銀河牛腩牛雜粉麵 (已搬遷) 新店位置

我間唔中放工後都會去買呢間嘅牛腩飯返屋企食 因為平靚正38蚊一大盒飯 一大碗牛腩同有d菜唔算少 料多飯多，多到可以兩人一齊食或留一半第二日食 因為真係好多，味道又唔差 38蚊有咁嘅質素有咁嘅份量真心抵

依間餐廳嘅牛腩真係好味到唔話得事，搞到我每個禮拜都至少要食一次，食過就完全唔想依其他地方嘅牛腩！牛腩好軟，而且一食就知炆得好夠火候，好入味，啲肉汁散哂出黎，我見到師父會間唔中將炆牛腩用嘅汁淋落去牛腩度，令到牛腩冇時冇刻都鎖住肉汁。不得不提佢嘅牛腩湯，好香，同埋啲麵一齊食好正。碗麵好大碗，牛腩好多，份量夠足！雖然店面睇落比較簡陋，但係因為佢係小本經營，所以都可以體諒，而且老闆娘同埋員工都好親切，所以抵番哂。

食物一般！態度差，永不再試！！ 寧願行遠少少食第二間。。就係因為近啲，走去試下。點知個啊姐勁衰格，根本冇心做野既。我同老公坐低唔該左起碼4，5次，佢明明聽到，自己之後都唔耐煩話等陣啦。但問題係佢冇做緊野，而係同門口經過既一個人係到吹水。我原本嬲嬲地諗住走，一起身先黎話食咩啊！好啦，好好羞羞都試下先。點知佢落錯單，我同佢講返啦，佢竟然屈返我轉頭，死都話我係講佢寫果樣，認真好野。好彩隔離台個後生仔都聽到我話要食咩，佢先話換過比你！食物係一般正常野唔係好食都唔難食，但事關心情唔好，最後正係食左幾啖 食唔落走人。比錢買難受。

最近天澤街市裝修 我食開既車仔麵檔無左 又要再覓食見到呢間有牛腩賣 就試下湯底香 豬手吾錯 牛腩賣相都吾錯 但成日比錯野叫五次比錯兩次叫牛腩比左牛雜叫麵又比河粉我吾係好食河粉 影響左食欲由於是外賣自取 回家才知道 懶得換生意難做 但都希望最基本既吾好做錯

此店是本人第 3 次消費，上月再到此店叫牛什粗麵，其實此店又比較出名是(牛什、牛腩、湯底)，無論叫牛什甚麼麵也好，湯底濃、亦可當湯喝，無論牛什、牛腩，口感彈牙、有肉鮮味，只是雲吞較細粒、湯底比較淡，另外此店未有外賣提供，另外 2 位大姐姐員工服務態度好，有時候會問食客食品是否ok，而消費合理( 1 碗任何麵+ 1 罐汽水=約$ 35 )，只是店面積小有點迫感覺，最近多開 1 間銀河車仔麵、除車仔麵還有煎釀三寶，選擇豐富。

今日個天凍冰冰 食極都肚餓 其實係咀痕天水圍有新嘢食 係非常好 因為附近冇乜嘢好揀天氣凍食返啲湯麵暖胃墨魚丸牛筋河粉墨魚丸有三粒 墨魚味唔夠重 河粉係幼河粉 👍🏻👍🏻👍🏻 啱我口味佢有個辣醬 比較失望 一啲都唔辣牛筋今次都比較失望 牛筋唔夠腍 不過份量好多其實之前我都食過幾次 佢豬肚唔錯👍🏻👍🏻不過牛雜河粉就麻麻 因為牛雜有啲部位我唔食 對我來講有啲大碗 唔係咁啱做消夜 如果係＄22細碗D咁樣就唔錯啦👯👯👯

呢一間銀河牛腩牛雜粉麵係最返呢幾個月先係天水圍食街開，今日第一次去試食。店內的面積不算太大，大約有5-6張圓台，每張可坐2-4個人。我是大約下午3點左右去食的，大約10個客人左店內，一進去便有位。 入面有好多牛的飯或麵，我叫左一碗牛三寶麵(牛腩，牛根，牛肚)，大約等了三分鐘，碗的大小正常，麵的份量也正常，但牛三寶的份量比我想像的多，比起麵的份量還多。 至於味道，牛腩很爽口同入味，切的大細亦很方便入口而且有肉味；牛根比較痴牙，少了一點爽口，但也不錯；至於牛肚是不錯的，入味而且很好咬，湯底也濃味，而麵也很正常。總括而言，牛的產品是不錯的，特別是牛腩，抵食的餐廳。