阿一豬扒酸辣米綫

营业中

休息中

早排各有各忙，#小秘書 已經好耐無同大家圍埋食lunch喇👉🏻👈🏻 呢日難得夾到時間又有伴，我哋又嚟到 #筲箕灣 嘅 阿一豬排酸辣米線，以毒攻毒💀 以又酸又爆辣嘅湯底抵抗31.c嘅高溫... 之不過，#小秘書 身子比較弱，都係要個 #清湯底 撐吓大家啦😅每當見到大家食到每頭大汗，#小秘書 都會暗自歡喜、讚吓自己 #決定英明😅🤣 至於鍾意食 #酸辣 嘅同事當然對 #阿一 嘅 #湯底 讚口不絕啦... 不過自從我第一次領教過嗰種「痹麻嘅口味」後... 都係食得清淡啲好😝過咗年之後，件 #豬扒 同 #麵底 明顯縮咗水，好在我加咗 #蠔仔 做配菜，粒粒都肥嘟嘟咁🤩 正呀喂！

今日eatmug9 #42阿一豬扒唔淨係得豬扒出名佢嘅蠔仔都同樣咁出眾依碗係正常嘅雞絲蠔仔粥一眼望落去 幾咁大幾咁滿簡單嘅四十零蚊已經可以令你好飽肚蠔仔夠多同大 又唔會食到成口沙雞絲雖然唔算嫩滑 但勝在夠多啱晒chicken lover 佢仲要可能外送上門 真係不得了

我係阿一既常客，而雖然有幾間分店，但我覺得筲箕灣呢間係好味d。除左所有人都介紹既酸辣豬扒米線之外，我另一款既至愛就係韮菜餃米線，佢係套餐黎39蚊~然後我有時會叫清湯因為食酸辣太多腸胃會負荷唔到。我鍾意韮菜餃係因為佢都大粒料好足，而且都有6粒嫁，所以都幾飽!配料方面，我覺得白蘿蔔幾好食🙈又係大大舊，都夠淋吸晒d湯!!佢另外有花生我覺得幾香口添!39蚊有埋野飲其實都好經濟實惠，所以我都幾鍾意黎呢度食!

今日相約朋友一齊試下位於筲箕灣既阿一豬扒酸辣米線🤣我地大概一點多到，都唔洗等位，可以直接入去😊佢個餐牌都有好多選擇，但我同朋友都懶得諗啦😂都分別叫左佢地既招牌，阿一真味豬扒酸辣米線，朋友就因為唔係好食得辣，所以就改左鮮蕃茄湯底🙈-🎈阿一真味豬扒酸辣米線可能因為今日人唔算好多，所以佢好快就黎左有得食了🙆‍♀️個酸辣真係幾唔錯，其實我平時真係麻麻地酸辣，好少會係街上叫黎食。今日叫係因為佢呢度出名酸辣，所以就諗住試下，點知真係好驚喜！！！🥰仲要係佢呢度既份量真係唔少，都有好多塊豬扒，都幾抵食，而最終我都唔係好食得哂啊(應該係我唔算好肚餓)😂😂

阿一豬扒麵無論咩時候去都係坐無虛席，所以坐位比較逼，預左要搭檯。但佢嘅豬扒麵真係出色，最鍾情於佢個湯底！豬扒魚腩蕃茄薯仔湯上海麵每次都嗌嘅例牌，蕃茄薯仔湯底係無得輸🍅🥔，湯底濃郁之餘仲會有好多蕃茄同大舊薯仔比你食，變相好似多左個餸咁，面頭有唔少花生粒，好香脆，好多熟客仔都會嗌多花生👍🏻豬扒好入味，魚腩就無咩味但勝在幾滑，上海麵索湯食都幾夾，整體黎講份量好多好足料！小食就嗌左蠔仔，酸辣味不錯，但酸菜多過蠔仔好多，唔算抵食。不過成日都會賣晒，證明好受歡迎，有興趣可以一試！

原本一心諗住去東大街安利食魚疍粉， 但行經阿一豬扒酸辣米線見到好旺場，心想咁多人幫襯應該靠得住， 所以就入去試下。 坐低睇見餐牌介紹，原來香港已經有四間分店，全部集中在香港島，另外澳門同深圳都有分店。第一次幫襯唔使諗一定系食佢哋嘅招牌菜: 豬扒酸辣米線。米線好夠份量，好大碗 ，一上桌就麻香撲鼻，豬扒有兩件大大件，鬆化 入味，配料有 唐芹 蔥花 芫茜 酸菜 花生，為整碗米線齊提升層次感，還有食完咁重口味嘅酸辣米線竟然唔會口渴。

朋友介紹我呢間係筲箕灣嘅米線非常好食，食貨當然唔會放過任何一個食好野既機會啦。黎到已經見到人頭湧湧要排隊，好彩都排得幾快，大概20分鐘就有位。本來想點麻辣米線，不過朋友話麻辣會好辣所以就放棄左，最後我地點左一個清湯，一個酸辣米線。豬扒好大塊，炸得好香，外面脆脆地但係肉質又非常juicy唔會覺得太乾，而且就算浸左湯都依然keep到個肉質。湯底好正，酸辣的味道係口腔一直逗留，好回味。下次有機會都先試下佢地其他款式的米線或者泡飯。

🐹星期日接鼠友放工，突然想起阿一米綫，於是立馬動身四時多去到，假日下午時間店內都幾多人，幾乎滿座。麻香海蜇雞絲這味海蜇雞絲幾乎每次來都會點，因為海蜇很爽口，又有脆口花生粒，雞絲有點鞋，不過很有麻香、辣辣的很開胃雖然是小食，但都夠份量，可以兩三個人分享。蓮藕魚餅酸辣米綫酸辣湯底夠酸夠辣，不會一味酸或一味辣，而且愈食愈辣。三塊藕餅很香口有藕味之前食過招牌的豬排，亦很不錯，鬆口的凍奶茶正正常常啦，茶味較重。🐹：阿一的酸辣米綫是酸辣得過癮湯底來說比一般米綫連鎖店的酸辣米綫好食，而且配料亦較特別。

豬扒韭菜雲呑酸辣米線（$54)好耐無食過！我記得上一次黎食仲係未搬到去東大街嗰時😂 我諗都成三、五年無食。東大街呢間舖仲逼過以前，要四至五個人迫埋喺一張細圓枱，真心講坐得好唔舒服。落左order 好快食得，叫左例牌既豬扒同韭菜雲呑，湯底既麻辣酸香係我暫時食過最好，配埋煙韌既米線真係好正，不過亦feel到落左好多味精😂 豬扒就比得2舊仔，肉質無以前咁腍咁鬆軟🤨 雲呑幾滑溜，韭菜好香，可能太耐無食，整體都唔錯既，當然環境同服務態度有好大改善空間，你明架啦🤐

同事們講咗好幾日要落筲箕灣食lunch，今日終於成行🙌🏻🙌🏻 見靚媽話想試吓「阿一豬扒酸辣米綫」我當然奉陪😁 之前幾次小秘書 都係獨孤一味食豬扒米線/上海麵，今日諗住豪啲啲... 加埋蠔仔落去就出事😭 個肚成個下晝都囉囉攣💨💨💨 希望啪完胃藥會好啲啦👉🏻👈🏻

呢間係筲箕灣最好食嘅米線，有時候路過見到入面好多人，出面又企滿一大堆人，係要迫人放假早D嚟食，唔係就冇機會食！以前拍拖成日走嚟食，越食越多人！我個人覺得麻辣豬扒米線，麻辣豬耳，蠔仔肉碎泡飯，麻辣蠔仔，手拍青瓜等等最好食！

星期六返半日然後食lunch 既熱選，我個人其實都幾愛好食米線，因為味道唔會差，價錢都唔貴得去邊🙈，無論午餐晚餐會食得飽。我呢d究極窮人想食豪dd就會黎呢度😂，食$40🙈🤣呢個餐我其實食過食過好多次，反而較少叫米線，包熱飲，手撕雞係熟雞肉，比較鞋，但都👌🏻既，而且份量足，食極都仲有咁🤣👍🏻，大件夾抵食，而我其實最鐘意佢既酸菜，酸味同鹹味好夾，水晶粉連少少湯一齊食就好好味👍🏻👍🏻。水晶粉好似米線咁上下粗，白色唔透，通常食親都煮得比較硬身，我諗煮淋d可能好食d，自問偏向大食，粉夠多，斯文細食既人應該會食唔哂。熱檸水太甜，唔叫少甜走甜應該會糖尿😑⋯⋯舖面好細，通常d人都要等位，環境衛生差d，不過餐具望落都唔污糟，呢類舖頭係咁上下，不能要求太高。

因為要趕住上堂既關係，所以入左阿一豬扒到是旦食碗麵！通常我都係叫外賣，好少堂食，剛巧天氣又好熱，餐廳內係完成冇冷氣架！真係熱屎人⋯食得非常唔舒服⋯今次我叫左個雜錦上海麵，每樣有d餸咁，但係豬扒得一塊！我覺得份量比外賣既少！同埋今次食完之後覺得好口渴呀！我已經叫辣分開上，但係mix埋落湯到都令人好口渴！天氣熱既時候真係不直幫襯⋯

行山前朋友帶我地去大東街食野。佢話阿一酸辣豬扒麵好好味，咁就梗係去食啦！店面其實好細，咁啱隔離嗰台坐得好多人，所以搞到我地連遞起手拎筷子嘅動作都好困難😂不過食大過天！冇野難到我地！我地四個人都叫同一樣野 - 酸辣豬扒米線！酸辣湯底正，夠酸唔係好辣。豬扒好大塊，好入味！本來怕豬扒唔另上會好淋，點知浸住湯都冇令到塊豬扒個質底仲係keep得好好，仲係好有咬口！另外，佢地個酸菜真心正，好爽口，而且味道唔太酸唔太甜，啱啱好！😋 見到隔離枱個涼拌雞絲海蜇好吸引，又忍唔住叫黎食！嗰涼拌就唔係好涼拌，似暖拌多少少😂海蜇唔係太入味，好彩雞絲同啲酸菜搭救！整體黎講，呢餐係抵食同好食嘅！

一直聽聞這間豬扒米線很好吃，今天終於有機會可以試一下。在星期一的下午稍晚的時間，店裡還是有很多人等著，可是不用等多久便有位子。在門外走進去經過看到的都是食豬扒米線，故坐下後沒有多想就決定點菜，因為不想吃米線故改了上海麵，我跟朋友就點了豬扒酸辣麵跟蠔仔酸辣麵。豬扒麵先上來的，端上來就看到很大一碗，豬扒更有三塊，份量十分充足，而且每一塊也是啖啖肉。豬扒吃看來很嫩，也很有味道，真的沒有來錯地方😋然後到我點的麵到了，蠔仔都好大隻，完全是我想像以外，平常吃蠔仔粥都好小的，這裡真的跌破眼鏡，而且食起來很鮮味，完全沒有臭味，真的大推薦👍🏻而且酸辣的味道適中，並沒有偏向酸/辣，愛吃辣的更可要求多辣，下次也會來的😎