開餐達人

营业中

休息中

觀塘工廈的餐廳竟然有4·5小時任飲任食去的時間是中午 價錢為$98可以和朋友來個開心聚會也不錯玩的就有各式各樣的Board Game另外有KTV提供 但音響不太好會被他人唱歌而阻礙談天遊玩用餐食物方面有打邊爐 3合1的湯底配合各人的口味 也有多種選擇另外有自助製雞蛋仔/章魚燒機自己食的東西自己做HAHA和朋友比試一下那個比較好食吧個人覺得提前預約會比較好怕人太多就沒有位/要等就不好了這間性價比一般般吧 但價錢是便宜的

餐廳：開餐達人 (觀塘)地址：觀塘開源道47號凱源工業大廈1樓B室星期一至四$138加一，星期五六日$148加一就可以任食4.5小時美國西冷牛扒同打邊爐！？唔係講笑，觀塘工業區有一間叫開餐達人嘅餐廳，主打比屋企人朋友聚餐，一邊玩一邊食，以極抵價錢就可以又食到牛扒，又有邊爐打，仲有得唱k自製唔同食野，除返開每個鐘都只係大概$30，真係抵到爛！任食牛扒每一塊都好大，雖然唔及得上高級西餐廳嘅牛扒，肉質都唔算太靚，但係放入口都唔會好韌或者痴牙，配上燒汁，都值得一試。打邊爐湯底係三色湯底，有蘋果蕃茄濃湯、重慶辣雞王同越式香茅檸檬豬骨湯，估唔到一個價錢仲可以食埋雞煲添！重慶辣雞王湯底夠麻辣，辣嘅程度亦係大部分人接受到嘅，未食就已經聞到陣陣麻辣味😻蘋果蕃茄濃湯唔會太酸甜，唔會搶咗食物本身嘅味道，對比起出面只係蕃茄湯底嘅話多左一份蘋果香同甜，檸檬豬骨湯更係本人至愛！用呢個湯底打邊爐可以食到越式嘅味道，真係一次過滿足你三個願望！除咗一般都會有既豬牛雞同丸之外，比較特別嘅有芝士豆腐、麻吉燒（年糕魚餅）、蜂巢豆腐、泰式金邊粉等。邊爐材料新鮮，食物都來得好快，絕對唔會偷工減料，食物上台時唔會雪到硬哂或者出水，

喺網上見到有人推薦觀塘呢間全食火鍋放題，特登由屯門過去試試首先入到去，成個感覺幾柔和，啡白色格仔主調，行懷舊風，餐廳設計都幾靚Waiter帶我地入去坐低，本來以為要揀火鍋湯底，但原來一個鍋入面3格，已經有齊哂雞煲、蕃茄湯、豬骨湯🤣一開波梗係要點牛扒食先啦～等左5分鐘左右，嚟左塊好大塊嘅牛扒，真係大過塊面，完全冇誇張，第二轉叫嘅牛扒細小小，但都係好大塊😂 味道嚟講都唔錯，個黑椒汁較得幾好味😋 重點見到咁大塊扒真係好surprise❤之後就點其他嘢食，上菜速度都算快， 最耐嗰次大概等咗7-8分鐘啲嘢就嚟齊曬👍推薦食滑雞件、香菇貢丸、雲吞、水餃、響鈴。其他蔬菜素食都好新鮮，啲菜同其他火鍋放題唔一樣，好明顯睇得出清洗過、好乾淨，抵讚👍呢間餐廳嘅重點梗係一堆diy嘅機器，有雞蛋仔機、可麗餅機、爆谷機、棉花糖機、刨冰機之類，連最近好hit嘅炒雪糕機都有😂 之前一直想玩好耐，但買部機返屋企一般玩一兩次就封塵，都唔敢買嚟玩，喺呢度可以玩返夠本。 雞蛋仔漿、可麗餅漿、 小丸子漿、雪糕漿用哂可以叫waiter refill😋 我整第一轉係失敗嘅，waiter哥哥見到話係啲漿要攪 勻循先倒落部機，第二轉攪完

朋友介紹可以整diy手作坊食品全家一齊來試試製作有d難度不過好好玩小朋友玩得好開心有雞煲牛扒火鍋任食種有雪糕任食第一次打邊爐打到全場大合唱真係好新奇鐘可以食足四個半鐘唔趕人走雞煲唔太辣唔食得辣都食到D 食材都好新鮮雖然有時會漏單不過叫第二次都有來Diy雞蛋仔最緊要係控制好火力唔可以太熱都唔可以太低蚊蛋漿既份量都好重要我地做左幾次先成功要做到外脆內軟一d 都唔容易小丸子我覺得難度最高最重要係要落足夠既油如果油唔夠好容易黏底到時候就比較麻煩好難翻轉小丸子棉花糖我覺得最容易只要放糖落去等部機夠熱就可以不過要注意竹籤唔好掂到個出糖器整體來講物超所值百幾蚊可以食咁多嘢

第一次寫食評就係希望大家黎之前三思下。今日同班frd去食晚餐，一入到去我地問清楚幾多錢，個員工應該係新黎所以唔知，就問廚房個女員工，跟著個女員工講左三個價錢，佢係用個「你地係咪聾」嘅語氣同我地講。跟著食嘅時候個個新黎嘅員工幫我地收嘢，成碟嘢食啲水車左落黎，不過都唔緊要，我知佢唔係有心，但係重點係我地幾個因為嚇親一齊叫左一下佢都可以完全唔知，係另外一個態度好好嘅男員工即刻拎左啲紙巾比我地再同佢講佢先知。跟著第二次又係佢黎收嘢，一嘢推低左我個frd罐嘢飲，好彩已經飲曬。第三次又係同一個人黎收個雪糕兜，佢拎起個吓裡面啲雪糕汁起勢倒出黎，佢又唔知，仲諗住執埋其他嘢直到我提佢佢先發現，好彩咁啱我個frd離開左個位，如果唔係又遭殃🤦🏻‍♀️我明白每個人都會做錯嘢，但係真係唔係咁樣，唔係肯唔肯學嘅問題而係根本冇用心做過🤷🏻‍♀️之後擺係出面啲機，未last order一開始態度好差個個女員工就收曬啲嘢話要執嘢，但係仲有人企係度想整，佢就叫人翻去。嘢食就一分錢一分貨，丸個啲就中規中矩，牛排牛柏葉同蔬菜個啲就唔好太大期望囉。環境唔算乾淨p.s.提下想一班frd佢個大家，如果想玩boardgame要額外加錢

用餐環境良好，寬敞，十分舒適。有手作區域，即是自己 DIY小食，例如雞蛋仔，棉花糖，小丸子，炒雪糕，挺有創意，可以滿足一下好奇心。我們五人，訂了火煱任食，食物多款，湯底濃味，一共有三款湯底，豬骨湯底，雞煲和蕃茄湯底，食物新鮮，有即叫即煎牛扒，十分惹味。服務一流，今天是平日，只有兩個服務員，主動加水，詢問需要，聽到我喜歡生根，就多加給我，我們五人一共叫了五轉食物。環境適合一班人去玩同食，有卡啦OK, 有 BOARD GAME, 非常適合gathering 。

今日朋友生日，吾知食咩好，記得之前朋友推薦過開餐達人，聼講食野幾有氣氛，決定來試試。我地二十個人訂位，來到已經有好多客，我地竟然可以坐埋一齊，吾使分開，張檯真係好長，適合多人聚會。侍應哥哥幫我地雪住蛋糕，而且免切餅費，切蛋糕時候幫我地播生日歌，哈哈。火鍋我覺得不過不失，大路野食，款式都多。diy 手作坊好玩，不過有d難度。牛扒吾錯，任食，不過我食一塊都飽。board game 都好多，不過我地挂住唱K。去到10點幾，最後得反我地係到，可以玩曬全場正。去到11點先走，百幾文有得食有得玩幾個鐘，真係幾抵。下次大型聚會會再來。

未食過啲咁難食既牛扒，咬又咬唔開，啲汁又極奇怪！仲有個火煱係無得揀湯底！無都唔緊要，食物質數極差，啲水餃同魚皮餃陣味好那怪唔係講笑！！唯一一樣食得落既就係午餐肉，大佬唔係要我比差唔多兩舊水入黎齋食午餐肉下話？差到我同朋友坐低一個鐘就走左，我都未試過打邊爐打得咁快！仲有呀！出面嗰啲炒雪糕小丸子真心不知所謂，雪糕醬炒完完全食唔透係咩味，呢間野真心差！！！仲話可以坐足4.5鐘，坐一個鐘都已經覺得浪費光陰，未試過食野食到咁嬲！

Lunch 時間，唔知食咩好，知道觀塘有好多樓上cafe，係煩惱緊同準備search openrice 嘅時候，見到有個好吸睛嘅餐牌，望落價錢ok選擇又多，就走咗入去trytry。平時menu上面有鰻魚，價錢又唔使過HKD70嘅話，我係一定會揀鰻魚咖仲要呢個係跟滑蛋，呢個組合無得輸。價錢又實在太吸引啦！點可以唔試。但我知道無咁大隻蛤乸隨街跳，鰻魚唔方大條，點知上碟望落個size都有番咁上下，算係咁啦，我都滿意。

-小編之前係網上見到呢間居然可以食足4.5小時的1️⃣火鍋放題2️⃣牛扒任食3️⃣仲可以自己DIY 岩曬同班Friends吹吹水聚舊👭👭👭唔知味道又如何❓-火鍋放題🍲總共有三格湯底一 濃香胡椒豬骨湯🐽丶鮮番茄濃湯🍅丶重慶辣雞王 🐔(雞煲後加湯）頭兩個湯底味道普通 味道較淡😕雞煲味道方面 並沒有做到好似出面雞煲專門店的惹味而且唔辣🤯但勝在每件雞都啖啖肉 唔會全部都係骨頭🤪🤪🤪-火鍋配料🍖🥦🦐配料都是普普通通 款式都多💁🏻‍♀️-牛扒任食🐂標榜即叫即煎8安美國西冷牛扒‼️味道不錯 肉質幾淋 🍖小編和朋友好似總共叫六塊🙈-DIY CORNER 🍭可以整爆谷🍿丶章魚燒🐙丶可麗餅丶炒雪糕🍨丶雞蛋仔丶棉花糖丶刨冰🍧等 打邊爐食到悶悶地可以出去整 玩得又食得😋-飲品🥤飲品都是任飲 款式都頗多 不只是汽水-其他設施🎮🎰仲有得唱K🎤🎼丶玩Board Game🚦玩足4.5小時都冇問題👌🏻-總結: 與朋友聚腳傾計的好地方 但食物質素就比較普通 -📍開餐達人觀塘開源道47號凱源工業大廈1樓B室

午飯無心水，周圍蕩緊之際，突然有個朦面阿姐派傳單，咁神秘 ？非也，其實包到實應該係天口興，免得曬親啫 😂接過傳單，原來係午市平三蚊 coupon, 開餐達人，個名有D騎呢 😂見D餐價錢都幾合理，試吓啦⋯⋯然後阿姐會帶我地上一層，再轉幾個彎，就見到了，果然夠神秘喎！枱面有鬥獸棋的紙，好懷舊呀！等食可以捉返局嗎？餐牌同樓下的相約，大約五十蚊一個餐。食左日式叉燒煎雞豬骨濃湯稻庭烏冬 $53 ，個名真係水蛇咁長，而碗野呢，又真係俾足咁多料，絕不欺場 。煎雞大大件，都有四舊，香口。日式叉燒又起碼四大件，厚及肥。個碗好深，有無數的紫菜、煎翠玉瓜、粟米，烏冬堅係稻庭的，夠軟滑。不過...... 由於餸多，而且全部都用油煎過，碗野真係越食肥膩，好滯 。食左一半到就要收手了，否則應該全日都會頂住。好彩叫左杯檸水消吓滯。咁多餸，價錢來講係抵。見隔離D食肉獸同大食仔都食得好滋味，但我就唔太啱食了。仲有其他好處係都夠好坐，多野玩。而且午飯時間冇趕客，觀塘來講都算難得。如果可以改善吓，小D油，就正了。

我地5個人以上去食（已經係第三次食）肉+丸份量都多 而且最近好似有加$15就全台升級做靚牛 靚豬 的確無咁肥而且真心好味好多 而且佢哋食物擺盤幾靚👍🏻值得欣賞 不過DIY手作區既器具 例如棉花糖機比較多故障（望改善）而且 好似新請左兩個女仔 都幾靚女 無帶眼鏡果個笑容幾好 成日都見到佢笑🤤而且服務態度好👍🏻幾溫柔 份人都幾close 好容易同客人笑埋一份，手腳幾快 唔知係米新人（都幾熟手既感覺）而且我有一次去見到佢比人抄牌😂見到佢都好無奈咁比 唔知我去抄的話 佢會唔會比呢 聽聞只有15歲 不過都有試過有少少甩漏不過都唔係啲乜大問題，至於另外嗰個女仔 好似無乜笑容 手腳有啲慢 不過服務態度都算幾好👍🏻就係笑容真係太少 好似好不滿咁😂而且跌左好幾次嘢食 加熱水既時候兩次都倒左少少落我地度😂嚇死 不過見佢都好唔好意思就無責怪佢。

看到食評以為好大好吸引，一去到望到都嚇一嚇，環境暗，一眼睇晒，以為賣點係小朋友自助甜品,行去望下，求其一堆煮具，$158加一我唔覺得值，仲要3個細路兩大人，我一諗到$800食呢個場，轉身走，連班細路都話唔好向度食。之後行返去地鐵站，竟然見到“魔饍廚房”，上去食左三個餐都係$600,起碼環境乾淨招呼好。

早前見到網媒介紹位於觀塘工廠區內的火鍋放題，除左火鍋料任食內，牛排都係任食的！此外，餐廳仲提供器材比大家親自落手整甜品。坐低後，大家可以到飲品自取櫃拎飲品。有汽無汽、紙包罐裝都有。食物方面，除左有豬牛雞外，仲有魷魚、鯪魚滑可以選擇。咁當然仲有不同的丸類、餃類、腸仔餐肉、蔬菜、麵類。除左火鍋，餐廳的牛排都係任食的！口感唔會太老，煎得都幾香。不過想食齊咁多款食物的，建議叫一塊就可以了。有驚喜的係火鍋有三格湯，包括蘋果蕃茄濃湯、重慶辣雞王及越式香茅檸檬豬骨湯。本身有D怕食個雞煲，因為我唔食得太辣。但呢份重慶辣雞王，個人覺得還可以接受，而且雞肉都算係嫩滑。其他火鍋配料比相象中新鮮，可以接受。餐廳提倡一邊食一邊玩，所以提供多款玩具比食客選擇。大家仲可以到大螢幕大展歌喉地唱K，不過食客們無人唱。到左我最期待的甜品DIY手作坊！呢到大家可以自製爆谷、日式小丸子、crepe、雞蛋仔、綿花糖。所有的製法都可以參考牆上的instruction。唔知係個粉定我唔多識整，食落味道只係一般。一分錢一分貨，晚餐星期一至四每位$138，星期五六日每位$148。任食任玩4.5鐘，食物屬一般水平，不過勝在可以坐得夠耐，

見到Facebook片，有得玩，又任食，好似好得，上到去就知伏唯一可取就係價錢平，可以坐幾個鐘一黎就有三格火鍋，辣雞同另外2款底都可以接受，食物就係大路丸啊，菜啊咁，叫左一碟肥牛同豚肉，一上檯已經嚇親，豬肉係瘀粉紅色，食落有陣臭味，肥牛真係肥，最終都放棄晒，仲有個鯪魚肉，超級低劣，好難食。反而塊煎牛塊幾好到想玩芭菲杯，牆上有少少教學，但係寫有玉米片可以放底，問完先知無，只有爆谷，結果放棄。旁邊仲有小丸子，叫唯一似樣嘅雞蛋仔就無興趣，唯有玩pancake，個爐同器具衛生真係好一般，我覺得可以隔一陣就換黎洗下都好丫。餡就只有cream同朱古力碎，無咩選擇，教學上面嘅生果雪糕全部無雪糕球係要焗我地分享Facebook片先有，場中2個服務員應該係新手兼職，我理解唔熟手，但眼見佢多次拎錯野去其他檯，好唔掂，我2個雪糕球都係咁去左隔離，問左幾次都無，結果有個熟手嘅，由隔離檯夾硬拎返過黎，好彩夠冰，人地都應該未動到手，否則我係唔會想要坐坐下，想玩波子棋，唔夠數都預左，啲波子勁痴立立結論係平平地當消磨時間係抵嘅，但我一定唔會再去