金饍韓國料理 (已結業)

維港海景伴韓燒～～～疫情之後真係好耐無食韓燒啦 今晚收工就捉左大舊陪我食韓燒 由於好耐無食 所以今晚就揀左間高級d 有維港海景睇嘅韓燒黎食 貼心嘅大舊👦🏻早早就打左電話去book位 話要一張喺窗邊嘅枱～～～一坐低個維港夜景睇到人都呆曬 差d唔記得叫野食😆 雖然海景好靚 但打開餐牌價錢無我地想像中貴 仲有晚餐優惠 我地叫左醬汁雞腿肉燒肉盛盒野菜沙律燴牛肋骨 海鮮炸醬麵 嘉士伯同一杯青蘋果🍏清酒🍶特飲～～～醬汁雞腿肉：香香甜甜 好嫩好好味 而且份量好多 用生菜包住超好食～～～～燒肉盛盒：好豐富 裡面有好多種牛 當中我最中意就係和牛粒 雪花❄️分佈均勻入口牛脂味濃郁 再配搭埋豐富嘅前菜食 一啖肉 一啖泡菜 令之前韓國旅行嘅開心回憶返曬黎～～～野菜沙律：酸酸甜甜嘅醬汁 切碎曬非常方便食用 非常清新 同燒肉好夾～～～燴牛肋骨：燴得好軟腍入味 牛肋骨入口輕輕咬一咬 就可以脫骨 除左牛肋骨之外 裡面嘅白蘿蔔同冬菇亦非常美味～～～海鮮炸醬麵：醬汁望落好深色 本來驚好鹹 點知食落味道啱啱好 彈牙嘅炸醬麵食落好似烏冬 本身已經食到好飽嘅我哋 最後竟然一條麵都冇食剩～～～其實佢地有+$25任飲汽水啤酒嘅優惠

今日終於都試到呢個韓式燒肉，望哂維港景而且肉類質素好高，勁滿足。呢個景望出去係文化中心，好靚而且有種居高臨下既感覺，好chill。一嚟已經有前菜，辣辣地開下胃而且都係菜類食多咗都唔會滯。日式雜菜沙律沙律比起想像中再大份，有切碎同埋再調味，酸甜口感加上爽脆既生菜，食完更加開胃。店員表示每人加25蚊可以任飲，冇可能唔加啦，一般汽水有齊另外仲有珍珠奶茶，荔枝烏龍茶等少有既飲品都有。珍珠奶茶好特別好岩我口味，記得要攞粗飲管!基本上飲兩三罐已經回到本醬燒特選牛肋骨呢個一定要叫，店員會首先成條牛肋骨俾你睇下有冇錯，然後就會厚切成好多片。肉質好鮮嫩就算面頭燒到燶燶地入面都係好軟淋，牛肉味非常突出。基本上2分鐘就已經食得，真係好好食。櫻花豬五花望落都切得好均勻，燒完一啲都唔肥，肉質夠嫩而豬味都好濃。鹽燒羊鞍有3大隻羊鞍，唔會太羶，肉汁都保留到同埋本身調味都夠，但想再濃味可以加喜瑪拉雅山海鹽，層次再豐富啲。海鮮煎蔥餅呢個真係趁熱食，餅皮好脆而海鮮平均鋪滿，加上佢提供既辣醬令到口感同層次都好突出。金饍豆腐煲辣味十足而且豆腐好滑，再加上有牛肉絲，有咬口又好飲，可以中和到肉既油膩感。

餐廳有落地玻璃,可以睇到海景,夜晚8點仲有幻彩詠香江睇到,座位空間足夠,入座後職員會送上前菜,好味~叫左D 韓燒野食同散叫左D野食,叫左個燒肉盛合($580),是有和牛肉眼,一口牛,西冷牛,牛柳同牛舌賣相好美,燒時按自己喜好加上鹽一起燒,比起用豉油更好,牛一點都不DRY,有牛味,好易入口,絕對值得叫。另外叫左個醬汁雞($128),都有好多件,個汁是較為甜的,雞嫩而且JUICY。牛肋骨,好入味,有4大塊,入面仲有大大粒白蘿白,醬汁都是甜甜的,送飯食一流。餐廳好好,加2５元可以任飲,但需要每台每一位加,飲品總類多,想不到有韓國真露!!職員好好禮貌,又細心,服務十分好。食物質素高,環境十分舒服!

點解會話佢抵食呢，係因為韓國野黎講，仲要有湯有配菜！同埋佢會有coupon俾你用，呢個先抵啊！！！！！當然要幾個人一齊黎先用到～LunchSet 方面佢都真係應有盡有架～豬牛雞既鐡板飯，炒粉絲，湯飯，真係有10幾20款～～～～全部麵有跟飯架！！！我就最中意食佢既炒粉絲，佢仲會跟埋飯！真心呢個係好抵食！勁大份👏🏻👏🏻👏🏻👏🏻仲要有個太陽蛋，太陽蛋加落飯食，係一大享受啊🥰🥰🥰🥰🥰！

午餐時間黎到，唔駛等位，叫左個辣豆腐湯，包一個飯，三個前菜。前菜有泡菜一條，翠玉瓜幾粒，薯仔絲幾條，我有懷疑過係咪上手食剩!到個湯黎到，有豆腐，有硯兩粒，牛肉碎，仲有一隻蛋，味道ok，唔算辣。下次會考慮下仲去唔去食……

今日lunch同 同事一齊去食啦,叫左個辣牛肉菜湯套餐78加一。但肉真係好少呀，d牛肉一條條，加埋唔知有冇10條，每條牛肉幼身得來每條長度唔超過2cm.😂同事叫左個泡菜湯伴拉麵（豬肉）套餐80加一，有一片豬肉。

今日下午黎到尖沙咀北京道一號呢間金饍韓國料理食午餐，果然又係一間值得推薦既餐廳！就算唔係食飯，食個無敵大海景都飽晒😎但好可惜，海景卡位比人座晒😭睇返d食評，好多人夜晚係到食燒肉都覺得一般，但我就從未食過😅係到食個午餐，價錢唔算太貴，你一坐低，店員就會拎3款前菜比你之後我叫左個蔬菜牛肉湯，開頭以為會好辣，點知又唔係想像中咁辣喎！入面d蔬菜料都好多，但牛肉相對較少，不過都唔緊要，整體都唔錯👍🏻

今晚同屋企人去食，一行6人，打開餐牌已經覺得中伏，見到前菜竟然有腸仔+脆玉瓜，D脆玉瓜仲要苦，有青椒+紅蘿蔔，仲有唔少得四季豆+紅蘿蔔，梗係唔少得所謂果D泡菜，D泡菜好似放題俾人夾到尾果d咁。跟住問個樓面：除咗哩d前菜仲有無其他？？跟住佢問我今晚前菜係哩幾款，我地叫咗果4人餐都要$1588,另外加幾樣嘢，諗住哩個價錢會同金巴利街果d出品差唔多啦，點知真係中伏，埋單散叫有75折後2200都唔知食咗咩落肚。。。唔會有下次，諗住帶屋企人食餐正宗韓國嘢攪成咁，仲差過旺角果d放題。俾錢果陣真係俾落手TOO BAD

先講環境，可清楚欣賞到維港景色，享用晚餐更可睇到幻彩詠香江，建議提早book枱可安排窗邊位。餐廳冇指定用餐時間，係朋友敘舊傾計嘅好地方。再講食物，點了個4人餐，有鮑魚，海鮮拼盤，特選肉，麵豉湯，韓式石頭飯，份量for女士是剛好的。海鮮食材尚算生鮮，侍應會幫忙燒龍蝦🦞同鮑魚，其餘就自己慢慢玩。作為韓燒，龍蝦🦞都算幾大隻，兩隻開邊都排滿成個爐，就咁燒已經好鮮味另一重點鮑魚比menu細隻，但勝在生鮮，燒既時間岩岩好，唔會太老破壞左個肉質特選肉只食到醃料嘅味道，無肉味，失望😞石頭飯質素平均，有我最愛嘅飯焦。

食物質素差劣。牛肉吃不出有牛肉的味道。豬腩肉是無豬肉味的豬肉乾。地方清潔不足。價錢與質素差距大。想像不到是北京道一號的食肆。以為在深水埗小店吃。廚房出品差。我想老闆亦管理無方。優點是（1）面向尖東海景。（但首要仍是吃食物出品。要看海不如到尖東海旁）。（2）環境清靜：因只有幾枱客。侍應們亦不會打擾你，因只間中露面。整體結論：只此一次。因為好吃的韓燒太多了。上述只是我的一次體驗。可能各有不同看法。有機會請你自己評一下吧。

With a sudden craving for Korean food, I went to KimChee Korean  Restaurant with 2 of my colleagues and we chose 3 dishes on their set lunch menu, including Spicy Tofu Soup with Beef, Grilled Chicken (Sweet Flavour) and a Beef soup (also non-spicy). We've also topped up with two portion of Korean Style Steamed DumplingsThe dining experience was an average one with a few points to highlight: (1) Kimchi appetizers tasted fine, but two of the three sets were already placed on the table before we ev

朋友用THE CLUB換左個韓風BBQ二人餐，有沙律、5款肉類、煎餅、生菜及飲品，都幾豐富架。先上前菜，都有5款之多，一般都只有1-2款，個人喜歡泡菜同椰菜，兩款都夠爽脆，前者微辣較酸，後者清爽消膩，朋友就鍾意大豆芽菜，味道都好好，仲有麻油香。芥末沙律有大量切到幼細的蔬菜，口感幾好，仲幾重芥末味，味道清新開胃。大虎蝦2隻都超大隻，肉質都好爽彈，不過就無咩蝦味，有好重蒜味都OK醬燒韓風牛肉大約有4塊，偏薄身，可能快熟D，但醃到d肉梅哂，麻麻地，食完好口乾。蜜味鴨胸肉質幾嫩，仲燒到好香好惹味。不過汁燒雞翼就估唔到係煮熟左再俾客人燒，係好似鹵水雞翼再自己燒燒個皮至香脆，但會過熟同埋只係皮香肉不香。烤五花腩肉就大讚，好新鮮好嫩，燒完有肉汁，油脂燒哂出黎，香而不膩，用黎夾生菜加泡菜都好好味。海鮮煎蔥餅好大個，薄得黎都幾足料，有好多蔥幾香口，味道唔會太咸，食完都幾飽。韓國鮮生菜，乾淨、新鮮、爽脆，見佢MENU話配鴨胸，我比較鍾意玩豬肉，不過點夾都得。啤酒/汽水，有韓國啤酒，仲有梨汁、青提汁、有氣礦泉水等等。總括來說，餐廳的位置很好，環境好可望維港景，又係中心位置交通方便，而餐廳內的格局都不錯，樓底

之前打左黎book枱，安排左窗口位置，夜晚八點可以睇到幻彩fing香江🙈可惜今晚有啲大霧，但爸媽都滿意。眼見唔算好full，侍應姐姐話已經做緊第二輪，因為星期日啲人早開飯。每樣賣相OK喎個爐火算大，唔洗餓住等燒熟，但又唔會大油煙，抽氣系統OK食完唔會成陣味。牛仔骨醬汁好味，肥瘦適中，啲肉又唔UN，食得出選料唔錯。豚肉都好掂，包住生菜食無咁油膩，右邊嗰個鹽sauce配埋好夾。好怕任食場啲肉質通常係唔新鮮。花竹蝦都算大隻，預先開半邊釀有蒜蓉。飲品方面，薑母茶太甜，橙汁好似果粒橙。薄餅賣相一般，點知食落好好味，味道有啲似中式蠔餅，脆口，四個人食好快清晒。前菜同沙律一般，dressing唔吸引。唔夠飽，侍應推介牛肋骨，上枱後問洗唔洗剪開，成晚咁多張枱只有四個server🙈見到都攰平時鍾意食半生熟，不過呢碟最好燒到全熟否則會咬到有筋。另外見到menu有啲和牛/海鮮套餐，大概600左右一個人，不過唔知夠唔夠飽呢？總括呢度有維港景色，價錢唔算特別貴。韓燒食材方面係pass，如果叫熟食🤔 其實都唔洗黎呢度啦。

終於到左我最鍾意既冬天了。上個月過左歡樂既聖誕節❤💫️🎄⛄️❄️，黎緊下個月又到喜慶既農曆新年🎋🎋🎋🍊。天氣亦都開始真正凍 終於帶點寒意，冬天凍冰冰既感覺真棒！呢種氣溫最適合吃點暖笠笠既正菜🍴韓國菜🇰🇷 燒肉`熱石鍋湯 都係冬日既不錯選擇。口慾滿足 肚皮亦都飽足呢😋 冬天就是要為身體儲備脂肪喔😝冬天凍 最岩食熱騰騰既鍋物。豆腐海鮮湯鍋🍲內裡既材料不少，有少許牛肉粒`豆腐`白蘿蔔`魷魚`蜆肉，加上麵豉醬煮成既湯物，冬天喝一口 感覺暖入心。如果喜歡辣 不妨試試泡菜豆腐湯鍋，會較惹味 聽說不錯喔。另一款鐵板燒肉，因午餐時段 沒有設燒肉爐自己燒 鐵板上。用鐵板上又可保持溫度 吃到尾也不怕肉冷，岩晒冬天吃呢。肉醃漬也入味 加上洋蔥既甜味，很好下飯呢。這裡真的感覺很韓，佈置簡單 也不失韓味。坐著吃吃飯 跟朋友聊聊天，再望望窗外迷人既維港景緻，大概讓我忘卻忙碌既工作呢。

這間韓國餐廳還算可以的食物質素，沒有太特別好味，環境寬敞。點了燒牛肉飯，份量其實不算多，對於一個男仔，只是算可以。前菜有泡菜配料，不過味道又不算怎麼吸引吧。。。燒牛肉，口感算是可以，林林的口感，味道就沒有甚麼特別。洋蔥， 有的就好像很生又沒有汁沾到所以就沒有食了，有汁的洋蔥就還算可以。飯既份量唔算多，如果可以熱點就更好吧。湯，清清甜甜既湯，味道有點像牛蒡湯吧，都係個句，沒有甚麼特別。服務方面，因為好像比較欠缺職員所以等食物就耐少少了，服務態度都比較差dd,見佢地上菜時個樣有點不耐煩，因為十個人一齊食，送黎既食物可能要放桌子頭同尾了。這個餐盛惠70多元要再加一。總結一般，不是想像中吸引。