鑽石冰室

营业中

休息中

每一個屋邨都需要一間原汁原味的茶餐廳。皁餐=常餐=特餐，有餐包/油包/油多；蛋/腸/牛/叉燒/肉丁等任配意/米/通/面。這種彈性買少見少。冰底竟然唔需要加錢。一個豐富的早餐只是$27-28。多難得呢！味道方面係普通咗D.一丁面係唔值得top up.因為煮得唔夠時間。因此建議大家不妨揀食普通火腿通。用最基本嘅價錢享用最基本嘅食物。

今日去科技大學，約左朋友向彩虹食完早餐至坐專線小巴入，大家都唔熟彩虹，所以用openrice 睇下有乜茶餐廳向乎近，而呢間鑽石冰室比較多笑，就決定向呢間食住等，但剛剛遇著啱啱屋企有急事遲左出門，去到彩虹都11:45，心諗唯有食午餐，點知我朋友打嚟早餐至12:00，佢幫我叫住先，我揀左最多港人食嘅沙嗲牛肉麵、煎雙蛋配多士，飲熱檸水；搵到間茶餐廳，好地道嘅六七十年代裝修，入到去好多人，相信好多係熟客，因為位置唔係人來人往嘅地方，我都要搵左一陣至揾到，坐底時成個早餐已到左，仲凍得好快，應該一叫好似方便麵咁，三分鐘上得枱；個沙嗲牛肉麵嘅沙嗲牛肉好深色，似韓國炸醬麵多D，味道都唔似我食開嗰D，好彩唔難食，同埋唔太鹹，煎雙蛋就好失望，兩個蛋黃都穿左，無哂蛋黃汁嚟沾多士。

Having lived in Choi Hung for nearly 20 years, I finally came to this reataurant after recommended by friends for times.It was locates in Choi Hung village, which took me quite some time to find. But good that its entrance was easy to recognizeThe restaurant wasnt very spacious and needed to share tables during peak hours. Lucky that it wasnt full upon my arrival and I could get my own table.There were quite some choices for dinner and the price was very reasonable, which included daily soup and

這些冰室已經買少見少尤其是在彩虹邨這些老區今日非常唔好意思同啲叔叔伯伯婆婆嬸嬸一齊等位來之前無冇乜嘢期望 ，只係期望佢係一間茶餐廳，正常就得誰不知今日有驚喜要咗一個豬扒意粉一個熱奶茶一個沙嗲牛肉麵杯奶茶超級超級超級好味，水滾茶靚超香濃依家簡單嘅茶餐廳極都飲唔到呢啲味道個豬扒意粉更加不得了！個茄汁好濃真係有蕃茄同埋紅蘿蔔就係細個長大嘅味道😀番茄味配上🐷扒仲要豬扒係新鮮嘅唔係雪藏嘅我覺得為咗呢一個意粉過嚟已經係超值😙另外個沙嗲牛肉麵我覺得冇乜嘢特別不過喜歡沙嗲醬嘅朋友可以來試吓👍🏻另外一提我好支持呢啲冰室或者茶餐廳繼續做落去我坐咗30分鐘左右, 見到差唔多有五六個老人家入嚟係唔需要叫嘢食, 鋪頭D阿姐已經知道佢食乜嘢嘅！ 呢啲叫做人情味我希望可以多啲呢D店舖繼續服務大眾

鑽石冰室位於舊式老牌屋邨-- 彩虹邨，邨裡到處都是寶：有開業40年多的麵包店、掛上玫瑰牌火水廣告的糧油雜貨老店、有52年歴史的茶樓、老舊的家品傢俬店，老上海理髮店，更有50-60年代最流行同時一鋪經營賣鐘錶及眼鏡零售模式的小店，當然不少得是也有同等歷史價值、開業超過四十餘年的茶餐廳冰室。近月光顧了兩次金漢樓的鑽石冰室，他們的豬扒飽、餐、腸、蛋湯意湯通、奶占豬、火腿焗意等，全部水準都是ok之作。湯麵的湯底味道算是不錯；午餐亦一點也不失色，如友人order的焗葡汁雞絲火腿意粉，是個很localize 的葡汁，倒算味道特別，而且食物價格不貴，算是很抵食。他們內部已經過重新裝修，需不知舊日的樣子是如何，但應沒有完全保留原來裝修風貌，所以已沒有太「舊日vintage」的味道。最vintage的莫過於他們門外的金漆招牌。冰室假日食客絡繹不絕，需要排隊等候座位。街坊食客與伙記都互相打招呼，很親切的略談近況，就是這種味道，一種很close 很獅子山下的人事人情。

2017家裝修， 搬家暫住彩虹， 安頓好先醫肚， 巡迴3間茶記後， 都係呢間好。生意頗旺，幾個幹練阿姐， 豪爽勤快的落單送菜， 環境半新半懷舊，談不上什麼年華， 食懷舊feel就免了，反正醫飽就好點選a餐，焗咖喱魚柳火腿意粉，晚了沒有餐湯， 有點失望， 但先上的奶茶不錯， 多些奶更佳。等足10分鐘有多，算少有， 到送上桌面， 大大份， 熱騰騰， 咖喱夠味， 意粉唔水亦唔乾， 掂! 呢餐滿足，40元晚餐，有湯有飯有餸有野飲， 算得合理得很! 新食堂是也

屋邨風味的茶餐廳-彩虹邨的鑽石冰室， 以前屋邨裡的茶餐廳是我小時候經常去的地方， 通常一班朋友打完波游完水， 食個下午茶， 便是最懷念的時光， 雖然現在冬菇亭的茶餐廳已很少，但仍然有些舊式的茶餐廳。這裡雖然不是很懷舊， 但一早已有很多街坊聚集， 因為價錢平都算抵食， 30多元有茶餐， 常餐， 午餐，我今日點了常餐，有油飽， 豬扒燴意粉， 餐飲。不過不失茶餐的茄汁意粉， 豬扒略硬多骨，裏腹是可以之選。油飽已經是算吧啦， 放棄也罷。鸳鸯反而奶滑， 咖啡和奶茶比例適中。

下午茶食左個豬扒包加好立克，份量夠嘥，唔太多又唔會太少，味道亦都唔錯，價錢都係20蚊左右，真係又抵又好味。下午茶亦都有其他選擇，好似好吸引，仲有個豬扒飯都好似好好味咁，下次會再去試

去到呢度附近，朋友話有間冰室在附近，參觀下先在屋村內的茶餐廳12點前食早餐，味道跟其他茶餐廳分別不大，但勝在侍應唔會係隔離行來行去。擺設不是舊冰室的感覺牛肉麵夠多汁，麵不太林，蛋不太燶但多油但都是正常茶餐廳水準。不足之處為椅偏重，個個拉椅很嘈，我跟朋友一吃完便走，寧願坐公園，如可減少嘈聲更好

今朝相約朋友在彩虹邨吃早餐，之後去西貢行山。相約係呢間較懷舊嘅冰室，坐低左，裏面環境比較簡單，保留以前懷舊格局，座位較逼，這是舊式冰室特色。叫左個沙嗲牛肉麵配奄列方包同熱奶茶，沙嗲牛不過不失，牛肉較外面冰室少了點，味道可以，奄列方包都可以，如果烘底會好食一點。不過杯奶茶都幾好，有茶味同算幾滑，睇出師傅有番咁上下，不錯。 整體來說都收貨，呢類冰室買少見少，值得支持，有機會會再來

未裝修未換老細之前，由細到大成日去，唔順路都會特登兜過去，以前既舊裝修好有感覺，野食好食，量多。後來有日又特登走過去食，點知見到執左，好失落，心唸以後都唔會特登兜過去搵野食，點知有日偶然經過，見佢開返，好開心即刻走入去試，點知試完，差過任何一間茶餐廳，成間員工廣東話都唔正，態度極差，企門口等位個收銀完全唔會理你，仲比一個你阻住唒既面口你睇，茶餐廳呢d港式野，唔係香港人做又點會做得到個味道，沙嗲牛唔掂，連個公仔麵底都用平價野，杯茶得個甜字。難食唔緊要最多唔去，問題係你做衰唒鑽石冰室呢4個字

🔹茶餐($32)衝着據說很好喝的奶茶而來這間彩虹邨的冰室🌈裝修很懷舊 價錢很懷舊 顧客 員工也很懷舊光顧的多是住了幾十年的街坊自然地充滿著人情味常餐奶茶果然香滑沙爹牛肉感覺沒太加工 很香牛味🐄原以為最普通的奄列 切開後竟然是流黃的 蛋味極濃🐣所以說一間餐廳能生存多年總有原因的💁🏻

彩虹邨是香港的舊屋邨，沒有華麗的商場食店，只有香港昔日的老情懷。是日，我同老婆再次到訪隱藏在彩虹中的《鑽石》，為的不是什麼昔日情懷，只為醫肚！今次再會，本抱住吃早餐的心態，叫個沙嗲牛食個腸仔蛋了事，始料不及的，是一進門就見到隔離座的肥仔把肉醬腸仔意吃的津津有味，頓時令我心生一試之念頭。看看餐牌，$31連熱飲，OK. 這裡的肉醬味道偏甜，肉醬有咬口且有果皮八角味，屬水準之作。腸仔………無什特別，就普通炸過的雞肉腸。意粉是偏粗身的那一款，不會煮得過腍而變爛變霉，很切合舊式冰室的味道，卻不是本人喜歡的一種。老婆見我不吃早餐，也決定一起吃得豐富點，叫了個鮮茄豬扒燴意。 老婆的鮮茄豬扒意，茄味不濃且味道偏甜，大概是為了遷就附近大眾的口味吧。豬扒醃得入味出色，仲有2大件，在通漲高企的年代，實是抵吃！值得一提的還有杯奶茶。還記得第一次來叫了杯茶走，中伏之大實是生平所未見，煉奶下得過火，整杯奶茶甜過糖水，實在很蝦人飲……反觀杯奶茶，入口順滑亦有茶味，卻是欠了點茶香。如斯小店，雖無華麗菜色作招徠，賣相亦毫不花巧，但卻充滿內涵與誠意(特別是價錢方面) ，絕對是值得支持！

上星期開始，逢星期四要到彩虹區參加聚會，於是特意上網搜尋一下有什麼好食肆。見這冰室是彩虹區中最多笑臉的，於是今天來吃晚飯。鮮茄牛肉飯 ($31)：飯量與一般茶餐廳差不多，但太淋。汁很淡，無味。牛肉份量很多，但完全無味，既沒有肉味也沒有調味。番茄只有兩三件，細件又太淋，沒有鮮茄味。奶茶（跟餐）：用黑白牛奶杯盛著，很懷舊的感覺。茶味夠，奶味剛剛好，夠香亦夠滑，很好。其實碟飯真的很不好吃，只是奶茶很好味，而且價錢實在太抵，$31一碟飯連飲品，所以我仍給予OK評分。或者去舊式冰室，還是應該吃傳統的食物，飯類不是它們的強項吧。

懷舊日 找了彩虹區有名的鑽石裝修沒有喜喜冰室般的有gimmick只是踏實的平常餐廳叫了早餐 快速送到想不到它會是這麼flexible 煎蛋可以改炒蛋多士可以選餐包餐飲叫奶茶炒蛋 - much less oily than Australian milk co, but less smooth... i guess its the price of not being oily... ><多士 - not as crispy or filled with butter as Asutralian milk/ Wah Sing... coz the butter is not baked but only put on top of a baked toast... so.. Beef noodle - standard ok, big size with not too bad quality of beefMilk tea - big big size, but once started drinking, one cant stop... smooth with he