金麥泰泰國菜館

营业中

休息中

睇完電影突然好想食明爐烏頭魚！！所以就醒起嚟到九龍城呢邊食番個泰菜～之前食過呢間覺得幾抵食，所以今次再來睇下係咪水準依舊！我地一共叫左3樣野，明爐梅子烏頭魚，泰式柚子沙律，泰式燒雞，滿滿的蛋白質！！明爐梅子烏頭魚好快就上，待應點好火，等一陣就啲湯汁已經滾了！ 魚肉肥美，有少少烏頭黃油，條魚都大條，湯汁酸酸地，上面加左好多香茅，草菇，蔥，令湯汁更加添左好多香料味！魚肉索左湯汁好好味！之後就上左泰式柚子沙律，上面有啲蕃茄，加上酸甜辣汁及少量花生辣椒碎拌勻，非常惹味！建議柚子+蕃茄一齊食就可以食到更多層次的酸甜感！最後就上埋隻燒雞，燒雞表面塗有少少香料拎去燒，鎖住左肉汁，雞肉完全不乾仍然保持到嫩滑！雞隻係瘦雞，無乜脂肪，同坊間見開的香港雞唔同，勁好食！最好嘅係佢砌番曬成隻雞畀你，無花無假！

金麥泰由泰國華橋主理，裝修比較家庭式的傳統，感覺就是很正宗的泰國菜。冬蔭功湯冬蔭功湯內有三隻鮮蝦，蝦肉結實彈牙，湯味夠酸且辣，加入秀珍菇增添咬口，材料又更豐富。泰式柚子沙律柚子肉撕成塊狀，入口很有質感飽滿，味道甜美多汁。此沙律配上不少烤花生碎，味道香口。泰式蒜蓉辣椒炒青口泰式蒜蓉辣椒炒青口很大碟，本地青口大隻且鮮甜嫩滑，泰式咖喱汁甜甜地好易入口，就算怕辣者亦可以食得到。泰式鳳翼釀珍珠糯米釀雞翼乃手工菜，將糯米煮熟再釀入拆骨雞翼炸熟。糯米雞翼表皮炸至金黃色，外表飽滿，賣相十分吸引，既可食到香脆雞翼，入面糯米飯又軟硬適中，具有雙重口感。泰式乾炒牛河牛河上面有不少芥蘭，爽脆清甜。泰式闊身河粉煎得焦香，河粉炒得乾身惹味，份量大碟，鑊氣十足。 青檸梳打青檸梳打味道濃郁少甜，夠味又解渴，與熱辣泰菜很匹配。咸檸七咸檸七足一罐冰凍七喜，清涼解渴。

九龍城可算是美食集中地，尤其傳统泰國菜，所以今次又嚟揾食，揀咗呢間《金麥泰泰國菜館》，餐廳非常易搵，坐地鐵到宋王臺站B3 出口，然後直行約30米便到。餐廳裝飾比較簡樸傳統，不過坐位非常寬敞，而且食物價錢合理。餐廳更有套餐供應，並製作套餐相簿供客人參考，非常細心，套餐價格更加經濟抵食。我地2個人，因為想食明爐魚，但二人餐一般冇明爐魚，所以決定散叫。「泰式明爐梅子烏頭」（$158），魚都幾夠大條，加上梅子及各式泰式香料，魚肉本身鮮甜肉厚，整體香熱好味。「泰式酸甜蝦」（$88），甜甜酸酸好滋味，蝦球大隻夠鮮甜，配埋青椒、洋蔥及菠蘿，開胃又好送飯。「泰式馬拉盞炒棷菜苗」（$78），頗多椰菜苗，馬拉盞咸香惹味。泰式脫骨鳳爪（$63/大），本人至愛食，鍾意佢夠多香葉、洋蔥配菜，配埋個泰式辣汁，夠曬酸辣醒胃。總共4個菜，埋單$400有找，認真抵食，難怪晚市都坐滿埸。

九龍城老牌泰國菜館 九龍城出名多泰國菜館 今日揀咗金麥泰 因為之前朋友帶我嚟食 今次再嚟🥰🥰 佢菜式地道 街坊氣氛濃厚 職員好親切😍😍 泰式燒雞全翼$38/2隻雞翼燒到微微焦香 好香口😋 泰式生菜包（豬肉）$68肉碎用生菜包食 辣辣地 好惹味 真係又愛又恨 食到停唔到口🤣 泰式明爐梅子烏頭$158呢個餸係我必點嘅菜式 鳥頭魚好新 有好多配料 鍾意佢酸酸美美 趁熱食好好味😋😋 泰式豬頸肉炒椰菜苗$88椰菜苗好爽脆 好有咬口 豬頸肉介晒花 好入味🤣 泰式豬肉炒河$58有雞蛋 芥蘭 豬肉片 好友鑊氣 好抵食😎 整體嚟講 價錢親民 菜式齊全 泰菜理想之選😉 🎈金麥泰泰國菜館 (九龍城)九龍城南角道34號地舖

今次去九龍城，專登搵平民式嘅泰國茶餐廳，用抵食嘅價錢解決晚餐！其實呢度嘅食物質素可以媲美貴價菜館，當然要支持吓佢地喇。🤍泰式椒鹽大頭蝦四隻大頭蝦真係有手掌咁長，每隻都開邊，令椒鹽更入味。大頭蝦經油炸，肉質都keep到爽口彈牙🤍泰式馬拉盞通菜熱騰騰通菜炒得夠嫩口，微辣有鑊氣🤍泰式燒雞全翼（隻）泰式串燒豬肉/雞肉（串）大大隻兼抵食嘅雞全翼！燒得皮脆肉嫩，沾上沙嗲醬會食唔停口，必叫；而串燒豬同雞同樣唔錯，燒嘅火喉剛剛好，肉香飄逸🤍芒果糯米飯微暖嘅糯米飯，香濃杰身嘅椰汁，加上一口香甜多汁嘅芒果，就係泰國嘅味道喇

天氣咁熱🔥特別想食泰國菜今晚嚟到九龍城📍老牌泰國餐廳 l金麥泰泰國菜館 🇹🇭性價比高👏🏻人均二百食到飽重點係好味道🤩叫左小食、主菜、甜品、飲品真係好滿足～值得來食👏🏻小食叫左泰式炸蝦餅同串燒即叫即製～上碟夠熱辣～記得趁熱食好香口🇹🇭串燒～叫左雞肉、豬肉、牛肉、雞全翼 食落肉質柔嫩又多汁配埋自家製沙嗲好正🇹🇭泰式炸蝦餅入口夠實又彈牙🇹🇭泰式鹹魚雜菜 有西蘭花、芥蘭、椰菜、甘筍配上鹹香鹹魚肉炒香🔥口感豐富🇹🇭泰式香葉肉碎飯泰國味道～肉碎香辣惹味超好下飯更加入豆角、辣椒仔、九層塔🌿好香甜品同飲品好正🇹🇭芒果糯米飯🥭用左雙色糯米～口感更豐富西米椰汁糕🥥食落斑斕香菜香味更配以芋頭同粟米粒～好味🇹🇭飲品芒果沙冰🥭同泰式凍奶茶🥤現場座無虛席😆人氣滿滿#金麥泰泰國菜館 #九龍城推薦食品#泰國師傅📍九龍城南角道34號地舖#泰國菜 #九龍城 #九龍城美食 #芒果沙冰 #肉碎飯 #炸蝦餅 #泰式奶茶 #泰式炒飯 #泰國 #泰菜 #香港美食 #香港餐廳 #炒雜菜 #辣椒 #太好味 #燒雞翼 #串燒 #甜品 #九龍城泰菜 #泰國餐廳 #美食日記

想食泰國野就緊係要去九龍城但選擇太多 今日就黎由讀書時期食開既金麥泰餐廳樸實既裝修 更顯泰菜既地道-一坐低二話不說即點泰式老虎笑，即係燒牛肉牛肉燒至7成熟既粉嫩，入口牛味出奇地香濃，深我友人同我既深心，係每次必點item，愛牛之人絕不可錯過-黎得食泰國菜緊係要食泰式燒烤串燒！豬牛雞同雞全翼和一串，雞肉燒得嫩口加埋沙嗲食一流雞全翼燒得好香口，推薦比大家-想叫碟菜食但又想食牛之下，比我留意到有道牛筋腩炆通菜一次過滿足我兩個願望，牛筋腩炆得軟腍胡椒味洋溢，牛肉份量好多，通菜入味👍🏻-菠蘿炒飯食得多今日就想食芒果蟹肉炒飯芒果酸甜清新配上蟹肉炒飯一流，炒得唔會太乾身！本身我地都8成飽食埋呢碟飯真係超飽了😂飯量足夠4人食😂😂😂😂-甜品方面同友人一人兩件椰汁西米糕，本身想食芒果糯米飯，但係一諗起糯米飯相當有入量之下，決定留翻下次😂--

九龍城泰菜金麥泰真係又平又好食👍🏻次次黎都幾乎爆場，價錢超平！又大大碟！。🥢皮蛋蝦餅$78呢個超誇張，份量多！用蝦肉包著皮蛋去炸，一啖咬落去有啲爆汁！又彈牙！多人食一定必點！。🥢串燒雞全翼$19豬肉/雞肉$14牛肉$16串燒咁平無得輸！最重點係個汁！好惹味！個人鍾意個牛同豬！啖啖肉！。🥢蒜蓉包$30超香脆蒜蓉包，簡單得黎有超濃郁嘅蒜蓉味！又脆又多舊！配咩都好食！。🥢泰式干炒豬肉河$58呢度河粉好好食！呢種河粉係不規則型個種，粗粗地又唔會厚，同一般幼身河粉完全唔同！炒起上黎熱辣鮮香，加入泰式調味料同香料好正宗又好食。。🥢椰青$32餐廳黎講算好平！椰青夠晒大個！

係香港真係會特登黎九龍城食泰國菜， 今次揀左呢間歷史悠久屹立不倒嘅泰國菜，相信應該會好好食，先至捱得過疫情，依家仲繼續營業。入到嚟發現自己係幸運兒，我係坐埋最後嘅空枱！ 坐滿晒人，好熱鬧。3個人叫咗三個椰青，一個牛肉生菜包，一個豬頸肉，一個椰汁雞湯，一個泰國燕窩，先至三百幾蚊。 除返開一個人先至130. 有飲品，又有甜品。 首先係個生菜牛肉包，好多牛肉碎，落咗好多洋蔥，芫荽辣椒呢啲香料令到牛肉好入味，包埋個好新鮮爽脆嘅生菜，好好食。跟住係個豬頸肉，燒得啱啱好，啲肉好有肉汁，調味唔會過鹹，另外佢提供嗰個泰式汁令到個豬頸肉冇咁油膩，整體個份量都好多。之後到個椰汁雞湯，你會見到裏面有好多雞肉，同埋好多香茅，一樣係好足料嘅湯，不過個湯有少少鹹，可能要嗌返個白飯嚟襯返會好啲。最後就係呢個$38嘅泰國燕窩！冇諗過喺街邊都可以食到$38.1個燕窩，好足料，佢攞咗椰汁同椰奶嚟調味，少少甜。三個椰青都係好清甜，好多椰汁喺入面。食得泰國辣嘢，點少得要椰青呢？大家去九龍城，都係為咗食泰國菜，呢一間又平又抵食，不容錯失！

今天不想外出覓食，現在家中附近吃泰國美食。泰式生菜包雞肉$68，很多時的生菜包都是以豬肉為主，不過這裏就以雞肉粒為主，雞肉粒吸收了泰式香料的味道，加上清爽的生菜，味道非常之惹味，又不會太油膩。泰式串燒豬肉2串 $28，泰式串燒雞肉2串$28。兩款泰式串燒的肉質都保持得好好，不會太乾，加上沙嗲醬汁，更加惹味。泰式乾炒豬肉河$58，河粉屬於闊身的，香滑可口，加上魚露的香氣和泰式配料的味道，如置身泰國旅遊之中。泰式生蝦刺身$98，每隻生蝦上都有辣椒和蒜頭，加上酸辣的泰式海鮮汁，味道非常正宗。芒果糯米飯$55，糯米飯溫度和暖適中，加上香甜的芒果和椰漿味，吃完這個飯後甜品，已經非常之飽了。青島$23，吃泰式美食，加上冰凍的啤酒，又是另一番風味。

去九龍城當然要食泰菜。這間金麥泰沒有豪華的裝修，環境是老店的感覺，餐牌有很多選擇，重點是價錢很貼地。泰式柚子沙律$58, 清甜柚子配秘製泰式酸辣汁，非常清新醒胃，花生碎增加口感。泰式豬頸肉炒椰菜苗$78, 炒得不油膩，豬頸肉跟椰菜苗口感爽脆，不會太稔及草腥味，鹹香惹味。泰式鴨肉金邊粉，大大碗只是$55, 金邊粉好滑，湯底香濃，鴨肉份量都頗多，很有泰式街邊湯粉的味道。泰式鳳翼釀珍珠$68, 雞翼外皮炸得好香脆，內面釀了糯米，口感煙煙靭靭。食泰菜又點少得椰青。

金麥泰泰國菜館 (九龍城)九龍城南角道34號地下味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：泰式紅咖喱(雞) $68，冬蔭功湯(小) $75，芒果糯米飯 $55泰式紅咖喱(雞)：紅咖喱用椰奶作為湯底，加入了不少辣椒、檸檬、四季豆及紅蘿蔔等配料，煮得濃稠而香濃，辣度偏向中等程度，不會太辣，當湯飲用亦覺得非常美味，雞肉亦鮮柔嫩滑，令人垂涎！😄😄😄冬蔭功湯(小)：這確實是一道經典的泰國湯品，風味獨特且辛辣濃郁，內含冬菇、蘑菇和新鮮海蝦等食材，和埋特製香料組合在一起提供了湯的深度和狂野的辣味。海蝦夠大隻，蝦味十足，賣相討好，絕對值得品嚐！👍👍👍芒果糯米飯：以黑白兩種糯米飯與芒果為主要材料，結合了軟糯的口感與芒果的酸甜味道，加上椰漿的香氣，可謂色香味俱全。芒果十分香甜，酸甜味道在舌尖上綻放，配上軟滑彈牙的糯米飯，讓人忍不住一口接一口！😍😍😍

青咖喱雞真是太棒了！雞肉嫩滑多汁，搭配著濃郁的青咖喱醬汁，味道鮮美而香辣，絕對是一道令人垂涎的菜品。另外，他們的蒜蓉包也非常出色。這個小小的包子外皮酥脆，內裡則是蒜香十足的餡料，每一口都帶來滿滿的蒜味和口感，用來配青咖哩絕對是一個美味的小點心。老虎笑燒牛肉是他們的招牌菜之一，絕對不能錯過。這道菜以嫩牛肉為主，燒得火喉剛好，搭配著小辣的魚露醬汁，每一口都帶來豐富的肉汁！泰式乾炒河（豬肉），河粉夠薄有口感，不會太多油，火候掌握得恰到好處，豬肉鮮嫩多汁，整體上口感豐富，是一道令人滿足的主菜。珍珠米釀炸雞翼是他們的特色小吃，非常美味。雞翼外脆內嫩，珍珠米的酥脆口感與雞肉的鮮嫩完美結合，吃起來既有嚼勁又有層次感我們點了SINGHA啤酒，作為泰式美食的完美搭配。這款泰國啤酒帶有清爽的口感和微微的苦味，能夠與辛辣的泰式菜肴相得益彰，讓整體的用餐體驗更加完整。

出左九龍城買嘢就當然夾好時間約老公食個午餐，嚟得就當然係食正宗老字號嘅泰國菜啦！先嚟一碟 泰式柚子沙律 為前菜，份量都好多嘅大大粒清甜柚子肉，拌上泰式酸辣汁，再加埋面頭嘅脆脆花生，口感非常清新醒胃。之後就到食泰國菜必點既泰式無骨鳳爪，鳳爪口感爽脆之餘，加埋洋蔥、芫茜、唐芹等配料一齊食，口感已經唔錯，再加埋酸辣醬汁，真係會一隻接一隻咁食呀。再嚟一個 冬陰功湯，湯底味道夠酸而偏甜，當中又帶有少少辣，而湯中仲加入了蝦、洋蔥、菇類同埋檸檬葉等，令個湯可以有更多嘅層次感同風味。泰式串燒豬肉牛肉都唔錯，外面焦香脆脆內嫩嘅串燒，肉質都非常軟嫩juicy，仲醃得好夠味。再蘸埋個秘製辣汁，個味道就更加惹味呀。之後來一個 泰式鳳翼釀珍珠，雞翼外皮炸得好香脆，係無骨雞翼入面釀咗糯米，當中又帶少少臘腸同肉碎，煙煙韌韌糯米加上少少嘅飯焦，口感非常豐富。最後就嚟兩杯特飲，青檸梳打同芒果沙冰，不得不讚杯芒果沙冰，沙冰細滑冇冰粒，最好就係勁香濃芒果，完全係新鮮芒果製嘅新鮮感，絕對唔係芒果糖漿嗰啲，勁鐘意呀！

生菜包（牛肉）🥰我最中意呢個菜啦！配料的香，配上主角牛肉碎的鮮，鐘意辣的可以配青辣椒，鐘意原味的可以配生菜，😋口感豐富一口滿足。.乾炒豬肉河 ，用了豬肉片和蔬菜🥬做配菜，肉片很多，吃完盤底沒有多餘的油，充分吸收油香，味道上醬油夠濃，是很好吃很有鑊氣的大排檔感覺。🐷感覺這家河粉很不錯，沒有膠質感，是軟糯黏牙的河粉。.泰式生蝦，🦐生蝦處理得乾淨，而且肉質緊實。淋上秘制醬汁，酸辣酸辣很開胃。😙