影片
以上资料只供参考，请与餐厅确认详情
今日同朋友想揾中菜食，见到呢间嘢主打闽菜，朋友未食过，就谂住不如试吓。入到去见成间舖咁大冷冷清清， feel到有啲唔对路，不过谂住照试吓无妨，点知一试就中伏。特别点名呢只竹丝鸡！成碟鸡一啖肉都冇，全部都系鸡颈、鸡脚、大量碎骨，每食半啖就要吐出大量骨，𩠌头𩠌尾都好意思收我$168？我礼貌指出冇肉食，老板娘一开始笑笑口话「可能师父捞出嚟𠮶阵捞得唔平均」，话会同厨师反映⋯⋯捞出嚟？！即系佢哋一次过整几只鸡，然后求其捞出嚟一碟！乜而家一碟鸡系咁random嘅咩？咁真系睇运气咋㖞！佢又话影张相俾厨师睇。揸住部手机要影嘅时候，无啦啦又改口，仲要够胆指住啲鸡颈鸡脚，同我讲其实咁样嘅情况都系好正常⋯⋯ 真系好过去抢，又要交智商税。连最简单嘅白饭，都硬到冇朋友。如果对煮嘢食咁冇热诚，不如唔好做啦。
继续阅读
满心欢喜特登去北角食闽南菜，主打想食土笋冻，见上网写$10一件，去到餐牌写$12，唔紧要，照叫，食物嚟到之后，侍应话今日会加价， 变$15，见都已经叫左，都唔系争得多就无同佢争论，不过好失望，唔好食又唔新鲜。另外叫左蚝饼，不过不失。盐水鸭，餐牌写7x，落单呀姐又话呢个价钱既无晒，今晚得番$98，大份d, 谂住一场后黎到都试下，点知得几旧，劲咸。觉得间野好唔老实，餐牌价钱同最后价钱都唔同，啲嘢又唔好食，一定无下次。
继续阅读
厕所连洗手液都冇。叫服务员斟茶递水好似当耳边风咁，嗌佢两次就行开咗就系当冇听过。后来叫咗一只鸭只好咸而且无肉非常难食，侍应仲话呢一只鸭系大陆买返嚟，讲到同佢冇关系仲话系咪供应商嘅错，并且仲话只是加热而已。再加上所有菜都好油，食几啖已经跩晒。服务态度和食物质素都去到前所未有最差嘅水平。
继续阅读
去过一次，服务员嘅态度都系一半一半，不但没有招呼，点左菜上咗之后，叫菜要等好耐，问佢有乜嘢好食，佢叫你自己睇餐牌啦，叫白饭，竟然睇住佢将啲冷饭放入微波炉度叮翻热，真系接受唔到！连咁低成本嘅两碗白米饭都求求其其，稍为有要求嘅人都千祈唔好去，我搬咗入嚟锦屏街4年，系初初帮衬过一次之后都唔敢再返转头，就算其他铺头闩晒门，得返佢一间冇嘢食，我都唔会行入去，佢真系最差嘅一间，仲有一间书局街嘅琼妈妈，芽菜多个鸡，都千祈唔好帮衬
继续阅读
因为同事话未试过福建菜，所以特登黎哩间试下。四个人乱咁叫𩠌，叫左十几样食到最后食唔落。最后埋单每人都系百几蚊，真系好抵食。啲野食又几好味，特登个五香鸡卷，外皮炸到好脆，配埋入面啲马蹄，食落口感好正，第一推介系哩味送。另外个土芛冻，如果敢食既人都可以试下，食落口好爽。至于其他，其实都唔差既，不过整体都比较重口味，食过一次之后要隔一段时间先可以再试。
继续阅读