影片
相关文章
又係近近地係公司附近食lunch既一日，頹食個車仔麵先～佢有好多餸同麵可能選擇，我叫左5樣淨餸，每一款餸$8，總共$40。要推薦佢嘅蘿蔔！有成4-5舊咁多，仲要好入味好鮮甜，食得出係天然既甜味，冇浸糖水！其他餸暫時都還好，中規中矩，湯底都幾好味。整體黎講，味道正正常常，唔算特別好食，但絕對係平民食飯之選😂
继续阅读
從網上KOL的推介，知道這間又抵又好食，今日路過就上去試下。檔口姐姐遞咗張黃纸話可選三餸一麵。🎆豬大腸、咖哩魚蛋加支竹幼麵$33湯底用了牛腩汁，看不出非常熱，有牛腩稣香味，每樣餸各有4件，豬腸非常新鮮，洗得乾净，油脂味非常好味，支竹浸上湯底，不太淋不太硬，唔錯，咖哩魚蛋和麵底也很好，$33又抵又好食，仲連一杯熱或凍飲！🎆鱿魚、栢葉、肥牛片净食$24想停都唔得，再叫多個三餸净。水魷魚有三件，超爽，白雪雪柏葉就差少少，味道冇乜，但都脆口，肥牛片超多，起码有6件，軟淋滑，清湯底很熱，仲有幾條菜👍兒時吃的真的是車仔麵，牛腩、豬皮、魚蛋是木頭車上常有的餸，見住佢sharp sharp 下，印象深刻，已很久沒吃了，現在長旺的清湯很有以前的感覺！
继续阅读
平日食一個Lunch起碼都要40蚊，係旺角呢個鬧市，有一間我食左幾年都重係唔洗40蚊包飲品既餐廳，就係起旺角熟食市場入面既餐廳。呢到大部份餐廳都好平，不過今日唔想食咁飽，所以就幫襯左車仔麵。今日係平日，攞左假出黎行街，搞到差唔多3點先黎食Lunch，呢間車仔麵份量Ok，幼麵份量偏少，我叫左魷魚，鴨腎同埋瑞士雞翼，瑞士雞翼有兩隻，好夠味，鴨腎好林，味道都好鮮，魷魚正常味道都新鮮爽口既。另外簡左咖哩湯，咖哩味唔濃，微辣，都Ok。最抵讚係33蚊包飲品係可以簡汽水既，出面買一罐點都要幾蚊啦！屋企人叫左油麵，份量比較多同埋飽肚，如果好肚餓既建議可以試油麵，唔太餓既幼麵食完都有5成飽既。另外舖頭收銀+廚師們都無帶口罩既，如果好介意衛生既建議要三思。
继续阅读
通常人在旺角都好難搵到平靚正徙的野食, 食肆的確有好多, 但現今大多數只是針對內地客人口味, 又或者兩年貨仔居多, 哪有辦法保持水準, 而今次嘅題材係好耐好耐都無食過嘅"車仔麵"印象中好食嘅車仔麵係小學年代食嘅車仔麵, 口味相當濃而且辣, 那時候好味同濃味係一個等如嘅符號, 那堆深啡色嘅咖哩醬內滲入了大量的薩茸/蒜茸配合咖哩的氣味, 還有係相當咸嘅味道混雜唔少得嘅味粉, 後來在社會上做事, 越食就覺得越貴, 越貴但就是越難食, 到後來感覺是唔值得俾錢去食, 戒斷了二十多個年頭而近年開始市面又吹起2什麼摘星車仔麵之類的店,但始終提唔起興趣一試, 死灰無法復燃! 直到這天來到旺角, 自己認識的本土口味食肆(平價)不多, 而在這樓上的熟食檔口似乎又總會找到些吃的, 突然想食車仔麵, 發現三個餸一麵跟冷/熱飲都只係32 (貼紅紙手寫, 應該係最近才由$31 --> 32, 咁抵食邊度搵呀? ! 最低消費係兩個餸一麵跟冷/熱飲都只係25(張紙係咁印, 我當真架啦!) 麵底嘅麵份量標準, 湯本身好淡口下, 另外加的1Tbsp左右的濃醬即使重口味被湯水一開稀味道只是剛剛好唔會食完猛飲水, 墨丸係想像以外的貨真價實, 丸內的墨魚肉粒粒係精華所在, 牛腩則太碎, 菜的份量也足, 以呢個無敵價來講無投訴都係理所當然, 真係搭車嚟食都抵題外話: 曾聽友人C講在我家附近福榮街有檔超級人氣孖鋪嘅"X記車仔麵"每日由開門到晚上,長期門口有人排隊或者等外賣, 友人C每次經過都會用嫉妒的語氣話"賺XX佢呀! " "做飲食係咪真的咁好賺架呢?" "我識得個某某在哪裡開咗間馬拉食店話3個月已經回本, 最近重租埋新鋪俾二奶打理!" 那份既羨慕又妒嫉的語調令我不禁失笑! 其實這種賺錢的生意勝出率可能3%都無, 而能夠長勝長有的, 更是寥可数, 好大多數一張租約時間夠鐘就要走人, 這店只是一個異數並非所有賣車仔麵都係咁長龍, 不過到目前為止本人還真未幫襯過這属於異數的店!
继续阅读
長旺餐廳著名吃車仔麵，價廉物美！個人車仔麵必吃推介： 咖哩魷魚！！ 牛肚！牛腩！牛柏葉！蘿蔔！墨丸！ 記得一定要配腩汁才是正宗的車仔麵，最夠地道最好食！而且三十一元就有三送一面吃得飽，還有飲品一杯，真是現在很難找的價錢！咖哩魷魚爽脆 很重咖哩味， 而且條條都帶大條魷魚鬚，十分抵食！牛肚夠香夠滑墨丸大大粒，又彈牙又有墨魚，絕對唔係街市貨色！牛柏葉非常爽口，一啲都唔靱 蘿蔔煮到完全腍身入曬味！配埋杯熱杏霜，杏仁味十足 呢個下午茶足夠飽到今晚
继续阅读