阿貓地攤

营业中

休息中

環境清淨，冇其他人講到咁嘈，呢個係第一個point；其次，作為一間可以俾你嗌一份嘢食或一杯嘢飲就可以坐足一日同貓貓玩嘅cafe嘅價錢幾十蚊一份加一，我覺得好合理。最後，味道方面，我覺得算系咁，但唔會系難食。食評呢家野，你當然可以選擇信，太極端嘅一睇就知咩料。

假日去銅記，2人順便食lunch，本身想去的店子已full (下次要記得book)，即搵第二間，黃店先決，身在寶明大廈，就算幾多選擇，睇到阿貓地攤，一於去下，見到小動物人都開心點。 入到門口，已見到有隻小貓企定定係到，感覺好似歡迎光臨(又諗多左)，後期得知叫薑薑，好可愛，時間12點多，剛好有2位，太好了。  店子的佈置，都幾可愛，天藍牆身白雲燈，璃窗及牆上貼有貓圖，不少貓精品，玻璃箱內的貓午睡中。 好活躍的貓，見介紹好似叫冧冧。 適逢聖誕，有小佈置。 餐牌，除了食物，仲有關於喵喵的介紹。 忌廉南瓜湯，個杯好可愛，香甜的南瓜味。 和風牛肉貓飯，$138，太耐冇食牛肉飯，見到好想食，飯是喵的造形，好可愛，而喵表情是用芝麻醬，飯份量較少，牛肉份量適中，肥牛大片，味道濃郁甜甜地，正常水準。 咖喱豆卷貓飯，$138，友人的，豆卷賣相似雞腿。 焦糖咖啡雪喵，咖啡味都幾淡。 鬼仔(Oreo牛奶+雪糕)，友人的。食物味道普通，有點偏貴，但可同貓玩，良心小店，必支持下。那天的風景。

睇左黃店地圖而來 但給我一種伏既感覺1）環境一般，尤其卡位啲座位同公仔都勁污糟，好似幾年無洗咁2）menu既質素唔多符合價錢，一個餐加埋一大概百五人一個，但個水準係中等偏下，都無正常cafe水準，我地食既係雞扒飯同肉醬意粉 3）當店舖既人多左之後，明明間cafe仲有其他位，但個店主？職員叫我地坐入去，之後仲無問我收埋我啲嘢食，但我杯野飲其實未飲到一半，我覺得好唔尊重我哋有趕走我哋嘅意圖，佢咁做我以為自己係食緊茶記，但呢間係cafe 簡單黎講，都係果句，我支持黃店，但唔代表會盲撐黃店，因為的確試過幾間唔同黃店無論係質素環境同埋接待方面都係強差人意！結果變左貼錢買難受！

Weekend 無無聊聊唔知去邊好，唔想太勞動但係又唔想留係屋企，最啱就係搵間Cafe Hea下最後黎左銅鑼灣的阿貓地攤探下可愛的小貓貓阿貓地攤的貓貓數量其實唔算多，為數不出十隻，不過港島租貴，都唔可以要求太多兩隻貓仔依偎一齊訓覺覺好可愛<抹茶雪喵$48>食完lunch 先過黎，所以每人叫左隻野飲算抹茶雪喵姐系抹茶沙冰，講真，抹茶味唔系太出，D冰太快溶，麻麻地<凍朱古力雪喵$48>凍朱古力雪喵比起抹茶雪喵好飲D，朱古力味夠濃夠rich ，飲完大滿足上面pat cream 好邪惡，不過有佢成杯朱古力更creamy 睇貓為主，飲野不過不失

呢間係有參與罷工又有連儂場既貓貓🐱cafe☕️ 點可以唔懲罰下佢呢😤😤-入面d貓貓都好q 😍有d係領養翻黎 都好乖乖 摸佢地都唔會咬你😂😂 -而食物方面呢就普通啦 主要都係睇貓貓🤣🤣 個黑松露蘑菇意粉🍝都唔錯既 唔算好creamy好膩 松露味適中 不過價錢就貴咗小小 lunch set的話 個人覺得唔叫野飲會抵食d😂😂-鍾意貓貓既就記得上去睇下啦！-

隔左成八，九年終於嚟多次阿貓地攤啦一入到黎門口就有喵星人在門口歡迎隻隻都好乖 唔怕人 仲好俾人摸添食咗一個照燒雞扒飯 成個碟排到好似貓貓星人咁普普通通不過不失 略嫌有啲貴不過為咗睇貓 就冇所謂啦

一直對貓狗咖啡店抗拒，這次並沒有改變我的想法。該間貓貓雖可愛，但環境一般，食物更一般，$48元飲品淡而無味，地方淺窄，物件擺放雜亂，客人嘈吵，店內音樂比客人更嘈吵，一個不舒服的體驗，不推薦。

第一次去阿貓地攤，原本以為店內會好似其他貓cafe好重貓的味道，但意外味道並不大！整體氣氛休閒，有空時候去那邊休息是個不錯嘅選擇☕☕餐牌大部分的食物名稱都會貓/喵字在內，價錢並不太貴。而且餐牌內有每隻貓店長的資料和有關貓的小知識，我覺得這方面十分細心，可以在客人接觸貓前可以先了解一下貓店長們😍我今次我叫了心太軟拼雪糕，薯條和幻彩喵梳打，味道不錯😋😋而且有下午茶優惠！CP值高✨✨✨💕店裏有個玻璃櫃，有些貓會在裏面睡覺，可以看着牠們睡！畫面超治癒~另外店內有好多關於貓的擺設和商品🐱今次體驗十分滿意~有機會一定再嚟多次!!!😍

最近轉了新工，來到了銅鑼灣，初到貴境，每到lunch time總係煩惱吃什麼，終於我記得朋友曾經介紹過我這間Café，就趁今天上去試一下。原名”阿貓地攤”可能大家都有略聞，後來改名為”貓仙島”因為換了合作伙伴，所以來個大翻新！可能剛開門不久，小貓們都在餵食，還以為一開門會有很多貓走到腳前，哈哈！這裡環境舒服，播著悠揚的音樂，沒想到繁忙的中午我會有點悠閒的感覺。這裡除了有貓貓外，還有很多不同類型的貓東西，由壁畫到精品小食，都全關於貓貓的，可見店主真的很喜歡貓，主子們也應該樂而忘返了。看了一看餐牌，選擇種類很多，幸好我強行把同事都拉過來吃，總算可以試多一點東西。我們點了一個水果茶，驚喜原來都是貓貓的茶壺，十分精緻；還有貓貓雞扒飯都甚有特色，不單止賣相可愛，味道也可以的！還有B哥卷，感覺很特別，吃後有點飽….吃飽了開始行動玩下貓，原來她們還真的很有心會替客人拿來的小貓找一個新的家，如果你都認同她們，不妨出一分錢，可以讓店主有能力護理貓兒的日常生活 🙂

星期日下午兩個人想搵cafe坐下，我地都好鍾意貓貓，所以決定再去阿貓地攤。對上一次去已經係4-5年前，e+除左係cafe外都有賣貓曲奇，其他小物，佈置都有d改變，感覺靚左同舒服左。我地一入去就有位坐，唔算多人，幾岩想靜靜地坐下既人，坐左4人枱近窗邊，有得望下街景，幾cozy。貓貓唔算多，好多都訓得好安穩，望下都覺得好治癒。其實同貓貓相處唔係一定要佢同你玩，所以我覺得可以同貓貓share同一個空間都已經好滿足～叫左兩杯野飲，有士多啤梨特飲同果茶，正確名唔記得啦，賣相好靚，少女心滿滿。果茶既茶壺同杯都好可愛，只係唔係好多。味道上不過不失，算唔錯。兩個人用左100到，性價比高，想搵個地方坐下傾下計，又想見到貓貓既人可以一去～

(((o(*ﾟ▽ﾟ*)o)))♡我去的時候雖然很多貓貓都不太活躍，但其中一隻小貓走到我桌上企圖喝我的抹茶，牠的樣子趣可愛，這裡令我覺得好放鬆，而且食物味道也不錯，有機會我會再去(≧∀≦)

以前阿貓地攤的食物ok, 環境好和多些名種貓，但自從𨍭手後，跟我上次來和今次來對比，感到愈況愈差，食物真的一般，少食物選擇，又貴，重點是每次落單也要收加一，這個是重點，沒有人service 都可以收加一，食物又少，而且上來沒有貓看，所有貓已躲起睡了，而且哪些貓只不過是唐貓，不是個女要看貓的，我真的覺得不抵來，整體食物質素和環境不值這個價錢，一次又一次失望😞如果他們再用這個方法経營，我相信好快便結業，因為今天星期日應該是很多人的，見只是得幾枱客，他們應該檢討自己経營手法了😪

今天復活節假期最後一日 原本打算食午餐後返屋企 但因喜歡動物所以去了阿貓地攤 食左炸芝士條 脆雞翼 味道吾錯 炸得又脆 坐位亦舒服 因坐了梳化卡位 非常舒服 初初去到見吾到D貓貓 以為中伏 後來有人話俾我地知原來D貓貓大部分都在高處櫃頂睡覺 初初都有D失望 因同吾到貓貓玩同摸佢地 後來過了三 四個字D貓貓訓醒 開始跳下來周圍走 仲非常之乖 任摸吾嬲 所以好開心 即刻同貓貓影相 拍片 地方都闊落 感覺舒服 同埋因當時店內吾算太多客人 所以非常舒服 可以追住D貓貓四圍走 渡過了一個非常開心舒服悠閒的下午時光😋😋😋👍👍👍👍👍

喺香港有好多好有特色嘅主題餐廳，今次去嘅主題餐廳就係以貓為主題嘅阿貓地攤阿貓地攤位於銅鑼灣富明街，喺銅鑼灣地鐵站F1出口只需行3分鐘左右就到，地點非常方便阿貓地攤已嗎為主題，食物亦10分有質素今次點左兩個套餐，分別係照燒雞扒貓飯同埋黑松露蘑菇意粉，飲品方面點左朱古力雪貓，套餐亦有跟兩個忌廉南瓜湯；個人來講，覺得黑松露意粉最好，黑松露醬配合各種蘑菇， 10分好味，忌廉南瓜湯亦十分出色，連平時唔鍾意飲湯嘅小朋友都飲得十分開心另外點左兩個小食，分別係B哥卷同埋貓pizzaB哥卷係手撕雞手抓餅，配合千島醬， 十分醒胃貓pizza外型可愛，連小朋友都唔捨得切開佢餐後小朋友同貓貓玩，貓貓亦非常合作，係一次愉快嘅用餐體驗

身為貓奴既我有貓cafe當然會黎，到我到達cafe時，發現餐廳無叫我地除鞋同消毒雙手，唔通佢地唔擔心食客帶好多細菌比d貓貓？坐埋位叫野食之後，發現食物貴得黎，份量又少，仲要唔好味，叫左杯士多啤梨沙冰之類既野，完全無味薯條28蚊得十幾條，都唔知係咪買空氣送薯條。不過我知道黎得呢d地方貓貓先係重點。點知原來間cafe得幾隻貓，仲要出黎活動既永遠只有一隻，其餘都唔知去左邊，d細路不斷係餐廳追住d貓黎跑，不斷大聲叫，真係覺得d貓好慘。我地坐左3小時後，無啦啦有個店員同我講話我用餐時間得90分鐘，我地已經夠鐘乜間cafe有講明限時架咩？！你地menu無寫過，我入黎cafe時你亦無提及過，因為cafe要比下一批客人入黎而趕我地走，會唔會太過分？我從來未聽過cafe有用餐時間，就算有你都應該一早講清楚。店員係趕我地走之前亦要求我地調位去就其他客人，令我成個感覺係想趕走我，我又唔係無買野食，點解要咁對我地？一句講曬，貓又少，食物差，價錢貴，借貓之名開cafe，店員態度差。