影片
电话号码
24822188
营业时间
今日营业
12:00 - 19:00
星期一至日
12:00 - 19:00
以上资料只供参考，请与餐厅确认详情
招牌菜
近日都未能外出旅遊，開著車遊車河來到錦田紅磚屋下車看看市集，而吃飯的人群非常多，便等了一會兒點些食物吃吃看。泰式金邊粉（$35）有魚蛋、蘿蔔及五花腩，河粉滑而有口感，湯底濃郁。我們自行加了辣椒乾，整個湯底變辣更好吃。潮洲炸豆腐（$32）有八塊，炸得香脆可口而豆腐嫩滑，蘸上韭菜鹽水真的美味非常，絕對推介！反觀原味奶茶（$20）則奶味較重，茶味相對較淡不夠突出，沒什麼特別。期望不大反有驚喜，性價比頗高，來到附近可以一試。
继续阅读
紅磚屋前身係洋蠋工廠，用紅磚砌成，外型有少少似橫濱嘅紅磚倉庫，而內裡就係週末市集，售賣各式復古傢私、擺設、收藏品、飾物等等，充滿復古歐洲風。雖然只有吊扇，無冷氣，夏天去會有啲熱，不過坐喺復古傢私歎美食，陣陣自然風吹送，尤如置身歐洲嘅街頭，非常寫意。紅磚屋內每間小店都各有特色，呢碟咖喱羊腩配豬仔包看似普通碟頭飯，不過就好有人情味，店員走過嚟同我哋吹咗好耐水。我哋提佢未收錢，佢都好似唔急咁，仲係度同我哋講吹自然風，享受大自然有幾好𠻹！當然呢碟咖喱羊腩亦整得好用心，每舊到炆得好腍又唔膻，配埋脆卜卜嘅豬仔包就更有口感。如果食得辣嘅朋友仲可以加埋佢哋嘅秘製辣醬，提升咖喱嘅惹味𠻹！唔食羊嘅朋友可以揀牛腩咖喱配飯，牛腩一樣炆得好腍又無筋，咖喱惹味得嚟又唔辣，撈埋飯食就夠滋味！店員話佢夏天會挑走晒啲脂肪等客人食落無咁膩，但冬天會刻意留返少少，食完個身暖啲，真係好細心！另一間小店賣街頭小食，呢個潮式炸豆腐就炸得外表香脆內裡軟滑。韮菜餃粒粒飽滿，雖然係煎，但入面仲鎖住好多肉汁。相比之下炒麵就較為普通，就係一個普通炒麵。食飽係時候行下街，紅磚屋嘅小店唔少都收藏咗店主嘅寶物，好似呢間就有好多世界各地嘅迪士尼樂園襟章同麥當勞襟章，而且價錢都唔算貴，大家不妨嚟搵下有冇自己嘅心頭好！
继续阅读
星期日中午同老公打算去錦田睇吓有乜嘢食，上open rice search見到呢間紅磚牆1號好似幾特別就過來試吓，去到見到有個花園仔好似幾特別，點知入到去覺得怪怪地，所謂好特別嘅紅磚內牆房間，原來係幾間屋嘅外牆夾埋嘅一個天井位，只係個天花板加咗個半透明塑膠板天花，仲要好多蚊而且有唔係好乾淨嘅感覺…即刻同老公轉返坐出面，之後叫左個6＂菠蘿雞肉pizza（＄40，不飲品）同埋酥皮牛肋條飯加一杯即磨咖啡（＄80），等左成20分鐘先有嘢食。其實個Pizza同牛肋條係好味嘅，不過唔值呢個價錢，而且杯咖啡好難飲。
继续阅读
今次係第二次來紅磚屋！第一次來，是星期日來的，好熱鬧，好多小檔仔，有賣園藝的，裝飾的，食的⋯ 感覺去左歐洲啲跳蚤市場今次來是平日，紅磚屋冷清清的，只有依間餐廳有開，就坐低食野。間餐廳好家庭式feel, 應該主打做私房菜吧！餐廳有室外，有室內，我選擇了室外，靜靜的坐下，歎杯咖啡⋯ 慢慢享受寧靜的下午好好feel!見到咁家庭式既餐廳，我就緊係點家庭式既食品～～ 雞翼公仔面味道真係有啲似自己屋企煮的喜歡寧靜環境的，可以來這裡走轉
继续阅读
上網周圍搵野食，搵到呢間cafe，有人講到好好，又有人講到差爆，所以同個朋友去證實一下到底係點!!我重來都未食過食評，但我真係火到都要寫。我地都係去到錦田紅磚屋搵呢間野，呢間野都幾多人去食，我地去到個陣1點幾都好爆下，但都好彩有d 2人位可以即刻入去坐，環境都同其他食家放上黎一樣，都幾有風格。望一望個餐牌都係寫K&K cafe ，所以就去問個女店員，佢話同一間野，而家叫K&K cafe。所以 K&K cafe = 錦田紅磚屋 Red Cafe甘我就有第2個問題，點解個餐牌唔同左既? 又問個女店員，佢話轉左lu，轉左用手寫，我就對下同之前其他食家放上黎既餐牌，其實都差唔多，有d 野冇左，同加左價lo。(真黑仔)眼見牆有張野貼住d較中式既餸又走去問個女店員，問佢包唔包餐，佢話包熱飲同一個飯，我諗佢心諗點解我甘多問題問佢，但我眼見成間鋪得佢一個落單，有個呀姐就汁碗，唔問佢我問邊個，但佢又冇咩野既，態度都ok，又唔會話好差。但人手真係嚴重不足!!我地2個人叫左個黑醋豬扒飯，卡邦尼意粉，豉油雞翼6只。重點黎啦，我等左45分鐘!!!!!!!我就去問個女店員，話幫我入去睇下，我見佢開左個廚房門問我d野食得未，哇哇哇，聽到有把後生仔既聲係入面勁大聲用粗口回應個女店員，煮緊囉，唔洗煮呀宜家，#*$^%， .........我同我個朋友對望，呆晒，d 火即刻上到去頭頂，我就睇下你煮d咩要甘鬼耐，個女店員走個黎同我講話煮緊，我話ok。我就好好奇問佢係米PT，佢話係。如果係我，我就一定唔會做。除左我地既野未到，仲有大把人d野都未到，個女店員就比人係出面小足甘耐，當然得一個店員，都係個句唔問佢我問邊個?食花生一提(唔關我事)，有個客佢話等左成個鐘都未有得食，個女店員又入去問，個廚房先話佢聽，冇晒啦，你同個客講轉其他啦，個女店員好火同入面講，你唔好等到出年先同我講冇，你自己出去同人講，但都係個女店員走去同個客講，結果比人黑面，比人插。d飲品 都係叫返凍檸荼隱陣d，所以冇咩特別。足足等左一個鐘，我d食物終於出現第一樣，豉油雞翼，外貌都ok既，雖然我係唔滿意廚房，但講句公道說話，雞翼真係幾好味，好滑好入味。另一個重點黎啦，我食完雞翼又要等多20分鐘先出現黑醋豬扒飯，d 豬扒一 d都唔好食，又唔入味，又乾，d飯又硬又凍，點食呀大佬? 終於卡邦尼意粉出現la，我見個後生仔一次過拎左4碟出黎，但佢仲要好大力放落收銀位，我同個朋友都嚇親lo，但講真既，卡邦尼意粉好多汁，真係好好食。但如果等到一肚氣，我就唔會推介其他人黎食lo，食一個lunch要用3個幾鐘，真係認真夠誇張。埋單$209，價錢我可以接受，但要我等既時間我真係接受唔到。如果你預自己可以慢慢等，但你就安排半日係到啦!
继续阅读