銀龍粉麵茶餐廳 (已搬遷) 新店位置

今日又到私家飯堂食晏囉, 叫咗個網上潮文推介男人必叫嘅飯豆腐火腩飯,。豆腐火腩飯，採用的油炸豆腐和燒腩肉，兩種食材的口味相差甚大，油炸豆腐味道淡而滑嫩，而燒腩肉則皮脆肉酥，咸鮮惹味，品嚐豆腐火腩飯時，能感受到兩種不同味感的食材，同時也讓男人有著感同身受的意境。 品嚐到豆腐的平淡，也能感受到燒腩肉的醬咸慷慨，配上一杯冷飲，大快朵頤的感覺，讓人舒心自在，品嚐這道菜，能讓男人放下拘束，舒心安樂，可能這才是豆腐火腩飯的“浪漫”情懷所在。

窗邊位窗邊全部鋪滿塵重有烏蠅曱甴嘅屍體 ，餐具有污漬，問伙計攞張餐紙，第一個叫你自己攞，問第二個重要答你餐紙只係俾員工用，叫杯凍齋啡淡而無味，一碗魚蛋粉成四十蚊，嘢食平凡又唔係好味過人，以後都唔會再去任何一間銀龍

今日又周圍搵下午茶食啦真係激死人呀，見到個名咁正，叫做黑松露炒蛋多士，以為會好好食，上菜嘅時候真係嚇親首先等嘅時候都等左10分鐘，以為佢整乜嘢整咁耐嘢食嚟到嘅時候見到完全係唔使功夫技巧就整到嘅，只係將塊蛋煎熟，再加左啲黑松露醬上去，然後將佢放上一塊方包上邊😭而且冇烘底或者煎下，食落就乾爭爭啦，好唔抵食囉！（我影相影得好，幫佢美化左好多啦）杯奶茶就正正常常嘅30幾蚊食呢啲野完全唔夠飽，同埋麻麻哋好食，唉

今 (28-9-2019 Sat)朝去攞身體檢查報告,同老公嚟到呢邊至食早餐,嚟到都係幫趁連鎖店,我要$35.00嘅A1早餐,老公要$21.00嘅豬扒包.1. 餐茶,熱奶茶有茶味唔算好濃,奶味重少少同滑嘅.味道:3分2. A1早餐中嘅火腿通粉口感同鹹淡適中.味道:3分3. A1早餐嘅炒蛋牛角酥份量唔多,暖暖地嘅牛角酥好有牛油香同夠酥軟,好味. 味道:5分炒蛋味道好濃.味道:4分4. 豬扒包呢個幾大個,見到有啲千島醬同一件番茄,老公將佢切開一半時,聽到麵包嘅清脆聲音,食落,味道清清地,豬扒口感滑同唔係嚡.味道:4分環境:大大間,好闊落.衛生:鐵湯匙上有漬,感覺一般.抵食係2.8分

我真係無言，俾成63蚊叫碗牛雜粗𤏪加炸魚皮，少到呢，牛雜得個幾舊，就來30蚊俾個淨麵我ga la。個魚皮收17蚊，餐牌無寫，出單就寫住係細，好想知幾錢先係正常大小同大size。少都算，仲要難食，個菜蜜根本就係蜜糖水，紙巾都無張。我相信任何一間麵檔都好過佢。咁既質素，我唔會再幫親羅。愈整愈離譜。

去到呢頭做嘢，似乎叫做係選擇中比較穩陣嘅。Lunch time同學生一齊食，好青春嘅感覺。每日都有唔同嘅選擇，又幾好喎，俾你知道黎緊有咩食，唔駛諗。亦有常餐可以揀，仲有其他選擇，理論上我應該揀個健康啲，不過想對自己好啲。沙嗲牛麵（原諒我手快影），味道一般，正常，牛肉都算多。不過蛋就好油，真係食左兩啖都唔想再食。奶茶一般，如果奶多小小會奶啲。同事叫嘅係土魷蒸肉餅，佢話ok。座位都可以嘅，整體乾淨，不過不失。

今日中午我叫左碗魚旦河加腩汁 首先講一講 落單送同送餐過黎都係同一位(A)女侍應，落單反應都可以，但係送到餐黎我望到（A)拎碗我叫既魚旦河既時候隻手指完全插入碗魚旦河d湯到，令我食慾完全下降曬，銀龍幾時變到同街邊小販一樣咁無衛生？另外碗魚旦河竟然無左附送既炸魚皮，當我同啊（A)講，(A)居然同我講：只有下午茶時段先有附送炸魚皮！個刻我就知（A)一定新黎，心諗銀龍魚旦河不嬲裡面一定附送炸魚皮，點解會無既呢？跟住咁岩有第二位(B)女侍應走埋黎我張枱到拎走樽辣椒油，我又再次同(B)講碗河無左附送炸魚皮，(B)就話我幫你同廚房講聲，而（A）為了唔好咁尷尬就問（B)乜魚旦河有附送炸魚皮既咩？就咁就走左去，呢下扮傻我堅要比個佢！

近日係附近學校考試，唔知位置於是去早咗差不多一粒鐘於是係附近行啊行搵早餐，四周小店完全冇野食！好彩見到間銀龍！叫咗芝士火腿三文治加細份雪菜肉絲米線，仲有杯柚子蜜，加埋36，都OK呀！味道不過不失啦，熱柚子蜜唔系好夠甜，不過有糖包可以自己加。雖然味道就一般般冇咩特色，不過勝在夠飽，唔錯！可能係因為特殊日子，早前食過後有D翻尋味～好想再食多次不過可惜在下其他科目不在此處考試，已經冇法子再試這飽肚早餐～

2018年1月1日 晚上 7:50打去葵盛東銀龍，諗住叫外賣。有人接電話，但不出聲，亦無任何聲音道明店舖名稱，讓人知道是否打對電話。約10幾秒後，正當我忍唔住，要開聲問接電話的是何店名，對方才突然出聲話銀龍，係把女聲。確認打對電話，我隨即表明來意，個女接線生突然好惡咁話：“打嚟要出聲嘛！叫咗咁多聲都無回應！“嘩！之前個女接線生，接電話後，幾時有出過聲？到佢一出聲，我已即時表明來意，話係叫外賣，我亦有解釋無聽過佢接電話時出過聲。之後，佢又無出聲約10幾秒，我唯有問現在可以落單未？佢繼續唔出聲約10幾秒！結果，我唯有收線，致電其他店舖叫外賣！葵盛東銀龍，曾幾次周圍派傳單，希望招攬多啲客。但，肯定好多原本諗住幫襯銀龍的客人，特別係叫外賣嗰班客人，都被呢位倒米嘅女接線生趕走晒~！銀龍標榜服務佳，但竟有如此惡女接線生，態度差，鬧客人，完全破壞晒銀龍嘅形象！作為顧客，有啲態度咁惡劣嘅女工作人員喺葵盛東銀龍做，我地一定不會再幫襯~！

上班附近的葵盛東邨，我想除了最常去明星飲茶外，之後就是去銀龍吃飯了！銀龍午市時的環境不算太好，很多人，感覺有點擠迫，而且地板也不算非常整潔，但也有普通屋邨食肆水準的。 我和同事愛去那兒是有原因的，因為那兒除了常餐外，快餐有6個選擇，扒飯有，中式飯有，粉麵都有，任君選擇，快餐還有湯附送，又有飲料，只是四十多元，算不錯了！ 如果中式飯是肉餅的話，我是一定會叫的，這兒的肉餅弄得很不錯，味道香濃，而且偶爾會加上蝦乾或瑤柱，令肉餅更有鮮味。不然扒飯也不錯，份量夠；而粉麵餐較清淡，更有油菜附送，女同事們都很愛點呢！

午飯的時候 ，我們來到葵盛東邨的銀龍茶餐廳。我們到銀龍茶餐廳的時間尚早，很快便找到座位，但如果到了十二時半後，這間茶餐廳便會爆滿，很難覓得位置。銀龍茶餐廳的選擇，其實很多，中西式也有。 簡單如多士，複雜至鐵板餐一應俱全。 但是我們習慣性地拿起快餐餐牌，不假思索地找到是日快餐的一欄 ，便各自叫了自己想吃的 。由於今天有點不舒服，所以叫了清淡一點的 粉麵套餐。今天的粉麵是四寶河粉配時菜。 為了再健康一點，我要了四寶米粉。四寶包括墨魚丸 、豬肉丸及魚皮餃。墨魚丸和豬肉丸尚算彈牙，味道不錯。魚皮餃的皮很滑 ，但餡料卻好像有不少肥豬肉 。一邊吃 一邊擔心。至於今日的時菜，是蠔油白菜，白菜份量不多，尚算新鮮。可是蠔油實在太多了，鹹得 我幾乎無法吃下，唯有用湯沖沖，但於事無補，只能免強吃一點。我常到這家銀龍茶餐廳吃午飯，當中的男經理，很殷勤。但食物質素還有不少進步空間。

今日同同事食lunch，因為個肚唔係幾舒服，諗住食清d，叫咗個潮州蛋米。點知真係清到一陣風咁，一到下午茶時間就餓到個肚只有風。原因應該係個湯太清，而且無乜味，似水多過似湯，並非平時水準。不過，還好，個菜還算新鮮爽脆。至於，熱柚子蜜還好，夠味不太甜，加上檸檬更好飲。

係新界區其實銀龍都好出名，好多地方都會見到佢嘅蹤影。有時中午係屋企懶得煮飯都會落黎食飯，不過唔係學生就貴好多40幾蚊一個飯。牛扒飯個扒薄但係都夠稔，個汁就普普通通冇咩特別，啲飯質素比較差。羅宋湯冇咩特別但係比較鹹、入面都幾多料，港式茶餐廳嘅凍奶茶真係唔同啲，味道特別細滑。整體係個飯太普通，不過呢個價錢亦都唔能夠要求啲乜嘢。

朋友行街午飯時間經過銀龍這店經常光顧，店面積雖大但午飯全部坐位都滿坐幸好流量也快，不用多等候已經有位午餐有幾款選擇眼看四週大多叫西冷牛扒那滋味樣子不用多想，每人一份牛扒跟意粉果然都無選擇錯，個湯就麻麻地個湯飲到半路，件西冷就到賣相就吾算吸引，上面舖滿磨菇同汁下切開見到大約七成，個人喜歡呢個熟度西冷入口好淋，邊位少少筋都食到不過牛味吾太濃，但都算OK煙肉是煙腩肉，絕對香口幾鍾意佢個磨菇汁，有粒粒磨菇配意粉食，成碟好快食哂朋友飲凍檸茶，我飲奶茶茶味夠濃，不過嚟早咗放低成二十分左右先飲如果熱啲就更加好飯市時間想番多轉枱，唯有大家相就下怏啲飲完埋單留枱給下一位客人

想起當年讀書時，和同學一起來銀龍粉麵食lunch，都只係18蚊一個麵。而家咩都貴左唔同左。今晚黎到食晚餐，又唔多想食飯，咁叫左個魚蛋河。餐牌話係魚湯，飲落個味有點怪，無魚湯味，河粉粗身，略"鞋"，唔滑。魚蛋唔彈牙且偏咸。阿爸叫左沙彊雞飯，雞肉又乾又"鞋"，都費時影啦！跟餐既蠔油菜芯，菜芯幼身清甜，但勁多油！