影片
营业时间
今日营业
07:30 - 21:30
星期一至日
07:30 - 21:30
公众假期
07:30 - 21:30
以上资料只供参考，请与餐厅确认详情
优惠
95折
[茶木、锦丽、稻埕饭店] $50 现金券 (即买即用)
$47.5
$50
同朋友喺港澳碼頭搭船出發去澳門玩，上船之前決定喺信德中心醫飽個肚先！經過發現原來錦麗喺信德中心都開咗分店，餐廳座位闊落舒適，睇嚟食返碗越式湯河先再上船，都係一個唔錯嘅選擇～酥炸軟殼蟹撈檬💰HK$78軟殼蟹外層炸到酥脆可口，內裡嘅肉質仍然保持柔嫩！檬粉口感順滑，能夠好好吸收醬汁嘅味道～錦麗牛丸粉💰HK$74麵底簡咗金邊粉，口感順滑得來帶有彈性！牛丸肉味香濃，而且爽口彈牙，味道出色！湯底亦係成碗粉嘅精華所在，每一啖飲落去都係清甜嘅牛肉香味，令人齒頰留香～特色小食拼盤💰HK$79有金絲網蝦春卷、越式蔗蝦、法式蒜蓉牛油雞翼同埋香茅豬扒！可以一次過品嚐哂咁多款越式小食～馬拉盞醬時蔬💰HK$42通菜質地柔嫩，配搭惹味嘅馬拉盞醬，令人食慾大開～鹹檸檬青檸梳打(凍)💰HK$38結合咗鹹檸檬嘅酸鹹味、青檸嘅清香同埋梳打水嘅氣泡感，整體味道非常清爽～玫瑰龍眼茶(熱)💰HK$28淡淡嘅龍眼香甜味再加上玫瑰嘅花香，感覺好養生～
继续阅读
我嘅老友，上次食過這間越南餐廳🍴⋯⋯念念不忘還要帶埋我去試😏⋯⋯今次嚟到上環，因為我哋住喺港島所以方便啲⋯⋯原來佢都有好多間分店嘅😬⋯⋯餐廳非常整潔，而且都坐得幾舒服！香茅咖喱豬扒飯咖喱汁非常濃稠，而且好香咖喱味⋯⋯滿滿的椰香味！帶點微辣！非常香滑！豬扒鮮嫩多汁！最鍾意佢嘅香茅味道好出！火車頭河粉有穀飼肉眼、牛筋、熟牛肉、牛丸及扎肉⋯⋯材料非常豐富！而且品質都唔錯！牛筋仲好大條㖭啊！湯底仲好好味添⋯⋯可能係用牛骨湯熬湯，所以特別香濃！越式蟹.肉餅蕃茄湯檬粉蟹肉餅有兩件，而且都幾大件啖啖蟹肉，非常鮮味！鮮蕃茄湯底非常濃郁！好香甜！豆腐卜吸收晒湯底超好味！仲有我最愛嘅扎肉添！絕配油炸鬼油炸鬼喜出望外，香脆可口！熱辣辣！越式蔥油雞翼原本想食牛油雞翼，但係已經沽清！不過蔥油雞翼都好好食⋯⋯越式蔗蝦越式料理點少得佢！彈牙鮮甜！家鄉魚餅魚餅都好鮮味！越南滴滴咖啡咖啡味非常香濃！夏日炎炎點少得凍飲🥤清甜甘蔗汁凍美祿
继续阅读
是日晚餐喺信德中心搵嘢食天氣熱唔係好想食飯，行過見到錦麗有晚餐88蚊起， 咁啱又唔使等位 ，就入去試一試 竟然仲見到新出有越南法包跟餐有嘢飲要凍美錄同埋凍薏米水都唔使加錢薏米水有微微的薑味， 抵都仲有啲薏米料可以咬下， 感覺好健康，唔會好甜朋友直接揀咗火車頭有牛腩，牛丸，牛筋，同埋扎肉湯底清得嚟都重牛骨味我就唔使諗，一見到有蕃茄蟹肉蟹膏湯檬粉，就 不作他選蕃茄湯底濃鬱， 蟹肉蟹膏份量都算多可以加八蚊要這個即炸的油炸鬼本來對連鎖的油炸鬼冇乜期望，但係覺得有啲驚喜， 真係脆同埋熱辣辣，就咁食已經好好食餐可以加小食 27蚊 一款 ，48蚊兩款，62蚊三款我要咗白烚時菜， 冇諗過通菜都可以白烚還好通菜唔算好韌朋友要左春捲加魚餅春捲鬆脆魚餅微微辣， 重香草味，食落有點彈牙越式蔥油雞翼， 炸起脆卜卜熱辣辣蔥油味濃鬱最尾點都想試一試呢個越式牛肉法包可以選擇唔切，分兩件或者分四件 我哋就直接分兩件包身微微脆裏面有牛肉同埋肝醬肝醬帶有陣陣油脂香味， 但係又唔會覺得好油膩， 仲青瓜十酸蘿蔔配合， 食落口感都好豐富大大啖咬落去感覺都幾滿足整體餐廳環境覺得夠寬敞坐得舒服， 慢慢食都覺得幾輕鬆
继续阅读
原來信德中心三樓都有野食，不過應該新裝修，餐廳都係得一兩間選擇～見到廣告牌話呢間係米芝蓮餐廳，望落幾吸引，所以試下～生牛肉湯河呢個係招牌菜，要點～湯底係牛肉湯，再加埋好多洋蔥、蔥，鮮甜但唔會有味精湯嘅感覺，生牛肉浸到啱啱熟，仲有三四塊，份量都唔少～越式蟹肉餅蕃茄湯檬粉好多評論話呢個好食，又嗌咗。蟹肉餅份量都多，有三舊大小係不規則嘅蟹肉餅，好易夾散，睇得出蟹肉好足。個檬粉似瀨粉同米線mix埋嘅口感，不過最重要嘅湯底就好普通，冇乜蕃茄味～椰汁紅豆冰超級重椰汁味，同成罐椰汁倒落去冇分別，好滯好膩，飲完成個胃都頂住，好辛苦，不過啲紅豆係大粒好食嘅，但胃唔好嘅朋友慎重選擇。
继续阅读
今日岩岩坐完船番黎香港，已經好肚餓，朋友即刻拉左我黎到離境大堂隔離既越式餐廳，裝修睇落四正，又有卡位，一於慢慢吃個湯河抖下先！錦麗生牛肉湯河粉，介紹話佢係Wall Street Journal譽為胡志明市最好吃既牛肉粉，名副其實！先講湯底，濃郁既牛骨香加上各種香料，好有層次，味道好清甜，係老火湯甘好飲！吃既時候可以加埋豆芽，九層塔，青檸汁，辣椒入湯底，會成為另一隻味道，好神奇！而河粉好彈牙，牛肉分量都唔少，怪唔得係最好賣既牛肉粉了！越式蟹肉餅蕃茄湯檬粉好正好特別！先講湯底，好濃郁既蕃茄味，亦都好鮮甜！配上滿滿的蟹肉餅真係好正，鮮上加鮮！蟹肉餅好足料，見到一絲絲既蟹肉條，不過比較易散開，食既時候可以用匙羹連湯一齊食，正！同時亦配有扎肉，豆卜，蕃茄等，而檬粉彈牙而掛汁，整體好高質！特色小食拼盤包括有金絲網蝦春卷、越式蔗蝦、越式蒜蓉牛油雞翼、香茅豬扒。春卷金黃色既網皮包住爽彈的蝦肉，配上租辣醬好惹味！越式蔗蝦係將蝦滑包係甘蔗支上面製成，味道甜甜地好香口！雞翼同豬扒都做得唔錯。惹味牛肉法包，用左自家製豬肝醬配蛋黃醬，甜甜地都幾可口。配料有大量烤牛肉，肉鬆，酸蘿蔔，青瓜，青蔥，芫茜同青椒，法包既香脆加上甜甜地既蛋黃醬，大量配菜，依個配搭都幾用心，食落好有層次而感覺又幾清新！唔錯！整體黎講好滿意，最緊要野食正環境正，慢慢坐慢慢嘆，生活就係要甘寫意架麻！下次黎要再食佢個湯河！太正！
继续阅读