開餐達人

营业中

休息中

開餐達人食物質素普普通通，但係有得食有得玩又加番分比佢，環境很舒服，走懷舊路線，食到飽飽地可以唱K，又可以玩些懷舊玩具加上長達4.5小時，足夠時間又食又玩，店鋪不大，但有一個coner比客人自己親手做雞蛋仔、pancake、棉花糖、小丸子……一些懷舊食物，我的童年記憶又返來了。

見到Facebook介紹，價錢$138再加一，任食火鍋+任食西冷+DIY甜品四小時，仲可以唱 K, 真係好吸引。食店好細都唔緊要，因為兩位都會俾四人枱，一坐低，服務員就幫我哋先開爐煮滾湯底，因為湯底一律係三味，唔使揀，可以好快有得食食物一般，款式好少，都食得落口，第一碟肥牛好肥，第二碟就好少少西冷牛扒都唔差，同花園餐廳差不多，絕對好過大家樂，任食都算抵飲品款式唔多，都算大眾化口味雞旦仔嘅旦漿太稀，整兩次都失敗，味道又淡喺Facebook讚好就有兩球雪糕送如果糧尾又想食得飽，仲可以唱 K, 坐足四個鐘，都只係$152，真係抵。

見到廣告話4小時任食雞煲火鍋加牛排，仲包埋自己DIY小食，見佢咁抵就去試試。雞煲火鍋不過不失，火鍋配料都算齊全，除咗冇乜海鮮之外，幾乎其他任食火鍋店嘅野食呢度都有得叫。火鍋材料質素一般般，牛排都唔係特別好食，肉質同味道都普普通通，不過勝在可以任叫。我地坐咗好耐，因為除咗雞煲火鍋之外，呢度仲有DIY小食，可以試試自己整棉花糖、小丸子、pancake、雞蛋仔同埋飲品。我地覺得教學可以再清楚詳細一d，雖然有教學，仍然有d難整，不過整體黎講都幾得意。溫馨提示，佢約9點就會關曬所有DIY嘅設備，所以想玩就趁早。另外佢仲有boardgame玩，約埋一班朋友上黎聚會都啱曬。

觀塘工廈裡面埋藏住好多餐廳，需要各位食家一一發掘。呢間餐廳亦係其中一間。呢間開餐達人首先要讚的，係佢入面別緻的設計。裡面既佈置係一個個懷舊香港風。每張枱子上面總有一款係關於舊有的娛樂和特色。就好似我枱上的這一張。不過瑜不掩瑕，菜式實在太差勁了。呢一天本太子黎到這裡，點了個吉列蝦蟹棒雞豚肉稻庭烏冬，覺得好失望。首先錯中之錯，係呢個上碟方法。好明顯呢隻吉烈蝦已經浸到完全唔吉烈，呢個年代實在應該諗下分碟上。林左，算啦～好味味得囉，之但係好明顯一睇呢個湯淡而無咪，所以d雞豚肉食落都冇晒味。好啦，話明食烏冬當然應該著重烏冬，但係一咬一食之下就覺得d稻庭烏冬一d都唔稻庭，食下去就同一般米線差不多。無論主菜還是烏冬都不合格。本太子認為餐廳著重外表和多元化之餘，更應該多著重自己既內涵和是否每一方面都可以兼顧，名字也不要太浮誇。

呢間野其實都唔差 值得一試！最近喺觀塘見到呢間有懷舊嘅火鍋放題 仲要價錢平而且可以任玩任食四個半鐘 鍾意打邊爐嘅我點可以錯過 於是約左幾個fd去試試佢 去到門口見到裝修都覺得唔錯 幾有懷舊風格 門口側邊仲有提供棋類game遊戲機同懷舊玩具 因為要等齊人嚟到 所以我地都玩左陣消磨下時間 齊人之後餐廳即刻準備個三拼火鍋 有兩個湯底仲有一個雞煲 食落都唔錯 尤其雞煲香得黎又唔算太辣食落啖啖肉 嘢食方面雖然質素一般 但選擇非常多 最緊要係可以任叫食到飽 食到差唔多飽之後我哋仲去試整咗窩夫同埋雞蛋仔做甜品 第一次整唔係好識哈哈 不過好彩有教學 食落味道都唔太差 總括來講呢間都算係非常抵食嘅火鍋 仲要有遊戲玩同埋甜品DIY 啱晒同一班朋友嚟吃喝玩樂

今次系第一次來開餐達人打邊爐，都系睇到網上推介先知原來呢到有間餐廳。估唔到工廈餐廳環境竟然唔錯，好特別既裝修同環境。呢到真係有好多野玩餐廳竟然有k唱，有好多人唱，下次要早d來唱。連SWITCH都有得玩，真係估佢唔到。不過我地其實系想來玩手作坊DIY 食物所以重點都系放翻系呢到，首先整左雞蛋仔，竟然成功左，好過霆鋒，哈哈。之後鐘嘗試整左彩虹棉花糖，不過整左幾次先成功整到好靚。小丸子真係有d難整，整得唔系幾好睇，不過都食得。來到主要食物方面，呢到有即煎西冷牛扒同火鍋任食，鐘包埋飲品食住4個半鐘都系138，真係好抵食。不過人真係幾多，最好book定位。整體來講好多野玩，好好玩，牛扒都好食，火鍋系正常任食火鍋。下次會帶屋企人來試試。

餐廳好有情調氣氛，以懷舊既裝修襯托廣東歌，好似翻左80年代咁樣依間餐廳最特別係有DIY自助吧 : 有得自己親手整雞蛋仔、綿花糖、連人氣章魚小丸子都有！！ 自己整特別好食啲哈哈！ (雖然整左幾個失敗之作先成功完美製作)邊爐提供左三色湯底， 大家都唔洗苦惱揀邊個湯底好. 食物材料都足夠既，其中一種丸子仲印左qq minions公仔！！煮佢地個陣 佢地浮係水面真係好得意啊！！！另外另外！ 依間餐廳仲提供左仼食唔嬲既8安士美國西冷牛排，諗起都想繼續食haha除左食之外, 依度仲有d board game, 卡game, 連switch都有得玩！！真係估佢唔到 玩到唔捨得走，好彩依度可以仼玩仼食4.5小時咋haha

初初見到「開餐達人」門口及其置於門外的餐牌，覺得以工廈水準來說還可以，便入內進餐。一坐下，order了食物，隨後拿起枱上餐具籃中的餐具時，卻發現當中絕大部份餐具均生銹有跡，刀叉柄立痴痴，感覺嘔心又恐怖！我已立即請侍應給我拿來幾套餐具及一杯清水，並即時告知餐具衛生問題，唯餐廳內有2-3位侍應均態度冷淡，全不理會，態度之差令人側目！待侍應拿來新餐具後，發現餐具衛生情況依舊，我跟同事唯有以清水不停抹乾淨，唯抹掉數次後仍然有黑色的跡，情況猶如萬年冇清潔，實在不敢放入口中！食物方面，味道淡如無味，而且入口偏凍。如此食物及服務質素，差得連普通茶餐廳也不如！

之前已經想來少食尼度嘅下午茶，可惜一直無機會。今次特登趁男友早收工，又係平日，所以“山長水遠”來到觀塘。🤣之前見過網上介紹，餐廳主題係懷舊，所以內在裝修都係懷舊風。仲有好多舊時嘅玩具擺設，隔離枱仲拎咗啲玩具俾小朋友玩，所以尼度都幾適合一家人來。👨‍👩‍👧‍👦而今次來係食下午茶放題，食物選擇都唔少。仲可以DIY整棉花糖同窩夫等。但因為當天無咩客人，所以我同男友都無去玩尼啲，費事搞亂檔。🤣🤣🤣但我哋有嘗試去整棉花糖，結果係⋯⋯🤦🏻‍♀️無眼睇。日韓台小食，每人可選四款，而兩個人來都已經足夠多選擇，最後我哋仲要食唔曬。😅所以切勿眼闊肚窄！沙律可能雪得太耐，所以最後放一陣先食。流心紫薯多士，值得推薦！好香紫薯味，最好趁熱食。紫薯小食拼盤。個人覺得一般，右下角嘅紫薯干？太乾，好難咬。尼種食物擺盤幾得意，味道都算不錯，雖然唔會有太大驚喜。但有時間來尼度懷下舊，享受下悠閒下午茶時間都唔錯。

因為不是地舖，常常路過也不知。今天接過街上傳單便上樓一試，還有現金券，午餐減$3。舖頭入口可於開源道尾報紙檔隔離樓梯上一層就到，唔好搭𨋢，等到天荒地老，樓梯入口有餐牌。4.5小時任玩任食火鍋放題都係$138，好抵咁～有機會再試。留意餐牌左下角，外賣套餐（除B餐）一律$38其實味道正常，而且份量很足，有炸蝦三隻、雞扒、鳴門卷及配菜。唯一不足是炸蝦浸在湯中，淋晒～一點也不脆。上枱見到真的「哇」一聲，好大塊！接近全熟但不嚡口，感覺似牛柳的淋，有筋，牛味正常。醬汁顏色是黑椒汁，但味道不像黑椒汁，怪怪的。都算大件抵食，但期望改善細微之處～

返工lunch time 公司放飯12點，所以不用等位，一行8人不用等就順利坐底啦。波菜海鮮焗意粉 48蚊樓下派優惠卷，平3蚊賣相不錯，但係味道一般。。。好淡冇咩味。。。今次出菜都快第二次來這裡食lunch感覺一般，不太喜歡，不過同事話黎沒辦法上一次來這裡食lunch 12:15叫餐12:50食物都未黎，吹左勁多次單都未有一行十幾人，有3,4個人的食物都勁遲搞到返公司遲左呢個好似幾平甘，有機會可以一試，伏都唔驚店員服務態度一般。。。位於工厦2樓，環境一般

之前同成班朋友搵一間聚腳既地方, 見到呢一間係網上面有人推薦, 就決定去左呢到食。入去既時候見到地方幾寬敞, 無乜人, 同裝飾幾特別, 有懷舊既感覺。我同朋友係上面係食仼食火鍋既, 諗住今舖掂喇, 火鍋唔會差得去邊既, 點知落單既時候叫好多材料都無, 真心火都泥埋 最大問題係火鍋居然無肥牛同生菜叫, 其他材料又有縮味。另外本身係包自助甜品既, 點知又無埋。當時同成班朋友一齊真係覺得相當無奈。係埋單既時候, 每個人成200幾蚊, 真係食大家樂, 吉野家個啲都底同正過佢多多聲！講真, 佢如果無材料就應該一早講或者埋單個時提供優惠比我地, 佢依家咁樣同欺騙消費者無分別, 我同朋友以後唔會再去呢到食, 希望透過食評等大家睇到唔好中伏！

今日同同學去左開餐達人gathering,整體感覺不差一入去就覺得空間偏細,似平時party room,有好多棋咁。如果佢一晚只招呼兩三枱大戶可能會感覺寬鬆啲,不過商業決定我都明白嘅。我地約6點半去到,當時仲未好多人。係等緊火鍋食物嘅時候同學們已經忍唔住係手作坊玩,不過啲機未預熱得夠所以fail fail地🙈但呢啲體驗係幾有趣。火鍋食物方面,質素都係一般啦,而且抽油煙系統好差又多人,食到成身超大味但食嘅過程係開心,態度又好。最窩心係開頭未係好多人時,我埋怨緊我嘅同學食晒肥牛個陣,入面個哥哥攞住一碟肥牛出嚟話"我聽到有人話想食肥牛喎"我地食到9點半已經投降,不過明明放題話去到11點,9點幾已經last order牛扒聽埋準備熄自製甜品個啲機佢又唔講明感覺好似貨不對辦。

星期六下午，諗住去觀塘行街食野。上網search下午茶自助餐，找到這間餐廳的廣告，有多款港式小食、日韓美食，就過黎試下。2:50pm黎到，原來只係小店舖，只有十張枱左右。而我地入坐時只有另一枱客食緊（到我地走都再無客入黎⋯）坐低後就收到呢張點餐紙 開頭都覺得好少野食，無晒網上介紹嘅碗仔翅、韓式芝士炸雞果啲，不過反正黎到都無謂走啦⋯⋯但實在好後悔！太伏了，我一定要花時間係呢度公開佢地嘅生意手法，以免其他人受害！！！放題得一張紙嘅選擇已經少，而且右下方的食物仲要係 限 點 四 款！你無睇錯，放題唔係任點任食，係限你每人只可點四款，而且食完不可再encore! 而且啲野仲要唔係貴價嘢，只係雞奕、豆腐、芝士腸果啲。一百蚊只可以食兩件雞奕，無言。而我點咗嘅其中兩款食物到最後都無黎，到畀錢個刻忍唔住問佢，佢先話缺貨，仲講到我地唔追即係唔需要，唔追係我地唔啱咁，咁做生意真係仲有人會幫襯？！其他人吹捧嘅自製雞蛋仔完全不值一提，蛋醬太稀不易成型，而甚麼窩夫可麗餅都是用同一瓶蛋醬，但配料只有cream及朱古力醬，牆壁上的圖片：生果粒等等都不見終影。 棉花糖：壞機紫薯西米撈係無出現過的。叫咗個紫薯小食拼盤，

約左好耐終於約齊人，終於book 定位過來食下午茶放題。原來下午茶加28蚊就有牛排任食當然首先要叫即煎牛扒食，牛扒過左一陣來到，真係好大塊。牛扒質地唔錯，好鬆軟好味，不過個人覺得個黑椒汁比較咸,最後都食左兩塊牛扒。而家系做緊紫薯同日式韓式台式小食放題，個人好愛好紫薯，所以來到當然就要每樣都試勻曬。自己動手製作既紫薯西米撈我最鍾意，最後飲左兩杯。外面食超貴既窩夫，呢到都可以自己任整任食，真係超爽。不過第一次整系失敗左，因為唔記得預熱個爐，第二次先成功哈哈。雞蛋仔就比較容易整到，一次就成功。太多野玩，日式可麗餅同爆谷鐘未整，留翻下次來食晚餐再玩。日韓台小食款式好多，分量剛剛好。有時上菜有d慢，不過可以接受。總體來講真係好抵食，食物味道唔錯。又有得玩又有得食，鐘可以食幾個鐘，消磨一個下午。食到好飽連晚餐都唔使食。