阿土麵線 (已結業)

可惡!食左阿土唔叫我!!唔理, 今日點都要拉人黎陪我食! 食左兩次都唔理!哼哼!!蚵仔麵線, 哈哈, 好似食緊碗仔翅咁, 不過幼滑d, d 蚵仔好大隻, 有成隻spoon 咁大! d 辣蘿蔔更加是正!! 2個人share 一碗剛剛好~~之後見佢有冬瓜茶即刻叫返杯先~ e, 都幾好飲wor~好台灣gei 感覺!good!食完麵線飲返杯冬瓜茶剛好~解渴消暑~正

意尤未盡, 於是同好友食家"乜都放入窿"拿拿聲轉戰黎到呢間人氣食店, 呢間人氣食店真係兩位食家都未試過, 所以去到都幾期待!冇咩人龍, 於是拿拿聲柯打左兩碗細嘅, 咩野餸都冇加, 等到兩碗麵線到手, 師傅就加左少少辣蘿蔔同少少辣炸菜, 落左少少辣油添! 之後又再開餐, 先試一啖, 熱辣辣而味道都幾討好, 都幾好味, 攪勻d辣配菜再食, 發覺d配菜真係幾辣, 但辣得真係幾惹味, 唔錯; 而碗麵線嘅感覺就好似碗仔翅, 但口感比碗仔翅更正, 加上冇咩味精, 好味!總括黎講麵線質素頗好, 服務可以, 而價錢都幾抵食, 十二蚊一碗細嘅, 如果要加餸就再加錢, 都算幾抵食; 呢間人氣食店果然有一手, 雖然食完碗麵線師傅已經身水身汗, 但依然覺得物有所值, 算師傅孤陋寡聞, 點解麵線冇麵呢? 點解會係成碗湯呢? 不過真係好好味, 所以笑臉會比, 有機會一定會再黎!

未去過台灣唔知台灣有幾好食但試左呢間野幾次感覺很好好好味wo雖然要在沙塵滾滾既馬路旁邊食我也甘心樂意推介未去過台灣的你們

前日同男友出左mk搵到哩間野~就走去試下我地叫左一個大(18)+蚵仔($6)=$24一齊share食不過碗野一d都唔夠熱(因為我鐘意食熱辣辣既野)同埋d豬肚定唔知d咩真係得好少....個蚵仔又係得3粒....腥腥地我食左1/3就俾晒男友仔啦佢都話冇想像中咁好食因為我地個陣去過TW食過正宗既阿宗一次,就夠了

好好好好好好好好好好好好好好好好好好好好開心吖!!一個人行行o下悶街竟然會遇到朋友!!佢仲要帶我去食期待已久o既 阿土麵線 ~{因為好朋友仔竟然自己去o左, 唔帶我去食!!}oh~ 我實在幸福了~要了standard size, 再加蚵仔~二人決定食晚飯前, 先塾一塾底!!加o左辣蘿蔔, 真係好好味~而o的蚵仔又有2/3隻外賣spoon咁大隻!!有o的令我一試上癮!!$15, 一碗麵, 兩個人食, 都ok抵!!下次行過, 幾飽都一定要再食!!P.S. 朋友話... 好食係好食... 但好似都有唔少味精... 不過... 可能只係因為濃味je~

知道有雜誌介紹過阿土麵線，亦因為我之前到台灣西門町食過阿宗麵線，覺得非常之好食，所以星期六行開旺角，便即刻去試試。第一個感覺，間舖比起西門町那一間整潔。我要了一個蚵仔麵線(細$18)，除了蚵仔外、麵線內還有元貝肉碎、可免費加配料，如莞茜和醋。如果未食過台灣那邊的麵線，這次感覺應該好新鮮，但係一有比較，就覺得旺角這間欠了什麼似的。對！是欠了台灣當地的特色，那熱烘烘的食物，麵線的熱湯和那香濃的味道，都找不到。找到的，只是一種感覺。幸好，兩位店員非常有禮貌。

記得第一次遊台北時就愛上阿宗麵線,之後每次都要到西門町頭尾吃兩次才心足,數月前旺角新開了這間阿土麵線,簡直跟西門町一模一樣,自此每次到旺角都要吃一碗才心足,建議加莞茜,黑醋才跟台灣的原汁原味,加蟹肉都唔錯唯上次叫honey外賣回來馬鞍山就傑左d啦,所以大家都係貫徹掃街特色啦,但發現一些不喜歡吃碗仔翅的朋友就會討厭吃這類美食了

之前睇到雜誌介紹，加上又好Miss台灣既阿宗麵線喎，於是收工就捉埋男友仔出旺角試下阿土麵線，睇下係咪可以保持到台灣既原汁原味啦。首先，講下環境先，呢間鋪位處於交通繁忙的街角，人流雖多，但在這種人來人往加上廢氣極多的地方捧著麵線來吃，始終有點吃麵線撈塵的感覺。至於味道，如果沒得比較台灣阿宗麵線的味道還好一點，因為也算不過不失有點特別，但要是真的跟原汁原味的阿宗來比較，香港的阿土味道是淡了一點，而口感上也較為稀一點，整體上，Ok，只是$18是有點兒貴吧。

上次試過一次後, 即刻帶埋男友黎試(因為佢好鐘意台灣野)同樣加左蚵仔味道比上次好似淡左少少懷疑人多得滯, 佢落調味時馬虎落少左蚵仔仍然係好大隻~ 哈不過男友嫌太少大腸, 食完都唔覺喎!!!得閒來食下, 唔使次次都要過去台北先有得食~!

細+豬肚豬腸同豬肚都切到好細粒,,個味都ok,,同阿宗都似似地但覺得d面線唔夠爛,,重有d硬硬地既一條條感覺,,,不過d菜甫同羅白都幾辣...但正會俾多次機會去試下

見到食評寫得咁好....我都為食不甘後人....一定要試埋佢.....但係.....都唔係話太好....2個人每人叫左個細碗黎試.見到有配菜......之前睇到評友話幾辣....所以只係放少少...攪勻就食....d配菜都真係幾辣喎...只係落左2匙左右...成碗都夠辣味....買既時候見佢話唔落味精....但係食落.....就發現勁重味精....食左幾啖開始....己經異常咁口喝......食晒之後.....唔飲返d 野真係會想喊呀....最後飲左一大杯奶茶......成晚勁飲水...

去完台灣,男友好鍾意阿宗麵線~一聽到人地話阿土麵線好似阿宗,我地就去試試~~阿土麵線($12):好味!!好似阿宗麵線ge味~幾濃~不過,d大腸好好碎..~落左佢地ge辣菜甫,幾好味,幾辣~但係,,都係唔想落咁多,會搶左阿宗麵線ge味~但係...食得好辛苦,,又對住條馬路,,又有人食煙,,又係咁俾人撞~~

上星期第一次食好正既麵線特別係個湯底加埋大量醋, 辣菜圃, 辣蘿蔔, 辣柞菜簡直係人生一大極品我一個星期食左3次今日又食左之前係度睇食評....好多人都話好多味精今日睇店舖定入面的雜誌頁張張到寫住無味精係咪真係無呢??諗落都可能係....平日食完唔會好口乾

上星期六同男友去開皆旺，見到間野人頭湧湧~~旺角又焗又熱既天氣都咁多人食，就叫左一碗標準既試下~~我加左蚵仔，幾大隻~~又幾滑喎~~冇沙~~但佢本身既配料就真係少之又少，可以話係冇咁滯~~由於未試過食麵係用匙，所以個感覺都幾得意~~d麵冧冧地~~男友話似食緊碗仔翅~~但我覺得佢d湯都幾多味精~~一讚既係佢既菜甫、蘿蔔係任加，而且好夠辣，加落d麵度食幾正~~

個人約咗friend係附近等，見咁多人幫襯於是又走埋去試試，叫咗個蚵仔麵線加大腸，ｄ蚵仔size都幾大粒，不過入口過ｕｎ，口感一般；大腸既口感同樣一般，可能是ｄ大腸太碎關係；反而比較好食既係任加既辣菜圃同蘿蔔，菜圃既味道拍得住＜通達＞油榨麵個度ｄ菜圃，而ｄ蘿蔔由於索了大量湯底，亦非常入味．雖然係街度食，好有台灣feel，但大家都知道個度車來人往，環境一般．