影片
港铁深水埗站 D2 出口, 步行约7分钟
继续阅读
电话号码
23602636
51317888
付款方式
以上资料只供参考，请与餐厅确认详情
熟客，食物不嬲有水準，介紹過幾枱朋友嚟食，都好滿意，今日同朋友來慶祝，平時個經理不在，一嚟又sell海鮮，無叫，最後6個人叫9個餸，慢慢食傾兩句，最後好食都一肚氣走，知你早收工，麻煩趕客都有技巧啲，10點半收工咪客氣啲講，去緊廁所又熄埋燈，叫支啤酒又搏命斟滿，不如唔好俾我叫啦，難得生意好返啲就唔好打自己個招牌啦，可能我唔係你哋嗰啲豪客啦，哥哥食到谷住個肚仲谷住啖氣走😤😤😤（利申之前未試過咁，唔好打錯人）不快回憶一篇
继续阅读
正到冇朋友， 剛剛遇上推介 - 龍蝦伊麵半隻伊麵底, 再加兩隻瀨尿蝦。茗茶只係每位四蚊，地方舒適整潔寬敞，員工招呼有禮貌。物超所值，午餐吃龍蝦加瀨尿蝦再加煲仔菜 都係唔使三百蚊
继续阅读
成個食過程極不滿 盡量 point form 1. staff無能， 全部好似新手甘。 問佢 d野黎未又唔應你 自己衝去睇 又唔知得唔得 , 點個啤酒都要兩個人落， 對 menu極唔熟 都唔知邊 d餸有邊 d冇 . 經理更甚 ,.唔知點解佢可以喺番工時間同屋企人食飯 可能佢係老板有股份 , 但當我投訴 d野慢既時候 佢都可以繼續同屋企人食飯 唔出黎哂個冧尤得 d staff 俾我話 ， 少少責任都唔負 我真係好佩服佢呀！2. 出菜速度超慢 極不公平大細超 , 成個鋪 廳得4 成滿 入面 d房就 full. 明明房入面有客人遲過我到 , 佢就煮哂成圍野俾人先 . 我早點 淨係點三個家常小菜 梅菜扣肉 黑椒牛柳粒 糯米飯 成1個鐘頭25 分鐘都黎得兩個， 嬲到我取消最後一個糯米飯轉做2 碗白飯 ,. 而最令我嬲既係 我取消時 個 staff同廚房講完番黎同我講 <係咪真係唔要 佢而家會煮> , 甘即係唔催你就唔煮 完全當唔坐房既客人冇到 如果係甘 不如除左房唔接生意 好冇？ 3. 野食求其接番頭先第二個 point , 第一碟菜黑椒薯仔牛柳粒等左我半個鐘 薯仔太林 牛粒幾入味 中規中舉 甘都算，但等左成粒鐘忍唔住催佢 佢好快就黎左碟扣肉 , 一上枱就知求其煮 扣肉唔夠淋 好多位都硬 梅菜極少加唔入味 d醬汁勁稀 勁似求其喺其它地方備上去 我真係第一次食一個我冇意慾撈飯既梅菜扣肉！第四價錢偏貴你甘既服務 甘既食物質素 甘既上菜速度 夠膽收人18x一碟黑椒薯仔牛柳粒 夠膽個扣肉煲14x蚊 ,仲夠膽話自己係做懷舊菜？。真係笑死我 . 連家常港式菜。客家菜 , 幾圍枱上菜都 manage唔到 . 仲會期望人地會食你既懷舊菜 . noway !! 本身就係小試牛刀 試下你好唔好食 服務點 而家試左 一定一定永遠唔會再去 ! 大家自己衡量下 la
继续阅读
平常什少叫蒸蟶子因為容易蒸過火。今次冒險叫了，真是覺得可能係呢世人食過最正的蟶子。火喉剛剛好，肉厚，味道較得很好，爽夾諗。真是正到冇朋友👍👍👍另外避風塘瀨尿蝦肉也是一絕👍👍太爺雞冇得輸👍👍以前常幫襯佢哋總店，但因為舖細，有時好難 book 尤其週末，銀城可能新開，book 位不是問題。佢哋送的甜品，薑汁燉奶也是冇得彈，絕對不是免費就求其做👍👍👍無論是龍門金閣或銀城金閣，服務態度都是值得一讚👍👍👍
继续阅读
朋友話新開左間餐廳，食完覺得唔錯，推介比我地去試，而且話焗魚腸必食，我提前卜左父親節正日，同屋企人一齊黎食。《雞蛋焗魚腸》$158呢個係一個懷舊菜式，魚腸加上芫荽、薑等配料，同雞蛋撈勻放入缽仔，再以蒸焗方法煮。焗完面頭系脆身嘅，魚腸好新鮮，唔落胡椒粉食都唔會過腥，水準唔錯。《上湯龍蝦配剪米粉底》$498澳洲青龍果然好食，龍蝦肉鮮甜，好重龍蝦味，再加埋煎米粉底（另加$50），索曬龍蝦汁嘅鮮甜，好好食，推介大家轉剪米粉底。不過由於父親節正日，價錢偏貴，朋友話之前餐廳做優惠，只系$298。《黑醋一字骨》$155一字骨都幾大條，而且蚊到肉質好腍，配上黑醋汁，酸酸甜甜，好岩送飯。《金銀蛋浸白菜仔》$148白菜仔好新鮮，加上清雞湯，味道一定好味，可以當系一個菜湯，飲落去都清甜，唔會過咸。《欖菜肉鬆炒菜心》$158菜心鮮嫩，炒得岩岩好，唔會過老，加埋欖菜同肉碎令味道更豐富，而且都系一碟好岩撈飯食嘅菜式。《生炒糯米飯》$158糯米飯味道不錯，好香嘅臘味味，但略嫌炒得唔夠乾身，偏濕。《薑汁撞奶》（免費）薑汁味岩岩好，唔會過濃唔會過淡，而且好滑身，甜而不膩，系個唔錯嘅甜品。
继续阅读