錦壽築地 (已結業)

服務態度良好，食物質素高，價錢合理，當中的特長三文魚壽司很長很肥美，刺身十分新鮮牛油果軟殼蟹10分美味價錢合理。另外員工服務態度很好，管理有質素，主動斟茶。推薦！

今日吾知點解好想食日本野中午就係公司附近既錦壽築地食晏就其實都吾係第一次黎我同同事都幾喜歡呢間餐廳因為環境同野食真係吾錯我地今日就點左個拉麵配炸餃子拉麵好彈牙 湯底就清清地而餃子好出色熱辣辣的外面脆到不得了仲有豆腐好有山水豆腐Feel 超滑仲有加州卷都吾錯再點同幾份壽司食下當然會點我最喜歡既蟹籽壽司啲蟹籽係大粒個隻份量多 好有口感好甜真係次次黎都好有驚喜不過食完好野又係時間努力返工lu下次會再帶埋其他同事黎食!!

同朋友聚餐搵左間都多人推介既餐廳試下,所以去左錦壽築地,一聽個名就知係食壽司 日本野嫁喇,因為大家都係後生仔通常都中意食日本野的,一定冇錯!!! 黎到發現門口有好多明星合照,應該有好多明星都黎過食野,好彩我地book左位,因為我見都幾多人,環境都光猛舒適既。我地點左燒牛舌,好香,上面好似有啲調味料好惹味,加埋檸檬就會清新啲,再點多深海池魚厚切刺身, 份量唔少, 一個字:正啊!!!加埋啲蔥一齊食真係不得了,勁香魚油味,然後點左蔥拖羅蓉卷,食落紫菜依然係脆脆地的, 拖羅蓉入口即化,真係可以食完再點~

又黎每星期既食好西時間😂😂😂今個月有野要慶祝 我又好想食日本野 所以就黎左呢到😆今日早收工 未夠七點已經到了可以即刻入去坐 仲有得揀位呀😂今日食豪啲 叫左個刺身拼盤黎到我同男友都忍唔住相機食先😂😂因為種類超級多 仲要排得非常靚啲刺身未食就知好新鮮 因為好有光澤甜蝦係大大隻連頭既 見到好多膏 男友食左話好唔鮮甜估晤到海膽份量都好多 仲有紫菜配俾我地包 誠意十足👍見到有素食壽司 出面無見過 就叫黎試下！估吾到竟然賣相都好靚用料好新穎 有牛油果壽司啦 秋葵壽司啦😂😂岩哂用黎氹我晤食菜既男友😆😆😆另外仲散叫左幾件壽司 呢到魚子好有驚喜 我平時晤食魚子因為怕腥男友試完話好正 我就試下 陣魚香味好正 一啲腥味都無 😍壽司份量好大 我地差啲食晤哂😆 細食既朋友量力而為

放工相約朋友去食日本菜，因為有朋友生日,所以黎到咗呢間日式風情的餐廳。環境好舒適的，裝修精緻，座位也比較寬敞，非常適合聚餐的好地方。先品嚐刺身，點了一板海膽, 水準也真的不錯,很鮮甜,入口即溶的感覺, 串燒方面，有我和另一個朋友最愛吃的牛舌，不會切得太薄，又不會燒得太乾，火候控制得很好。最後比左個驚喜生日的朋友,我地提早book左個壽司蛋糕比佢, 壽司蛋糕好精緻,上面的刺身新鮮份量都很多,吃完真的很飽很飽,還有海膽,不過最緊要都係朋友個日食得很開心!

今日行開佐敦呢邊，做完野冇咩做，咁岩又同朋友路過見到呢間錦壽築地,我地又開始肚餓,同埋都好中意食日本野,咁就上左去試下。上到去比我地既感覺係好舒服同都幾大,坐低左之後我地就睇餐牌,有好多菜式可以選擇,店員都好貼心同有禮貌,我地見到有香芒蟹肉PIZZA,竟然日式餐廳會有PIZZA就膽粗粗點左黎試下,估吾到又幾好食,芒果酸酸甜甜的,好開胃,然後點左個原條鰻魚飯,鰻魚好大條好肥美,再有埋燒汁真係可以食好多碗飯,不過一碗既份量都已經好多!

對喜歡食日本嘢嘅我來講，真係間間日本野都想試晒佢!!今日難得收早，一早book訂枱同志同道合嘅朋友放仼一下~~食物選擇超級多，刺身，壽司，前菜等等等等~一黎到緊係必點刺身喇,嘩!!!超新鮮，擺得好鬼靚，食慾大增,帶子刺身夠曬厚身，鮮甜, 超大隻甜蝦，足見新鮮程度，連蝦頭都吾放過。食海膽是常識吧!!海膽份量好多,勁甜勁creamy,壽司都係超級出色的,件件都整到好精緻,真係同日本個啲有得比較,呢到既鰻魚壽司又厚身又香,另外拖羅壽司入口即化,魚油既香味一直係口入味,真係勁正!!

朋友之前介紹錦壽築地餐廳，話啲嘢食唔錯，所以今晚相約到此晚飯，餐廳面積頗大，一路行越行越入，沿途進入餐廳已見人頭湧湧座無虛席，我們被安排坐在一個卡位上，食物方面有不同嘅種類選擇頗為豐富， 有刺身、炸物、燒烤、料理同炒飯等等。最讚是海膽，鮮甜細膩，甘香豐腴，濃厚香味留有餘韻，回味不已,油甘魚，肉厚肥嫩，魚油甘香; 吞拿魚，色澤紅潤，甘香鮮甜; 三文魚，厚切鮮美; 珍寶帆立貝，清甜細緻，加上青檸汁更能提鮮; 赤貝，肉質爽厚，味道鮮甜~右口鱼寿司必食!!比左口魚質感再豐富啲~

我並非一個常常寫食評的人，但它的差，令我覺得唔想其他人像我一樣睇完食評後中伏，所以迫切地寫了個人的意見是晚點了1. 由職員超級推介的右口魚壽司 $68/件，先不要談論它的size（只有4-5cm長及1-2cm闊）那麼的精巧，火灸後的魚類壽司，多數的魚油很出，不能用唔好來形容，它是絕對差😡😡😡！！ 就算話改收我一半價錢，我都覺得唔值！2. 火龍卷 $108/ 8件，一層硬實死厚的粉漿炸了一隻蝦的卷物，我從沒想過卷物是令我的上顎有痛楚感只有兩件事可以接受1. 由職員自己發現比錯order: 我點牛油果鰻魚卷（$68/ 4件）師傅整了三文魚，它的味道是正常應該有的。 2. 燒間八（即鱆紅魚）魚頭魚鮫 $108，算是是晚最好食的一道菜我亦無想過喜愛吃日本菜的我，在餐牌上找不到令我有觸動想食，比我送酒的菜式，上善如水....我今日冷落了你真心感受到食評的真實度🥺....我要去找地點吃多次就算有人對我說，是晚師傅心情不佳，下次被請客，我都不會再踏入此門口

錦壽築地Oishi Sush高質既日本餐廳 今日出左佐敦探朋友 夜晚就打算係附近搵野食 朋友話呢間錦壽築地好出色 所以今次就帶左我去食 menu都多選擇 令我地花多眼亂 我地點左幾款黑松露鹅肝炒飯份量好多賣相都好吸引 黑松露放左勁多係炒飯入面 好夠味 令到個飯昇華到另一個景界 唔錯海膽壽司鮮甜到不得了 紫菜好夠脆 海龍卷淨係聽個名已經覺得好犀利 上枱真係同個名一樣咁霸氣 龍蝦既造型 不單止賣相好睇 味道都好正 上面仲有好多蟹籽 呢到啲野食份量真係好多 食到勁飽

錦壽築地已經有很多朋友推介旖這間餐廳,是一間日本料理店，地點不算難找。，但要搭電梯上樓才會看得見。一來到見到很多張抬都留位了，幸好我們都算早到,所以才不用等位,這裡的環境很舒服,安安靜靜的,座位很寬敞。刺身拼盤非常豐富,種類很多,有我最喜歡好海膽,鮮甜好吃,三文魚份量很多,還有甜蝦是連頭的甜蝦,很大隻,甘甜的味道令人吃不停,然後點了小食芝士年糕,是炸物來的,外面炸得很脆很脆,咬下去是會有拉絲的,很好吃。

已經好耐冇食過日本野,今日收工就決定去食好啲,同同事們去左公司附近既錦壽築地食飯,本身以為會好貴,但點知吾至食物質素極好,價錢仲好抵食,真係性價比勁高!我地點左日本生蠔$98,隻隻都好肥美,有我成隻手掌咁大,生蠔上加上左既蔥花,再點埋醬汁,一口食落去真係好滿足,好新鮮,完全吾會有腥味!三文鱼海胆卷$85,海膽鮮甜,加上三文魚係外面包住,真係好正!牛油果軟壳蟹卷$65,牛油果加上左沙津醬真係絕配,軟壳蟹炸到外脆內軟,同事們都好欣賞!!

最近既天氣都好熱,令到我胃口都不是太好,所以今天決定去吃壽司!!去了錦壽築地,很多朋友都介紹這家餐廳,令我心思思經常想試下, 服務員都很有禮貌很主動幫忙, 燈光光猛,而客人都算多的我見到餐牌上都有很多選擇令我心大心細最後點了我最愛的鏝魚和三文魚壽司,一上菜是用木架放的,非常精緻,好適合打卡, 鏝魚壽司的燒汁很出色,配上非常新鮮的鏝魚簡直是絕配之後點了蟹籽壽司,價錢都很抵,但質素很好,一口吃下去很鮮甜而估不到的是這裡的炸物也做得很好。

❣️掌門級壽司🌟錦壽築地❣️錦壽築地🌟聽講老細係當年超級無敵掌門人最好玩遊戲環節辣辣壽司邊個食既壽司師傅😍所以係餐廳度都見到佢有同好多明星合照😍呢度係一間性價比都彼高既日本餐廳🤗唔怪得咁多明星都黎捧場🌟🌟壽司拼盤非常精緻💗種類亦都很多🌟打卡一流🥰赤蝦同甜蝦好大隻🦐非常滿足😘劍魚腩刺身,非常厚身,口感豐富👍🏻新鮮度都是很有保證的,飲住啤酒配劍魚腩刺身真係好正😘香芒蟹肉Pizza🍕🍕竟然日本餐廳都有pizza食,味道仲好新穎,芒果加上蟹肉酸酸甜甜的,都幾適合小朋友食,唔食生野既朋友都可以試下喔🥰🥰不得不提呢度嘅服務質素💗上至餐廳老闆🌟所有職員都好有禮貌💗上餐速度都好快💗

我搵左幾個鐘都搵唔到食邊間，但係而家我都終於搵到一間叫做《錦壽築地》的餐廳🍴然後我就進去看看環境，這環境還挺好的👌我再品嚐一下，我從來未食過這麼好食的食物，我很喜歡。