15仲可以配白飯同飲品，非常超值啦！京都肉排甜甜地酸酸地，非常之開胃。而且菠蘿同洋蔥都好多，令到成個菜更香。個汁撈飯，平時食半碗飯嘅我，今日都食晒成碗。本身仲想試吓佢個甜品金粒西多配雪糕，不過太飽啦食唔到，唯有留返下次有機會再試下啦。