銀龍粉麵茶餐廳

营业中

休息中

琴日去銅鑼灣做野，搵地方食個早餐先開工，見到有間銀龍粉麵茶餐廳，就入左去食啦～叫左個火腿通粉餐，有雙蛋+牛角包、奶茶先講個通粉-個湯得個鹹字，d通粉浸到發哂水，個3片火腿就無乜野既，味道似金妹牌火腿牛角包-正常但唔脆口雙蛋-d油多到似水煮蛋，夾起隻蛋d油多到滴返出黎奶茶-茶味不足，好似水溝淡奶咁（我習慣走甜）總結黎講有選擇我唔會係呢再食早餐，但唔明點解可以有咁多分店...太X/翠X都好過佢多多聲，可一不可再

今日東鐡壞車，等車塞人排隊➕接駁車，用左差不多五個鐘頭先去到尖沙咀，一早打左電話反公司報左先，所以又多左一日假期，進退兩難唯有照出去，係呢段時間無水無嘢食仲落雨拎住把庶既心情一路企住排隊坐接駁車😰終於係5個鐘頭之後去到尖沙咀，第一時間更係醫肚，記得上次食過晚餐唔錯，所以今日落去食個午餐，見到隔離枱個咖哩好正，甘就叫左個咖哩雞午餐配意粉，意粉軟硬度適中，口感不錯👍咖哩夠香又夠辣，味道又好食，仲的有好多雞係入面，抵食，侍應招呼又有禮貌👍👍

今日落超大雨，過左中午都未食飯，落雨狼狽期間見到有間銀龍，不如就入去食d野。剛好2:30下午茶時間。睇睇個餐牌，有很多選擇，叫左一個韭皇叉燒炒蛋飯，諗住穩穩陣陣，再叫杯凍檸茶走甜。過左5分鐘，一碟賣相唔太靚既叉燒炒蛋飯就送上，但其實蛋是炒得可以接受的，質感睇落好明顯用了很多油，點知，咬下第一口炒蛋，感覺非常之咸，我以為是落鹽唔太平均，再食第二口，同樣咁咸，加上中間有豉油，更咸上加咸，叉燒就正正常常，唯有只食叉燒飯。茶餐廳真係咁重味？我第一次見。收盤時，我和伙記講，太咸了，他說會反映一下，反正算了，注定我不是重口味客人，重口味不合適我吧。 炒蛋飯的相片忘記拍下了

日日都要唸食乜，所以經過見到乜就食乜，呢到D坐位吳錯，坐得幾舒服，地方又夠大，晚餐款式多，價錢又合理😊叫左個菜軟排骨炒面➕例湯➕飲品都係60元。抵食菜軟夠林，排骨夠味道，面頭炒面脆卜卜，仲一路食都係熱辣辣先正，食到尾都仲有熱，最鐘意食物係應該熱的食物熱辣辣，甘就最好味道，炒面味道適中，吳錯✌️✌️✌️✌️✌️例湯就一般，中規中矩正常，無乜特別😂😂🍋茶，茶味道香濃，檸檬🍋無苦澀味，味道亦不錯😊

今日約左個好耐無見嘅舊同學食飯，因為朋友喺尖沙咀返工，所以最後約左喺尖沙咀食飯。因為星期五晚happy friday周圍都勁多人等位，可能附近就係諾士佛臺，個個趕住食完飯去飲酒🍻於是揀左間茶餐廳食飯聚下舊啦，我地兩個人叫左兩個小菜送下飯。第一款叫左個大路野咕嚕肉，好鐘意啲酸酸甜甜嘅肉類餸菜，呢啲餸多數都好開胃，所以好好送飯！而且外皮仲好脆唔會比啲汁浸到淋哂。第二樣野叫左啫啫雞煲，我最鐘意嘅煲仔菜就係啫啫雞煲，因為一煲野有雞有豬膶仲有可能有冬菇，勁豐富！

老老實實我已經好多年冇食「銀龍」, 原因係佢哋通常都好爆, 要等位; 另外價錢都感覺略貴。 但隨著其他舖頭嘅價錢都升到某個點嘅時候, 再回望返「銀龍」嘅價錢, 反而覺得佢哋嘅價錢係有點「落後大市」( 相對旁邊那一間翠x)。 當日必須要在附近食午飯, 所以就試下。每樣嘢都中規中矩, 水準以上。證明銀龍嘅江湖地位係有喺度嘅。<中式例湯> 飲咗一兩啖冇飲, 但其實都好味嘅。只不過本身諗住留返食完飲, 之後太飽冇飲到。<羅宋湯> 呢個好好味, 有以前傳統嘅馬來亞餐廳嘅羅宋湯風格。味道偏向比較辣。<燴汁豬扒拼雞扒意粉> 傳統嘅汁, 味道懷舊。 豬扒肉厚, 冇醃肉粉嘅味道。 雞扒有半塊, 但係大足夠。意粉嘅煙韌度適中, 好好味。<酥炸雞中翼豬肉腸煎雙蛋飯> 酥炸雞中翼係傳統外賣小食店嘅味道, 亦係屬於傳統, 難得。豬肉腸係英式, 內容偏多肥肉, 我麻麻地鍾意飯、蛋、 豉油汁都 ok, 好味道。<紅豆冰> 係最值得推介嘅嘢。都係嗰句味道傳統。紅豆嘅煙韌度適中, 係有心思嘅製作。<熱奶茶> 應有嘅水準, 冇

近期是想出尖沙咀做嘢，在尖沙咀食飯，種種唔同嘅菜式多不🌟數，今日去咗一間之前在荃灣做開的餐廳，他走咗出尖沙咀他的名字叫《 銀龍粉麵茶餐廳 》餐廳門口用上閃閃的燈光，吸引客人，走進去要走落一條樓梯度地庫，來到的環境沒有用上豪華的裝修，保持着一般的茶餐廳佈局餐牌上的選擇不算太多，但可能正是下午茶時間從餐牌內選擇了美極乾炒牛河，作為今日的下午茶，牛肉還算爽但欠缺牛肉味，但河粉較為淡口，但整體來說合格餐飲就叫上了一個熱菜蜜，他用上的菜蜜不會太甜，還保持應有味道不過其實這樣連鎖式的茶餐廳來說，質量都是這樣的，說到低當然不會有太大期望，但起碼不會失望感覺

試試另一間。要落一層。入到去要轉灣先見到有枱。差不多近11點。不多人。望望餐牌。選擇差不多。所以點了火腿通粉加熱奶茶。先上雙強加牛角包。包都有小小微熱。可以。再來熱奶茶。都不過不失。茶唔算滑。但都叫接受。通粉。唔夠淋身。火腿3片。不是火腿絲。價錢37蚊。

要快見到銀龍尖沙咀地牢分店近地鐵便入場吃頓快午餐以為有一個連菜與茶48$ 餐原來2點半下午茶才供應翻覆餐牌結果我叫牛什粉得獎名單上38$一個加茶10$我不捨得花錢大碗樣貌和分量俱全，足有6 件金錢牛肚當然我至今較愛的牛肺有二三舊銀 龍的河粉原不錯👍👌令我感到不慣的老實說是價格我們香港人好像遊客一樣：貴也要吃除非你餐餐自己弄一個迷你紫菜三寶 15$問伙計就只叫十五蚊小三寶都可以吧？他答覆是問題⋯⋯我肯嗎？肯定不飽肚未入門已經有宣告-外賣九折要行梯級地庫奈何，仍然不平⋯林太知道嗎⋯⋯現在 人民不聊生怎麼辦，怎麼辦！

我：唔該一個炒貴刁（ 前後她問我兩次先聽得明）女侍應：炒貴刁飲嘢要加＄10我：乜唔係有套餐咩？女侍應：而家你咁叫=散叫 （我相信佢要我叫2號快餐炒貴刁=套餐）我：我問佢有乜分別？女侍應：好大分別你咁樣叫唔係套餐😰😰我：到底你識唔識字？女侍應：我完全明白你講乜嘢，答錯線收線！聽過佢講完呢番說話之後我立即搵經理投訴，經理同我講唔好意思佢今日新來，新黎可以鬧人咩？呢個新人唔識字咩？

係附近搞event，當然搵間茶餐廳快食為首選啦😋一望完餐牌，已經決定食個沙嗲牛麵，同事就揀左粉麵類。三個月前係附近搞過event（媽劇停唯一好處就係有機會周圍走🤧），同樣食呢間。沙嗲牛肉整體都ok，係我自己喜歡麵冧身啲，佢似碌咗分幾鐘，有啲「生」。牛肉都ok，唔生，有小小厚身，味道尚算剛剛好。牛角包雖然細細個，都有驚喜，幾好味，唔算太油。蛋算係炒得滑，落小小鹽，即刻掂哂。奶茶精又出現，呢杯還好，茶多咗啲，有啲「鞋」。其他粉麵類，同事話餃類就淨啲啦，有陣怪味。早餐平均35至40元。

朋友去外國啱啱嚟到香港, 去完酒店擺低咗啲嘢之後佢嗌話有啲肚餓! 咁我就帶咗佢去食我哋香港嘅特色茶餐廳! 下午茶餐餐牌入到去睇完個下午茶menu,最吸引我嘅眼球就係佢哋嘅9號下午茶餐餐肉煎蛋菠蘿包(配薯條), 我覺得呢一個下午茶餐好鬼死香港! 因為佢地用咗兩樣香港人成日都食嘅材料,但冇乜人會將佢哋兩樣嘢加埋一齊食, 佢哋分別就係菠蘿包同埋午餐肉啦!餐肉煎蛋菠蘿包(配薯條)入口嘅時候覺得口感唔錯,菠蘿包外面個皮脆脆地帶有甜味,而雞蛋同埋午餐肉就係鹹嘅, 入口嘅時候咀嚼埋一齊就鹹甜mix埋一齊,感覺十分之唔錯,而且食落仲好飽肚添!另外仲有薯條同埋餐飲,我覺得呢一個茶餐已30蚊嚟計, 還算ok可以接受!

今早是太太長週，我剛好要出尖沙咀幫朋友整野，就乖乖的同太太一齊出門口，仲陪佢去食早餐。我們今早選擇了K11附近的銀龍，閃光十足的門口，不應該是吸引我的..應該是吸引自遊行的啦！今早不想食麵，叫了營養早餐，金妹火腿雞蛋三文治配凍熱鮮奶，平日配鮮奶一定要加最少$8，這個已包括，不用額外加錢。先試金妹火腿，我同意真的是較好食，不是很淋，有少許硬度，較有咬口，而且也有著一點豬味，賣相就是跟普通火腿無分別，至於雞蛋，是全熟蛋，配上一點蛋漿，一份蛋治應該不止一隻蛋，因為都幾厚！鮮奶是維記，沒有騙人，真的是鮮奶，不是奶類飲品呢！$32不用加一，餐廳也夠大，坐得幾舒服，不過自遊行較多，店員招呼開口也是普通話為先...

我經常性覺得香港的早餐好悶，食來食去都係火腿通，炒蛋。又或是中式的白粥，腸粉。但早餐係一日最重要嗰餐，點可以唔食呢。世界唔變，唯有自己尋改變。雖然呢個都係炒蛋，但呢到炒得幾好，無溝嘢炒，但油就多左。辣雞丁米，五香肉丁就食得多，嚟個辣雞丁。味道同五香肉丁差不多，但就稍為辣小小同多左d雞味。潮州四寶湯河，將平常午餐才食的搬到早餐。估唔到又幾好，湯底奶白色，味道又夠濃。四寶丸都爽口，特別推薦係魚皮餃，皮雖厚，但咬落有口感，入面的餡味道特別，又有彈性。銀龍有好多分店，吃過幾間麻麻地，估唔到呢間味道幾好，有下次。

最近為了奶茶去了尖沙咀銀龍不是沒有遺憾的。隨早餐的奶茶不錯值得老客一like要炸醬撈麵上面的餸冰冷面熱點心一凍送魚湯略安慰少少多多電視套餐也算多只有杯奶茶仍是舊情其他一切都只是貴而欠妥 心不安多年前在樂富大排檔已識銀龍現在大大擴張可惜，美而價廉物美服務熟人的傳統已跟隨香港風格一去不返了！