阿土麵線 (已結業)

食過一次西門町既阿宗，好好味！可惜當時仲有好多其他野想食，於是想encore都要放棄．估唔到呢間麵線相似度有90%！一碗中size($15)同男友兩份分，睇過食評話d佐料好辣，所以雖然嗜辣都唔敢貪心，只加左一匙菜甫．味道真係唔錯，不過企o係車水馬龍既十字路口食熱野，就令大汗既男友好辛苦，而且咁大塵唔係咁衞生．咁好生意不如開間o係商場foodcourt啦．

最近係OPENRICE見到阿土麵線人氣甚高，今日經過旺角，就買一碗試下到底係咪咁好食先我要左12蚊份量麵 + 6蚊蚵仔首先碗麵唔夠熱，只係微暖，味道已經大打折扣麵線好幼，談不上什麼口感至於湯底係成碗麵既敗筆，幾重味精味，飲左幾啖已經口渴蚵仔6蚊有4粒，細細粒，不太肥美，得幾粒蚵仔唔會覺飽肚左唯一可讚的是D辛辣配料醃得幾好味，因為自己食得辣，所以都加左幾多落去，算係為呢碗平淡既麵挽回唔少分味道唔係叫差既，但價錢我覺得唔抵，同樣的18蚊選擇食車仔麵仲好

睇左openrice咁多食評點都會心思思想去試下早兩日放半日,同男友行街終於可以試下啦標準size$12+蚵仔$6+台灣香腸(粒)$10=$28唔係自己計下數,仲以為係佢計錯數,因為好多人都話十幾二十蚊一碗．面線,同想像中唔一樣........好碎同好幼又好糊仔,真係無咩口感.附有的大腸都食,俾晒男友食.．蚵仔,好似都有6~7粒.但係有大有細.男友讚幾好食.．台灣香腸粒,呢個好食呀~^^~終於系香港搵到一間好味既台灣香腸其實碗面線味精都幾重,不過味道好令我懷念.因為以前讀書時,有一個台灣朋友系台灣帶左原材料返學校,煮左魷魚羹湯同煎台灣香腸俾我地成班同學食.果種味道搵左好多年都搵唔返(因為我無去過台灣).而呢碗面的湯底正是魷魚羹湯的味道,台灣香腸都好好味呀^^總結：成碗面線小女子覺得都ok~尤其係台灣香腸.男友就列入"唔好食".不過呢,味精的確好重........

姓名: 阿土麵線 地址: 旺角亞皆老街107-111號皆旺商場地下G3A號鋪味道： 1 (味精) 環境： 2 (旺角鬧市 , 環境點會好 ? 係易搵lor.)服務： 4 (唔錯) 衛生： 1 (旺角鬧市,沙塵滾滾點會衛生?)抵食： 1 (細size $12 , 加配料要$3以上 , 好食都話抵食啦 , 成碗野都唔得 , 抵食?)總結: 經常係"仙乜岩"麵線 , but都知唔係正宗,大半年前聽聞呢間野,今日終於有時間一試.地理位置一流,坐正洗衣街&亞皆老街交界.獻出第一次,所以溫柔d叫左個細size+豬大腸,$15.望左幾眼前面d自助辣配料,都覺得o拿眼,更何況我唔吃得辣,so我冇加d辣乜辣物落去.我行左去舞雷宮咁遠一個公園仔吃,唔想一邊吃一邊吸塵o麻.明知係小吃,so我唔expact個賣相如何,但聽見味道讚多過彈,所以有d期待.原來...當我打開個蓋,吃第一口,味道一流?入味?我只係食到叫做"味精"既味道,"味精"的確入味lor.我仲以為自己食緊"味精"餬仔添.豬大腸呢?我食哂d一粒粒既配料,都唔知自己有冇食到.....我只知道食左一半已經覺得好口乾,掉左落垃圾筒,跟手去

見openrice咁多人試過，經過「阿土」咁多次既我就點都要試一試啦~ 今次我試左最多人捧場既 蚵仔+中size既麵(因為食左飯，唔係就一定試多幾款餸)，加左半匙辣菜甫及辣蘿白，原本想加多d，但or既食家話到呢d配菜咁辣，我就唔敢亂黎啦......但係....食得辣既我就一d都唔覺辣啦...有機會既話，我一定要落多幾匙先得!!講返d麵線，我個人覺得似碗仔翅，粉絲改左係麵線咁啦!味道就...幾味精湯，食哂之後好想飲野。難食又唔算既，好食就...未至於!! 5蚊5隻既蚵仔(蚵仔黎講，都幾大隻架喇~)，味道都唔錯，都幾鮮味。今次唯一既失望係...無醋呷呀!! 那瓶醋無哂都唔添加架...激死!!環境低分左...無法啦，話到尾都要企係馬路旁or行人路度食...

見網上面有咁多人話好食就心思思想食 點知可能係希望太大啦... 或者係唔岩我口味.. 就真係麻麻地我要左中$15+$6蚵仔=$21配菜真係好辣...我食得辣都覺得辣 蚵仔 6蚊 算係咁 配菜豬腸多左d唔係幾粒 同埋好多人都話唔夠熱 不過我就覺得太熱啦整體一般,都係x仔翅好味d

對麵線無咩喜好, 之前去台灣都未曾幫襯阿宗. 半個月前膽粗粗見人多去試下, 誰不知味道淡, 不夠香.上星期去台灣順道試下阿宗, 原來台灣嘅阿宗真係比阿土好食好多

見到d人對呢間野既評價咁高..心思思點都要試一試..兩個人叫左個大size試下..加左蚵仔..大腸同埋元貝..蚵仔:$6有四粒到..都幾大粒下架..大腸:$3..唔抵食..得好小好小..食左好似冇食過咁..元貝:$6..最唔好係呢樣...好大陣腥味..見到有辣菜甫同辣蘿蔔...加左小小..已經辣到噴火..唔食得辣真係唔好試..食完覺得都冇咩特別..而且唔算抵食..感覺同食碗仔翅差唔多..而且仲要係暖既碗仔翅tim..真係唔明點解會有咁高評價..

講真如果我未試食台灣既阿宗麵線我都會覺得依間OK..但好可惜我半年之前去過台灣試過一比較下..真係差好多..食落去麵線可能煮得太耐..一D都唔好食

上星期去旺角附近食 所以終於有機會去試下阿土麵線叫左個小既加蠔仔 加左好小既辣蘿蔔 有芫茜同醋落左即刻行埋一角都gf分享$6既蠔仔都有6粒到 大大粒 唔錯感覺上比台灣既無煲到甘腍 同埋食到一半已經稀左不過就甘食一碗麵線黎講真算幾好味了又飽肚落左好少都已經幾辣了 睇到隔離個人食到雙眼通紅甘好辛苦相信都落左唔少...

<<阿土麵線>>有三個size的麵線給顧客選擇 (小：$12, 中：$15，大：$18)，並可以每樣$6的代價加上配料！當天我要了一個中麵線，再加蚵仔：麵線 (配付豬腸)：味道極似<<阿宗麵線>>，味道較阿宗淡一點，但味道依然不錯。蚵仔：基本上是蠔，怎會是蚵"仔"。有五隻「蚵仔」，每一隻都大過我的姆指。但味道亦真的很好，值得一試！和吃完<<阿宗麵線>>一樣，口都是很渴，相信都是下了很重的味精……但…整體上也是一個合格有餘的小食！對於<<阿土麵線>>，我卻有另外一些意見：(1) 麵線 + 蚵仔，價錢是$21。對於小食來說，這無疑是偏貴一點。在味道上，的確可以"一"試。但要再試，再食同樣的味道，這$21未免太費了……(2) 座落皆旺商場旁的<<阿土麵線>>，佔據了街角的有利位置。這亦是旺角其中一個最繁忙的街角，亦是我心目中的「食塵位」！由於店子極小，如顧客想即時享用買了麵線，便要站在馬路旁，到時便會有免費加料！幸好當天較早到，人和

終於試倒啦!! 我屋企人好鐘意食呢隻台灣麵線, 我地次次去台灣都一定食。佢話0係香港都搵唔返台灣果隻咁正!! 今次特登黎旺角食呢個阿土麵線, 一人叫左碗中size, 15蚊, 再加6蚊0既蚵仔. 21蚊碗.一入口,台灣果d味度返返黎啦蚵仔就好大舊, 不過味道都過得去啦! 最攪笑係佢地d膠羹都同台灣果d一樣~加埋佢要企0係條街度成, 真係夠哂風味!! 值得再試!!

其實想試左阿土好耐﹐終於試到喇! 要了細size $12 因為鐘意食蠔所以再加了蚵仔。一看之下個樣都幾討好﹐杰杰的質感像我們熟識的碗仔翅﹐有數小粒豬腸。服務生有禮地問我們要否加香菜等等...因為我未試過所以就照單全收了。 加了一丁點辣菜甫和辣醬﹐ 辣菜甫又香又脆﹐拌均後味道不錯而辣醬原來都幾香。雖然只下了一小點的份量但辣度都幾厲害!! 哈哈~ 我見到好多人起勢咁落辣菜甫呀﹑辣炸菜﹑辣蘿白然後又要話:「好辣呀﹐好辣呀!」...隔黎間Happy Lemon就係喱個時候發揮佢既工效o勒。 蚵仔很大隻呀﹐ 簡直應稱佢為蚵佬!! 味道ok, 唔太腥又無話霉同埋無煮過老。一碗有4隻﹐ 都唔係貴。至於朋友就要了蝦﹐味度都唔差﹐份量就幾多不過味道唔及蚵仔。 下次要試埋蟹肉同腸仔先得!!唯一我覺得美中不足係佢唔夠熱...食既時候溫度只係微溫意而已。味道沒有remarkable / amazing之感, 亦能成為個人的開飯之選但是我愛零食﹐這裡正好是我零食之選之一! 最Good既係份量不大﹐吃完後還可以再去食壽司呀﹑買燒餅王呀﹑小丸子呀...

旺角美食團又黎料! 今次到阿土麵線!首先要揀麵底既size 標準$12 中$15 大$18大真係好大...所以揀左個標準就算連麵送幾粒豬大腸 另外自己可以加d材料我加左蟹肉$6 然後加d辣菜甫 起快~!~!食落個麵唔似麵 似d金菇絲 口感幾特別6蚊雞既蟹肉都算係咁 起碼冇肉味同up味個湯底都幾香 加左辣菜甫 好惹味 不過咸左少少overall黎講都算唔錯 不過要企係條街度食就麻煩少少

阿土麵線,標準$12,包括大腸,芫茜及香醋等配料.可能加左芫茜同醋,所以覺得味道好港式.大腸只得四五粒..食完之後個口一陣蒜味.食果陣又唔覺woo~haha~ 唔記得試埋辣菜甫tim~