銀之冰室 (已結業)

《銀之冰室》坐落上海街新商場三樓，樓底高，餐廳大，有露台，有open space, 疫情後搞公司party 十分合適。樓下有支持弱勢社群既food court - 另再擇日支持。今日試紅酒煎羊扒 - 我喜愛既羊扒需要有小小羶味，肉質鮮嫩 - 始終都係打工仔晏晝，份量要夠。《銀之冰室》既羊扒總算大大碟份量十足，一如餐牌所序，上菜已除去多餘脂肪，雖然全熟但入口仍十分腍軟，略感肉味被紅酒汁所蓋，羶味欠奉，配菜露荀卻新鮮可口。不得不提，餐廳裝修細緻，全店放滿懷舊玩具，公仔漫畫書，文具；單是我坐這枱既<Touch> 漫畫便喚起不少八十年代既童年回憶；旁邊既舊式相機舖照相機已不是隨街見到之物；坐下來，前後左右都係話題； 不難怪疫情之下，大大餐廳也坐足八九成。總結：冰室黎講，食物 ok 既，加埋十分好既服務裝修，會再嚟 👌🏻

當日本應想幫襯地面的馬拉餐廳但多人到不得了...於是就開始洗樓最終簡左依間懷舊餐廳試下環境闊落，佈滿懷舊玩具裝飾打卡唔錯，哈哈講返野食，選擇不算少下午茶餐牌上發現有瑞士汁牛河唔洗諗就叫左佢啦份量同正常午餐無異，足夠我食飽味道少少甜，恰到好處牛肉份量不少，夠淋入味鑊氣就唔多覺有，但整體還是不錯加上個碟辣椒醬，即時生色不少Level up!!!奶茶夠滑，但茶味普通，有進步空間總括黎講不錯的，價錢都比一般茶餐廳貴但環境搭夠，可以間唔中食下以上食評只反映本人立場，如有雷同，實屬不幸

旺角上海街618有一幢翻身的建築物裏面有很多餐廳之前看雜誌介紹這間餐廳是懷舊主題食物質素好像不錯就決定去試試這天中午就去試個午餐人不多 一個人用餐店員也給我坐卡位坐得舒服點了午餐 焗椰香葡國雞飯由於即焗的關係 下單後等了20分鐘剛焗好出爐 很香的椰香味入面雞塊也不少份量正常 跟餐還有一個熱飲午餐來說 68元一個焗飯和熱飲價錢在旺角區不算便宜但食物質素不錯 加上環境舒適比普通茶餐廳多了20元就當給自己買一個休閒的中午時間

一入嚟呢間餐廳就見到佢好多懷舊嘅公仔擺設擺晒喺入牆櫃但係望落有啲驚 我就冇影到喇係美少女戰士呀作為fans嘅我細個放學即刻衝返屋企就係為左睇電視播美少女戰士卡通片講返嘢食先今次叫咗XO醬豬扒炒烏冬同埋鮮茄焗豬扒飯炒得好惹味呀 豬扒大大件XO醬好香 少少辣唔會太辣 正！呢度嘅焗豬扒飯最出色嘅係塊豬扒分開上平時快餐店食到嘅焗豬飯 塊扒會擺埋落去個飯入面一齊焗索滿晒啲醬汁 塊扒外皮永遠都係淋淋地呢個就好特別 分開上 食到炸豬扒嘅脆皮

位於618上海街上層的懷舊小店，餐廳周圍都放置大大小小的舊式小件。食物方面以港式茶餐為主，夾雜一些台式小食。台式鹽酥雞鎚 (拼薯條 | $45)• 極之惹味香口的鹽酥雞，充滿台式夜市風味。雞鎚外層厚度比一般更加薄，口感依然香脆，醃料均勻入味，而且咸度適中。• 雞鎚內裡肉質飽滿香嫩，同樣充滿鹽酥的惹味。• 配上波浪紋型薯條，是個滋味的下午茶。鮮紫蘇檸檬 (凍 | +$26)• 據店員稱食材源自自家農場的農產品。• 外觀有點像我喜歡的紫貝天葵，味道同樣以酸甜為主，但酸度相對輕微，紫蘇葉獨特的味道十分突出。• 凍飲比較適合夏天飲用。

呢間冰室店內擺左好多懷舊卡通人物公仔同文具，非常吸睛😍野食價錢好經濟實惠🤩兩個人都只係食左$88又飽肚。香煎豬扒湯一丁 $46 （送熱飲）座位很舒適，一坐低睇到餐牌選擇款式都好多，中日西式都可供選擇。最後朋友點左個常餐+一杯熱朱。想讚個豬扒真係香，好似食緊吉列豬扒feel，但又唔會覺得油膩。公司三文治 $42由於想食得清淡啲，又想有飽肚感😝單點叫左個公司三文治食。一上枱就已經覺得用足料，微烘既脆多連埋兩大塊厚蛋同兩大塊好厚既餐肉夾住一齊食真係大滿足👍🏻真係好抵食！

好多懷舊文具，小豬錢罌、地球儀、舊相機、懷舊膠波、ET公仔及洋娃娃等等，食物都係懷舊～哈哈蝦多士、鮮奶忌廉等等，好值得到此一遊去追尋以往舊物品，小店的侍應服務一流，教我慳錢～join app~Storellet 有優惠

係旺角上海街有座好靚既活化唐樓，入面有唔同餐廳、小店同打卡位，啱晒文青去行😚頂樓既阿銀冰室有懷舊文具主題，我地張枱有sailor moon既公仔同印仔，好想拎返屋企啊🤩我地嗌左好出名既蛋白芝士三文治，芝士唔會食到好滯，下午茶份量啱啱好，仲嗌左鹽酥雞加薯條，雞好有咬感又唔會太鹹，薯條就夠熱同鬆脆。本身想嗌炸雞翼但已經無晒啦。飲茶就揀左綠茶牛乳紅豆冰，紅豆係好大粒既，綠茶味都好足，仲有薄荷檸檬梳打，好多好多薄荷😂但配炸嘢食就啱啱好，走個陣員工仲叫我地揀份禮物走添，不過我哋就無拎到既。員工態度好好，冰室好chill，係可以放鬆心情既地方！

今日同朋友去同座頂樓飲下午茶，價錢貴，食物ok但飲品唔值，仲一坐夠鐘就俾人叮走，員工態度麻麻，甚覺冇癮，唯有轉移陣地再去銀之冰室傾多陣，環境闊落，員工好有禮貌，我哋叫左下午茶餐，我叫左瑞士雞翼加薯條，有四隻雞中翼，朋友叫左蛋白三文治，大大份烘埋底。食物夠份量，味道唔錯，餐廳佈置懷舊，最估唔到食左每人40元左右，臨走叫我地每人係門口嘅物品揀一份走，有文具、小玩具，懷舊玩意，為免浪費我冇揀到，但嗰份心意的確令人驚喜！