影片
电话号码
28966379
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
【北區】【阿一豬扒酸辣米綫】本身我發現自己少咗做北區嘅用餐體驗，就一心殺上嚟北區食嘢。但係搭火車北上嘅時候，又真係冇乜 idea 究竟要去邊度食。講緊嘅其實都係兩個火車站嘅選擇，一係上水站，一係粉嶺站。幻想咗自己喺上水會搵唔到嘢食，所以喺粉嶺就落咗車，早啲。喺粉嶺嘅話又唔知去邊度食好，素來就知聯和墟出名多嘢食，咁就行去嗰邊啦。點知去到先發現，幾間都令我提唔起勁食，最後見到呢間喺路口嘅好似啱我一個人食，就入咗去。入到去見到勁少人，周圍咁多間餐廳得佢一間咁少人，就叫個「至尊套餐」食吓。我食嘅係 $55 嘅「阿一豬扒韭菜餃上海麵」，加 $3 飲「凍奶茶」，上菜都冇嘢，食落就知點解冇人。豬扒吹到好正實情又少又難食，韮菜餃係大粒過小餛飩少少，好一般。個上海麵最經典，好難食，凍奶茶就極平庸。埋單 $58，仲要有大烏蠅飛來飛去喎。。。（地址：粉嶺聯和墟和豐街59B號地舖）#1amfoodie #hkig #foodiehkgirl #hk #hongkong #topcitybiteshk #hkeat #foodgasm #followforfollowback #love #hkrestaurant #香港 #香港吃貨 #thatfoodiething #食物 #globaleats #1am北區 #粉嶺 #阿一豬扒酸辣米綫 #至尊套餐 #阿一豬扒韭菜餃上海麵 #凍奶茶 #1am1608 #1ambackup
继续阅读
我叫左豬扒韭菜餃米線少辣+ 凍啡走甜 真係極品，可以每樣樣都有野講凍啡： 0/5 睇住個阿姨沖既，加咖啡粉溝水都好正常，但係其餘個六分五都係花奶，真係好難飲湯底： 1/5 食得出佢有麻味但係酸味就唔知去左邊，我自己加陳醋仲好過佢，個味又淡又唔出，如果佢話個湯底用豬骨煲既只可以話佢舊豬骨應該煲左1個月，完全冇味！ 米線：4/5 正正常常，偏淋 但分量都幾多既可以讚下豬扒： 2/5 以為間舖頭叫得豬扒米線個豬扒好好食啦，結果淨係食到個死咸味同豉油味，塊野又靭韭菜餃： 3/5 佢個包法好明顯就係一粒雲吞，入邊係韭菜咁解。根本就唔係餃子。個味幾好既，但我係想食餃子囉。。。
继续阅读
啲嘢食好難食 完全唔係正宗酸辣 仲要計錯幾次錢態度又衰 同埋我覺得人手少真係好正常 但係真係第一次見一條友做晒廚房收銀同樓面😅😅 後尾就嚟食完嘅時候有個女員工返咗嚟 態度仲要極其差 話佢計錯錢仲要喺度黑口黑面俾說話我哋聽佢個餐牌啲標價好唔清楚 奇奇怪怪 性價比極差 根本就唔值50幾蚊一碗 啲餸又唔係多 菜都係得嗰一條 食過一次之後真係以後都唔會幫襯 難聽啲講句餓死都唔想再食 真係建議大家唔好幫襯 食完成肚火仲要嘥錢😅😅😅
继续阅读
第一次上Openrice搵到呢間酸辣米線，一心期待去食，原來越期待越失望。一入到去，見到每張枱都有客，咁就求其坐係門口位，見就算坐門口位，唔係長期開門都叫ok，之後叫咗豬扒雞翼酸辣米線，嚟到大大碗，心諗正啊，本人好鍾意食酸辣，所以見到甘大碗確實好開心，但當食第一啖時個湯已經係清湯，我再將所有料撈勻，再試，😱🙄😱🙄😱🙄完全一啲酸味都無，只有麻麻地嘅味度，心諗點解會有麻辣😰，個餐牌上有麻辣，酸辣，清湯。但我叫係酸辣wo，心諗算啦，無下次。點知，食食下有個男人又係叫酸辣，話要走辣多酸菜，個女人就話酸辣走辣姐係唔要麻辣啦。謎底終於解開，原來佢哋嘅酸辣係用酸菜加麻辣，嘩，算數吧，到食到一大半，發現有兩張枱應該係親戚朋友嚟食，啲小朋友係到又開門又關門，我都算數。頂你，唔知伙記定老闆娘啦，唔知係咪親戚走啦，開住對門不停係到傾偈，傾咗最小10分鐘，啲熱氣入曬嚟係我背脊徘徊，大姐啊，要傾一係出去傾，好影響個客。仲要食緊你啲湯類嘅嘢。真心唔會有下次。食品唔得，伙記態度一般。大家如果真係想去食真心考慮下，聯和墟都多野食，未必需要選擇佢。
继续阅读
好難食。。。而且米線來講算貴$50幾冇加餸，淨豬排米線，碗野凍嘅一d都唔熱，酸辣米線大辣完全無辣而且碗湯好清 豬排一d都唔好食，十分伏。。再加上service差入黎無人理你嘅，叫落單都要等，餐廳環境不乾淨，(p.s米線愛好者本身食前見到好似幾好味，但真係好難食🙏🏻🙏🏻🙏🏻一d都唔抵食上網睇食評無人咁講所以親身中伏
继续阅读