鈺華堂涼茶 (已結業)

其實鈺華堂一直都告急，可能始終唔太多人知佢哋係黃！？ 今日終於去咗幫襯，買咗五花茶！唔甜！幾好飲！ 聽老闆講，8月就會去旺角新之城開小食店：鈺華堂小食💛 期待！！ 不過到時就未有涼茶住，要得老闆拎返個牌先會有！如果大家都想去飲涼茶，就要7月24日或之前來了🥺🥺🥺🥺 好多人都推介五花茶、雪梨茶，唔甜又好飲！真材實料！重有好多野寄賣！大家可以去睇下！💛鈺華堂涼茶💛 地址: 旺角太子道西127號地舖電話: 92473300

太子道西良心小店，有賣涼茶、手工啤同各式飲品，試咗五花茶同廿四味，健康無糖，飲落順口，打完邊爐飲返枝果然冇上到火👍🏼👍🏼👍🏼👍🏼真材實料店主見落大雨重借咗把遮畀我，非常有人情味希望大家多多支持小店

開始入秋，感覺到天氣都開始乾燥，响太子等小巴時候，俾我見到有間涼茶店响隔離，於是走去買咗支雪梨茶，潤一潤先啦！拎上手仲熱騰騰，拎到返屋企先飲。咦？味道唔太甜喎，應該無加到糖落去架喎！真材實料喎！甜度適中，飲完真係好潤，啱曬我呢啲唔識自己煲嘅人又啱曬我口味！店鋪雖小，唔係好起眼，但係100%自家製作！值得支持下次可以試埋其他飲品PS. 應該係兩小口子經營的小店，老闆同老闆娘都好好禮貌，香港小店真係越來越小。難得有水準讚啦