開心茶餐廳

营业中

休息中

在家里悶悶地，就出去吃一個午飯到開心餐廳叫了一個土尤肉餅飯不錯，肉餅很厚旦旦肉開心餐廳算是抵食，有湯有野飲不過是20幾蚊質素還不錯，味道拿捏得剛剛好飯一定夠食，唯獨是那個湯，很求其，菜很黃，不好看，有無咩味欠缺了小小誠意

呢碟係黑椒煙肉牛扒中午同一個朋友去食既個樣雖然唔好睇但食落就好味黑椒汁比出面的好味煙肉薄左d好夠味牛扒煎得唔錯肉唔係好功夫幾好

首次到開心餐廳食飯真係令到我有點驚喜雖然係我屋企附近但我冇咩留意聽講都幾平就去試下聽左個店員啊姐介紹食左個貴妃雞肉質嫩滑好香的黃油味食左隻雞脾配埋碟飯岩岩好

因為考試, 食友開心小姐的兩個生日局都決定不出席了, 實在需要say一say sorry. 今日, 遲了點放工, 一個人又獨自找食, 係油麻地落車, 往後街. 今次的梵音是叉燒飯, 看見門口有燒臘, 而且名字正好代表今個月生辰的食友. 不過送給妳的, 不是什麼酸辣東東, 而是叉鴨飯一碟, 以一吃, 及一文, 來祝賀尋星女牛一.一坐低, 才意會到, 去一去川王才真正表示敬意, 但既然坐低了, 不落order 就走嗎, 不行的. 於是, 梵音是叉燒飯. 就來了一份叉鴨飯. 燒味, 是餐廳新翼那一邊出品, 我坐在舊翼, 依然是茶記形式. 一邊食, 一邊聽著熟客仔同老闆娘細說生意難做. 如今, 做一間餐廳真的不易.飯到, 燒味只是普通, 飯又好似蒸得過老. 鴨, 是凍的, 如果熱少少會更好食. 食燒味, 都係正正式式去燒臘鋪好.其實叫返佢D傳統茶記小炒仲好, 見對面位熟客阿哥, 叫了一個咖喱. 賣相得, 其實早應叫茶記式碟頭飯.

偶然來到呢頭，除左九記清湯腩皇外，想食得平d的好選擇就係呢間茶餐廳嘞！以前自己都來幫襯過三幾次，呢度d下午茶款式唔少，而且只賣$26嘅常餐仲係全日供應，仲有四款選擇咁多，中式西式都有。好似呢日咁，因為自己冇食午餐，下午茶時間又咁啱來到呢頭，見都幾肚餓，於是捨下午茶餐，要左個貴妃雞常餐食。本來自己對個常餐都唔係咁大期望，但係碟雞飯一端上來，自己第一個反應就係：乜咁多雞嘅？睇來就算冇半隻都有三分一隻囉，仲要有成五六條菜在飯上面，加埋d唔算少嘅薑蓉，仲有埋冇咩味精味的例湯加飲品，都只係賣$26，第二個覺得抵唔抵我就唔知，但係我就覺得好鬼抵囉！雖然雞嘅味道的確冇九記d泰式海南雞咁好，只係不過不失，但係以咁嘅價錢，換番咁嘅質量的快餐，都算係物超所值呢！！

點左個$26茶餐,真係抵喎!包野飲又有好多野食,而且味道唔差!先有一個麵,可揀一款送,揀左牛扒,唔多筋,煎香左,好味!個麵軟硬適中,又係幾好,仲附加幾條菜添!除左個麵,仲有牛油多士,同埋煎蛋,咁當然呢D唔可以話特別好味,但係OK啦,可以食得好滋味囉!服務方面其實幾好,因為個阿姐(可能係老闆娘)幾nice!嘻嘻,呢度仲有電視睇添!

嘩!真係唔試過唔知,原來一間小小茶餐廳,竟然有咁好食既貴妃雞,真係好好味呀!雖然只係一個$26既快餐,但係貴妃雞肉好嫩好滑,竟然食得出鮮味,可惜係雞有點肥,尤其雞皮部分,幾厚幾多油,不過雞肉真係好正!絕對食得過!

這裡是我和 bb 心情好時的飯堂. 雖然也有在吵架後來吃過...... 不過在吃飯時就和好了, hehe.我們在這裡吃過早餐, 午餐, 和晚餐.．早餐：普普通通啦, 和其他茶餐廳的沒甚麼不一樣.．白汁芝士雜菌焗意粉：不錯的, 有不少金針菇和秀珍菇(好像是), 白汁也蠻 "惹味" 的. 整個味道都不錯, 不過因為要即焗的關係, 需要等久一點.．啫啫雞煲：我覺得麻麻地, 好像咸了點, 雞也砍得不算好, 豬膶也不夠嫩, 但余先生好像蠻喜歡好樣子, 不解.．鮮魚套餐：很不錯的選擇, 是算是該店的特色, 只在晚市供應. 建議吃蒸的, 蒸的比用別的做法來得好吃. 余先生在這方面是笨蛋和懶蟲(hehe), 我幫他夾魚肉, 我總會弄得自己好忙, 夾肉給他的時間, 比自己吃的時間多. 他會叫我自己吃, 但我喜歡服侍他. 也許以前, 現在, 和將來會有別人替他做同樣的事, 但我不在乎.這裡的阿姐的噪門蠻大的, 不過頗有善, 也很醒目, 服務算是不錯, 讓人感覺舒服.下面的餐廳特色我想選 "情侶約會", 但我知道如果情侶真的去就會打爆我. 但我想說客觀環境其實從來都可以不重要, 重要的是主觀的心.

尋晚因為有事,好晏至同小牛食晚飯...黎到油麻地呢頭,其實選擇唔多,係開心茶餐廳門口望一望,個阿姐已經好殷勤咁出黎介紹,招呼你入去,而且仲係笑住,所以有食家話服務好,都真係唔係假。兩個人,叫左一飯一意,西芹雞柳飯炒得唔錯,但係份量少左d,難得雞柳唔肥,西芹夠爽,汁夠但唔會過多,仲有西洋菜湯做例湯,無乜味精味喎,仲無乜油添,幾好!意粉方面,叫左個腿蛋湯意,其中火腿比較粗,又比較多肥膏部份,但係係呢度食,都預左,湯底又比較油,但係香囉,味精反而重左d,估唔到...拉勻黎講,一般啦!但係價格相宜嘛!

係喎，雖然呢度唔係環境好，價錢亦唔係平，但食物都ok,服務都幾sharp醒。禽日難得同阿暖有時間行街，又渴又餓，就來了吃tea。叫了個味菜牛柳炒烏冬，叫了少油，真係少油喎。都好好味!

食左個蒸魚客飯套餐,有送有飯又有湯,齊晒!估唔到連咁普通同經濟既茶餐廳,都有咁美味既蒸魚食,條魚好香,九唔腥,肉腍,個汁剛剛好,唔會太多,雖然條魚唔可以話係好新鮮,但係我覺得比一般街外食的多肉,撈埋的飯食實在唔錯,可以再試!

雖然我係油尖旺人,但係從來未黎過呢間茶餐廳,如果唔係小牛想黎食,我都唔會試...一人一個常餐,每個只係22蚊,算比出面平,有牛油方包,火腿奄列,粉或麵,飲品,真係好"常"...火腿奄列頗多油,少少膩...小牛個牛扒公仔麵,佢勁鍾意,因為落左好多佢至愛既麻油!而我...我個牛米粉,我勁憎,因為好多麻油,我最唔鍾意,我叫佢同我改個湯底,因我唔食麻油,個女人好nice,即刻話完全無問題,好好態度,呢下值得讚!不過咁,改完都唔係完全岩我口味,佢改個豬骨湯底,同樣係有點油,而且好多芝麻,我覺得好奇怪...但係公平咁講,可能只係我自己口味有點奄尖,如果你鍾意食麻油或者芝麻,我諗會好岩心水,就好似小牛一樣!至於我,成個餐好似係個牛油方包最美味!(不過記住烘底加一蚊喎)