閨•家 (美基樓) (已結業)

之前一直都想黎試下呢一間餐廳 , 但無奈次次都勁多人, 超多人排隊! 今次醒喇! 唔好等堂食, 試下買外賣, 果然又真係快D!11:30去到. 剛剛好可以叫午餐. 叫左3個飯, 大概等左10分鐘就有得拎. 太好了. 唔駛等到沒完沒了! 嘿嘿! 叫左1客豬軟骨飯, 1客豬排拼咸魚煎肉餅飯, 仲有1客煎蓮藕餅飯, 客飯仲跟埋一碗例湯. 都係HKD50 一客, 真係唔算貴啊! 豬軟骨炆得夠淋身, 而且有成4-5舊, 相當抵食! 不過我最歡喜既都係 ~ 蓮藕餅, 有2大塊, 一咬開, 有啖啖蓮藕絲, 煎得夠香口, 好好食! 而咸魚肉餅真係相當有風味, 夠咸香, 啖啖肉, 不過豬排就略為薄身左一D, 可能因為經過人手DUP鬆醃製. 如果可以厚D就更好!希望遲下有機會試下堂食啦!

閨家是屯門的名店，重開後常常要大排長龍。趁今日唔算多人，終於入到去嚐嚐。裝潢有啲少女心，店內好多粉紅色，仲一直播放住Error的歌。📍香煎蓮藕餅豬扒飯圓圓厚厚的一塊，外層煎香了，自動沾了甜鼓汁，蓮藕有絕對的存在感，肉是腍身的，有別於過往嘅口感。豬扒經過特別嘅調味，軟硬適中，很有在家煎豬扒的感覺。配上蔥油、雪菜，撈飯一流。📍口水雞配白飯口水雞份量不多，而且堅辣，朋友吃了一件便放棄，我吃得辣，覺得辣得頗刺激，雞肉是比較結實的，挺特別。📍老火湯當然要試呢度招牌嘅老火湯，每日一款湯，好吸引想皮膚好嘅我。加份菜心跟蠔油，簡簡單單又一餐！

很多朋友給我推薦這間餐廳，終於可以試到了！午市時間，都有不少人等位，所以今次外賣了。雙蛋豬扒飯＄45最喜歡吃蛋的我選了荷包蛋配這𥚃的招牌香茅豬扒有兩大塊，喜歡豬扒不太厚，不用費牙力就可以咬開，原來店家用雪梨汁代替鬆肉粉醃製令肉質更好食，一點點甜味，好出色！白飯配有豉油汁、蔥油和酸菜，非常豐富。配冇味精老火湯，日日不同款，有住家味道，剛好星期二：蟲草花百合無花果煲豬展，好清甜，又有少少湯料。慢煮豬軟骨飯＄49豬軟骨份量都好多，軟骨部份已經炆到啫喱狀，煮得好入味，味道不太鹹，無味精都可以好好味，好多汁，送飯一流。另外點了一個小食，涼拌海蜇手撕雞＄38，手撕雞好大塊，我以為是一絲絲的，外賣份量都不少，海蜇好爽口，滿滿芝麻醬，抵食啊。每餐必點的油菜（菜心/生菜），選了菜心加$12，都好大碟。餐飲：凍檸茶加$7喜歡這間無味精的小店，有家的好味道，下次想試試其他湯水。

假日和朋友相約到閨家吃午餐，餐廳走家常路線，標榜絕不使用味精。入座時大約11時，原來早餐供應到11:30，有幾個套餐選擇，很實惠的價錢。先和朋友點了兩份早餐，來到閨家當然要點招牌豬扒，配新竹米粉。豬扒軟腍易咬開，香茅味道突出。鹹牛肉三文治抵食夾大件，厚厚的炒蛋鬆軟香滑。上菜時已預先切開了兩份，方便一起分享。早餐附送熱飲，加兩蚊可轉凍飲，夏天喝凍檸茶最能解暑，沒有點少甜也不會太甜，茶底香濃。另一位朋友來到剛好有午餐供應，口水雞味道濃郁惹味，大量蒜蓉和辣油刺激味覺。雞件厚身多肉，加上雞皮也不覺得很肥，沒有雪藏味道，入味非常。隨午餐均附送一盅例湯，是日例湯每天款式都不同。紅蘿蔔雪梨湯煲豬肉，清潤平和，適合炎炎夏日。沒有味精也非常濃味，火候十足。

早前喺度買咗個蓮藕餅豬扒飯外賣返去，標價$50，明明睇外賣紙真係寫住$50，點知俾錢收我$51 ，我睇真啲我比$100 ，點解佢找咁多散紙俾我，咁我入去問啦，問店員點解外賣只寫住$50 ，會收我$51嘅？佢話外賣加一蚊⋯⋯真係好笑，咁點解唔係外賣紙上面直接寫$51呢？如果你話店內菜單要加一蚊外賣就話啫，呢張明明係外賣紙，咁都要隱藏式收費！？真係好唔老實！另外我食完佢嘅嘢我真心覺得係口渴，係咪冇落味精都會咁就唔知，不過就肯定落咗好多鹽，好口渴。冇味精就係加多啲鹽？其實佢哋買返嚟調味嘅醬裏面分分鐘已經係有味精，有冇查清楚？另外想講講，我買呢個外賣係三點零鐘，堂食冇乜人，不過佢都唔俾我喺裏面等，堅持要我喺外面曬太陽喺外面等外賣，咁嘅服務真係好奇怪講返食物質素，麻麻哋，舊肉好乾，外面好鹹，中間有條好粗嘅肥膏，飯粒冇飯香，蔥油好甜唔知點解，老實講真係幾難食，點解要咁多人排隊呢？好食嘅黃店多的是

星期五沒有happy Friday，只有不斷的ot，屯門牛返到嚟已經八點幾九點啦！又攰又餓一於買外賣返去食啦😅其他屯門牛分享新開 閨家雞翼豬扒飯好得，一於就嚟試下啦☺️點了香茅豬扒雞翼飯，店員介紹最多客人點嘅，睇報道香茅豬扒日係佢哋落足心機炮製，果然香茅味好重，入口鬆化，用嚟送飯真係一個唔錯嘅選擇！雞翼都嫩滑多汁，配上蔥油飯果然唔錯👍👍對於我哋呢啲冇乜湯水嘅，仲送埋老火湯，完全冇加味精㗎，仲好足料，飲完舒服曬！夏天熱辣辣係要潤下嘅🤭🤭我覺得ok喎，餐飲加5蚊，凍飲加7蚊其實仲有好多菜色選擇，咖哩、豬軟骨都係我至愛，下次再嚟試下其他仲有佢哋嘅手打手工麵都係好出色🤩

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 8/10服務： 8.3/10味道： 8.5/10影相： 8.2/10性價比 : 9.8/10回頭率 : 9/10➖➖➖➖➖➖➖➖➖➖➖➖➖➖去到糧尾，盡量都想食平D但有時平同健康係吾會並存既🤦‍♀️最近比我發現到，原來呢間「閨家」真係可以兩者兼備架😈.©香煎蓮藕餅豬扒飯 $50一碟蓮藕豬扒飯，只係$50仲送埋自家製無味精燉湯簡值係糧尾福音呀😍豬扒醃得好入味，肉厚肉嫩又幾Juicy🙆‍♀️另外蓮藕餅真係比到驚喜我🙈佢吾係溝左豬肉果種肉餅真個粒粒都係蓮藕粒砌成入口爽脆，Chopchop 聲架👍特別係兩面煎得好香脆添💕附送嘅燉湯，日日吾同款是日係山藥南北杏合掌瓜煲豬展標榜無味精，仲要炆煮最少4小食😎燉湯落足重料，難怪啖啖湯都勁香甜😋.©真手撕雞飯配沙薑汁 $48手撕雞飯都係人氣款之一雞肉偏白，雞味香濃，肉質嫩滑蘸上沙薑汁，溫白辛香吾會搶左雞肉嘅鮮香，反而有提升雞嘅鮮味😘同樣亦附送燉湯啦🙈加配凍飲都只係$7!.©炸饅頭 $20炸饅頭係即叫即炸既👍外層香脆，內裡又軟綿綿加上煉奶，仲甜蜜蜜添😍

今次黎閨家食最主要嘅係掛住佢嘅手剁蓮藕餅，呢度嘅蓮藕餅唔會太硬或者太淋，咬入口到啖啖爽口嘅蓮藕粒，好有以前媽媽煮嘅味道。另外同行家人就叫左個招牌豬扒甘筍麵，其實佢本身係想食紫薯麵嘅，不過店員就話紫薯麵同菠菜麵已經賣晒，估唔到下午一點黎食都冇晒，仲要今日已經唔算多人黎排隊。另外仲叫左個小食香茅雞翼同炸饅頭，雞翼嫩滑得黎而且醃得好入味，而香脆嘅炸饅頭被煉奶浸住，煉奶嘅份量雖然比深水埗嘅分店比下去，但一樣都令我食唔停口。

係新墟巴倫紐戲院對面既呢間閨家成日都排長龍，今日終於忍唔住黎試試佢黎到都真係要排一陣隊。入到店鋪唔大，但粉紅色主題加上插畫個環境好靚，梳化位都坐得好舒服早左黎得早餐，本想試佢既飯同湯，但只知11點半先有午餐，早餐選擇唔多，可惜招牌沙嗲牛麵同新竹米線都賣哂揀左早餐 E 加多士同早餐 F . 豬扒出前一丁，豬扒好大塊，同麵分開上，同麵一齊食好惹味。加埋多士食得好飽，多士有蒜蓉好香仲有歐陸早餐，好豐富好大碟，超滿足，有豬扒，粟米，牛乳炒蛋，沙律菜，多士，餐肉抵食野飲凍飲既話都只係加 $3 飲凍菜蜜同凍朱古力

成日聽朋友推介呢間「閨家」，今次終於搵到機會食佢喇😝慢煮豬軟骨 配 紫薯麵麵款有三類，分別係甘筍、菠菜、紫薯，我揀左比較少見嘅紫薯💜 麵質煮到啱啱好，唔會太淋。如果湯底係用雞湯嘅話，相信能更帶出紫薯嘅味道👍🏼 豬軟骨非常淋身，味道夠哂，食得出係冇落過味精嘅😻咖哩魚柳飯朋友重點推介話咖喱好正，咁當然係必點item啊～無諗過魚柳會係新鮮炸起，上枱時脆卜卜，同埋份量都好足夠！而且我最鍾意港式咖喱，用佢嚟撈飯係特別美味的🤪手拍青瓜夏天最啱食啲冷盤，呢盤青瓜夠哂爽脆。上面配嘅醬汁都好夾，有芝麻同少少辣醬。（個人喜好，我自己鍾意食偏辣啲嘅，如果加多少少醋同埋辣椒就更正啦👍🏼）麻醬海蜇手撕雞海量嘅手撕雞🤣仲有彈牙嘅海蜇～不過平時食開嘅手撕雞係比較幼身啲，如果佢哋能夠撕得再幼啲，相信口感會更佳👍🏼呢間小店都好有誠意，雖然晚飯時段坐滿晒客人，但係上餐速度都幾快，而且食物有水準，滿意💛

慢煮豬軟骨飯🐷豬軟骨炆得好夠淋💕最正係超多筋位，啲骨膠原漿住個口😝香煎蓮藕豬扒飯🐽豬扒大大塊，肉質好淋，唔會鞋口。好少地方有得食蓮藕餅，又幾唔錯。但豬扒同埋蓮藕相對上比較鹹，要配埋飯食先可以。自家製老火湯🫕叫餐會跟餸一個湯，當日係海底椰栗子煲豬展湯。個湯好香栗子味，飲得出無味精，正到秒速清晒🤤涼拌手撕雞🐔係麻醬手撕雞，雖然唔好麻醬，但又出奇地好食，出奇地夾，再加上海蜇唔錯唔錯😚但比較可惜嘅係解凍時間唔夠，成個手撕雞都凍冰冰🙈香茅雞翼🐣有三隻雞翼，雞翼相對細隻，食落正常

由港島開到入大西北, 呢間餐廳到底有什麽過人之處呢？馳名燉湯細細盅, 雖然兩三啖呷完，確實美味。屯門區客源不再是OL, 以後生仔女或一家大細為主, 食物十分大眾化, 雞豬牛任均選擇, 粉麵俱備。點了炒豬扒公仔麵和蓮藕肉餅飯, 配菜有沙律菜、蔥油和酸菜, 又中又西, 任君選擇?一種滿滿的weekday便當感。是日開張初期, 晚上9點過後依然座無虛席, 門口圍滿等外賣的屯門牛。 個人認為這新店餐牌很吸引, 食物有質素, 但欠缺獨特之處, 似是升級版大家樂, 而且座位偏窄, 裝修華而不實, 在屯門這個美食天堂怕會被比下去呢。

今日又係外賣既日子🙋🏻‍♀️平時聽人講閨家好食 好家庭feel今日一試究竟..叫左滷水豆腐 炸饅頭 蓮藕餅豬扒飯先講份量 份量係大份既 男士食一個飯都會飽佢仲跟埋碗湯到味道滷水豆腐係比較浠 味道就麻麻地 唔係好重香料味蓮藕餅豬扒飯～ 蓮藕餅裡面係蓮藕絲 口感幾好 但整體口感係偏粉跟住食個豬扒….食左一啖覺得口感怪怪地一望…. 粉紅色架喎..因為佢豬扒都算薄 無理由咁薄都唔熟掛驚自己睇錯啦 再望真啲… 真係唔熟架喎成個飯即刻唔想食……我 反映左比佢地 但就未有回應我諗我唔會再幫襯🙉🙉🙉🙉

昨晚打擾了朋友一晚，今天一大早跟佢起床，佢帶了我來這一間佢經常來的茶餐廳吃早餐。兩個早餐Ａ：金牌火腿通配香脆蒜蓉牛油厚多士火腿奄列，再各自一杯熱檸茶和熱奶茶。看似平平無奇的港式早餐，一開始是沒有引起我任何興趣的，畢竟我的精神仲同周公對弈緊直到早餐Ａ來到我面前的那一刻，我才非常的驚奇。我用湯匙撈起了通粉里的那一塊東西，問我朋友：請問這是什麼？朋友撇了撇，一臉平淡的扔下三個字：花膠囉！花、膠、囉！恕我這個甚少落街食早餐的香港人冇見過世面，咩時候早餐A、火腿通這些港式早餐里會有一塊大大舊的花膠出現的？？？但無論如何，這一碗火腿通的味道即使唔提花膠都完全在水准之上，加埋花膠就當然係更加升了一級！而另外的香脆蒜蓉牛油厚多士火腿奄列味道都一流，吃得我心滿意足！總括而言，這是一間水准高、ＣＰ值都高的茶餐廳，有機會我會想再來試試其他食物呢！

閨家不知不覺成為了我的小飯堂因為我真係好鍾意飲老火湯再繼續試下個餐牌點了🐱梅子金沙骨飯$56 配湯餸的份量偏少只有5件隻盤細細連埋骨都裝唔滿半盤對大胃的我當然唔夠味道挺好酸酸甜甜幾開胃肉好軟淋推薦度:👍🏻👍🏻👍🏻👍🏻🐱花鵰醉雞飯 $48 配湯有4件雞，全部係雞髀算大件好入味酒味濃清甜甘香肉質厚實但不柴味道不錯btw 7pm後口水雞和醉雞很快售完推薦度:👍🏻👍🏻👍🏻👍🏻👍🏻🐱溏心蛋半隻$6很滑但有點鹹推薦度：👍🏻👍🏻👍🏻🐱香茅雞翼 $28/3隻炸得很香香茅味重推薦度：👍🏻👍🏻👍🏻👍🏻同新開張時比，發現店員服務差左，例如隔離枱要水，但送到我枱面咁有少少甩漏地下磚面有點髒，近廚房放用完的碗碟的地方也很髒亂，會令坐得近那位置的食客感到不安。可以改善一下🤔整體而言，茶記價錢不應斤斤計較。食物味道最重要。如果大份d就更好👍🏻唔洗成日加小食😋