金豪茶餐廳

营业中

休息中

伙計態度好差我地去點野飲, 明明講左飲d咩點知轉過頭就拎d唔關事既野飲俾我地仲黑哂口面話'送俾你既就唔好揀啦'你係無得揀既就寫明, 無端端咁做真係好嬲囉仲要唔止一次, 我地下次再去又係咁已經black list左呢間野, 以後都唔會去

昨晚路過見到門口有人食緊牛腩, 立即產生了食牛腩的意慾, 所以走鰦 入去幫襯. 見到餐牌上有肥腩就見鰦 鈬 試纒 . 肥腩真的可以和九記的爽腩看齊. 十分好食! 一定會再去幫襯!

十年前差唔多日日都係呢度食早餐，之後就無緣再來，直到今晚，我先至有機會食到，可能係全港最好嘅肥牛腩！如果你滿足于九記嘅肥腩，你食完呢度之後，可以忘記九記啦！咁好法？如果你知乜係爽腩，試幻想吓，將d肉換成比美孖筋咁脆口嘅肥膏會係點！而且佢嘅清湯係十分濃，加上河粉同兩滴辣油，真係好到連湯都想呷光！一般粉麵餐$21有麵有飲品，肥腩/坑腩要$24。但係作為一個男士嘅晚餐，一個餐真係差少少，所以加多碗牛雜米。咁我有個奄尖嘅食法同大家分享吓，就係將大腸內面嘅肥膏挑晒出來，等佢地浮係面，咁就可以令整碗米都有牛油嘅香味，但係又唔洗食晒d肥膏入肚咁唔健康。真係好味d架！唔信下次試吓！

食過幾次外賣, 最鍾意佢d 牛肚, 夠腍夠入味!牛腩都唔錯, 記得對上0個次食, 竟然俾了爽腩, 肉味濃, 又夠腍, 非常好食!牛筋反而麻麻, 唔腍, 好似食橡筋咁-_-"粉麵就一般啦, 米粉唔會太腍一pat 0野; 麵唔爽亦幾鹼水...0係九龍城想食牛雜, 相信呢度都幫襯得過的, 不過如果齋想食麵, 就係另一個問題喇...(笑面係for 上文提及0既牛腩, 諗起都想食!)