影片
付款方式
其他资料
外卖服务
以上资料只供参考，请与餐厅确认详情
我同朋友都未食過，聽到好多人講話性價比高既餐廳陳鵬鵬潮州菜館已經攞過大獎嘅潮州餐廳，呢間位置將軍澳POPCORN 商場超級方便，SHOPPINＧ後可以食飯餐廳主打潮汕菜，承諾餸菜不加味精及雞精，以健康手法烹調食物真真正正食到正宗潮汕美食店內擺滿好多新鮮又多種類食材餐廳環境寬敞舒適，地方大大燈光鮮明坐底後店員送來香茶 及 肚臍餅價錢同食物都性價比高一定要讚所有員工都非常有禮貌服務好周到金不煥炒白茄子榮獲香港潮州菜大賽銀獎鯧魚煎到金黃色非常之香，鯧魚切成一件件脆口而且肉質嫩滑文昌雞半隻 $128雞肉既肉質軟嫩有豐富口感雞胸肉都味道清新而不油膩南澳蠔仔烙 $98外層金黃煎得香脆，大大粒蠔仔口感豐富而且非常飽肚金不煥炒薄殼米 $68配飯一齊真的不錯，韮菜粒好有口感少少微辣嫩滑粒粒鮮甜潮州菜必食滷水鵝好香又多肉汁，滷得入味 滷水鵝肉份量很多，熱騰騰肉質鮮嫩酸菜炒肥腸煲 $88酸菜炒大腸好食又開胃配埋飯一流肥腸很爽口很有嚼勁陳鵬鵬潮汕菜將軍澳唐賢街9號PopCorn 1 PopFood 2樓5號舖
继续阅读
.‼️❤️ 記得CLICK我PROFILE關注我呀 ❤️‼️.😋 潮州菜真係好好味 @ 🌟 陳鵬鵬潮汕菜館 🌟.💁♀️ 圖片展示美食為：金獎滷鵝拼盤 HKD 128香煎金鯧魚 HKD 128南澳蠔仔烙 HKD 98海鮮砂鍋粥 HKD 98潮汕七樣菜 HKD 68鴨屎香.🥳 呢間出晒名夠地道嘅潮汕餐廳起將軍澳開左新分店，一有機會即刻黎擦返餐！.🦆 鹵水嘢絕對係潮州菜嘅經典，「金獎潮鹵拼盤」有齊鵝肉、鵝掌、豆腐同鴨血，滷水汁調味好正，唔過鹹但係好入味。.🐠 曾經攞過香港潮州菜銀獎嘅「香煎金鯧魚」絕對係高質，首先魚嘅選了非常之好，肉質鮮味厚實。然後調味一流，煎得香脆，但係一啲都唔油。價錢仲要大眾化，絕對值得試！.🦪 超多人讚嘅「南澳蠔仔烙」有好多肥大蠔仔，滑膩鮮美，地道南澳烹調方法。.🦐 「海鮮砂鍋粥」用有機大米煲，配上蝦、花甲、蠔仔。尤其而家呢種天氣特別適合，好暖胃好舒服。.🥬 呢個「潮汕七樣菜」真係好特別，竟然一碟有齊七種唔同嘅蔬菜！一次過可以食齊白菜、娃娃菜、小棠菜、娃娃菜、西洋菜、芫茜、韭菜！然後加入蠔油炒底，真係好豐富，同時非常之鮮。.😚 潮汕「肚臍餅」作為小食，非常之有誠意又好味。呢度嘢食地道好味，價格大眾化，唔想排隊記得避開繁忙時間呀。.📍 將軍澳唐賢街9號PopCorn 1 PopFood 2樓5號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
继续阅读
知道內地過江龍陳鵬鵬在港開分店、即刻跟家人到Popcorn商場試一試。門面闊落、餐廳燈光充足、座位舒適。放滿新鮮食材感覺像懷舊潮州菜小館、頗有特色。一坐低就奉上熱茶、服務生態度良好。香煎金槍魚香煎的金槍魚皮焦香，內部保持魚肉的結實而嫩滑、魚油的香氣與鹹香味交織，配白飯很夾！來到一定要試它的金獎鹵鵝拼盤、拼盤包括多種鹵製的鵝肉，豆腐、鹵蛋、魚餅等、色澤誘人，鹵水味道剛好沒有太鹹。這裏的海鮮砂鍋粥是即點即煮、粥底綿滑、鮮蝦全部開邊容易食、裏面仲有粒粒蠔仔、口感豐富。 古法醃製的南澳蠔仔炸得酥脆、脆漿沒有太厚粉、保留了蠔仔的鮮味！這裏的餐前小食不收費、免加一服務費、性價比超高！
继续阅读
前排帶丫姨初次北上, 被深圳美食所吸引, 為避過假期北上人潮, 但又能品嚐深圳當地美食嘅味道, 今晚就同丫姨去咗食深圳過江龍嘅「陳鵬鵬」。餐廳主打潮汕菜, 標榜餸菜不加味精同埋雞精, 全日不設加一服務費, 餸菜超時上檯唔收費等承諾, 感覺親民。入座隨即送上功夫茶同埋肚臍餅享用。【金獎鹵鵝拼盤】HK$128潮汕菜必點之一, 同時亦係呢間餐廳榮獲金獎嘅菜式。拼盤包括有軟滑鹵糖心蛋、鵝翼、爽口鵝腎, 同埋肉質嫩滑嘅鵝肉, 鹵得入味唔會過鹹, 墊底仲有兩件鹵豆腐。【南澳蠔仔餅】HK$98蠔餅炸得金黃鬆脆, 表面有油光, 蠔肉juicy有鮮味, 份量比例都唔少。【香煎金鯧魚】HK$128榮獲香港潮州菜大賽銀獎, 幾乎每檯食客必點之一。鯧魚煎到金黃, 外層微脆香口, 魚肉嫩滑, 唔多骨, 不錯!【潮汕七樣菜】HK$68匯集七款不同蔬菜類, 包括有小棠菜、娃娃菜、芫茜、白菜仔、西洋菜、菜心同埋韭菜, 白烚後加豉油, 清甜得黎, 芫茜味好重。【海鮮砂鍋粥 (小份)】HK$98砂鍋粥熱辣辣上檯, 海鮮有開邊蝦, 爽口彈牙; 仲有蜆同埋蠔仔肉, 粥底綿密, 鮮甜味十足!! 而且加上大量莞茜, 清香提鮮, 正!!【鴨屎香檸檬茶】HK$28味道很有青檸嘅澀味, 清新, 間中飲到檸檬肉粒, 甜酸解膩。
继续阅读
晚上未夠6 點走去食，剛好唔駛等，有得直入，簡單嚟講，成間嘢係無service 嘅，例如，坐低後無人理你㗎，無人叫你用QR code, 無人話你知啲茶水可以喺出面自助，啲伙計收你嘢唔會問，啲餸又求其放喺無人坐嗰邊嘅枱邊。講吓食物，大家可以睇吓個白灼魷魚，半條，得8塊好似食剩咁放喺個大碟，最期待嘅鹵水鵝，老實，真係無乜特別，求其一間打冷鋪都可以好過佢。另外衛生都係差啲，我哋後尾加咗一換甜品綠豆爽，碗嘢拎到嚟，揸住隻匙羹個位，係有紅豆沙癡住嘅。最有趣係，我1750入坐，有個負責門口安排入座嘅姐姐喺1825 走嚟話夠鐘，話我啲嘢齊晒。喂，乜唔係90 分鐘咩？妳唔好見有人等位就趕我走先得㗎！係咁先，無下次！
继续阅读