影片
港铁乐富站 A 出口, 步行约1分钟
继续阅读
电话号码
61114808
付款方式
以上资料只供参考，请与餐厅确认详情
行過樂富街市見到一位韓國女士開嘅外賣店，佢只係識少少中文，落單take order都係其他同事做，我心諗應該正宗，即管一試。果然有驚喜😃買咗紫菜卷，炸雞，牛骨湯飯套餐同其他小食。海鮮雞蛋魚餅好好食，食到一粒粒墨魚。牛骨湯飯套餐有好多嘢食，飲到湯底係用咗好多骨淆成。成個套餐份量都幾多，一個人食晒飽到上心口。炸雞用嘅芝士粉我睇住老闆娘喺雪櫃拎出嚟，真係用韓國貨👍🏻紫菜卷有牛肉同其他配菜，算係足料。炒粉絲又唔會太鹹。我最鍾意係佢嘅韓國泡菜，唔會太乾，酸味同辣度啱啱好，真係好似去韓國食嗰啲咁。所有嘢都pack得好好，好整齊，感覺乾淨企理，加上樂富街市不嬲都係一個乾淨嘅街市，成件事都加分😃
继续阅读
偶然經過樂富街市，見到一間韓國菜外賣店，想試一試，就買了：Kimba套餐；海帶湯飯套餐；酸甜炸雞；牛肉便當和一些“伴菜”。非常用心制作，風味正宗。所有伴飯的伴菜都很好食，尤其“酸蘿蔔”。KimBa做得認真；難得還可配“套餐”。湯飯做得出色，又有“Punchan”。飯盒也跟韓國一樣正宗，炸雞就真係頂瓜瓜。而且價錢合理，值得一試再試！👍🏻👍🏻👍🏻
继续阅读
便當份量好大，外賣盒有一條長貼紙打直黐實個盒。好整齊又專業。好耐無食過咁豐富既便當，顏色悅目又好味。好有家的味道。下次會親自去買，外賣有啲貴。不過天氣好熱。😅
继续阅读
夜晚外賣平台七點落單，等咗唔夠20分鐘有得自取，由離開舖頭到屋企開餐唔夠15分鐘，炸雞已經唔熱但依然好脆整體上今次外賣食品雖然未至於人間美食，只屬係正常發揮，但亦值得附近街坊間中食下，除炸雞份量偏少而顯得價錢偏貴外，其他嘢食都價錢合理，可能無緣分關係，舖頭內未見有其他食評人所提及韓國大媽，接待都係地道香港人另外因為今次外賣平台自取比門市落單更平(約85折)，感覺上令炸雞價錢合理番小小，如果優惠持續，應該會再幫襯
继续阅读
呢間韓國食店位於樂富街市內,近入口處.由韓國籍姨姨主理,提供多樣韓國食物如泡菜,伴菜,炸雞,便當,飯卷等,真材實料,值得推介.已經幫襯好多次,食物保持水準,份量由其充足,特別推介紫菜包飯套餐,我特別喜歡炸蝦紫菜包飯,便當有包飯,辣炒年糕,炒粉絲同四款唔同嘅韓國配菜,即叫即做,如果比較細食,一份包飯便當可以分2餐都夠,另外海鮮小煎餅同薯仔煎餅,泡菜煎餅都係好味同價錢合理嘅小食選擇.
继续阅读