阿里山珍珠奶茶便當 (已結業)

今日收爐即刻叫杯飲品賀賀佢2杯黑糖珍珠炭燒烏龍奶茶少甜少冰甜度啱啱好烏龍茶好有茶味珍珠又好煙煙韌韌而且仲好大杯添折完先係$44 好抵飲飲足成個下午🤗🤗🤗#foodiebuddyhk

叫左個紅燒牛肉麵, 竟然係油麵 仲要麵唔熟 有陣鹼水味 無論麵 牛肉 湯 都無一樣合格。。。。。麵連野飲七八十蚊 呢個價仲要外賣做左超級大傻仔個廚師有冇試過自己手勢? 咁既水準 我食公仔麵無咁嬲

用外賣平台叫佐3個外賣，一個香酥排骨麵，雞扒滷肉飯及牛腩滷肉飯，一打開份量很多，雞扒好大塊，飯類唔夠熱但可接受。。但食到中途發現，其中兩個飯都有毛髮，超級嘔心。。。一開始仲以為牛腩上係牛毛😂但另一滷肉飯上係好清晰有彎度嘅毛髮，真係接受唔到。。。餐廳最基本衛生都無，幾平幾抵食都無用，之前都有成日幫襯，覺得佢哋性價比高份量又多，但經過今次見到咁樣真係好失望，諗起都想作嘔，一定唔會再幫襯。。。無下次。

又到lunch time要諗食d咩，今次外賣叫雞扒肉躁便當配凍綠茶，用app買$53 雖然外賣速遞遲左d，但d飯都仲保持暖溫。同事叫鹽酥雞外皮都仲脆，但我盒雞扒肉躁便當呢就味道一般，主要雞皮太厚好肥好油，肉躁好多肥肉，可能有人鐘意肥肉食落香口d，但我自己覺得太肥膩，雞扒份量係多既，肉躁d汁都好味，但豆腐同蛋就偏咸，應該浸左好耐豉油，變到好咸，綠茶正常。每個人口味唔同，本身唔太好肥膩野，可能岩其他人口味都唔奇。

地址：九龍灣宏開道15號九龍灣工業中心地下2A號舖突然又想食台灣野，咁岩經過就決定行入去試下呢間台式紅燒牛肉麵🍜 $63，肉麵份量非常足，湯底色澤呈啡紅色但無咩牛肉味😂，唔夠香濃入味。牛展肉質就比較硬，中規中矩；不過不失🤣。#nicefoodie九龍灣----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover   #hk  #香港 #香港美食 #美食 #九龍灣美食 #打卡  #九龍灣 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #牛肉麵 #台灣野

早餐食到唔知食咩好，同事有好介紹嘩嘩嘩嘩….超邪惡嘅Cheese bacon混蛋吐司，加埋勁多Mayonnaise感覺食完都要生多嚿肉食落都幾好味，不過都勁飽，捱到中午絕對冇問題連一杯台式飲品，盛惠$37蚊。嘢飲反而一般，唔推薦專門去買嚟飲

午飯時間經過阿里山，見咁多人等緊外賣就行埋去睇下佢餐牌，見到有幔魚飯餐眼光發亮，於是乎就點左一份試試。便當既賣相幾吸引，幔魚既份量都幾大&望落好厚肉，另外有一格係配菜同半隻蛋，加一格幔魚汁，本身跟餐配左杯無糖茶飲，叫左杯熱桂花茶。, 幔魚夠大份，入口軟淋帶有幔魚油香，好味配菜帶有蒜香味道，應該炒過既，仲有少少中華沙律，食幔魚飯 配d 配菜會清新少少，感覺無咁漏。杯桂花茶都幾好飲，有啖啖桂花清香味道。其中仲有1格幔魚汁，對於個人黎講幔魚汁已經好夠，所以其實唔太需要。

職員態度惡劣，食物又一般，又唔係平，無原因令人再幫襯。收銀個男職員態度已經差，之後比我遲買嘅同事買嘅野同我一樣，竟然先拎過我。等左好耐都無，就去問係唔係漏單啦，個中年女職員態度仲差，大大聲話無可能。我問點解遲買嘅人會先拎我過我，明明就係買一樣嘅野，佢就拎一大堆藉口叫我等，又話人地買嘅野唔同我，又話佢啲同事無俾佢，我拎我同事張單出來同佢對質先無聲出，條友係完全唔想幫我睇下張單。成班職員好似唔想做咁，唔會再幫襯囉。

諗住間餐廳有whatspp落單服務就嗌咗先，去到可以即拎，點知去到見店員玩緊自己電話都冇睇過訂單message🥲都算啦，仲要計多咗錢，買珍珠奶茶又唔記得比吸管，搞到又要行返去拎飲管講真，如果係繁忙時間我可以體諒，但係過咗lunchtime黎買都咁多甩漏係不能接受。食物質素普通，如果加埋咁嘅服務就幫襯唔落😓

同同事一齊叫左幾杯台式飲品其中呢杯草莓茉香水果茶十分失望 冇走冰選擇 所以揀左少冰 但實物都係十分多冰 揀左半糖 但係黎到都係超級甜 充滿糖水味所寫既草莓茉香水果茶 但飲落冇新鮮草莓味 而係草莓糖漿..蓋過左大部分茉香綠茶味 水果量算正常 冇話特別多或者少飲品方面應該唔會再試..

🔹九龍灣//阿里山珍珠奶茶便當🔹人均約$40🔹🎀九龍灣宏開道15號九龍灣工業中心地下2A號舖▫️日式紫菜雞肉混蛋吐司 $34份量勁多！三塊丹麥包夾住🤣食到勁飽🤓雞扒好正都幾嫩😚好好味😝蛋黃醬好夾🥰🔹好飽評語依間係外賣店黎架！觀塘開左間新分店係有得堂食😝😝但我未試過，九龍灣依間比較偏僻係屬於工廈區果邊🤣多數叫外賣多🤣🧠回頭指數：9️⃣🧏🏻‍♀️打卡港女：6️⃣🌬冷氣溫度：⏹🚽廁所評價：⏹🧾性價比呢：9️⃣

台式便當 只做外賣 仲包飲品添 （唔記得咗影）雞扒好新鮮 應該即炸因為外賣番去公司 都好脆好脆除左主菜 雞扒之外仲有滷肉汁 溏心蛋 豆腐我諗下次要加底 叫多啲飯先得啦唔係唔夠喉呢不過好似差緊啲蔬菜咁

有時諗唔到食乜就會諗起阿里山，一個便當有肉有蛋有菜，樣樣都有啲😆平日Lunch hour好多人，要買就要預返時間排隊🙈照燒鰻魚拼雞扒便當 🍱 $61便當盒內包含半隻滷蛋，2小塊蕃薯🍠，少許中華沙律，椰菜，半條鰻魚同雞扒（有斬件）雞扒肉質都幾滑，雞皮煎得好香脆😆鰻魚好好彩食落冇乜骨👏🏻滷蛋唔算係溏心蛋，都接近8-9成熟，不過不失啦略嫌中華沙律浸晒啲照燒汁，都唔係幾想食🫢如果可以改變下個外賣盒既設計應該會好好夠多，因為拎外賣返到去食都漏到個盒邊都係汁🙊便當仲送埋一大杯無糖茶，今次揀左凍茉香綠茶，茶味幾清新，消暑解渴👍🏻

屋企人呢排成日食呢間見屋企人食得好滋味同聞到好香叫家人幫手order埋呢間以前食過唔錯炸豬扒滷肉飯除左豆腐無咩味之外其他都好滿意😆炸豬排咬落juicy好正炸雞髀好吸引下次試下先

最近無晚市堂食，有時一個人夜晚又唔想食咁多野，搜尋之下俾我係九龍灣工業中心左近搵到有間台式吐司便當小店，食過一次之後已經回頭再食左幾次🥰 決定要推薦各位吐司控黎試下❤️ 不過要留意店內無位置坐係度食，以外賣為主。🐠起司培根混蛋吐司 $31呢度所有吐司都係即叫即整，吐司使用既麵包係丹麥酥包，加上牛油後係鐵板上煎烘，比起一般方包味道更香，烘過麵包後再加入厚雞蛋，培根，起司各種材料配上蛋黃醬，餡料十足，芝士味香濃，食完確保大家又飽又滿足。🐠黑糖珍珠鮮奶 $28 (如果有買吐司的話飲品是半價的，淨飲先係呢個價錢)牛奶味香濃，珍珠Q彈且煙韌，唔會好似我飲過有d鋪咁d珍珠係會黏埋一團，亦唔會煮到軟爛，黑糖同牛奶既味道層次分明，唔會偏重只有某一種味特別強烈，我個人非常喜歡🥰不過份量略為大杯，加埋吐司一個餐咁食一般我都飲唔曬，如果跟餐可以有得簡細size就唔會浪費喇😆