長洲冰室

营业中

休息中

入到黎長洲，甜品時間，一定要揀尼間，「長洲冰室」✌🏻冇的輸。「椰香芋泥三色圓黑白配」椰子香既芋泥，入口即溶，加埋三色芋圓😋😋😋「抹茶剉冰」，抹茶入哂味既刨冰，冬天食簡直另一味道。

🍽 芒果三色圓冰💰$68🌟8.5/10➰雖然以呢個size嚟講覺得偏貴🤏🏻但食落都有驚喜因為佢個芒果冰嘅冰底係超濃芒果味好似食緊芒果汁咁🤤反而係個芋圓有少少失望冇乜味又唔算煙韌不過夏天食冰真係好似飛咗上天咁爽🤪🍽 芒果糯米飯💰$45🌟9/10➰有驚喜 推介！！！勁多椰汁 勁濃郁🤤🤤芒果🥭又好甜糯米飯粒粒分明得嚟又好煙韌！正😆整體所有配料都好match每一啖都好滿足必食啊！————————————————🏋🏻‍♀️🗣呢一餐就真係……Cheat Meal la🤣No comment-抵食指數：🌕🌕🌕🌑🌑食物：🌕🌕🌕🌕🌑環境：🌕🌕🌕🌑🌑邪惡指數：🌕🌕🌕🌑🌑-📍長洲北社海旁19C號地下-💰人均消費：$50-$100

同朋友入長洲，行完一輪之後有d攰，想搵個地方坐低抖下，有朋友推薦去長洲冰室食芋圓，話一定要試，間鋪頭就係海旁路附近，好易搵，去到見到有人排緊，不過唔係等左好耐就有得入去一坐低睇下個menu，都幾多唔同嘅選擇，既然個frd話芋圓係必食，於是我揀左個雪糕多芒雙圓仙草，雖然要40幾蚊係港島價，但係份量真係好足夠，有芒果，有西米同小丸子，有個雪糕球，又有仙草，當然仲有芋圓，所有野撈埋一齊都幾match，d芋圓都好有咬口，下次入長洲都會再黎

記得有一次為咗長洲冰室而特登入長洲，可惜撞正星期二，原來逢星期二，長洲冰室都會全日休息😪第二次再慕名而來，終於都試到☺️😋椰香三色圓冰 $55😋芒果糯米飯 $40椰香三色圓冰嘅椰子雪糕有濃郁嘅椰子味，三色芋圓都好重番薯、紫薯同芋頭味，而且咬落去好煙韌，相當好食😋至於芒果糯米飯，部份糯米飯入面加咗斑蘭汁，非常特別，加上芒果都好鮮甜👍🏼抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️⭐️衛生情況：⭐️⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）

平時食黑糖芋圓冰就食得多，今次黎到長洲就試吓人氣奶茶冰啦泰式奶茶三色圓冰:冰底茶味幾平均同濃郁，冰質感綿滑細緻，但配埋個雲呢拿味既雪糕同紅豆會偏甜左少少，芋圓口感煙韌，但芋頭味唔算突出，不過不失。成份挫冰份量唔算多，一個女仔都食到晒一份，夏天黎會幾消暑

一場黎到長洲，最後一站黎左長洲冰室甜品，因為有榴槤甜品，所以食到幾飽都要嚟食返一份XD， 原本同男朋友諗住叫一個D24榴槤三圓椰皇燉鮮奶share， 但由於堂食一定要叫一人一份， 所以我唯有放棄佢。。。最後我叫咗個雪糕D24花奶奶凍, 而男朋友就淨係叫咗杯嘢飲: 鐵觀音桂花茶。。。望到個雪櫃，奶凍其實一早已經整好喺雪櫃， 然後落花奶，比啲榴槤蓉同一個雲呢拿味雪糕球， 我本身唔鍾意雲呢拿雪糕，如果雪糕有其他口味，或是榴槤味會比較好。。。 呢個奶凍本身都唔係好重牛奶味， 除咗榴槤蓉好正，係真材實料，我覺得都係一般。而杯茶我諗應該冇咩人會叫，味道都係一般。。。

本來今日行程無呢間份，但食陳通記果陣，偷聽到隔離枱話一定要去「長洲冰室」食芒果糯米飯於是即時上openrice望下咩黎見到d相又幾吸引，於是就決定試埋坐位有室內同室外，室內都算多位，但都幾多人，以中午黎講都幾好生意室內先落單付款，然後會有人送過黎，最低消費每人要點一款食物，收現金同支付寶！價錢有少少貴，泰奶剉冰$70，紫米芋圓仙草冰$39。紫米果碗比較細碗，味道都唔錯，芋圓都煙un。泰奶剉冰以為$70會有d份量，但一個人都可以輕易搞掂泰色奶茶底好濃郁，冰好幼滑，都好味既！

① 泰式奶茶三色圓冰 ($55)// 冰底嘅泰奶幾濃烈🤎🍧但冰嘅質感偏水💦雲呢拿雪糕味道都幾香🍦🥄芋圓雖然有口感仍都幾煙韌 不過味道偏弱 唔太食到食材本身嘅味道 夏天食返碗冰都幾消暑☃️不過整體冰嘅份量唔算好多㗎 ʘ‿ʘ//Food：🌕🌕🌕🌕🌗🌑② 多芒三色圓豆花 ($38)// 芒果都幾甜🥭豆花都幾香滑🤍不過就未到話好驚豔同埋唔算好特別//Food：🌕🌕🌕🌕🌗🌑.❄️長洲冰室 (長洲)長洲北社海旁19C號地下🍮#aiiifoodie

泰奶剉冰$70好多料！D冰全部都係有味！唔係白色既～呢個就係泰奶味🤩幾好味🤩雪糕多芒小丸子$43有幾樣野加埋，但係實物出黎同想像中有小小出入，雖然樣樣都有齊但係賣相再好睇d會更加吸引🤣一早係網上睇下有咩好食，有好幾個網都推呢間，同朋友就諗住去呢間試下，未行到埋去已經有人排緊隊😹好彩都算排得快，好似唔洗半個鐘都有得入😚叫左2樣野，我同朋友都覺得雪糕多芒小丸子好食過泰奶剉冰！😂😂我地係晏就果陣去食既，但係後尾食完晚飯都有經過，果段時間反而有空位，所以如果想食但唔想點排既話，7點到應該都有機會（？）只供參考😆

外賣咗一碗黑白桃膠芋圓佢話係溫嘅不過攞上手仲係熱燙的😂🤣大大碗十分足料芋圓有幾款都係正常發揮，仙草豆腐花撈埋都好夾，係值得支持嘅甜品小店下次有時間要堂食試埋其他唔同款嘅甜品。

今日食完晚飯就去到長洲冰室食甜品因為之前食過都唔錯，禁我地一行三人就坐左係出面坐左陣都冇人執台，要我地自己將d食過的碗碟放去第二到，佢地係先去counter叫左野食比埋錢先的。佢平均都要$3x-7x禁我地逐個講首先講下個雪糕多芒雙圓仙草份量好細，隻碗都好細，味道真係好普通，芋頭冇咩味，真係有d失望，同之前開鋪時有分別，保持唔到質素芒紫三色圓仙草，勁少仙草（$38）呢個湯圓三色圓燉奶（熱），得個外面有少少熱，內面一d都唔熱，重凍冰冰，明顯唔係即燉，係反熱，真係麻麻地，都要$60，可能多左人光顧保持唔到質素。

一直對台灣既芋圓念念不亡，雖然係香港而家有好多鋪頭有芋圓賣，但係就好難揾到心目中岩口味果款。長州冰室呢間算係做得唔錯，芋圓有返原材料既味道，可以食到真係有芋頭味、蕃薯味，口感煙煙韌韌。我點左一份芒果仙草三色圓紫米露，賣相色彩繽紛一次過滿足多個願望，有芋圓又有紫米露點呢個既時候開頭猶豫左一陣，因為芒果係11月份應該唔係當季水果，怕會好酸。但原來又唔會喎，有芒果本身既清甜味，唔似係浸糖水。所以呢個都算係驚喜之一。仙草都唔錯，淡淡仙草味、滑滑既口感。芋圓煙韌有咬口，兩粒一齊食既話，原材料個味道就會出啲。友人既榴連三色圓黑白配因為我唔食榴連，所以無試⋯⋯不過友人話個榴連都ok。我覺得個餐牌好靚呢間小店既選擇同搭配都算幾多。雖然店鋪人手比較少，但服務都ok。上餐速度快

限定每人要叫一個甜品或者飲品本身只係想來食芋圓既然係咁就叫多個芒果糯米飯🙈芋圓同埋芒果糯米飯都係細細兜掃完街食 都唔怕會好飽😝芒果糯米飯有一個芒果仔嘅肉芒果唔算好甜有綠色同白色嘅糯米飯綠色嘅糯米飯比較重味啲😋😋好似泰國綠色懷舊椰子軟糖浸味😂椰汁唔會太甜太漏整體來講好好食👍🏻反而桂花糖三色圓仙草有少少失望桂花糖唔會好甜 都食到桂花味仙草都好Fresh 但係就係三色圓差啲口感係唔錯 👍🏻但係3隻圓都食唔到應有嘅味番薯圓唔重番薯味芋圓冇乜芋頭味紫薯圓都冇紫薯味可能我對三色圓嘅期望太大了😟😟😟

自從有次入長洲第一次食完後，後尾幾乎入長洲都會留肚食呢間甜品店，真心次次都保持水準，店舖係採取先付後上既方式，客人去到搵左位，去收銀俾左錢等一陣野食就送到，當日為左慶祝老豆入去長洲過夜，平日夜晚所以去到完全唔洗等一野有位坐，仲要間鋪得我地一枱客，因為早過老豆入去，所以膽粗粗試下問下會唔會生日有咩特別野安排同洗唔洗收費啦，居然佢地真係有生日安排仲要唔洗額外收費，店員人超好提我到時落單講返聲係邊個甜品係俾生日果位就可以啦。一行三人就一人叫左一個甜品，我同細佬就叫左D24榴槤雙圓椰皇燉奶，老豆就點左芒果椰汁雙圓椰皇燉奶，先講下我同細佬果個先，好老實講唔係第一次食，食開我幾乎次次去親都點呢個，佢呢到D榴槤真心勁正呀，咩季節食都係水準依然，如果榴槤控縑唔夠喉仲可以加10蚊加多一球榴槤，我有朋友會食其他糖水再加一球榴槤甘，另外d芋圓係好好味唔會太甜軟硬適中，燉奶好滑又滿滿椰香，正!而重點當然係老豆果芒果椰汁雙圓椰皇燉奶，一上我地超級驚喜!!!! 首先，店員將餐廳播緊既歌轉左生日歌，然後拎左一個插住蠟燭既甜品出黎，可能會好好奇蠟燭可以插係邊，原來店員送多左份芋圓俾老豆，係份芋圓到插上蠟燭，然後椰皇上

第一次入長洲，就去網上睇下資料睇下推薦，網上多評論既甜品店長洲冰室包括在內，咁高分就去試下，好多人都話長洲冰室好好食，咁我都來試一下係埋推薦講既咁好食。去到睇佢既餐牌完來都有好多選擇，而外觀都好靚相機食都一流，我地一行有6個人每人都叫一樣唔相同既黎試下，估唔到每一款甜品都好好食，真係照網上推薦評論講既咁係值得一試既甜品店，食完之後我仲有兩個家人要追加叫多兩樣黎食因為好食所以追加，呢間既甜品真係好好食