陳仔葛菜水龜苓膏專家 (已結業)

數日前，奴隸獸從新聞得知，又有小貓咪被虐待，因此大動肝火，大罵那些施虐者。主人眼見奴隸獸火氣甚盛，唯有帶它去喝碗葛菜水（HK$5.0）下下火。葛菜水的味道鹹鹹、甘甘的，阿姐告訴我們是用葛菜干，再配其它材料，如雞骨草、羅漢果……等等。味道確是唔錯。渴後，心情稍為平緩了一些。現正呼籲，如發現有小動物（尤其是活潑、可愛、迷人、高雅的小貓咪。）受傷害或虐待，請立即報警求助。多謝您們！

每次落到龍城，都會特登走嚟飲碗葛菜水...料足，色沉鬱，對我嚟講，有如靈丹妙藥...飲完後去食泰國嘢，罪咎感都冇咁強呢

今次飲左五花茶,講真原本唔係好明白五花茶和銀菊露有咩分別,但係經老闆解釋後就明晒啦!五花茶係消熱氣;銀菊露係明目咯!所以我個人比較喜歡銀菊露

今日放工到左呢附近,仲買左杯菊花茶飲添!好味喎!同我自己煲ga有得揮喎! 之前都試過呢度ga火麻仁,又係唔錯喎!唔知你地有無發覺買一杯好味道兼真材實料ga火麻仁真係難呢!我就好鐘意找尋真材實料的火麻仁咯!我知道太子有一間和九龍城有兩間都唔錯,呢間就係其中一間啦!希你地去試下啦!

如果荷里活道的公利,是代表港島區的另類蒲點的話,那麼龍城上的陳仔,就是九龍的代表,兩者唔同在,前者永遠never walk alone,後者永遠一個人去.陳仔的野葛菜水,就是我飲得最多,本身唔使下骨火,去肝熱,每一次來,也照放下$5大銀照飲不誤.野葛菜水味道在湯同涼茶之中間位,檯上有些鹽,有咩用,唔知,人加我又加.理得幾多.為左呢碗水,小弟會定期上門,理得自己有無野要清,彷如麻甩佬,到時到候要一碗老火靚湯一樣.

食泰菜前路經此店要了一杯大火麻仁, 味道幾濃又唔會太甜。食完泰菜後, 帶林小B嚟飲銀菊露, 小B話花味好濃, 唔係得個甜字。其實呢度D龜苓膏非常之掂, 都唔不過賣$25, 我仲覺得佢一定好過許留山, 起碼要熱食時佢係蒸爐攞出嚟, 唔似許留山咁翻叮就算。

人情味極濃，問乜答乜仲有耐性，好專業。而且佢會建議你試某種，亦唔會建議你一次買太多，叫你岩先再買，又俾我試飲。咁做生意的確老實。

佢o地有出特效感冒茶的。記得有次作傷風，咁o岩經過，要了一杯來試。是一杯顏色偏黑的涼茶，入口甘甘地，幾濃o下，要一口氣灌下。第二日，果然好了點沒，鼻冇咁辛苦，也沒有鼻塞，都真係幾有效。遇上唔想睇醫生o既日子，不妨考慮來這兒飲番杯！！

食完泰國o野同越南o野都要行去呢度整碗葛菜水清熱,成日飲皮膚都正o的!仲有龜苓膏添!