影片
以上资料只供参考，请与餐厅确认详情
食家推介
屋企太少人，出街食更方便。想食清啲，汤面系一个选择，突然发现呢间分店都开左一段时间，仲未帮衬，所以落去食越南河粉 ，原来越南本店，更加系2023同24年必比登推介 。睇下餐牌先胡志明综合河粉 $88 可以拣生牛肉或者小鲜嫩肉，因为唔知咩叫小鲜嫩肉，所以拣左，原来系无咩肥嘅牛肉片，另外仲有、熟牛肉同牛丸。汤底好清又够味，河粉好滑，咩都未落饮一啖，之后再加九层塔、青柠汁同芽菜，感受唔同嘅口味。熟牛肉系牛腩，切到咁大件，应该已经本地化左，不过呢个方法更加吸牛骨汤，味道更足，又唔会太鞋，系一个好改变，但牛丸就唔算太特别啦！绝配油炸鬼（即炸半条）[$8推广价]炸得好香脆，原来浸牛骨汤，吸晒啲味，半脆半软，感觉好正，正过配粥。酥炸软壳蟹 （2只） $66软壳蟹好大只，大到一定要切件，呢个价钱真希好抵。软壳蟹炸得好酥脆，仲有少少胡椒粉，所以就算无点甜酸汁，都完全唔会酸。牛油果米纸卷 （2件）$40传统米纸卷包住沙律菜，可能有肉类或者虾，加啲檬粉，不过呢个里面完全无淀粉，直接用牛油果加沙律菜，取代檬粉嘅角色，非常creamy ，点埋鱼露，清新好多。紫薯春卷（2件） +$26米网包住紫薯，非常松化香脆，原来里面紫薯馅系甜嘅，整体好夹。越式蒜蓉牛油鸡翼（2件）+$10呢度嘅牛油鸡翼非常松化，但粉唔算厚，仲比平时多左蒜蓉香味，更惹味。咸柠檬青柠梳打 +$10成日都会叫青柠梳打，贪佢够清新。原来加埋咸柠，感觉又唔同，少少咸系会开胃啲，又更加解腻。越式椰子咖啡沙冰 +$22见到个椰子系列好想试，原来佢唔系椰子咖啡，系椰子+咖啡，饮下面嘅部分，系有奶香嘅越南咖啡，比较香甜。咬到沙冰上面嘅椰丝椰糖就即刻够味啦！梦幻彩虹多士 （配滴滴咖啡鸡蛋酱）$42多士本身无味道嘅，需要点酱。多士烘得好脆，蛋浆本身好香甜仲有椰香味，味道本身已经好足够，底下嘅咖啡少少苦味，纯粹用来平衡上面嘅甜，令佢更有层次，好食过茶木 。小计 $312服务费10％ $31.2 总计 $343
继续阅读
今日放工来了这间邻近荃湾地铁站的越南餐厅，平日放工或行经都会看到人头涌涌，食客满满，今日终于可以嚟试到呢间出名的越南餐厅了！看到餐牌之后，看到有一人迷你火锅相当吸引，天气凉凉最啱吃小火锅，而且仲有两款口味可以选择，有胡椒椰子鸡锅和牛腩萝卜锅，仲可以用优惠价加火锅配料。我决定点选了一客胡椒椰子鲜鸡锅，仲加配料一份油炸鬼。脆卜卜的油炸鬼放于汤锅之中来吃非常有特，吸入了汤汁后口感变软，超级惹味，建议加配。这个一人小火锅相当不马虎，食材也非常丰富，有多件鲜鸡件，鲜鸡件经过汤底慢慢加热后，鸡肉嫩滑又弹牙，啖啖肉超惹味。仲有椰子肉同埋红萝卜，蔬菜类鲜甜无比，非常美味。套餐仲可以拣河粉、金边粉、白饭。我选了河粉，河粉放入汤锅中加热，河粉吸入了椰子胡椒汤底，河粉又滑又爽口超级吸汤汁，非常惹味，而且份量充足，十分饱肚。香茅猪扒鱼饼饭，香茅猪扒啖啖肉，好好咬口。餐厅十分细心把猪扒已预先切成了一件件的，所以吃起来非常方便。另外鱼饼啖啖肉，非常足料鱼味十足。这个饭材料丰富，味道一流，非常饱肚！去越南餐厅当然少不了点选特色小食拼盘，小食拼盘材料款式又多，有牛油鸡翼、香茅猪扒、甘蔗虾、春卷，每一款都相当惹味，热辣辣的，不能错过。甘蔗虾肉爽口弹牙。牛油鸡翼又香又浓，而且外皮脆卜卜中间肉质嫩滑无比。每一款食物都非常美味。仲加配料一杯特色饮品，班兰生姜茶。班兰味的饮品非常有特色而且较为少见，清香的班兰香气配上了姜茶，饮起来非常滋润滋补。
继续阅读
今午点了下午茶，香茅猪扒公仔面加配蔗虾（加 10元），炸猪扒香脆味美，非一般茶餐厅有此腌功水平，汁多肉嫩。原鸡汤公仔面，面身刚刚好，有弹力，鸡汤清甜汤浓，最重点就是那面上的葱花，使整碗面更上一层楼。越式咖啡都十分香浓，细心嘅就是配上热咖啡奶。十分超值，我长者还可以减3元。
继续阅读
法式蕃茄牛颊肉捞檬($58):本身以为会系平时食开猪扒捞檬咁样会有汁俾你捞嘅，但系呢一个呢就系蕃茄牛肉嘅汁。佢嘅汁捞喺热嘅檬粉上面其实都几惹味，虽然自己唔会觉得呢一样系好传统嘅越南菜。但系绝对值得一试。+$26:追加椰青班兰椰汁糕，纯粹见到佢卖相好靓，如果钟意椰香朋友一定唔可以错过。质地就好似大菜糕咁样火车头粉($89):佢呢度可以拣小鲜肉或者生牛片，我哋就拣咗小鲜嫩肉，好似特别少少咁样，食落去好滑，而且都好重牛味。配料都算好多，其实如果一个女仔就咁食一碗应该会好饱。汤底亦鲜甜。食越南嘢又点少得佢哋嘅小食拼盘呢，我哋嗌咗一个($76)，分别有蔗虾，牛油鸡翼，炸猪扒，炸春卷。自己好钟意每一道𩠌，真系新鲜炸出嚟嘅，虾够弹牙，而且炸猪扒都好有香茅嘅味道。自己觉得如果可以多少少配菜多少少腌萝卜丝就更加好啦。最后我哋每人叫咗一杯嘢饮，我就叫咗椰青，呢一个我相信系我近呢几年饮得最开心嘅一个椰青！好鲜甜好清新好清爽，而且入边嘅椰子肉都好滑好容易就整出嚟食。朋友就嗌咗咸柠檬青柠梳打，正常发挥。总结：喺荃湾要揾一间坐得舒服，而且又干净嘅越南舖头都唔容易，而且呢一间舖头原来已经系集团式经营，自己反而就冇乜听过，下次会同爹哋妈咪一齐再嚟食嘅。价钱唔算贵，而且食物都有质素完全值得一试。
继续阅读
荃湾绿杨「锦丽」主打多款牛肉粉及特色越南小食，晚市套餐更可自由搭配主食与饮品，性价比高，适合情侣或三五知己聚餐。特色小食拼盘：拼盘内容丰富，金丝绸虾春卷外层酥脆，虾肉鲜甜；越式庶虾香口惹味，带微微辣劲；法式蒜蓉牛油鸡翼牛油味香浓，肉质嫩滑；香茅猪扒肉质厚实，香气扑鼻。火车头粉：多款配料，谷饲肉眼香嫩多汁，牛筋爽滑，扎肉与熟牛肉咸香入味，牛丸弹牙，汤底清甜，河粉滑溜，整体层次分明。板烧香茅鸡扒煎蛋饭：鸡扒香气扑鼻，煎蛋流心和葱油加分，口感多变。梦幻彩虹多士（配滴滴咖啡蛋浆）：色彩缤纷，外脆内软，蛋浆香滑，甜而不腻。越南滴滴咖啡：浓郁香醇，咖啡控必试。三色柠檬可乐：酸甜清爽，冰凉与解渴兼备。暴龙美禄：浓厚朱古力味，和忌廉完美配合，份量十足。整体而言，餐厅不仅保留传统越南风味，更加入创意元素，令人回味无穷。
继续阅读