影片
营业时间
今日营业
07:30 - 21:30
星期一至日
07:30 - 21:30
公众假期
07:30 - 21:30
以上资料只供参考，请与餐厅确认详情
影片
相片
香茅豬扒香濃雞湯金邊粉
+428
+74
食家推介
同朋友喺港澳碼頭搭船出發去澳門玩，上船之前決定喺信德中心醫飽個肚先！經過發現原來錦麗喺信德中心都開咗分店，餐廳座位闊落舒適，睇嚟食返碗越式湯河先再上船，都係一個唔錯嘅選擇～酥炸軟殼蟹撈檬💰HK$78軟殼蟹外層炸到酥脆可口，內裡嘅肉質仍然保持柔嫩！檬粉口感順滑，能夠好好吸收醬汁嘅味道～錦麗牛丸粉💰HK$74麵底簡咗金邊粉，口感順滑得來帶有彈性！牛丸肉味香濃，而且爽口彈牙，味道出色！湯底亦係成碗粉嘅精華所在，每一啖飲落去都係清甜嘅牛肉香味，令人齒頰留香～特色小食拼盤💰HK$79有金絲網蝦春卷、越式蔗蝦、法式蒜蓉牛油雞翼同埋香茅豬扒！可以一次過品嚐哂咁多款越式小食～馬拉盞醬時蔬💰HK$42通菜質地柔嫩，配搭惹味嘅馬拉盞醬，令人食慾大開～鹹檸檬青檸梳打(凍)💰HK$38結合咗鹹檸檬嘅酸鹹味、青檸嘅清香同埋梳打水嘅氣泡感，整體味道非常清爽～玫瑰龍眼茶(熱)💰HK$28淡淡嘅龍眼香甜味再加上玫瑰嘅花香，感覺好養生～
继续阅读
原來信德中心三樓都有野食，不過應該新裝修，餐廳都係得一兩間選擇～見到廣告牌話呢間係米芝蓮餐廳，望落幾吸引，所以試下～生牛肉湯河呢個係招牌菜，要點～湯底係牛肉湯，再加埋好多洋蔥、蔥，鮮甜但唔會有味精湯嘅感覺，生牛肉浸到啱啱熟，仲有三四塊，份量都唔少～越式蟹肉餅蕃茄湯檬粉好多評論話呢個好食，又嗌咗。蟹肉餅份量都多，有三舊大小係不規則嘅蟹肉餅，好易夾散，睇得出蟹肉好足。個檬粉似瀨粉同米線mix埋嘅口感，不過最重要嘅湯底就好普通，冇乜蕃茄味～椰汁紅豆冰超級重椰汁味，同成罐椰汁倒落去冇分別，好滯好膩，飲完成個胃都頂住，好辛苦，不過啲紅豆係大粒好食嘅，但胃唔好嘅朋友慎重選擇。
继续阅读
今日岩岩坐完船番黎香港，已經好肚餓，朋友即刻拉左我黎到離境大堂隔離既越式餐廳，裝修睇落四正，又有卡位，一於慢慢吃個湯河抖下先！錦麗生牛肉湯河粉，介紹話佢係Wall Street Journal譽為胡志明市最好吃既牛肉粉，名副其實！先講湯底，濃郁既牛骨香加上各種香料，好有層次，味道好清甜，係老火湯甘好飲！吃既時候可以加埋豆芽，九層塔，青檸汁，辣椒入湯底，會成為另一隻味道，好神奇！而河粉好彈牙，牛肉分量都唔少，怪唔得係最好賣既牛肉粉了！越式蟹肉餅蕃茄湯檬粉好正好特別！先講湯底，好濃郁既蕃茄味，亦都好鮮甜！配上滿滿的蟹肉餅真係好正，鮮上加鮮！蟹肉餅好足料，見到一絲絲既蟹肉條，不過比較易散開，食既時候可以用匙羹連湯一齊食，正！同時亦配有扎肉，豆卜，蕃茄等，而檬粉彈牙而掛汁，整體好高質！特色小食拼盤包括有金絲網蝦春卷、越式蔗蝦、越式蒜蓉牛油雞翼、香茅豬扒。春卷金黃色既網皮包住爽彈的蝦肉，配上租辣醬好惹味！越式蔗蝦係將蝦滑包係甘蔗支上面製成，味道甜甜地好香口！雞翼同豬扒都做得唔錯。惹味牛肉法包，用左自家製豬肝醬配蛋黃醬，甜甜地都幾可口。配料有大量烤牛肉，肉鬆，酸蘿蔔，青瓜，青蔥，芫茜同青椒，法包既香脆加上甜甜地既蛋黃醬，大量配菜，依個配搭都幾用心，食落好有層次而感覺又幾清新！唔錯！整體黎講好滿意，最緊要野食正環境正，慢慢坐慢慢嘆，生活就係要甘寫意架麻！下次黎要再食佢個湯河！太正！
继续阅读
位於上環信德中心嘅錦麗餐廳，以其每日熬煮23小時嘅牛骨牛肉湯底而聞名！仲係2023年同2024年打入米芝蓮推介！咁出色，一於試下佢嘅招牌菜品風味餐廳嘅裝潢簡約而不失雅緻，營造出一種舒適愜意嘅用餐環境首先品嚐咗生熟牛肉粉，湯底濃郁，牛骨精華完全融入湯中，帶有自然嘅甜味粉條彈牙，搭配生牛肉片，肉質鮮嫩，熟牛肉則軟滑入味，整體口感層次豐富接住係火車頭粉，呢道菜品嘅豐富配料令人驚喜肉眼嘅油脂分佈均勻，咬落去時口感滑嫩，牛筋有獨特嘅Q彈感，扎肉嘅香氣四溢，熟牛肉更添風味，搭配牛丸嘅彈牙口感，令整碗粉嘅滋味更加豐滿湯底依然保持住深厚嘅牛骨精華，好飲到想乾晒佢呢餐後甜品方面，班蘭椰汁糕嘅清香與椰香交織，口感柔滑，唔會太甜，不錯而椰子沙冰則清涼消暑，細膩嘅沙冰配上椰子嘅天然甘甜，好refreshign！椰汁紅豆冰，紅豆淋度得剛剛好，配上椰子汁，甜而不膩，完美值得encore 的一間米芝蓮平民餐廳❤️
继续阅读
越南餐廳嚟講，我哋都比較鍾意「錦麗」，一嚟它係米芝蓮2023 & 2024 必比登推介，二嚟真心覺得性價比高，用料新鮮又抵食！而且上環碼頭呢間錦麗招呼好好，環境唔錯，坐得舒服。呢個經典扎肉法包係新產品，所以係我哋今晚必點item。poster介紹有足12大餡料，連飲品都只係 $57，出面呢個價淨係普通有餡法包都唔得，仲切埋上枱真貼心。法包軟硬適中，餡料十足，12種不同食材刺激味蕾：其中肉鬆、豬肝醬味尤其突出， 入口時咁多食材融為一體，堅好食喎。香茅咖喱豬扒飯 $88朋友話呢度咖喱唔錯，果然掂！咖喱用碗滿滿的另上，入面有薯仔、蕃茄仔，咖喱味香濃，配上炸豬扒，好味。越式火車頭金邊粉 $95好耐未試過咁有份量嘅越式火車頭，單看賣相就知用料十足！如果你係好牛嘅食客，一定要點呢款火車頭，用牛骨湯撈製湯底濃厚，牛丸多汁，牛筋軟腍，牛腩味濃，半熟牛肉爽口， 適合一眾牛魔王。另外不得不提係扎肉都好正宗，值得推介。呢度晚餐可加最多3款小食，得意之處係愈加就愈抵/低價，所以我哋決定加爆它😆1. 越式蒜蓉牛油雞翼(2件) $27一上枱那股新鮮的牛油蒜蓉已先入鼻，香到不得了！真心推薦呢款當年紅極一時的經典雞翼，食咗先講😬2. 越式蔗蝦(2件) $21彈牙得嚟又爽口，大大條，調味剛好。3. 椰青·斑斕椰汁糕(2件)$14心心型嘅兩件甜品，已經吸睛。椰青味入面有真椰肉之餘，仲有淡淡椰青水味；斑斕椰汁味濃郁，鍾意入面有去皮綠豆粒，增加口感，兩隻味都好食！大蝦扎肉米紙卷 (2件) $44米紙卷係越南菜必食，清新嘅蔬菜味道，加上有大蝦同扎肉，平均返整體，點埋醋食，食完好似開胃咗，繼續食食食😂越南滴滴咖啡(凍) $9又係指定動作，必飲的！等它慢慢滴完，再沖落d冰度，練奶凍啡，另一番風味啊⋯⋯只係加$9就飲到正宗越式咖啡，唔係要諗丫嘛！清甜甘蔗汁(熱)好少餐廳飲到甘蔗汁，唔太甜，趁熱入口，為呢一餐添圓滿。咸檸檬青檸水(熱)咸檸檬醒神開胃，加埋青檸，鹹鹹甜甜的味道更加清新。
继续阅读