開花結果 (榮吉工業大廈)

营业中

休息中

之前係荔枝角返工 同事推介呢間餐廳試過一次之後 從此深深愛上了Lunch hour長期爆滿 需要等位就算而家轉咗工 星期六都會專程去荔枝角食餐廳出名沙律餐 不過都有其他選擇例如湯麵 扒餐等 適合不同人士口味本人十分愛吃沙律餐 每次都必點另一半就鍾意熱食 {煙三文魚白麵包配新鮮生果+煙肉西芹薯仔沙律$58 + 凍檸茶$3}煙三文魚份量多 不會太鹹 麵包軟熟生果不是每一款都甜 當造既西瓜、火龍果、菠蘿較甜薯仔沙律 沙律醬份量剛剛好 不會太多導致膩 又不會太淡味 配上脆卜卜既炸煙肉 味道層次豐富左 如果雪凍更加好 （懷疑人流多 每日新鮮製造 無時間雪）{黑椒牛柳粒配意粉$60+凍檸茶$3}除了沙律餐做得出色 熱食也很出色牛肉份量超多 食極都仲有 多到有點怕它蝕本😂難怪除了OL 亦吸引了一班地盤工人📍開花結果 (榮吉工業大廈) (荔枝角)荔枝角青山道608號榮吉工業大廈B座地下2A號舖

天氣太熱唔想食飯，轉來了這邊上班後，間唔中都會叫呢間外賣，幾鐘意食佢個皇牌經典套餐，味道ok對得起價格，自由搭配各款包+2款沙律，份量很足基本每次都食剩，仲有杯野飲。但今次未食先飽，外送員態度有夠差，打電話去，落單職員寫錯電話，以致沒收到外送員來電，送到公司門口後，有保安查問通知，一出門外（平時都在門外取）都唔知發生咩事，就被外送員伯伯在街上一直大聲指責，我只拎現金冇攞電話出去沒法對質，得佢講冇你講，第一次吃得這般委屈，公司保安盡責唔比非會員隨便進入有咩問題？咩巴屎閉唔比入唔聽電話？？！跟本冇正確致電俾我好嗎！

看過網上推介，今日專登入嚟食返餐。點咗個三文魚扒意粉加檸檬茶。價錢$63。個三文魚扒好大塊。好抵食。肉質鮮嫩。意粉彈牙。煮法功力十足。冰凍檸檬茶透心涼。夏日消暑最佳美食。餐廳環境清潔。

花開結果係一個選擇多多嘅午餐選擇之一除咗有西式汁飯汁意粉嘅午餐之餘，佢有個餐係非常之特別嘅，就係呢個組合會有包，沙律，其他配菜3樣野為一個組合就試咗點一個組合餐就係沙律加生果同埋一個包可能真係唔習慣午餐食生果為主，感覺個胃好寒涼

天氣太熱唔想食米飯想食下清爽既野就揀左呢間餐廳有好多唔同既沙律揀揀左招牌既開花結果沙律係有勁多唔同水果既沙律好fresh 大大份食生果都可以飽！香芒雞肉牛角包🥐驚喜嘅！原來芒果同雞肉係咁夾加牛角包夾住食又幾好味 唔會濟好開胃！仲叫多杯奇異果汁飲好解渴消暑！

開花結果🌼🌸以前喺附近返工間唔時都會叫開花結果外賣哩間鋪頭主打沙律好食得黎又健康🤓❤CP值都幾高(*๓´╰╯`๓)♡鋪頭內的所有沙律我都食過😼全部都幾好食基本上我會睇下果日想食咩然後再選擇如果果日比較肚餓我會叫吞拿魚沙律加菠蘿蛋沙律/煙肉西芹薯仔沙律如果唔喺太餓我會是旦叫一份上面嘅沙律, 再配搭一份蔬菜或者蔬果嘅沙律如果有時想食粉面飯開花結果都有套餐可以選擇或者可以叫個牛角包/法包食總之佢係一間好多選擇既餐廳╰(*´︶`*)╯另外，佢d野飲係即打出黎有時d生果賣哂就會冇得order要留意下當日有咩生果哦~😉

經典套餐 $58 超抵！1配料+1款包+2款沙律+飲品或湯香草包和牛角包都好脆好好食！配料推介煙三文魚 ！火腿吞拿魚沙律，薯仔沙律份量好多，建議配田園沙律！咖啡非常難飲，包括特飲咖啡也很難飲！請叫其他飲品

這份吞拿魚沙律配牛角包的組合非常完美。沙律中的吞拿魚質地鮮嫩，味道鮮美，與新鮮的生菜、番茄等蔬菜搭配得宜，相得益彰。牛角包烤得香脆鬆軟，搭配沙律更是味道十足。沙律的醬汁清爽不膩，為整道菜增添了一份清新感。此外，這份餐點營養豐富，吞拿魚富含蛋白質和不飽和脂肪酸，生菜和番茄則含有豐富的維生素和纖維素，是一道健康美味的選擇。總體來說，這份吞拿魚沙律配牛角包是一道口感豐富、美味可口且營養豐富的餐點，值得一試。

以前細細個嗰時，好鍾意同同學一齊去石蔭嗰間分店一齊食開花結果🥰不過佢哋而家搬咗舖頭嚟荔枝角，所以變咗要過到嚟荔枝角先至可以探我嘅童年回憶😛以前食呢個餐只係$39 ，而家加價到$58 ，同以前咁大份😂真心食完呢份餐之後飽咗全日，而且好鍾意佢哋個蛋沙律同埋吞拿魚沙律，兩份個醬汁份量都啱啱好，然之後佢哋個三文治嘅煙三文魚份量都幾多，蔬菜整體來講都算幾新鮮，第一次飲佢哋嘅奇異果加火龍果汁，飲落去好鮮甜，而且係感覺好天然，食完呢個餐自己覺得好似好健康咁🥳（雖然應該好肥😂

好鍾意食牛角包嘅我，開花結果對我嚟講係兒時嘅回憶🤓 以前喺葵涌讀書，中學食到佢會好開心，因為有珍珠奶茶飲😂 或者木瓜奶，用價錢來講全部都好足料🤭自從葵涌嗰度結業左，就要嚟荔枝角食🥲 每一次嚟都係咁多人，今次係媽咪特登買返嚟俾我食😆 沙律真係有啲退步咗，蛋沙律冇咩分別，但係吞拿魚火腿都好大分別，少咗好多吞拿魚，覺得自己只係食緊火腿😂 不過煙三文魚牛角包都係咁好食😋 希望佢不忘初心，繼續做好佢，下次會食返原本嘅沙律味道🤓

今天同一班同學仔一同去開花結果去食lunch 開花結果位於榮吉工業大廈B座2A地舖，店的門口不顯眼有磨砂玻璃隱約見到招牌(開花結果)，給人神秘的感覺一入店內有好多人，等左一陣便有位睇一睇餐牌先，哇好多選擇呀好餓叫D飽肚D先金菇肥牛(魚湯)米線$58碗金菇肥牛好多料又多米線，但個魚湯味好淡羅宋湯好多椰菜又有肉，正好好味星期六-3,黑松露豬扒飯$58D食物熱辣辣上正黑松露汁好好味配菜又多，有粟米粒紅蘿蔔同西蘭花仲有豬扒3塊，個豬扒好熱剛整好，有咬口有肉汁好正令人食指大動星期六-4,椰香咖喱雞飯$58咖喱微辣薯仔和雞好入味，都好好食。每個餐都有配蔬菜好健康

今日同朋友去咗食開花結果，朋友話想食健康啲，1:00去到要排隊，兩個人要排七張枱，大約10分鐘到我哋。入到去，阿姐完全唔比時間你，就想已經叫你落單，不過咁多人，我都理解。好快就到齊晒啲餐，但係個問題係，我叫香芒 雞肉  牛角包加沙律，但係我同朋友喺牛角包入面都睇唔到雞肉，之後我都想問一問亞姐，一條條疑似係雞肉絲嘅物體，係唔係就係雞肉， 但係朋友嘅火雞肉係一片片嘅，但阿姐話係呀係呀。。。即刻有種俾人呃嘅感覺，大家可以平下理，有圖有真相。不過好嘅係，佢冇趕你走，最多只係你食完好快就拎走你隻碟。

新年後野豬轉工了😛轉到了荔枝角這個新興文化區，去到新地區返工，最重要係咩？當然就係搵食啦😋荔枝角區有好多平民茶記其實做得幾好，由於工作繁忙未能外出進餐嘅關係，野豬只能暫時叫住外賣先…🥲但唔會因為外賣阻礙我搵食嘅決心嘅，所以首先就試咗依間開花結果先😛同事推介我試「皇牌經典套餐」，依個餐係食沙律嘅，你可能話「嘩Lunch食沙律邊夠飽㗎！」我初初都咁諗，但本住一試嘅心態無壞嘅，先喺五款麵包中揀一款，再喺八款餡料 中的揀一款夾係個包入面，再再喺六款沙律中揀兩款，再再再俾你揀埋餐湯咖啡或茶，感覺都算對得住個價錢🤔聽落好難明！？嗱我就叫咗香草包+煙三文魚+煙肉西芹薯仔沙律+菠蘿粟米蛋沙律，睇落感覺好碎料，但我食哂之後發現其實都真心飽😂不過工作穩定之後我想去翻堂食，始終外賣真係好破壞生態環境🥲

因事要到附近工作的一天，趁著午飯時間，獨個兒造訪這間在飲食網站得到不少好評的茶餐廳吃個快餐。餐廳其中一樣最受歡迎，得到網上不少好評的出品是它的「皇牌經典套餐」（$58）。這套餐可在白麵包、麥包、法包、香草包和牛角酥五款麵包中揀選一款，配以八款餡料（白汁碎蛋、白汁吞拿魚、香芒雞肉、芝士火腿、黑椒蟹柳、黑椒牛肉、蜜桃火雞、煙三文魚）中的其中一款，再在六款沙律（新鮮水果沙律、田園沙律、雜果沙律、吞拿魚沙律、菠蘿粟米蛋沙律、煙肉西芹薯仔沙律）中任擇其二，還奉送餐湯、咖啡或茶，凍飲或其他特飲就要加錢，挺豐富的。這天的我就揀了「香芒雞肉麥包」配「吞拿魚沙律」和「菠蘿粟米蛋沙律」，再加一杯走甜的「凍檸茶」做午餐。「香芒雞肉麥包」餡料色彩亮麗，芒果味道微酸，挺開胃的，雞肉雖不太多，以麵包夾著吃，都算不錯。特別值得介紹的是兩款沙律，味道過得去，份量更是多得驚人，就連我一個大男人也吃得飽飽的，要是一個胃納不大的女生，相信一定夠吃。才五十多元的沙律麵包套餐，既大份，又健康，又好味，加上餐牌中還有不少其他選擇，難怪在午飯時間，偌大的茶餐廳內會全部坐滿客人了。

懶健康沙律餐🥗大份夾抵食！荔枝角近年多咗好多好嘢食，有朋友推介我食呢間開花結果，話啲沙律好大份，一定食唔晒，自問大食嘅我最鍾意去挑戰！平日中午時段入座，一個人食所以都好快有位，全場都爆滿架，不過都見好多人會選擇嗌外賣。今次揀咗佢嘅皇牌經典套餐 $58 包熱飲煙三文魚牛角酥 少醬吸取左網友嘅經驗，怕太重口味，所以叫咗少醬，個包好厚實，唔似出面啲牛角酥食空氣咁樣🥐煙三文魚都好足料，唔係得一小塊正常女仔食呢個包可能都飽咗一半😂😂沙律就揀咗吞拿魚沙律，同埋菠蘿粟米蛋沙律食沙律呢件事聽落真係好健康可惜呢兩款沙律都超多沙律醬仲肥過食個燒味飯🥹但係超好味 每樣配料都比好多尤其吞拿魚，真係啖啖都有🥙火腿多到好似落咗成包咁😥菠蘿粟米呢啲唔使講🍍粟米都食飽你🌽睇落唔係好大份 但食食吓真係好飽🤰🏼太多料喇🤣加上啲沙律醬都有啲滯不得了🤣我表示都挑戰失敗唔夠膽食到飽到上心口再去做瑜伽唯有下次再挑戰過！！呢個價錢 呢個份量的確好抵！見到隔籬枱好多人都食佢啲扒餐，下次有機會再嚟試！