金飯館

营业中

休息中

細個睇美味天王見到一道金釀銀炒飯成為左我心目中美味炒飯嘅典範位於牛頭角嘅金飯館同樣以黃金炒飯作招徠今日我就黎一試究竟餐牌有多款黃金炒飯而最吸引我就係即叫即炸椒鹽豬扒飯椒鹽豬扒飯好似座小山一樣炸豬扒即成粗長條狀有五六條未切應該大件過手掌🖐️面上爆多蔥蒜香味先聲奪人炸豬扒炸得酥香之餘肉質保持軟嫩👍蔥蒜惹味唔會過鹹混和炒飯一齊食更是添香添味炒飯肉眼看得正嘅乾爽粒粒金黃難怪個個都食到清盤🤭另一樣我覺得必定要試嘅係同系列嘅椒鹽雞翼！同樣蔥蒜滿滿雞翼皮脆肉嫩仲要可以保持到溫度一路食一路都有熱辣辣口感👍除左炒飯外金飯館都有無咁熱氣嘅泡飯選擇蠔仔肉碎泡飯蠔仔多肥美鮮甜湯飯易食飽肚想有米飯落肚金飯館係個好選擇！

講咗結論先：普通茶餐廳嘅椒鹽豬扒飯sure win唔使幫襯呢間 仲要收成八十幾蚊六點去到 坐低落單 椒鹽豬扒炒飯唔使三分鐘 碟飯已經整好上枱明顯所有食材都係一早整定 有柯打就悉熱（最諷刺係牆上仲寫住即叫即做要等三四個字）講返碟飯飯還飯 豬扒還豬扒 椒鹽還椒鹽三樣嘢完全冇融合豬扒冇底味 亦上唔到椒鹽 唔熱只係暖好明顯一早整定 椒鹽（炸蒜蓉椒絲） 一上枱係幾香 但一得食落口 哇鹹到苦 炒飯底 乾身但冇鑊氣想個腎有事或者想比高價食低水準食物可以幫襯下

黎到金飯館嗌左最出名既椒鹽豬扒炒飯，一上枱就聞都好香既炸蒜味，有少少辣似避風塘既感覺，豬扒啖啖肉而炒飯底又粒粒分明好夠鑊氣，不過份量好大所以食到最後有啲膩。見到呢個脆皮牛腩飯好似幾得意就嗌左黎試下，估唔到包住牛腩既脆皮充滿蛋香，配上好香既咸蛋黃醬幾有驚喜，不過都係食多幾啖就會開始覺得膩，尤其是配炒飯底，所以最後都食唔哂。見有唔少人推薦蝦油炒飯同燶邊蛋沙嗲牛飯，有機會都想黎試下，不過可能要搵日想食重口味野既時候再黎喇

少有來到牛頭角覓食，唔知有咩好食，唯有靠看人潮揀餐廳🙈行經這間金飯館，竟然見到門口擠滿等外賣既客人，加上內裏坐滿食客，最後果斷決定食呢間！——————————🔸即叫即炸椒鹽豬扒飯 $78單看賣相已好有食慾，豬扒、蔬菜及飯堆成小山，份量多到足夠兩個人share豬扒炸得外酥內嫩，充滿椒鹽的香氣，炒飯粒粒分明，配上各款香口料頭，好香～如果飯粒濕潤少少就更好🍚🔹脆皮牛腩飯 $88咖哩牛腩吃得多，脆皮牛腩就是第一次！外皮炸脆似油條一樣，內層既牛腩牛味濃郁，淋上香濃既港式咖哩汁，惹味～🔸金飯仔沙嗲三寶 $38魷魚、豬皮及牛柏葉吸滿沙嗲汁，啖啖濃香爽脆，加上意想不到的大份，配炒飯啱啱好～🔹凍奶茶、凍鴛鴦

今日去牛頭角附近影親子相，影相前要食個豐富Lunch ，我地去左炒飯專門店「金飯碗」食，餐廳主打炒飯，只係主打炒飯既餐廳，其實好少有。餐廳主打炒飯，另有泡飯、小食、飲品可以選擇，價錢合理，而且好大碟，我地3個人點了兩款炒飯，一款小食都食唔晒。即叫即炸椒鹽豬扒嘩！真的超大碟，好有鑊氣，豬扒有5-6件，即叫即炸的豬肉扒炸得香脆，外脆內軟，肉質厚身又軟腍，不會炸到乾爭爭，而且還保留到肉汁，而炒飯用上蛋炒，炒得粒粒分明，飯上鋪滿了炸蒜、辣椒、椒鹽，勁香口，愈食愈惹味。招牌蝦頭油炒飯一上枱，香氣撲鼻，碟飯堆到勁高，火喉十足，一樣用上蛋炒飯，炒飯炒得粒粒分明，不會油膩，炒飯配料有蝦、蠔仔、小貝柱，飯面上鋪了勁多櫻花蝦，再加上用上蝦頭油炒，滲出啖啖蝦油香味。沙嗲三寶三寶有豬皮、魷魚、牛柏葉，全部都切得好大件，沙嗲汁夠濃，有花生香，帶點微辣，最緊要夠入味。凍鴛鴦&熱手攪檸檬水

這間店應該是這裡附近的人氣皇了，平日的晚上全場爆滿，還有人在排隊，叫外賣的也一堆！不過吃完以後，才明白為什麼這麼多人了，份量足，味道好，價錢又不貴！女生可能要２個人吃一碟才能吃完了！即叫即炸椒鹽豬扒飯（７８元）來到真的超大碟的，差不多是平常的1.5倍的份量，飯加豬扒就像一座小山一樣！上面有大量的椒鹽，蔥花，辣椒，單是聞就非常惹味了，再配上炒得粒粒分明的炒飯，吃起來特別香和回味！而豬扒炸得外脆內軟，肉也很厚，吃起來非常滿足！脆皮牛腩飯（８８元）上面一排的脆皮牛腩，份量十足，炸得表面非常香脆，內裡牛腩肉質帶點彈性，吃起來牛肉味香濃，再配上香濃的沙嗲汁，更突出牛肉的香味！而炒飯底都是一樣的，不過就因為配上了沙嗲汁後，味道會更香濃惹味，罪惡感提升！金飯仔沙嗲三寶（３８元）這小食的份量挺不錯，用料挺足，都切得非常大片，食材都吸飽醬汁，味道香濃，口感爽滑嫩都有！手攪檸檬茶／水（＋８元）這個就是港式檸檬茶的味道，不過就已經幫你弄好了檸檬，來到直接喝就可以了！

朋友嚟一碟咁正宗港式炒飯，文青唔做啦，講真味咁簡單！👌喺呢間珍寶，我一嘗就滿晒口福，味覺尋寶團完美啟航嘞！先講講個椒鹽豬扒飯啦，豬扒外皮咬落有啲卡脆聲，真係滿足感爆燈💥。個豬扒肉腍得滑，咸香嘅味道啱晒口。撈落去個炒飯，每粒飯都爭住叫我稱讚佢，乾爽又有少少鑊氣，真係滿分👍！搞掂咗豬扒，後嚟點嘅脆皮牛腩飯更加驚喜。牛腩啖啖肉，調味得啱啱好，唔會過鹹亦唔會淡，攪拌嗰下酥皮牛腩同炒飯互相融合，咀嚼間好似話曬故事咁，一年四季都適合嚟一碟！蘭玉煎蛋加咗落去，嗰個香濃既蛋香㩒爆咗整張口，簡直係畫龍點睛之作！再嚟個金飯仔沙嗲三寶，呢個小食真係好夾飯，三寶每樣都有佢獨特嘅口感，魷魚韌勁，豬皮滑溜，沙嗲汁香到飛起，牛柏葉就腍腍哋，齊齊點綴咗個炒飯盛宴。呢個「食飯界嘅寶藏」真係無庸置疑，香港路邊嘅美味，畀我找到啦！下次再嚟，還要再嗌埋其他嘅特色炒飯，吃貨對這種幸福，絕對唔會嫌多！🍳🍽️✨

🐷🔥⚱️【 金飯館 】⚱️🔥🐷⋄ —————⧫♟⧫————— ⋄講起牛頭角「名物」，「金飯館」應該無人不曉🍚以即叫即炸嘅豬扒飯聞名，今日專程同朋友嚟試吓😝🐷即叫即炸椒鹽豬扒飯一上桌嚇親，份量也太多了吧，好壯觀😳 炸豬扒真係好食，好鬆化，椒鹽勁惹味🥰炒飯粒粒分明，如果溫度熱一點就更好 🌡️🐂秘制沙嗲牛肉雙燶邊蘭王蛋飯牛肉份量又係勁多，沙嗲汁好香👍🏻最正都係隻燶邊嘅蘭王蛋，邊緣煎得香脆，橘紅色蛋黃流心，睇見都流口水🤤🍢金飯仔沙嗲三寶試埋呢度嘅小食，「三寶」有魷魚、豬皮、牛柏葉，大大份，又夠入味，唔錯🧡⋄ ┄ ┄ ┄ ┄ ❖ ┄ ┄ ┄ ┄ ⋄🐷秘制沙嗲牛肉雙燶邊蘭王蛋飯($78)🐂即叫即炸椒鹽豬扒飯($78)🍢金飯仔沙嗲三寶（魷魚，豬皮，牛柏葉）($48）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：金飯館 (牛頭角)牛頭角牛頭角道323號地下J號舖⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openrice #香港美食 #hki

呢間金飯館之前食過佢地旺角分店好推薦佢地既沙嗲牛！我地專登去埋佢地牛頭角分店試埋限定椒豬同炸牛腩 不得了！ 炸椒鹽豬扒飯招牌大熱，每日限量供應！豬扒外皮酥脆，超濃椒鹽味配埋金黃乾身炒飯一絕脆皮牛腩飯另一款人氣菜式，牛腩炸得外脆內軟，牛肉香十足佢哋有得揀3款醬汁，沙嗲/金沙同咖哩 食牛腩咖哩都真係最夾喇 ～另外金沙其實都幾得意可以一試蜜汁雞翼5隻呢個好有驚喜！雞翼炸得香脆，但肉質仲好嫩滑外層再加埋滿滿蜜汁💯

🔸椒鹽雞軟骨 $38🔸招牌蝦頭油炒飯 $78🔸秘制沙嗲牛肉雙燶邊蘭王蛋飯 $78-2023年最後一個返工日，收咗工之後同男朋友去左呢間炒飯專門店，好麻甩但係又好好味。叫咗一份招牌蝦頭油炒飯，一上枱簡直嘩一聲，金黃色嘅炒飯嘅面頭鋪上咗一層滿滿嘅蝦米，同埋上枱就聞到好香嘅蝦味，食落原來中間仲有啲蠔仔，好驚喜。第二份叫咗沙嗲牛肉炒飯，配兩隻燶邊蘭王煎蛋，半生熟深紅色嘅蛋黃超吸引，沙嗲牛配炒飯又係超好味，係男朋友嘅最愛。炒飯加配$38就可以加一款小食，我哋加咗椒鹽雞軟骨，超香好有風味。

今日行經牛頭角道一帶，見一間炒飯專門店，心想炒飯好難做得好，既然寫得專門店，好奇心驅使下，一於入去試吓。店員推介招牌蝦頭油炒飯，不只是有大蝦球，還有蠔和小帶子，材料十足。份量頗大，抵食。香氣撲鼻而來，炒得粒粒乾爽，每粒飯都充滿油香，又不會過油膩。滿滿蔥花和樱花蝦，增添口感和味道。又點了一個椒鹽雞軟骨小食，鹹香有嚼勁。凍檸茶不是一般茶餐廳的簡單，採用西檸和青檸混合打汁而成。有兩種清香，又有雙重味蕾感覺。

呢間餐廳以食炒飯出名，另外燶邊蘭王蛋、椒鹽豬扒、脆皮牛腩等都係熱門菜式。今次試下個即炸豬扒燶邊蘭王蛋飯 （$78）🍳上場第一眼被橙紅色的燶邊蘭王蛋吸引，呢種煎法真係要生鐵鑊先做到，食到脆口的燶邊，而中間的蛋亦係好流心，加上品種靚，蛋味香濃。至於即炸豬扒炸得不錯，外皮炸得唔算厚，但咬落脆口，似係加左蛋做炸皮，一碟有成5-6舊炸豬扒，份量好足夠。佢每份都得揀醬汁，我呢碟揀左金沙蛋黃汁，咸咸地好香囗。另外一試脆皮牛腩飯（$88），上場好靚仔，隔離枱都忍唔住問，話下次一定要試。佢的脆皮口感好似脆的雞蛋皮，入面牛腩的肥瘦比例是3:7左右。而炒飯底粉得好乾身，亦有蛋香。呢碟的醬，我地揀左沙嗲汁，甜甜地幾好送飯。佢每碟飯的份量都好足，就算一個大男人食一碟飯，一定食到飽晒先走。另外再試左個小食-沙嗲三寶（$48），入面有魷魚、豬皮、牛柏葉，佢的三寶比起我一般食到的較爽口、好脆身，加上甜甜地的沙嗲汁，食落又唔油膩，而且每件都有一定大細，絕對夠你過足口引。😋呢間餐廳以做街坊生意為主，一入門口就會聽到老細好親切的歡迎，幫襯的都是老街坊，都係食過再幫襯，餐廳衛生都唔錯。

呢間金飯館每次經過都好想試佢menu都好多選擇，但基本上都係熱氣野！炒飯嚟講，係炒得粒粒分明，唔太油膩我個個係蝦頭油炒飯，蝦大隻爽，飯都好大碟，但齋食炒飯我覺得有啲dry，如果同人share少食係開心啲！

見到廣告咁多youtuber kol去試，又見近公司咪lunch同班同事試下。入到去有個阿伯侍應已經掉晒落單紙咁然後又好自信咁話黎到啲人都食炒底，因為夠香呢樣個樣，心諗對自己出品咁有信心差極有個譜啦睇睇餐牌，有啲菜式寫「即整」我心諗有唔係即整既野架咩？好啦，咁一行人叫左五個椒鹽豬扒飯招牌喎，下嘛？唔叫唔得啦一上枱，好靚仔食第一啖，瀨野豬扒唔係即炸，唔熱好油（唔敢想像無寫即整嘅飯會係咩程度）炸皮厚，又厚又硬會「慘」口個隻豬扒亦無醃過，無味食埋啖飯，加左蛋嘅白飯，香味呢？我敢講連啲蛋都無調味，炒底？笑話黎架？椒鹽，一堆比油炸到無晒味嘅辣椒絲同蒜你諗住靠椒鹽吊起啲味？諗多咗失敗中嘅失敗總結而言，食左一個油淋淋，無味又唔好食嘅東西仲要收八十四，我想講，你做好自己先黎囂同賣廣告啦而家呢啲質素只會所有人比你呃一次永不錄用兩個字：垃圾六個字：垃圾中嘅垃圾！

來到這間東九龍, 甚至是全九龍最出色的炒飯餐廳, 真的點炒飯就好, 什麼湯飯或者米線也不是其賣點, 基本上它的所有炒飯菜式我也吃過. 最近迷上他的椒鹽豬扒炒飯, 比起大圍出名的金城更加出色, 無論是豬扒和炒飯本身. 前者這裏用上厚切的豬扒, 即調即炸, 外皮酥香, 內裏肉質豐富之餘也沒有任何纖維感, 比金城的更厚更Meaty. 炒飯加上炸蒜, 吃起來更惹味之餘也更脆口, 口感更乾爽也沒有油膉味, 而且色彩更鮮明, 看起來更吸引. 另一道名物是用上蘭王雞蛋煎成的荷包蛋, 蛋汁豐富, 一夾鮮橙紅的蛋汁淋在飯身, 視覺效果豐富, 但這會影響其的乾爽口感, 還是不加比較好.