影片
开饭介绍
「银杏馆」自2003年开始，一直致力策动长者就业，藉经营餐厅、餐饮到会、食品制造及零售等服务，为有经济或心理需要工作的长者，提供合适的就业机会，让长者能自食其力，自得其乐。
继续阅读
营业时间
今日营业
11:00 - 22:00
星期一至日
11:00 - 22:00
*午餐: 11:00-14:30
下午茶: 14:30-17:30
晚餐: 17:30-22:00
以上资料只供参考，请与餐厅确认详情
有关奖赏计划
最近上网见到呢间社企餐厅主要系聘请长者就业，而且仲会有长者歌手表演。我屋企人都好钟意听歌，所以呢日就约埋屋企人一齐黎食饭，聚会同听歌。呢度离地铁站只系一分钟距离，非常方便。餐厅有自助吧，可无限添加沙律，水果，汤和糖水。今日系五指毛桃淮山粟米汤，很清甜，素汤其实更加清新，饮落喉咙好舒服。酸甜五柳松子鱼我和家人一向都好喜欢吃松子鱼，炸得脆口却不会干身，鱼肉鲜嫩，酸酸地几开胃。红烧豆腐煲热辣辣，职员上菜时有温馨提示个煲好热要小心，很细心。红烧豆腐煲的豆腐外脆内嫩，酱汁浓郁，配搭了冬菇和三色椒，很香口。霸王鸡煮得刚刚熟，所以肉质非常嫩滑，而且起左骨很方便进食，4个人食一只啱啱好。流沙黄金虾虾大大只，沾满咸蛋酱很滋味，又香又浓郁，有流沙口感。虾肉弹牙，易离壳，所以也很容易吃。饭后继续喺自助吧食返个糖水，雪耳红枣糖水不会太甜，啱啱好。蜜瓜很清新，又够甜。每晚7至9点都会有银发族职员唱歌，很有水准，唱的都是经典歌，任何年纪都啱听。社企真系好值得支持，因为大部份都系聘用银发族，所以感受到服务更加热诚，职员都面带笑容，亲切有礼，而且食物水准亦很高。
继续阅读
【东区】【银杏时光】面对人口老化但同时又充满竞争嘅香港社会，「银杏馆」喺 2003 年开始就开辟咗「长者就业」呢条路，令好多长者或者有需要人士重拾自信同尊严。从来都觉得呢啲社企系劲需要大众支持，所以呢晚我同美女朋友食饭，就拣咗试呢间喺太古站附近嘅嚟试。餐厅系以半自助形式运营，只要每人都叫咗主菜，就可以免费任食半自助吧，有汤、糖水同沙律，环境卫生之余，味道都唔错，我都食完再食。而头先讲到佢哋促进长者就业，餐厅亦都专门聘请长者做嘢。放心，唔慢不特止，服务仲超好，而且非常细心呀。餐厅另一个特色，就系有歌曲表演，由长者歌手自弹自唱，晚市七点至九点就有得听。呢晚系一位叫 Emma 嘅长者表演，佢一个人又弹又唱足两个钟，我哋听足咁耐佢真系冇停过，好犀利。中间加插帮小朋友庆生嘅生日歌，仲有点歌环节，可以话系好丰富。好耐都未试过写成三段都未写啲嘢食，实在太多嘢想讲。而首先讲嘅食物系 $198 嘅「酸甜五柳松子鱼」，每枱都见到，我哋都叫。食落酥脆香口，酸甜酱汁又将油腻感减退，唔怪得系必点。之后试 $168 嘅「彩虹咕噜肉」，都唔错，香口得嚟热力十足。不过讲到热，都唔及 $138 嘅「红烧豆腐煲」，热辣辣咁上，个酱汁又好惹味，有惊喜。跟住试 $68 嘅「豉油王乳鸽」，就算本身对乳鸽麻麻哋嘅美女朋友，都话佢整得几好。而我就当然觉得好正。主要系佢呢个整法唔会烧到啲肉好实同缩晒咁，又索到汁。我胃口大开之下，接连试咗两款甜品。首先系 $88 嘅「法式心太软」，系做到软心朱古力效果嘅，而且朱古力味浓，几邪恶嘅。跟住系 $68 嘅「芝士饼」，唔知点解芝士嘅咸香会喺呢个饼度发挥得几出，特别嘅。餐饭加一后 $801，食多啲当支持社企嘛。。。（地址：太古基利路7号太吉楼地下4及5号舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am东区 #太古 #太古城 #银杏时光 #酸甜五柳松子鱼 #彩虹咕噜肉 #红烧豆腐煲 #豉油王乳鸽 #法式心太软 #芝士饼 #1am1761 #1ambackup
继续阅读
银杏馆喺香港唔同地方都有社企食肆，今次同朋友们一齐去到位于港岛嘅银杏时光，门口有唔少售卖嘅食品都系餐厅员工亲手整嘅行到入面，餐厅布置好有氛围，而且每晚七点到九点都会有员工出嚟唱歌busking，一路食饭一路听歌几有feel出面嘅自助吧有唔少前菜，比如有机薯仔沙律、车厘茄、有机杂菜、凉拌大豆芽、青瓜，侧边仲有千岛酱、油醋可以淋上沙律嚟食。除咗沙律，自助吧仲有员工自家制嘅桃胶雪耳糖水同埋五指毛桃淮山粟米汤。用料十足，味道清甜酸甜五柳松子鱼 $198原条松子鱼上枱，表面铺满松子、三色椒等配料，并淋上浓稠嘅糖醋酱，鱼肉炸得酥脆，糖醋酱汁味道偏甜，送饭一流黄椒酱蒸珍珠斑 $188另外叫咗一条蒸珍珠斑，又系原条鱼上枱，表面铺满黄椒酱，呢款菜式食落就比较似平时酒楼会食到嘅蒸鱼，鱼肉软淋，加少少豉油就好鲜甜滋补羊腩煲 $288叫咗一个羊腩煲，羊腩煲份量唔细，足够二至三人食用，咗有羊腩仲有支竹同冬菇，羊腩主要用上瘦肉，口感结实，冬菇同支竹都煮得入味，确实美味
继续阅读
母亲节前夕带咗阿妈去银杏时光（银杏馆太古分店）食饭。平日lunch time食过佢哋啲嘢食觉得几好食，今次第一次嚟食晚餐。餐厅主打支持长者就业，成间铺头啲员工同歌手都系长者，而且每晚7点到8点都有长者歌手表演，好有气氛～ 当晚有位80几岁嘅歌手唱歌，把声温柔得嚟又好有力，啲客人都听到好投入，仲起身跳舞，成个气氛都好温馨同，服务员都好人情味，同客人打成一片。因为系母亲节，仲送咗一枝小花俾每台嘅妈妈，妈咪攞住花笑到好开心，成个心情都靓晒～呢啲细节位好加分。 - 酸甜五柳松子鱼（$198）：外脆内嫩，配埋多酸少甜嘅酱汁，几开胃。- 霸王鸡（一只，$278）：招牌菜式黎，平时下昼都有叫开。鸡肉好滑好嫩，咬落去有啲胶质感，味道够入味，咸度恰到好处，而且鸡味重，必点。 - 酸菜鱼（$188）：汤底酸辣度啱啱好，鱼片好滑唔会散开，而且呢个价钱黎讲，鱼嘅份量比坊间好多餐厅都多，几抵食。- 虾酱虾干海鲜有机菜煲（$148）：一端上嚟就闻到𠮶阵虾酱香味，配埋啲新鲜有机蔬菜同海鲜，食落咸香有镬气。 佢哋仲有个自助沙律吧，有糖水、汤、沙律菜、粟米、苹果沙律、薯仔沙律、蕃茄等等（沙律部份会keep住更换），当中最令我印象深刻就系粉粉绵绵嘅薯仔沙律，同埋低甜带少许菊花清香，而且好多豆嘅绿豆沙。
继续阅读
话说好耐无去过太古果边了，咁岩商场最近有NBA既展览，大家都知商场既餐厅消息多数都比较贵。所以我地行完街就去左附近揾下有咩特别野可以试下啦。于是乎就去埋香港三大社交平台打卡景点之一既怪兽大厦(鲗鱼涌海山楼)行下，不过始终有点人物依旧，面目全非既感觉，影唔出之既情怀。原本谂住去入去间7-11增值八达通，点知见7-11同公园中间有条路仔就行入去望下。咁岩就比我地左捐右捐见到一间好特别既餐厅 - 银杏时光。后尾上网睇先知原来系一间社企餐厅黎既。晚餐会有沙律吧，虽然选择唔算好多，但食得出蔬菜都非常新鲜。而无味精既住家汤水同糖水大家可以随心享用。主食方面我地就叫左一人份既豉汁蒸仓鱼，生炸乳鸽同埋吹水酱干锅鹿茸菌鸡柳。豉汁蒸仓鱼调味好好，岩晒无饭家庭，又或者唔识煮鱼或蒸鱼既我地。因为老实讲自己真系唔识处理生鱼，而久唔久都会好想食蒸鱼，美中不足系仓鱼上台时再热D就更加好了。推介大家食呢到既吹水酱干锅鹿茸菌鸡柳，真系好惹味，又够份量，伴白饭食就一流啦。可惜我夜晚戒食饭，或者下次有机会再到附近的话中午会黎食下午餐。生炸乳鸽就同出面既餐厅水准差不多，餐厅唔同既岗位都有长者担任，服务比出面既餐厅更有礼貌都多左一份温暖既感觉。好耐无试过写食评，但因为而家好多时北上，始终难免会比较两地既餐厅。今次觉得呢间餐厅无论装修、环保，以致食物质素、服务态度，餐厅理念都好值得香港人去试下。最最最重要系可以一边食饭一边厅住歌，感觉好特别！而且仲可以点唱，真系一个好特别，有惊喜既晚餐。
继续阅读
您可能会有兴趣的...