陳根記

营业中

休息中

6點鐘用定手機app攞位，去到現場都已經排晒隊了，好彩有晨早攞位，等左5分鐘就入得。現場坐滿客人，好熱鬧。Wasabi手撕雞(例牌) 🐓$100 5/5當係前菜又得，當係主食都得，送飯又惹味，雞肉絲爽口唔淋，雞脾位既嫩肉索曬wasabi油，加埋爽脆既海哲絲火腿青瓜絲，一啖一啖咁夾落口😋😋。好快清晒，食到我好想再encore😝😝。川味腩肉豆腐煲 $98 3.5/5呢煲野等左好耐，等左半個鐘有多，原來廚房整唔切呀🧐🧐，等到頸都長，上菜都熱辣辣，辣得好過癮但過咸，腩肉唔肥有啲乾身，豆腐炸過索曬辣汁送飯一流🤪。地點:石門站京瑞廣場，附近都有唔少餐廳食飯，一直覺得石門好大陸feel🤣🤣，設計同裝修好似。環境:有冷氣吹既大排檔當然坐得舒服啲，坐滿左成個餐廳，同隔離枱都幾近無乜私隱度。價錢:人均100幾蚊，每個小菜都100蚊一碟，係咁上下。服務:有得手機落單既大排檔，有得揀辣度油度幾得意🤭🤭。

由禾輋時代既陳根記一路食到去石門叫小菜小炒依然都咁夠鑊氣煎炸蠔餅/椒鹽鮮魷🙋🏻‍♀️煎炸野香味可口一定冇得輸勝在唔會夠粉太厚份 足料魚香茄子煲🍆任何時候都係我嘅最愛👍🏻咸酸菜豬大腸🙋🏻‍♀️媽咪最愛🤓好特別 我平時唔多食豬大腸 但因為媽咪鍾意食而試左 發現又唔錯而且佢嘅鹹酸菜係用咗甜嗰隻酸菜 幾開胃上湯勝瓜魚肚雞雜🙋🏻‍♀️好耐冇食過咁爽脆嘅雞腎浸落啲上湯勝瓜度 有埋魚肚吸收哂精華👌✨煲油鹽水琵琶豆腐🙋🏻‍♀️多數食小炒都會叫紅燒豆腐煲好少食油鹽水豆腐 呢個豆腐外表有啲似鯪魚球 但係佢係似將豆腐同魚肉攪碎搓一團再煎 連埋個粉絲食 幾特別👏🏻#沙田#石門#陳根記#椰青#小炒#鑊氣#hkig#hkfoodie#hkfood#foodie

專程黎到沙田石門站試呢間好有名既陳根記大排檔其實係為咗個芒果1口脆而黎果然並非浪得虛名要堂食先好食 第一次食係食外賣 放到凍左今次食外脆內軟外面熱辣辣 入面凍冰冰口感非常鍾意❤️晚飯時間都要等一陣位 大概等左15分鐘 甜品需要自己去隔離舖頭到買係落左單等緊既期間過左去買叫左個油鹽水蜆$98 清清地芥末沙拉醬燒骨$85 無特別芒果一口脆$38 超正紅燒乳鴿 $54 正常水平比中上最有驚喜係個甜品應該會為左甜品再黎食多次呀

每次經過都見到很多人，而且標榜大排檔風味所以想試吓，我哋兩人叫了三樣餸，分別係焗魚腸，小炒王及椒鹽鱔。當吃第一啖焗魚腸，唔掂，真係唔好食再上小炒王，真係唔掂，有冇搞錯，小炒王明明係好好味，但呢見到賣樣已覺得《碎碎碎》 一食入口真心不知所謂。最後椒鹽冼更加大失所望，先唔好講鑊氣，連味道都唔掂，就好似煮完鱔再後加椒鹽上碟成個晚餐都超級難食，老公仲話嘥晒我地 quota 即時話呢間黑名單，以後都唔洗幫襯！！！

食物非常一般，但收費並不一般。唔計海鮮類，一碟普通小菜都要九十幾甚至上百，份量又少，味道又一般，真唔意欣賞。就算物價貴都唔會貴成咁。絕對不推介和冇下次。唔明點解仲有咁多人幫襯。

之前舊舖食過 感覺幾好 今次去同事屋企探訪 順道去食 但只有蠔餅較為正常 wasabi手撕雞不夠辣味 個蒸鱔味道不夠 肉質又林林咁 不像平時食嘅味道 椒鹽九肚魚 肉不多 好似好薄 味道不夠香 可以加點辣椒就會惹味d 炒麵好油林林 最後想加個甜品作結尾 但個芒果又凍又冰 冇芒果味 圖不符實 難食到唔浪費嘅我 都不想浪費quota 榴連奶凍 好似食一碗cream 榴連不多 整體來講都冇咩出色 搬咗嚟石門差異太大了 不見議專登去食

陳根記搬到石門後，今次也是第一次幫襯室內大排檔，雖然沒有在禾輋時代的熱鬧，但也保留了大排檔的特色，氣氛也很好！椒鹽豆腐炸蒜頭很香脆，一口豆腐配上鹽水，很有大排檔風味！剁椒鱔片粉絲應該 稱不上是剁椒，完全不辣鱔片只有幾片，而且不太爽口肥美。粉絲就有一大碟蒜蓉蒸蝦蝦味很鮮甜，配上蒜頭一起，很入味送啤酒一流！

以前係禾輋舊鋪基本上每星期都去食，搬左去石門就未試過，知道好多人等好耐，咁年初五一家人想試下就一早去等位，5:45分去到等位8個人飛，6:30有位叫我地入，老人家行得慢仲係地鐵站行緊過黎未黎到得7人，佢一入就數人頭話得6位，我話最頭手抱有過細佬仔，咁佢話都係得7位唔入得，我地話去左洗手間，佢話唔得出去繼續等齊再排過，咁話咁現在改7個人得唔得，又話唔得，有老有嫩等接近1小時，駛唔駛咁呀，已經入座限時90分鐘，真係忍唔住爆句粗走人，垃圾咁不可一世咁唔憂做，食完曉飛咩？咁既待客之道，真係貼錢買難受。

大排檔最緊要氣氛夠，即炒即上熱辣辣，今次叫左蠔餅 炸到好鬆化 入口個鬆化感加埋大大粒蠔，好食到飛起。再黎個大排檔必點椒鹽魷魚，咸香脆辣加埋魷魚既咬口 啖啖椒鹽味咬晒出黎。

👧🏻久違的「大排攤」 - 石門陳根記💁🏻‍♀️😆自從佢搬左去石門之後都無食過了-店舖裝潢想維持以前係禾輋大排攤既感覺 有個鐵皮屋頂 而地下就係石屎地 好懷舊🤭店內有好多張大枱 好適合一班朋友聚會😏🍴原味手撕雞(例牌) $92招牌餸之一💁🏻‍♀️除左有主菜手撕雞外 仲有火腿、青瓜同海蜇 幾足料 幾香芝麻味🍴WASABI沙拉醬燒骨 $88邪惡的WASABI沙拉醬🤣雖然個樣好綠 鮮綠到有d奇怪 但味道都唔錯 有少少似食緊M記既蜜糖芥末醬 而個燒骨就好淋😋🍴豆腐火腩煲 $92份量有d少 得4-5舊🫣但好惹味👍🏻送飯一流🍴椒鹽鮮魷 $98炸皮脆卜卜❤️鮮魷幾有咬勁📍陳根記@石門京瑞廣場二期地下G03號舖

我哋一行三人，平日晚餐時段，座無虛席，非常熱鬧，我哋叫咗四個餸。@豉汁蒸白鱔@豉汁調味剛剛好，送飯一流，如果白鱔可以厚切更加好🤣我最愛食白鱔 😌@豉汁炒鵝腸@鵝腸唔韌 ，口感爽，火候啱啱好😙@椒鹽九肚魚@我哋叫咗啤酒，配椒鹽九肚魚啱晒😋@砵仔焗魚腸@絕對要推介！因為好少地方有得食，所以必叫之一！砵仔焗魚腸，仲可以整到完全唔腥，好好味。總括而言：適合喜歡炒小菜或大排檔風味，必去的地方！性價比高！

聽講未搬前係中大聚腳地點🙈所以去朝下聖環境係成個大排擋搬入商場鋪，所以入面都仲係少逼，但at least 夏天會有冷氣🤣🤣蠔餅🌟🌟炸得好酥脆👍同埋唔會油淋淋蠔都頗大隻，完全唔腥亦都唔算好厚粉，推薦👍👍Wasabi 蟹子手撕雞粉皮其實覺得大排檔叫呢樣野少off，不過啲人話signature (?) 就照叫食完嘅結論就係我感覺係啱嘅🙈唔係唔好食，但我又唔覺得有咩特別無乜wasabi 味其實可取之處係雞肉食落唔嚡無冰鮮味，同埋粉皮好滑時菜粉絲煲想健康啲就嗌左唔係hea 上所以都幾好菜都新鮮

石門站京瑞廣場二期地下嘅陳根記，星期日晚上七點多，全場坐滿，但等咗一陣就有位，雖然位於商場內，但座位就仍係大排檔啲無椅背膠櫈，舒服度就欠奉㗎啦，但就充滿風味，叫咗招牌菜之一黃金頭抽雞$130 、八珍豆腐煲$78、南乳粉絲什菜煲$75、豆豉炒蜆$98、乾炒牛河$75、白飯$14，啲餸好快上枱，頭抽雞好味，肉質非常之嫩滑，大大推介，但數量有限，當日七點幾未夠8點已經售罄，南乳粉絲什菜煲，啲菜比較大棵，食落去比較唔方便，乾炒牛河啲牛肉唔韌，而且食落唔油膩，唔會食完成口油味，另外招牌芒果一口脆$38，即叫即整，芒果唔酸，冰凍，味道確係幾好，整體來講係好好，服務也ok，值得支持.#大排檔#沙田#石門#yummy#dinner#晚飯#推介#芒果

去沙田食飯成日都食大集團，唔係就食連鎖餐廳，今日就坐遠啲去左石門食小菜孜然一條骨 色香味俱全 用手揸住黎食就特別好味😋Wasabi 魷魚鬚 有小小失望炸起後未瀝乾油就上碟 令到魷魚鬚痴埋一齊 但整體係好味既食小菜點可以唔食炒蜆呢🤩 但今日新野 香麻炒蜆 上菜好香 食落唔太辣小麻

門口個阿叔淨係識得嗌Number叫人入問佢有冇外賣拎得 死都話冇本身話7點34分拎得我等到45分都見未有我同個叔講 我已經再等多左10分鐘佢就叫我自己入去問你唔知咩事 你一開始就咪同我講話無啦入到去一問 原來一直擺咗喺舖頭入邊無嗌過no. 以後唔會再幫襯奉勸大家如果以後嗌外賣 特別係經OpenRice order嘅一定要自己入去問佢拎千祈唔好信出邊門口個阿叔佢咩都話無 淨係識得叫人嘟安心出行同埋嗌Number希望陳根記負責人睇到依段文字